إيه ده الناس بتنصح على العام عادي كدا ؟
عادي يعني؟
وشيء كويس؟

ويجي عيِّل لما يشوفني كتاب كومنت على واحد منزِّل صورة مراته وهي محددة أحجام جسمها المختلفة، يقولي: إزاي بتنصحه على العام كدا في كومنت!
المفروض تنصحه خاص

الصراحة بيكون ردِّي عليه، ما دام "مفروض النصح خاص" أنت نصحته خاص؟
طبعًا الجواب بيكون لأ، ووالله لو بعد سنة هيكون لأ

هو شُغل تثبيطي عن النصح والأمر والنهي وفقط

فلو حد عمل معاك كدا، قوله: أنصح أنت على الخاص وأنا أنصح على العام
وبعد كذا يوم اسأله عمل ايه، وافضل زن عليه عشان ينصح

النصيحة هي سلاح البشر السببي في تحسيين صفات أي بشري
.

فتوى من ملتزِمو الأُسر الطلابية:
حضور الحفلات الغنائية والحث عليها والاجتماع على الذهاب لها= حرام
حضور فرح صاحبتي اللي مشغَّلة أغاني والحث عليه والاجتماع عليه= حلال

إيه وجه الاختلاف؟
دي صاحبتي! مينفعش محضرش
وبما إن مينفعش أصرَّح بكوني بعمل حاجة حرام، فبيتم تغليف الموضوع في شكل فتوى دينية

فبدل ما كانت معصية جماعية واحدة، زاد عليها التألي على الدين، والخوض فيه بدون علم
وإيه سبب كل ده؟
عشان "المحترمين" اللي بيدُّوا شرعية للاجتماع على الأغاني، سواء كان الفرح منفصل أو مختلط

هما أحسن من غيرهم؟
والله العظيم هما أسوأ من غيرهم

طالب الجامعة الأمريكية اللي بيحضر حفلة المغنِّي، عُمره ما وقف في صلاة تراويح بالساعات، ولا عُمره قرأ قُران، ولا سمعه بحلاوة قراءتك وسماعها، ولا عُمره سِمع درس ديني وبكى منه، ولا حضر مجالس دينية، ولا يعرف أدلة قطعية للتحريم
لكن أنت معاك كل ده، وفي ثانية ترميه على الأرض، عشان تحافظ على صحوبيتك مع صاحبك!
براحتك

قاعدة: (ثم لا يكونوا أمثالكم)

(وإن تتولوا يستبدل قومًا غيركم ثم لا يكونوا أمثالكم)
.

(فإذا ركبوا في الفلك دعوا الله مخلصين له الدين فلما نجاهم إلى البر إذا هم يشركون)

ممكن تحس معنى قريب للآية، لما تلاقي نفسك في عِز فترة الامتحانات وتوترك وانشغالك ودعائك وصلواتك الكتير جدًا
وإظهار الفشل للناس

ولما تظهر النتيجة وتطلع كويسة:
تبدأ تشكَّر في إجاباتك
وفي ذكائك في اكتشاف ألاعيب الدكتور في الامتحان!
وفي طُرق مذاكرتك المستحيلة اللي كنت بتعملها
وفي المجهود الجبَّار اللي كنت بتبذله
وفي كُل سبب يظهر لك فيه صفة نادرة وفاذّة قدام زمايلك
وميجيش في بالك استجابة الدعاء، ولو لمرَّة واحدة قدامهم إنك تقول بعد ظهور النتيجة:
(الحمد لله ربنا استجاب دعواتي بالنجاح!)
شخصية ظالمة، ولأصحابها أشد ظُلمًا

(وعصيتم من بعد ما أراكم ما تحبون منكم من يريد الدنيا ومنكم من يريد الآخرة)

ممكن تحس معنى قريب للآية، بعد فترة التقرُّب لله اللي بتبقى في فترة الامتحانات من دعوات لمرور أيام الفاينال بسلامة، وبدعوات للنجاح بعد ظهور النتيجة

