(ومن يعمل مثقال ذرة شرًّا يره)
اللايك أكبر وأعظم من الذرَّة
الكومنت أكبر وأعظم من الذرَّة
التفاعل أكبر وأعظم من الذرَّة
التصوير أكبر وأعظم من الذرَّة
الرضا أكبر وأعظم من الذرَّة
الفعل أكبر وأعظم من الذرَّة
الشير أكبر وأعظم من الذرَّة
الكلمة أكبر وأعظم من الذرَّة

وهذه الأشياء لو كانت أمام الناس وتعاون على إثم وعدوان ومعصية الله ورسوله كانت أشد وأعظم
(ولا يظلم ربك أحدًا)

(يَفنى المِداد ولا يَفنى الكلامُ عن قدر النبيِّ صلى الله عليه وسلم).

حضرت أفراح كتير ولأسباب مش كبيرة شوفتها، سيبت الفرح، من غير ما أسلِّم على العريس حتى ولا يشوفني ولا أثبت حضور ولا الكلام ده، لأن الهدف من الحضور شهود الطاعة وتكثير الطائعين، والتعاون على البر والتقوى

أما إني أروح فرح وألاقي العروسة قالعة الحجاب أو متبرجة بزينة أو فستان (حتى لو مفيش رقص أو أغاني) فده سبب طبيعي إني أسيب الفرح وأمشي

أما الرجالة/الستات اللي بتحضر وبتكمل الفرح فضلًا عن إنها تتصور مع العريس والعروسة، فضلًا عن التغزل في جمال العروسة وجمال الفرح، فدول أغبياء بيتعاونوا على الإثم ومعصية الله

وما أظن إن كلمة: (وأنا مالي، العريس والعروسة اللي هيشيلوا الذنب) تخرج من واحد ديِّن عنده حب للمسلمين!

تشدد في الكلام عن الصدقة على أهالينا مثل تشددك في كلامك عن المقاطعة بالضبط
بل يكون كلامك في الصدقة أكتر
بل إن سؤالك يوم القيامة عن الصدقة هو الأكيد، لكن دي معذرة منك لن تُسأل عنها

هو أنا كل ما أقول لواحد حضور الأفراح حرام من الكبائر، يقولي: ما هو أنا مينفعش محضرش؟


هتذهب شهوة الفرح وحضوره، وهيذهب تودد صاحبك لك، وسيبقى لك حضورك حفلة جماعية لمعصية الله، وأنك كنت سبب في إقامة واستمرار الحفلات الجماعية لمعصية الله
قال شيخنا:
(قَلْبُ من ترضيه بإسخاط ربك؛ بيد ربك).

‏- في مسألة ضابط خروج المرأة من بيتها لحاجتها؛ اختصر القُرطبي القول، حيثُ قال:

"لا خلاف في أن للمرأة أن تخرج لِما تحتاج إليه من أمورها الجائزة، لكنها تخرج على حال بذاذةٍ، وتستّرٍ، وخشونة ملبس؛ بحيث يستر حجم أعضائها، غير متطيّبة، ولا متبرجة بزينة، ولا رافعة صوتها.

وعلى الجملة فالحال التي يجوز لها الخروج عليها: أن تكون بحيث لا تمتد لها عين، ولا تميل إليها نفس، *وما أعدمَ هذه الحالة في هذه الأزمان* ! لِما يُظهرنَ من الزينة والطيب، والتبختر في الملابس الحسان فمسامحتهن في الخروج على تلك الحال فسوقٌ وعصيان".

- من كتاب المفهم

النكتة بتاعت اللي مصلاش تحية المسجد، وقال: أحلى تحية وأحلى رجالة = نكتة سخيفة ثقيلة الدم، وواضح جدًا إنها متألفة، وناقلها كاذب فضلًا عن مخترعها الأول، وهذا حرام في شريعتنا، مع ما فيها من الاستخفاف بشعيرة من الشعائر !

وزيها برضو موضوع إن واحد يعمل جروب عزومة ويسمي الجروب (إنما نطعمكم لوجه الله لا نريد منكم جزاءًا ولا شكورًا)

سبحان الله تخيل لو أيام النبي صلى الله عليه وسلم وواحد عزم الصحابة وواحد قالهم الآية دي وهما بياكلوا وبيضحك، رد فعل سيدنا عمر أيه؟ ورد فعل الصحابة أيه؟ هيضحكوا على كلامه؟
سبحان الله العظيم
هي الآيات والشرائع نزلت عشان نحطها في سياق ضحك ونضحك؟ ده كلام الله سبحانه

أي واحد فوق التلاتين [العشرين] وعنده لابتوب وانترنت وما يعرفش حاجة عن دينه ظالم لنفسه

- جدو محمد شلبي

اختيار صعب إنك تختار تدفع فلوس عشان واحد بس يخرج من غزة واللي تكلفتها حوالي ربع مليون جنيه عشان فرد واحد يخرج من غزة
ولا تدفع عشان توصَّل أكل لأهالينا يساعدهم في الحياة أيام كمان

