أكتر عيب شوفته في الرجالة المتدينة: الحسد والغيبة
وأكتر عيب شوفته في الستات المتدينة: الغيبة والحسد
وبيتموا بشكل جماعي كمان، ويكأنه حق مكتسب
والاتنين من كبائر الذنوب

ممكن اللي شايف اللي مقاطعة المنتجات أهم من مقاطعة حفلات الحرام الجماعي يعرفني السبب؟ يبعت على صراحة كدا أسبابه، أشوف وجهة نظره

حملات مقاطعة المنتجات لو مش وقودها بالدرجة الأولى جانب ديني هتختفي مع الوقت

زي بالضبط الرجالة أصحابنا اللي في أول دخولهم الكلية كانوا بيتكلموا عن مصطلحات الرجولة والدياثة ولبس مراتي وأنت تبقى كذا لو وافقت إن مراتك ترقص قدام الناس أو تنزل صورها على الفيس أو صاحبك يصورها في الفرح وخلافه، وده كله مكنش له خلفية دينية، محدش منهم كان بيقول حرام، لأ، كان بيقول: رجولتلك مينفعش، ده أبو جهل يستحي يعملها

للأسف كل اللي كان بيتكلم بالنبرة دي صور زوجاتهم/خطيبتهم مالية الفيس وستوري الواتس، وفيديوهات رقصهم على تليفونات أصحابي، أصل مع اختلاف المسميات، بقى اللي يمسك تليفون ويصور مراته صاحبه في الفرح وهي بترقص الموقف ده اسمه: جدع وصاحب صحبه ورجولة!
مع إننا كلنا عارفين النقد والتجريح اللي بيحصل في البنت وجمالها وتفاصيل جسمها وحجم جسمها بعد الفرح على شاتات الواتس! دي عمرها ما كانت رجولة ولا صحوبية إني أصور صاحبي وهو بيرقص مع مراته

وأحسنهم حالًا اللي ناوي ميعملش القرف ده، بس عادي بيحضر القرف ده لأصحابه!
إنك إذًا مثلهم

اللهم لك الحمد

بريفكتو🤷🏿‍♀

والنساء اللي لابسة لبس شرعي بتتصور مع النماذج دي بدون أدنى حرج!
تشريع وتمرير وموافقة للباطل ورضا بانتشار مجاهرة الله بالكبائر وقول ما شئت

والله واجب على كل راجل مسؤول عن بنت -مهما كان لبسها-، إنه يشترط عليها أقل الإيمان أنها تمتنع عن التصوير مع أي بنت -مهما كانت درجة قرابتها- متبرجة بزينة في وجهها أو متزينة بحجابها أو تظهر من جسمها أكثر من الوجه والكف

ويزداد الوجوب والإثم في حالة لو البنت لابسة لبس شرعي، بحكم الشرع والمعرفة بالدين
ويزداد الوجوب والإثم في حق ما لو كانت المتبرجة من الأهل أو الأصدقاء المقربين، فهي أولى بهجر التصوير معها
ربنا قال: وأنذر عشيرتك الأقربين

والامتناع من التصوير أقل الإيمان في طريق الحد من انتشار كبيرة من الكبائر!
أما الواجب الفرض الأهم هو عدم التصوير بديهيًا ونصح البنت إن الي عاملاه في نفسها حرام ومن كبائر الذنوب، ولو ماتت على ما هي عليه فالنبي صلى الله عليه وسلم توعدها بعدم شم رائحة الجنة
وربنا عدل ولا يظلم أحد، من تتصور مع المتبرجة فلها كِفلٌ من إثمها ووعيدها

فين حق الإسلام أولًا
وزكاة علمك بالدين ثانياً وزكاة العلم نشره
وحق القرابة ثالثا
وحق الصحوبية
وحق الجيرة
وغيره!

إنسان بيُحيط نفسه بمجموعة من الفشلة دينيًا -وهو عارف وكل الناس عارفه- عشان يريّح ضميره ويحس إنه مأدي ما عليه وزيادة في العبادة والدين!
مع إنه لو أحاط نفسه بالمتقين دينيًا (وأقل التقوى عدم المجاهرة بحرام) هيحس نفسه أقل من أقل مسلم
لكن عشان تأنيب الضمير والجري في سباق تحصيل الفلوس والشياكة بيحسس نفسه إنه مسلم زيادة عن اللزوم بسبب إحاطته بمجموعة من المجاهري بعصيان الله جهارًا نهارًا سواء لو راجل مجاهر بغيبته وشتايمه أو لو بنت مجاهرة بتبرجها وغيبتها

مع إن آيات الهجرة واضحة وصريحة وكلنا بننزلها (يجد في الأرض مراغمًا كثيرًا وسعة) وحاليا مش هتروح بعيد كل منطقة وكل حي أصبح فيه ناس بتكف عن المجاهرة بمعصية الله

زي إنسان بيُحيط نفسه بمجموعة من البخلاء عشان يحس إنه كريم ومعطاء وينفي عن نفسه صيغة البخل
إلخ إلخ إلخ في أي صفة

مش هتلاقي استخدام لكلمات: حرام وحلال
ودي نقطة منتشرة وسط الوسط ده، عدم استخدامه للمصطلحات الشرعية عشان يكسب شريحة أكبر من الناس، أو عشان ميبنيش عداوات مع الناس، مش عارف والله فلسفتهم أيه بالضبط
ومع ذلك هتلاقي آلاف الناس بتشتمه
عشان يتحقق قول الله تعالى: ولن ترضى عنك اليهود ولا النصارى حتى تتبع ملتهم!