وفجأة بعد الامتحانات لما تعدي بسلام بدل ما يكون أوِّل همَّك تشكر ربنا وتحمده سواء بالدعاء أو بالصلاة ركعتين؛ تلاقي أول همَّك: احتفالات حرام قدام الكليَّة؛ بأشكالها المختلفة
وكذلك لما تظهر النتيجة

هتشكر ربنا بعدين، بس المهم تفرح دلوقتي؟؟؟
أنت راضي يعني بالترتيب ده؟
ومتخيِّل إن الموضوع في إيدك، وهتعبد ربنا بعبادة الحمد في أي وقت تريد؟

ماشي براحتك، بس خليك فاكر حديث النبي صلى الله عليه وسلم:
(إنما الصبر عند الصدمة الأولى)
أول شعور ليك ورد الفعل منك، بعد نعمة ربنا عليك كانت إيه؟
.

ليه تحضر فرح فيه أغاني، ويبقى حلال بالنسبة لك، ومتحضرش مكان فيه خمور؟
ومتحضرش مكان فيه مخدرات؟
ومتحضرش مكان فيه رقاصة؟

ما هو الشرعية اللي بتديها للمكان اللي فيها معصية جماعية، حتى لو أقل معصية (على حسب زعمك!) هتسحب وراها بقيت المحرَّمات، لأن بالنسبة لك الأغاني حاجة تافهة! وبالنسبة لشخص تاني الخمرة حاجة تافهة! وهكذا
هنمشِّيها بآرائنا الشخصية؟
ماشي تمام مفيش مشكلة
دينك هواك، عادي
المهم متلزَّقهاش في الدين الله يخليك
عشان هتاخد على دماغك مننا، قبل ما تلاقي حسابك في الدنيا وفي الآخرة من ربّ الدين اللي أنت أهنته

غالبًا مشكلة النصيحة، إن الشخص المتلقِّي لما بيشوف نصيحة
بيبص في نفسه وفي أبوه وأمه وفي إخواته وفي أصحابه، بيلاقي الموضوع بعيد أوي، وصعب التغيير، فبالتبعية بيكسل هو كمان يعمل بالنصيحة، وبيفضل عايش معاهم على الدين العام بتاعهم
لكن المفروض مش كدا، المفروض تفضل عايش معاهم عادي جدًا، وتفضل تنصحهم عادي يوميًا، مفيش مشكلة، وتفضل عايش معاهم وتتعامل معاهم وكل حاجة، ما لم تكن حرامًا، ولما تيجي حاجة حرام تنصحهم ميعملوهاش وبس، لو أصرُّوا يعملوها، امشي ويعملوها هما
وهكذا لحد ما أنت تموت أو هما يموتوا
عادي جدًا
مش لازم هما يتغيروا عشان أنت تتغير، أو تفضل زيهم لو مرضوش

النبيين كانوا عايشين مع عُصاة ومع كفّار في بيت واحد، لحد الموت، واللي كانوا بيعملوه كان النصيحة ليهم اليومية، وعدم المشاركة معهم في حرامهم
.

فيه تلات مواقف حصلوا قريب
المفروض كانوا بالنسبة ليا مفاجأة، عشان للأسف الشديد مش متعوِّد على النماذج دي
هجيب الاسكرينات بتاعتهم وابعتهم
المواقف اللي بتميزها الرجولة سواء من راجل أو ست

بس هيفضل الموقف اللي أتمنى أشوفه على صعوبته، واحد ينصح صاحبه وهو بيعزمه على فرحه، فصحابه يقوله: بس الكلام ده حرام، إلغيه أحسن، وصاحب الفرح يلغي القاعة ويلغي الميكب ارتست والمحرَّمات دي
ويعمله بشكل متناسب مع الدين الإسلامي
.

ربنا يحفظها ويثبتها
من النوادر
ده لو جه لواحده برد، مش بتشوف قدامها تحت بند "أنا تعبانة ومضطرَّه!"
إن الست تتعامل مع راجل، دي بقت أسهل حاجة للأسف، ويستندوا على جدار وهمي مايل اسمه "الظروف" وافتراض الأسوأ دائمًا في حالة تعامل الست مع ست زيها
لكن في حالة تعامل الست مع راجل، مفيش افتراض لأي سوء نهائي
ويكأنها تحريف بسيط لعقيدة: من بيديه الإحياء والإماتة؟
جنس البني آدم بيُحدد من يعيش ومن يموت؟
لا إله إلا الله

سلام على كل قابض على الجمر، سلام على المستمسكین بدینهم، الثابتین على الاستقامة قدر وسعهم، رغم ضغط الأسر، ولوم الأقارب، وسطوة الواقع، وتفلت الأصحاب والأصدقاء من التدین.

