رأيي الشخصي:
إن صاحبي الحفلات الجماعية (أفراح- خطوبة- حفلات تخرج- إلخ) أو حاضريها أحقر من مشتري منتجات المقاطعة
شخص حاضر حفلة يُعصى الله فيها جهارًا ثم إن وقت الحفلة في وقت ما إخواتنا بيضربوا في القطاع لهو أحقر من شخص يجلس في مطعم كنتاكي في وقت الضرب!
وكلاهما يتنافسا في الحقارة والدناءة بل يزيد حاضر الحفلة على الإثم الشرعي المؤكد وعلى التعاون على الإثم والعداون

بدون عصبية أخي حاضر الحفل أو صاحبه، قارن بين حقارة فعلك وحقارة فعل شارب البيبسي، من الناحية الفردية، ثم من الناحية المجتمعية وتأثيرها على الدين، ثم من الناحية الدينية، ثم من ناحية نصرة إخوانك
والله لو حاضر الحفل شخص لم يعمِه التعصب لفعله عن الحق، لوجد اختلافًا كثيرًا، واستحقر فعله ونفسه، واستغفر وأناب، وأعلن عن توبته!

الاحتلال الإسرائيلي أحقر وأنجس دولة على الإطلاق هي وشعبها
لا يضاهيها في الحقارة إلا أمريكيا

فياريت الناس تخف شتيمة شوية في الشعب المصري، لما تلاقي الشعب المصري نزل أرض غير أرضه وبدأ يستوطن فيها لحد ما تملَّك أكثر من نصفها وأنشأ لنفسه دولة، أبقى أشتم فيه
لكن حاليًا وجِّه نقدك للحرامية دول
لكن مش عشان شوية مباني ومصانع وطرق نظيفة تغض الطرف عن إنهم شوية حرامية محتلين أسوأ من أسوأ مصري

لو كانت عملية المقاطعة هي شماعة للتثبيط عن التبرع لإخواتنا أو حضور الحفلات المحرَّمة تحت غطاء: أنا مقاطع المنتجات الأمريكية، فبئست المقاطعة والله، وبئس التفكير
بل الأولى: الصلاة بنية تفريج كربهم والدعاء لهم
ثم الانتهاء عن الحفلات الحرام
ثم التبرع لإخواتنا ما أمكن
ثم المقاطعة في المرتبة الرابعة

كان النبي -صلى الله عليه وسلم- يحب أن يكون في بيت عائشة، لأنها كانت أحب أزواجه، فعرفنا أزواجه أنه يحب ذلك فتنازلنا واتفقنا على أن يكون في بيت عائشة
وكانت عائشة قريبة منه جدًّا، فجعلت ماسكة به محتضنة إياه فمات ما بين صدرها ونحرها وهو يقول: «بل الرفيق الأعلى، بل الرفيق الأعلى»!
صلى الله عليه وسلم، وما أجمل ما قاله صاحبه أبو بكر الصديق لما رآه بعد الوفاة وقبَّله ما بين عينيه قائلًا: بأبي أنت وأمي طبت حيًّا وميتًا

‏شهداء اليوم في رفح كانوا يحتفلون بقرار وقف النار امبارح

فأراه مشغولاً بنشر محتوى حرام؛ فأحتقره

فجرًا الكشف الطبي للتجنيد، ربنا ييسر 🤷🏿‍♀

معرفش الصراحة الناس أصحاب المقاطعة مش بيقاطعوا منتجات آبل ليه!!!
يعني لو كان البيبسي بـ15 جني، فأقل منتج من منتجات آبل بـ15 ألف جني!
+ إنها مش ضرورية
+ إنها أمريكية محضة لا خلاف فيها!
ما اللي مش مقاطع آبل لو شايف فيها خسارة إنه يبدل تليفونه أو ميشتريش اكسسوارات للتليفون، فـ ليه يلوم على اللي بيشرب بيبسي؟ ما أنت مقاطعة آبل بالمكاسب الخرافية من منتج واحد أشد من مكسب إزازة بيبسي واحدة!