يعني ايه مفيش حاجة عندنا اسمها كذا؟
عندنا ده الي هو مين؟ المصريين؟ المسلمين؟
طب هي حاجة مش موجودة حلال ولا حرام؟


وأنا ممسحتش اسم أبو زيد لأنه منزل على قناته ترشيحات لأفلام ومسلسلات! بحجة أنها مفيهاش مناظر إباحية! ويكأن الحرام في المشاهد دي بس تحديدًا وبيقول: مفيهاش مشاهد خارجة، وكتبت ساعتها إن الأعمال دي مليئة بالمشاهد الخارجة دينيًا

وإذا كان "الدايت" مش عندنا على حد قولك، فأيه الي خلاه حلال في الأعمال الفنية دي؟ إنه تحت أطار تمثيلي!!

خطاب سخيف متجرّد من أدنى المبادئ

بيقولك:
الفيلم ده بدون مشاهد خارجة، فعادي تشوفه!

المشاهد الخارجة هي:
مشاهد فيها اختلاط بين راجل وست غير محارم
مشاهد فيها كشف عورة الست أو عورة الراجل
وعورة الست كلها، أو كلها ما عدا وجهها وكفَّها
مشاهد فيها أغاني
مشاهد فيها رقص
مشاهد فيها كذب لإضحاك الناس
مشاهد فيها تريقة على شعائر دينية
مشاهد فيها تزوير للتاريخ
وخلافه

لكن لو تقصد بالمشاهد الخارجة مشهد من مشاهد مقدمات الزنا، فدة مش مشاهد خارجة، ده فُجر

فلو فيه فيلم بدون مشاهدة خارجة عن تعاليم الدين، اتفرج عليه مفيش مشكلة

ونصيحة عشان محدش يتفن بحد من المشاهير ويجي يقوم القيامة يلاقي نفسه بخلاف ما كان متوقع

الوسط المشهورين بأنهم ناجحين في الدنيا والدين
الوسط الوسطي بصبغة الدين
الوسط الي فيهم مجموعة أغلبها أكس دعاة وملتزمين

الوسط ده حاليآ جزء لا بأس منه بيكون صف أول في الأفراح المختلطة الحرام ومعندوش مشكلة مع الأغاني والمسلسلات
وبالتالي الحاجات دي بتأثر على طرحه في فيديوهاته، فمتحطوش في خانة الناجح في الدين والدنيا
لأنه للأسف الشديد مش كدا
عشان متتفتنش بيه وبالطرح الي بيقدمه وبأفعاله

أول ناس بتشير الكوميكس دي هي أول ناس بتعمل الحاجات دي

أصل الموضوع ما دام هيخرج منه الوازع الديني وحرام وحلال، فباقي الشعارات بتختفي مع الوقت وكثرة المشاهدة

حضور أفراح أشباه الرجال دول ليها أثر كبير جدًا على الإنسان

هتلاقي الشخص لما يحضر فرح إسلامي يتمنى فرحه يبقى كدا، ولما يحضر فرح عرض محارم هيتمنى فرحه يبقى كدا
والغلبة للثابت على مبدأه

لمن يسأل أنا موقف نشر شِعر حتى انتهاء الحرب بإذن الله، يا رب عجِّل فرجك على عبادك في مصر والسودان وفلسطين والشام وسائر بلادك

https://t.me/sheen2239

في الوضوء يستحسن إن يكون قدامك مرايا عشان لو فيه نقص في الوضوء تعرفه
وأكتر النقص بيكون في حدود الوجه وفي حدود الذراع من عند الكوع، المية مش بتغطي الجزء المجزئ في الوضوء
فلو قدامك مرايا وأنت بتتوضأ بعد ما تخلص غسل أيدك وهتمسح على شعرك، هتبص في المرايا لو لقيت المية مغطية الجزء المجزئ خلاص، لو لقيت فيه جزء من الذراع أو الكوع مش عليه مية، فارجع اغسل الذراعين ثم امسح على الرأس وأكمل الوضوء
بعض الناس بيغمض عينه عن النظر لأجزاء الوضوء عشان خايف لأحسن يلاقي جزء مش عليه مية فيضطر يعيد الوضوء من الأول، لكن أنت مش مضطر تعيد الوضوء من الأول أنت هتعيد من أول العضو اللي فيه النقص بس