سلام علیكم جمیعا .. في زمن التفریط والخطأ والعوج والزیغ والانحراف والانتكاس.

وسأحكي لك طرفا مما حصل معي منذ سنوات طویلة:

بعد أن انتهیت من الصف الأول الثانوي بدأت رحلتي، وكعادة أي شاب یرید الالتزام؛ بدأت بالنظر في واقعي أرید تغییر نفسي وتغییره، فأخبرت نساء عائلتي الأجنبیات -كزوجات أخوالي ومنماثل- أنني لن أصافح امرأة منهم بعد الیوم، ولن أخالطهم في عید أو مناسبة اجتماعیة، وسأزور الجمیع إن أذنوا لي في أوقات مختلفة عن البقیة.

لم یحملوا كلامي في أول الأمر على محمل الجد؛ ففي أول مقابلة مع زوجة خالي وأمها رفضت مصافحتهما، فغضبوا وغضب الجمیع مني، فلم أبال.

ثم بدأت في الإنكار على أسرتي ما یحصل في منزلنا، ففي أثناء نصح أخي الأكبر بالاقتصار على نفسه في سماع الأغاني -بوضع سماعة أذن مثلا- وعدم إكراهي على السماع معه، لما رفض؛ ركلت الجهاز بقدمي ركلة أوصلته لآخر المنزل متحولا لمائة ألف قطعة؛ فتشاجرنا.

في أوقات الطعام طلبت منهم عدم فتح التلفاز هذه السویعة القلیلة فقط مراعاة لوجودي فرفضوا، فتحولت بغرفتي إلى البلكونة وكنت أنام فیها صیفا وشتاء، وأتناول الطعام وحدي لعدد من السنین، بسبب أنهم لم یرضوا بالتنازل عن سویعة تافهة كهذه.

المهم .. أن الثبات على مبادئي أرضى عني الجمیع بعد ذلك، واحترموني كلهم، وحتى أسرتي وأبوي تأثروا بي وزاد تدینهم مع الوقت، وكان خالي المهندس الكبیر یطلب مني كل فترة -وأنا بعد فتى في الجامعة- الحضور لمنزله؛ لیأخذ رأیي ویشاورني في بعض الأمور أو سماع بعض المواعظ، ویسألني: في ماذا تقرأ هذه الأیام، فكانت عاقبتي التقدیر من الجمیع، حتى مع من يخالفني منهم أو یبغضني.

ثم .. مرت السنوات سریعا وتزوجتُ من أرید رغم مخالفتهم أجمع وعدم رضاهم عن منطق الزواج نفسه ثم عدم رضاهم عن الفتاة المختارة لالتزامها، وملكت أمري جمیعا، وبنیت بیتي على ما أحب.

فنصیحتي لكل شاب أو فتاة یتعرض في بیته لتضییق أو سخریة أو ضغط:

اثبت على دینك، واثبتي على حجابك، واستعل باستقامتك، فلست مخطئا، ولا تشاركهم في باطل أوعوج، ولا تستجب لأي ترغیب أو ترهیب، فقد رأیت أحد أصدقائي استیقظ یوما على والده وهو یحرق لحیته بالنار، وحكت أخت من الأخوات أن والدتها مزقت نقابها وخمارها وجمیع ملابسها، لتجبرها على لبس البنطلون مرة أخرى، وأخرى كان والدها دائم سب الدین لها عند كل خلاف؛ فما استجابوا لهم، فاثبت على التزامك مهما حصل.

ومع ذلك فأحسن إلیهم جمیعا قدر استطاعتك واخدمهم بما تقدر علیه، وتحبب إلیهم بالهدایا والكلام والرغي فیما یباح، واجعلهم محل دعوتك، وركنا في دعائك، وسترى النتیجة بعد فترة.