احذر أن تتعامل مع المقاطعة بالهوى، وتدخل تحت آية: لما تقولون ما لا تفعلون

يسطا يعني أنت بدل ما تنصح البنت اللي بتتصور معاها وهي متبرجة بلبس أو بزينة (سواء محرم، أو بنت وصاحبتها) تروح تتصور معاها!!
بدل ما تكتم على فضيحتك دي، تروح تنزلها على الميديا؟

ظهور الودن والحلق أو الرقبة من تبرج الجاهلية، وربنا خصُّه بالنهي، ولا يجوز إظهار أكثر من الوجه بحدوده والكف، والباقي يحرم ظهوره، والتبرج من الكبائر

والتزين بالمكياج من الروج وخلافه من كبار الذنوب

والمجاهرة بالحرام من الكبائر

والرضا بالحرام يأخذ نفس أجر فاعل الحرام

والتصوير مع الحرام أكبر من مجرد الرضا

ولو مكنش فيه رضا فعلًا عن لبس البنت دي، ليه تنزل صورتك معها؟
عشان أختك؟ أو صحبتك؟ إذًا علاقة الصحوبية طغت على علاقة الإسلام والتسليم لأوامر الله

هيفضل فعل تصوير الرجل أو الست مع امرأة متبرجة أيًا كان درجة قُربها: من الأفعال التي تقدح في ديانة الرجل أو المرأة

ولا نظن بأي رجل صالح أو امرأة صالحة من زمن الأنبياء أو السلف أو حتى في الزمن الحالي أنهم يرضوا بفعل مثل هذا الفعل القبيح!

وهو عندي من الخطوط الحمراء، ولا كرامة لأحد عندي فيه

عايز أسمعها بكرة بقى🤷🏿‍♀️

لو كانت أحكام النساء للرجال وأحكام الرجال للنساء، هنسمع نفس الكلام برضو
طبع عدد من النساء صعب ورخم

يكفي إن قضايا الخلع والقايمة من الست للرجل أكتر بكتير من قضايا التعدد
وقضايا القايمة بيهدد مستقبل الرجل بالكلية بخلاف التعدد اللي لا يهدد مستقبل المرأة بالنسبة لقضية القائمة للرجل
ومع ذلك صويت النساء على التعدد عالي جدا جدا
وصويت الرجالة على القايمة يكاد يكون منعدم
والله لو كانت القايمة الي بيكتبها النساء فحدّث ولا حرج🤷🏿‍♀

تخيل امرأة تمضي على نفسها وصل أمانة بالحاجة الي جابها الزوج ولو هي رفعت قضية خلع هو هيرفع عليها قضية بالقايمة اللي ممكن تكون بحوالي ربع مليون
ممكن تتخيل أنت صياح النساء وبالأخص النسويات لو فُرض عليهم قانون زي ده!

معرفش ليه بيحسسوا الناس إن النضافة حِكر على النساء بس؟
مع إن ٩٠% من المنتجات الي بتستخدمها البنت بيستخدمها الراجل عادي جدآ

أه ممكن بعض الناس قابلت رجالة مش نضيفة فحسّت إن الرجالة مش بتستخدم منتجات عناية شخصية، وأكيد للأسف النسبة في الرجالة أقل من النسبة في الستات
لكن بالنسبة للسُعمة المأخوذة عن الرجالة وأنهم نضاف جدا، فنسبة قليلة جدًا لأن نصهم برضو ميعرفوش عن منتجات العناية ومستحضرات التجميل إلا الأسامي

أول مرة أشوف حد فكر في اللي أنا فكرت فيه: (ترجو من مدعواتها أن يحتشمن)

آه هما النساء هيكونوا في قاعة لواحدهم لكن في الطريق وأما القاعة وعند مواضع نظر الأجانب

والموضوع مش محتاج حساسية أقل الواجب يتكتب تنويه في بوست الدعوة على الفيس أو في ديزاين الفرح
ويتقال بشكل واضح للي بيني وبينهم عشم من أهل أو أصحابي

ليه البنت متنزلش تنويه عام قبل أي مناسبة ليها (فرح/ خطوبة) إن:
يا حبايبي ياريت مفيش بنت تيجي بلبس ضيق أو غير شرعي، ومفيش بنت تيجي وهي حاطة مكياج، وأنا كدة هكون فرحانة

واللي مش عايزه تلبس شرعي وهتيجي، تيجي

واللي هتتكسف تيجي بعد كلامي وهتعتذر وترفض تيجي، مفيش مشكلة مش هزعل منها وعلاقتنا زي ما هي

هو تذكير مني لأهلي وأصحابي

أسلم للبنت ولدينها، ولدين أصحابها، ولدين المسلمين

ونشر سنَّة حسنة بين المسلمين

"قوا أنفسكم (وأهليكم) نارًا"

