كلمة المسرحية دي كلمة بايخة أوي ومقرفة بجد، كلمة ناشئة من حِقد على الشيعة وفقط، لو حد تاني كان عمل الحركة دي كانوا هيقولوا عليه ناصر الإسلام والمسلمين
ولن ترضَّ عنك عوام جهلة الناس حتى تتَّبع حميَّتهم حميَّة الجاهلية
لو محتل منشق وحاول يطعن في الاحتلال هفرح بفعله مع لعني له الدائم عادي، مفيش تعارض

الموقف ده بيفكرني بإجابة للشيخ خالد بهاء الدين وبنت بتسأله إن أخوها مسجون، وهي لازم تعطي رشوة للأمين اللي بيدخل الأكل عشان يرضى يدخل لحمة وأكل لأخوها، فهل يجوز في الحالة دي إني أعطيله رشوة؟ أنا شايفاها مش حالة اضطرار؟

فالشيخ رد رد العالم بالحال وقالها باختصار طبعًا يجوز

فأي ردة فعل مباركة من طوائف غير أهل السنة من أي بلد آسيوية بتفرَّح الشعب الفلسطيني وبتديهم أمل
فإن أنا آجي بغبائي وأقلل وأحقَّر وأهزر! ده موقف مقرف

بحب أصاحب أهل الكرم وأهل الديانة وأهل الجدعنة وأهل الذوق، عشان أتعلم منهم ومن تصرفاتهم وأقلدها

ده عقد قران مبعوت لي مكتوب في آخر الصورة بتعليق لطيف: الرجاء عدم التصوير في مصلى النساء
الصراحة عجبتني جدآ، ومعرفش ليه محدش بينوّه على كدا وكل واحد يحط في الحسبان كلام الناس وبالأخص كلام القرايب ويكأنه بيعبد الناس لا رب الناس
الصورة والي مكتوب فيها سنة حسنة سواء العروسة منتقبة أم لا

وعلى نفس عهدي واعتقادي إن هنبّه في فرحي سواء في ديزاين زي ده أو وأنا بعزم قرايبي أو ومراتي بتعزم أصحابها وأهلها إن: الرجاء محدش يجي بلبس ضيّق أو مكياج، وإن أنا (العروسة) هكون مبسوطة جدا وممتنة لو عملتوا كدا

واللي هتيجي وهي منتهكة لحرمات الله عادي هتدخل الفرح، لكن التذكير مهم
أنا مسلم إذًا أنا أحب الخير للمسلمين
أنا مسلم مش هعمل فرح حرام إذًا محضرش أفراح حرام
أنا مسلمة لازم نقاب أو زي شرعي إذًا منزلش صور مع بنت وشها باين أو لابسة زي مش شرعي
أقسم بالله دي تفاصيل تنفي أنانيتك وتنفي جهلك بالدين

عنوان فيديو من فيديوهات غزَّة: (أب يعثر على رفات أبنائه وزوجته بعد تحللهم تحت الأنقاض)
ربنا يجمعهم في الجنة إنه على كل شيء قدير

روى أبو هريرة أن النبي صلى الله عليه وسلم قال:

أربعةٌ يحتجون يومَ القيامةِ: رجلٌ أصمُّ لا يسمعُ شيئًا، ورجلٌ أحمقُ، ورجلٌ هرِمٌ، ورجلٌ مات في فترةٍ.
فأمَّا الأصمُّ فيقولُ: ربِّ لقد جاء الإسلامُ وما أسمعُ شيئًا.
وأمَّا الأحمقُ فيقولُ: ربِّ جاء الإسلامُ وما أعقلُ شيئًا، والصبيانُ يحْذِفونني بالبَعْرِ.
وأمَّا الهَرِمُ فيقولُ: ربِّ لقد جاء الإسلامُ وما أعقلُ شيئًا.
وأما الذي مات في الفترةِ فيقولُ: ربِّ ما أتاني لك رسولٌ.
فيأخذ مواثيقَهم ليطيعنَه، فيُرْسَلُ إليهم: أنِ ادخلوا النارَ، فمن دخلها كانتْ عليه بردًا و سلامًا، ومن لم يدخلْها سُحِبَ إليها



المغزى والله أعلم

كان الله يريد عزم قلوبهم وحسب، لم يرد هزيمتهم في امتحان أو دخولهم النار على الحقيقة

كم أنفق الإنسان منذ بداية الطوفان -من ٧ أكتوبر مدة أكتر منذ ستة أشهر- في الترفية عن نفسه، ولم ينفق مثلها أو نصفها لأهله في غزة؟
هيقول زعمًا: مش عارف مصادر موثوقة
انفق صدقة بنية تفريج همهم بمثل ما أنفقت في الولا شيء

الكلام ده عيب ومش بيضحك
الجواز عبادة من أعظم العبادات
وسنة من سنن جميع الأنبياء (ما عدا نبيين)
وسنة عن النبي صلى الله عليه وسلم