وفي نفس الوقت، ابحث عمن یثبتك، شیخا أو معلمة، وكون لنفسك مجالا جدیدا من الأصدقاء المستقیمین، وتزاوروا إن أمكن، واجعلهم دائرتك التي تفضي إلیها وتفضي إلیك، فبالأصحاب یهون الطریق وتذلل العقبات.

وعلیك بالعلم فهو ركن ركین من أركان الثبات، عش مع الكتب وصادق المؤلفین وزر المعارض والمكتبات، ولخص الدفاتر واكتب الفوائد، واستمتع بحل المسائل العویصة والسماع من الأكابر.

ستمر السنوات سریعا، وستتزوج وتتزوجین من تحبون ومن ترضون دینهم، وعند الصباح یحمد القوم السرى.

الثبات الثبات .. فعاقبته طیبة عاجلا وآجلا.

لصاحبه.

من أفضل البوستات اللي ممكن تقرأها

للأسف كُتر استعمال ألفاظ: "القابض على الجمر" و"كل ما دون الجنة دون" و"العيش عيش الآخرة" والعبارات دي، كُتر استعمالها من أشخاص على الميديا، وفي الواقع معاملاتهم خلاف كلامهم، فجه في الذهن تلقائي إنها شعارات عادية يدوب تكسب بيها كام لايك وخلاص
لكن هي في الأصل معظمها أحاديث نبوية، ومعظمها معانيها عظيمة بجد

اقرأ البوست، تلخيص سريع لمعنى الرجولة
ربنا يحفظ الشيخ ويثبته ويمتعنا برؤيته
.

كلهم حولي، ولكني بدونك وحدي

أكتر الصيَّاحين بعد الامتحانات، وبمعنى أصح: الجازعين-الجاهلين-الكُفُر
أكترهم بيكونوا:
هما الغشَّاشين في الامتحان
وأكتر ناس حلَّت في الامتحان
ومحدش منهم بيشيل نص مادّة حتّى

ومعظم الناس الصامتة وبمعنى آخر: راضية
هما اللي مش بيغشّوا
وهما اللي بيشيلوا مواد

وفي النهاية:
(ومن يشكر فإنما يشكر لنفسه ۖ ومن كفر فإن الله غني حميد)

(بسم الله الذي لا يضر مع اسمه شيء في الأرض ولا في السماء وهو السميع العليم)

يا رب ننجح

الحمد لله رب العالمين
يا رب تكمل على خير
.

هيفضل "المتفرِّجين" هما الفئة الأكثر سوءًا في أي مجتمع
في الحرام؛ يرضوا به، ولو عن طريق السكوت
وفي الحلال؛ ينظَّر عليه، لحد ما يخلِّي ملوش هيبة ووجاهة في عيون الناس

ولسه المتفرِّج شايف نفسه من كِبار أهل الصلاح (عارف الزيتونة) زيتونة الدين وخلاصة الحوار، في أي وقت يقدر يرجع وفي أي وقت يقدر يلم الليلة!
وفي باقي الحياة، هو متاح له يعمل اللي هو عايزه، لأنه عنده مبررات وحِجج وأدلَّة يقدر يطلع بيها من زَن أهل الحق عليه، وكدا كدا هو موجود في وسط المتفرجين أصحابه، فأهل الباطل مش شايفينه غريب!

لكن لا تقلق، الموضوع مش مطوِّل، بيحصل غربلة وبيحصل اختبارات وابتلاءات عشان الشخصية دي سواء كان متفرج أو مهزوز
قال الله:
( ما كان الله ليذر المؤمنين على ما أنتم عليه حتى يميز الخبيث من الطيب )
وقال النبي صلى الله عليه وسلم:
(حتى يصيرَ الناسُ إلى فسطاطَين ، فسطاطُ إيمانٍ لا نفاقَ فيه ، وفُسطاطُ نفاقٍ لا إيمانَ فيه)
والكلام في الموضوع ده كتير والأدلة أكتر
ونتمى السلامة من الابتلاءات والاختبارات، والثبات من الله إن وقعت

لكن؛ مفيش لون تالت
"لا دار وسطى بين الجنة والنار؛ تصلح لأولئك الوسطيين".
"لا دار بين الجنة والنار؛ تنتظر المذبذين بين سبيليهما".