بلاش أنانية الله يكرمكم
مش معنى أنك لابسة لبس شرعي، إن اللي جاي من أهلك وأصحابك لابسين اللي عايزيه، فبراحتهم! ليه كدا؟
ليه الناس تكون قاعدة في بيوتها في أمان الله، وبسبب دعوتك ليها لفرحك، هتخليها ترتكب كذا حرام مع بعض، هيوصل لكبيرة من الكبائر
ليه ترضي لأهلك وأصحابك بكدا؟
عشان تفرحي؟ وتضمني إنهم هيجوا؟
وهل فرحك بحضورهم أكبر من فرحك بعبادتهم لله؟

يا رب بارك في بنت نبَّهت أصحابها يوم فرحها على لبس اللبس الشرعي وعدم وضع الزينة الحرام، يا رب بارك لها وبارك فيها وفي زوجها وأهلها وولدها

بحب أصاحب أهل الكرم وأهل الديانة وأهل الجدعنة وأهل الذوق، عشان أتعلم منهم ومن تصرفاتهم وأقلدها

ده عقد قران مبعوت لي مكتوب في آخر الصورة بتعليق لطيف: الرجاء عدم التصوير في مصلى النساء
الصراحة عجبتني جدآ، ومعرفش ليه محدش بينوّه على كدا وكل واحد يحط في الحسبان كلام الناس وبالأخص كلام القرايب ويكأنه بيعبد الناس لا رب الناس
الصورة والي مكتوب فيها سنة حسنة سواء العروسة منتقبة أم لا

وعلى نفس عهدي واعتقادي إن هنبّه في فرحي سواء في ديزاين زي ده أو وأنا بعزم قرايبي أو ومراتي بتعزم أصحابها وأهلها إن: الرجاء محدش يجي بلبس ضيّق أو مكياج، وإن أنا (العروسة) هكون مبسوطة جدا وممتنة لو عملتوا كدا

واللي هتيجي وهي منتهكة لحرمات الله عادي هتدخل الفرح، لكن التذكير مهم
أنا مسلم إذًا أنا أحب الخير للمسلمين
أنا مسلم مش هعمل فرح حرام إذًا محضرش أفراح حرام
أنا مسلمة لازم نقاب أو زي شرعي إذًا منزلش صور مع بنت وشها باين أو لابسة زي مش شرعي
أقسم بالله دي تفاصيل تنفي أنانيتك وتنفي جهلك بالدين

واحد باعتلي بيقولي: ليه بتنزل الكلام كله مرة واحدة كدا مش هيتشاف لازم بين كل بوست والتاني وقت كبير واختار الأوقات الي الناس فاضية فيها

كلامه حلو عادي، لكن ربنا يهدي من أراد للقراءة
اللهم طيّر كل كلمة أردت بها وجهك ونفع نفسي ونفع خلقك كل مطار

في غزة فقط
تعيش تحت صوت الزن الآلي
وتحت نيران القصف المدفعي
وتحت حرارة الخيام
لا أكل
ولا شرب
وربما تموت بعد دقائق

تعليق الشيخ على الإجابة

أعظم مقاصد الشريعة: الحفاظ على النفس البشرية
ومن أكبر الكبائر: قتل النفس التي حرّم الله
وتأشيرة دخول البلد: هي عهد أمان

بعيدًا عن حكم فعل قتل السائح سواء كان يجوز أو لا يجوز مش هيفرق شيء في كلامي، لكن لما تبقى قضية فيها معاني عظيمة جدًا دينيًا وتتاخد على سبيل الهزار زي الاسكرين المتفبركة كدا! فده غباء مستحكم

في سكرين متفبركة متوازية:
- بس مينفعش تزني
= مينفعش ازاي ما أنا زنيت ولقيتها نفعت

هل الخطاب ده كدا مضحك؟ أو عقلاني في تناول قضية؟
طب هل حتى الخطاب ده يدخل تحت بند قصف الجبهة؟

أعوذ بالله من التهاون في تناول قضايا دينية وأعوذ بالله من الجهل والغباء

للإعادة:
لو طلع مش مقاطع حضور الأفراح في الأحداث دي فهو مثل الكلب ولا كرامة

أما لو تعارض مقاطع للأفراح وغير مقاطع للمنتجات ومقاطع للمنتجات وغير مقاطع للأفراح، فمقاطع الأفراح الحرام مقدّم قولًا واحداً

مقاطعة حضور حفلات الحرام الجماعي (الكبائر) أهم من مقاطعة المنتجات، والاتنين مهمين

أكتر عيب شوفته في الرجالة المتدينة: الحسد والغيبة
وأكتر عيب شوفته في الستات المتدينة: الغيبة والحسد
وبيتموا بشكل جماعي كمان، ويكأنه حق مكتسب
والاتنين من كبائر الذنوب