فإزاي أعرّض بحاجة ممكن يبقى فيها تقليل من قيمة عبادة أو قيمة سنّة، فضلًا إن التعريض ده بيقولك إنك لو اتجوزتش مش هتبقى ناضج؟ مفيش احترام للناس اللي اتجوزت من الصالحين والأنبياء؟

فيه مرحلة انتقالية بين إن الإنسان يكون مش بيعمل حاجات حرام قدام الناس وفجأة يعمل حاجات حرام قدام الناس وهي ترك الأمر بالمعروف والنهي عن المنكر

قبل ما ينزل ستوري أغاني أو يشير مقاطع فيها أغاني على أكونته، قبلها كان شاف مقاطع كتير ومنصحش أو حتى شاله من عنده

وقبل ما ينزل صورته مع خطيبته أو مراته، عدّى عليه صور زوجات أصحابه وكسل ينصح

وقبل ما يشير كوميك فيه نساء أو تريقة على حاجة دينية، هو شاف كذا حد عمل كدا

والبنت قبل ما تنزل أول صورة ليها ع الميديا، هي شافت صور كتير لأصحابها ف
على صفحتها ومحاولتش تاخد أي رد فعل

(لعن الذين كفروا من بني إسرائيل على لسان داود وعيسى بن مريم ذلك بما عصوا وكانوا يعتدون، كانوا لا يتناهون عن منكر فعلوه لبئس ما كانوا يفعلون)
قال النبي صلى الله عليه وسلم: (إنَّ النَّاسَ إذا رأَوُا المنْكرَ فلم يغيِّروهُ أوشَكَ أن يعمَّهم اللَّهُ بعقابِ من عندِهِ) وفعل الحرام عقاب

الله يريدك أن تعبده وتعبِّد الناس إليه

نحن مطالبين بعبادة الله وليس تجميع معلومات
طلب العلم وتحصيل المعلومات غرضه العبادة وليس المعرفة فقط

مئات القنوات حرفيًا بينزلوا الاقتباسات عليها من داخل الفرح، وبينزلوا الاقتباس الديني بدل من النزول للصلاة والله

مش فاهم إزاي واحد قاعد يتكلم عن المقاطعة بشكل مستميت وهو حاطت صورته الشخصية مع امرأة أو امرأة حاطة صورتها الشخصية، يا أخي شيل الصور الحرام لله، عمل صالح خالص تقرّب به إلى الله لنصرة إخوانك أفضل من سبعين بوست عن المقاطعة
ليس بتنفذ الي على هواك بس، مع إن الخيار التاني أفيد لك وأصلح لك ولهم

ليه بتحاول ترضي ضميرك عشان متقومش بواجبك الحقيقي؟
واجبك الحقيقي إنك تمشي من قاعة الفرح وإنك تنزل تصلي وإنك تشيل الحرام من أكونتك وخلافه

والله إزالة بوست واحد فيه محتوى حرام عندك على أي أكونت من الميديا، أفضل لك ولأهل الغزة ولأصحابك من سبعين بوست بتتكلم فيهم عن المقاطعة

والله امتناعك عن حضور فرح في فترة الحرب على غزة أفضل من كتابة سبعين بوست عن المقاطعة

والله صدقتك لأهل غزة أو لفقراء المسلمين بنية تفريج الكرب عن أهل غزة أفضل من كتابة سبعين بوست عن المقاطعة

وكتابة بوست عن المقاطعة أفضل من مفيش، لكن متخليش كتابة البوست ترييح لضميرك عن البذل والتضحية؛ بذل المال الصدقة، والتضحية بالشهوات الحرام

يا رب ارزقها خيري الدنيا والآخرة
يا رب دعاء بظهر الغيب تقبله واستجب فإنك قريب تجيب دعوة الداعي إذا دعى

ممكن نعدل في الكابشن: والرجالة تتفرج على محارمه* مراته وأمه وأخته وبنات عمه وبنات أخواله

يعني لو خُيّرت بين الاضطرار وبين المشهد ده، تختار المشهد ده؟
يا أخي أقسم بالله تلغي الفرح بأكمله لو مش لاقي حل أهون بكثير من الاستمرار في النجاسة دي، نجاسة إنسانية ونجاسة دينية الأمرين معًا

أما المعازيم المتفرجون الأغبياء الجهلة الأنانيون فربنا يهديكم، لكم إثم إقامة الحفل، لأنه بدونكم لن يُقام

اختلف العلماء هل فرض العين أفضل أم فرض الكفاية

فقال بعضهم: إن فرض العين أفضل، لأنه متعلق بهمة كل شخص، ولأنه لو لم يفعله لأثم، فهو أفضل مما لو لم يفعله لم يأثم إذا قام به غيره.


وقال بعضهم: فرض الكفاية أفضل، لأن القائم بفرض العين يدفع الإثم عن نفسه، وفرض الكفاية يدفع الإثم عن نفسه وعن غيره فهو أفضل من هذه الجهة.