أنا أشهد على نماذج من الناس فضّلت الشياكة وأنها تعيش حياتها على الالتزام ببعض أوامر الدين اللي في نظرها -مقيدة للأناقة والشياكة والطموح والاستمتاع بالحياة-

والله العظيم حاليآ مطحونين بأضعاف أضعاف ما كانوا عليه قبل ترك جزئيات الدين
لا فيه اهتمام بالشكل ولا فيه شياكة ولا كاريزما ولا حاجة، بل أصبحوا بخلاء كمان، بقت الفلوس عزيزة، ويعدي الأسبوع ورا الأسبوع لا فيه انجاز يُذكر أو حضور في الدين أو في الدنيا، فقط حضور الشغل والانصراف

وصدق سيدنا عمر: نحن قومٌ أعزنا الله بالإسلام، فإن ابتغينا العزة في غيره أذلنا الله
قال النبي صلى الله عليه: (جيفة بالليل، حمار بالنهار، عالم بأمر الدنيا، جاهل بأمر الآخرة)!

عليك أن تتوقع من الله ما لم يتوقعه عقلك..
سبَّب سبب بسيط جدًّا: ألهم المعلمة التهوية
وكان سبب في زرقها بزيارة بيت الله الحرام
إنه على كل شيء قدير..

بيعدِّي علينا عشرات المواقف اليومية اللي ممكن كانت أسباب لينا لفتح من الله، لكن للأسف كسّلنا عن الفعل بحجة عدم الجدوى

حواليك ناس كتيرة مقاطعة وبتتكلم عن المقاطعة فعشان كدا أنت مش بتتكلم عن المقاطعة، عشان حاسس إن الناس كلها بتتكلم، واللي مش مقاطع هو حُر بقى مهما عملت هو هيفضل مش مقاطع؟

الصفحة الرئيسية اللي بتظهر لك ومحتواها مش زي باقي الناس، أنت عندك محتواك كله اللي بيظهرلك عن غزة وفلسطين والمقاطعة، غيرك ملايين والله مش بيظهر لهم بوست واحد فقط عن حرب غزة وافتكروها وقفت

الشاهد أنك ما دام بتمتلك أكونت على أي منصة اتكلم عن الحرب وعن المقاطعة وعن الدين وعن الحلال وعن الحرام، وكرَّر وعيد وزيد في نفس المعلومات بنفس الصيغة أو بصيغ مختلفة، أكيد إحنا مش هنوصل لبلاغة القرآن وإننا نذكر نفس القصة أو نفس المقولة كذا مرة لكن في كل بيبقى ليها معنى مختلف وشاهد مختلف بحيث ميحصلش ملل من تكرارها، لكن سلاح التكرار هو سلاح الأنبياء، هو السلاح اللي آمن به ملايين الناس، هو السلاح اللي تاب به ملايين الناس

اعرف أنك لو زهقت من التكرار ففيه واحد ربنا كان جعل هدايته على أيدك وبكسلك ضاع منك هذا الفتح

متبصش لمنظور ضيَّق بسبب إنك الأكونت بتاعك مليان كلام عن غزة والمسلمين

حتى لو فيه شخص واحد عندك الأكونت بتاعه مفيهوش ولا بوست بيتكلم عن غزة، خليك أنت المتنفس بتاعه

اتكلم عن البديهيات، والأخبار والأحكام الي فاكر إن أي حد معاه موبايل ونت عارفها، لعل شخص واحد يكون معرفته عن الموضوع بسببك

ما تسيبوا الناس اللي ماتت في حالها، سيبوا أم كلثوم وعبد الحليم حافظ وبقيت الناس اللي ماتت في حالها، مش هتموت لو منزلتش جزء من أغنية ليهم على صفحتك، لكن لما تنزل جزء من أعمالهم الحرام فتفتح عليهم جبهة نار
سيبوا الناس في حالها، لعل لما نموت الناس تسيبنا في حالنا
فيه مغنين كتير عايشين وممثلين كتير عايشين يغنوك ويكفوا شهوتك الحرام بدل الناس اللي ماتت
والصراحة معرفش إزاي حد يجيله شهوة لسماع أو مشاهدة واحدة ست بتعصي ربنا وهي ماتت وجسمها اتحلل

يا رب بُشراك

- هيظل تفاعل أي امرأة مسؤولة مني بصورة لبنت على الميديا -حتى لو بلبس شرعي- مشكلة بالنسبة ليا، وما دام قولت لها أن ده غلط وبيضايقني وهي وافقت، يبقى لو هي عملتها فده داعي لإقامة مشكلة، لأن التفاعل ده خط أحمر بالنسبة ليا، وهفضل شايفه تعاون على الإثم والعدوان
حتى لو بالنقاب؟
يعني هي لابسة النقاب عشان تاخد كارت بإباحة العرض على الميديا!
- فضلًا عن نزول صورتها الشخصية حتى لو بالنقاب