مفيش شك إني لو هختار هختار إن الفلوس توصل للأهالي عشان ياكلوا الأكل
وحتى لو فيه أولوية للخروج هيبقى للمرضى والأطفال ومن هم على وشك الموت

حاجتين الصراحة حرام تصرف فيهم شهواتك، بل أحيانًا الحرام فيهم بيبقى لأجل العادة حتى مفيهوش شهوة:

- الميديا (الذنوب الافتراضية)
- والدراسة

الميديا منبر وأنت الخطيب، أي كلمة أو شير أو تفاعل بيراها مئات الناس، وأنت المسؤول لو كلمتك تسببت في فتنة حد فيهم، أو تسببت في نشر الفاحشة بين المسلمين؛ فاحشة إطلاق النظر، أو الألفاظ الخارجة، أو الغيبة، أو التبرج، وخلاف

والدراسة مظالم عباد، غشَّك في الامتحانات مش تصرُّف فردي، غشِّك بيأثر على زمايلك

قال النبي صلى الله عليه وسلم:

ما منَ امرئٍ يخذلُ امرأً مسلِمًا في موضعٍ تُنتَهَكُ فيهِ حرمتُهُ ويُنتَقَصُ فيهِ من عِرضِهِ إلَّا خذلَهُ اللَّهُ في موطنٍ يحبُّ فيهِ نصرتَهُ

كتب إسماعيل عرفة:
في بداية كلمته الآن، قال أبو عبيدة: (وبعد 200 يوم من الخذلان والعدوان)

فشوف كيف قدّم الخذلان على العدوان، لأن ظلم ذوي القرابة أشد مضاضة، شيء مخزي والله.

وأقول:
والله أقدِّم في دعائي الدعاء على من خذلوهم بالدعاء لمن نصرهم،
اللهم اخذل من خذلهم بالدعاء واخذل من خذلهم من مقيمي حفلات المعصية الجماعية والمشاركين فيها من المخذِّلين الأغبياء

الصراحة كاره فكرة إن البنت تظهر بالفستان الأبيض المنفوش ده (فستان الزفاف) قدام الأجانب، حتى لو لابسه كاب

ده فلان وفلان والشيخ فلان كان في فرحه مراته عاملة كدا؟
ماشي عادي أنا شايفه فعل مش صح، ولو سألت أي واحد منهم دلوقتي هيقولك فعلًا شايفه فعل مش صح

أنا كإسلام لإما الفستان يتلبس جوا المسجد أو قاعة النساء ويتخلع قبل الخروج من المكان، لإما ميتلبسش أصلًا ويتلبس فستان مش منفوش بحيث لو لبست فوقه كاب أسود يظهر أكنه إسدال أو عباية
وأنا برضو ضد اللون الأبيض في أبيض ده قدام الأجانب
لا مراتي هتلبس الفستان ده قدام الأجانب ولا هتلبس لون أبيض قدام الأجانب

وكاره جدًّا جدًّا إن العروسة تقعد على المنصة جمب العريس والمأذون قدام المعازيم، طبعًا ده لو منتقبة هبقى كاره جدًّا، لكن لو مش منتقبة، فالوضع أسوأ بكتير

موضوع مقرف إن أنا أكون لاغي متابعة ناس كتير بسبب إنهم بينزلوا صور نساء أو لقطات من الأفلام والمسلسلات

وألاقي واحد عامل قناة دينية أو أكونت ديني ومنزل صورة ممثل في لاين ضحك أو كوميك!
وشوية ألاقيه منزل صورة الدكتورة فلانة وتحتها كلام ديني!
يعني صورة الدكتورة فلانة تفرق أيه عن صورة الممثلة الفلانية المحجبة من ناحية غض البصر؟؟
ثم أيه لازمة الصورة؟

(وترجون من الله ما لا يرجون، وكان الله عليمًا حكيمًا)

التمني: يكون في المستحيلات والممكنات
والترجي: هو الذي لا يكون إلا في الممكنات

مثل: ألا أيها الليل الطويل ألا انجلي، قالوا: هذا ترجي لأنه ينجلي الليل

لكن: ألا ليت الشباب يعود يومًا، قالوا: هذا تمني، لأنه لا يمكن أن يعود

أفضل معين للتوبة: إن التائب يقول للناس إنه تاب من الذنب الفلاني
يستخدم منبر الميديا لحماية نفسه من الوقوع في الذنب مرة أخرى، على الأقل من المجاهرة بالذنب مرة أخرى

جه في باله خاطرة إنه مش هيحضر أفراح بعد كدا، يكتب على أكونته إنه مش هيحضر
جه على باله إنه مش هيحط فلوسه في البنك
جه في باله إنه معدش هيشير بوستات فيها حرام
جه في بالها إنها معدتش هتنزل صور ليها أو صور لأصحابها أو صور لأي بنت
جه في باله إنه معدش هيغش

أي عمل صالح يجي في بالك؛ اكتبه
معذرةً إلى ربك، ولعلهم يرجعون

اللهم لا تجمع عليهم حر الخيام وحر النار يا رب