لإما متفرَّج تتعالى بمعلوماتك الضئيلة على العبادة، وأكيد ده مش لسان حالك، بس أكيد ده لسان أفعالك

لإما مهزوز عامل حياة راقية متعايش بين الطاعة والمعصية

يا رب نسألك الجنّة والإيمان الخالص
.

أنا بصراحة هفضل شايف شريحة "العارفين" بأحكام وحرمات الشريعة، وداقوا من الدين وانغمسوا فيه، ومع ذلك مجاهرين بالمعاصي وخصوصًا ما عمّ به البلوى من أفراح وربا وأغاني وسجاير وتبرج وغيره، بأقداره المختلفة، حتى لو أقل القليل، بس مع مجاهرة
أسوأ بكتير من الفئة البعيدة تمامًا

وهيفضل حُبِّي لفئة راقصوا الساحل، أفضل من حُبِّي للفئة العالمة العاطلة دي!

ده رأيي الشخصي، وعادي يتغيَّر لو لقيت دليل يهدم كلامي طبعًا

وحديث أول من تسعَّر بهم النار ثلاثة، منهم: (عالم)
عالم بالحرام، وواقع فيه مع العلم، مش مجرَّد ذلّة وغفوة
وكمان الحرام في الحديث كان حرام النيَّة، يعني مكنش فيه مجاهرة بمعصيته
فما بالك لما يكون عالم وعاصي على علم ومُجاهر !
مصيبة سوداء، ربنا يعافينا منها

وهيفضل نسبة توبة البعيد أكبر من العالم العاطل
ونسبة التماس الأعذار للبعيد أوسع

وهيفضل العالم العاطل المجاهر شغَّال في حملته في الصد عن سبيل الله باسم دين الله وبديانة دين الله !

يا رب احفظنا وثبتنا، واستعملنا ولا تستبدل بنا
.

لما ربنا ييسرها معاك وتفتح مشروع أي محل، متشغلش أغاني في المحل
الأغاني ليها مكانها المخصص: (الكبارية)
أظن ده المكان الوحيد اللي الناس بتروحه فعلًا قاصدة سماع الأغاني والرقص
لكن محدش بيروح القهوة عشان يسمع أغاني، أنا رايح أستريح وأشرب شي
ومحدش بيروح البلايستيشن عشان يسمع أغاني، أنا رايح ألعب، ومن ضمن متعة اللعب إنّي أسمع صوت اللعبة مش الأغنية
ومحدش بيروح المطعم عشان يسمع أغاني، أنا رايح عشان آكل
فملهاش لزمة تضيَّق على الناس نفسيتها في حاجة هما مش جايين عشانها
ببقى قاعد في المكان بتمنّى أخلص رغبتي المقصودة بسرعة وبكروتة، عشان الصداع اللي شغَّال في الخلفية
حتى بتدخل جوا الخصوصية بتاعتي، ومش بعرف أصوّر فيديو شخصي، أو اسجل ريكورد

رزقك مش هيزيد لما تعلِّي صوت الأغاني في المكان
لأنه بالأساس الناس مش جاية عشان تسمع أغاني 🤷🏻
ولا الأغنية هتشد الزبون من برا المحل، فهيدخل يسمع
فالرَّحمة
.

مش عارف ليه بيعملوا في المحلّات أماكن مخصصة لغير المدخِّنين
ومش بيعملوا أماكن مخصصة من غير أغاني
معقولة كل الناس اللي جاية دي، عادي حابّة تسمع أغاني؟
ولا هو إجباري؟
دي ميزة في المحل يعني إنه البلاي ليست أروع من باقي المحلات؟
أنا مش جاي والله عشان حلاوة الأغنية

مواقف كتير أوي عدِّت عليا، اللي كان بيطالب بقفل الأغاني وبيتخانق عشانها، كان شخص ملوش مزاج للموضوع، أو مصدع، أو في حالة حزن بسبب حالة وفاة
.