‏يا رب ارزقنا من فضلك الواسع رزقًا حلالاً طيبًا لا تفقرنا بعده إلى أحد سواك

يا رب أحقن دماء أهلنا في رفح وكنت لهم معينًا ونصيرًا يا رب
يا رب اكفِ أهل رفح الدخول البري من الاحتلال الملعون
يا رب اخذل من خذل أهل فلسطين

جزء كبير من تعاسة الإنسان ناتج عن تضخيم الشيطان لمشاعر الطمع وبث الأماني في صدر الإنسان، وعن ضغط المجتمع ودفعه له بقوة في تحصيل أسباب الأمان والسعادة والاستقرار (المُتوهّم)، بالرغم من قدراته المحدودة ومواجهته لضغوط الحياة بمفرده وتقلّب الأيام بأقدار لم يتوقعها؛ فتزداد حسرته ويتقطع قلبه وتلهث نفسُه.

يزيح عنك القرآنُ كثيرا من هذه الأوهام، ويطرح عن كاهلك تلك الجبال الضاغطة، ويعرّفك بحقيقة وجودك وقيمتك العُليا، ويقلّل رغباتك، ويرتب أولوياتك، ويربطك بخالقك مالك الملك سبحانه وتعالى، فهو الواسع اللطيف الرحيم الحكيم سبحانه وتعالى.

(الشيطان يعدكم الفقر ويأمركم بالفحشاء، والله يعدكم مغفرة منه وفضلا، والله واسع عليم)

عنوان خطبة الجمعة انهاردة: (استطالة الطريق يُضعف المشي)

جميل إن الإنسان ينزِّل اقتباسات دينية وبتفيد جدًّا والله، بس الأهم أن نَعمل، الأهم الأفعال

الكائن المعلوماتي بدون عمل كائن سوء، يُكثر من حُجج الله عليه يوم القيامة، وسيشهد عليه كل معلومة: ماذا عملت بها؟

كتخيل لمواقف افتراضية:
واحد منزل محتوى حرام سواء صورته مع بنت -محرم أو لأ- أو شيَّر محتوى فيه حرام، وبعدها نزِّل آية عن التوبة أو حديث!
يا ريس هي الآية والحديث نازلين عشان تتوب عشان تمسح المحتوى الحرام، أيه الهدف من نزولها لو أنت ذات نفسك لم تمتثل لها؟ عشان نمصمص شفايفنا ونقول الله؟

أي أكونت حاطت صورة بروفايل بنت -سواء بحجاب شرعي أو بحجاب غير شرعي أو من غير حجاب- وبينزِّل محتوى يحث على التقوى أو التوبة أو جهاد النفس أو أي معنى شبيه، صاحب الأكونت عنده خلل شديد!
ده فضلًا عن إن أكونت ينزل صورة بنت أو جزء منها رجلها أو أيدها أو وشها أو ضهرها ويكتب عليه كابشن آية أو حديث أو كابشن ديني!

وعلى غِرار آية: (إن فرعون وهامان وجنودهما كانوا خاطئين) الله قال على الجنود الأتباع: خاطئين
مفيش أي صديق من عشرات الأصدقاء ينصح صاحب الأكونت؟ (أليس منكم رجلٌ رشيد)؟

المشكلة إن الأمر ممكن يتحول لاستخفاف ضمني بآيات القرآن وصاحب الأكونت لا يدري!

أنا أتفق مع التورُّع عن كل فعل فيه شبهة

جالي في دماغي فعل معين، أعرضه على النبي صلى الله عليه وسلم أو على أزواجه أو على أصحابه، هل لو سيدنا معاذ عنده فيس كان هينزل بوست زي ده؟ أو هيشيَّر بوست زي ده؟
لو سيدتنا عائشة عندها أكونت كانت هتنزل صورة أيدها -حاشاها رضي الله عنها وأرضاها- أو هتنزل صورة ضهرها؟ أو فستانها فضلًا عن الأكبر من ذلك؟

هل صحابي من الصحابة وأمه كافرة هل كان هيتصور معاها وهي بدون حجاب؟

هل سيدتنا حفصة زوج النبي صلى الله عليه وسلم كانت ممكن تتصور مع مسلمة متبرجة بتبرج الجاهلية الأولى فضلًا عن التبرج الأعلى؟ حاشاها ورضي الله عنها وأرضاها
لو الإجابة كانت لأ، يبقى الأفضل التورُّع النهائي عن الأفعال دي أمام الناس

ثم المرحلة اللي بعدها ممكن أعمل الأفعال دي مع نفسي لواحدي أو في حيز ضيَّق مع صديق واحد أو كدا؟
ساعتها اسأل عن حكمها

لكن التساهل في فِعل أفعال لم يكن ليفعلها أهل الدين أهل الإسلام وكمان أفعلها أمام الناس؟ شيء صعب

اجعل نفسك دائمًا المقياس والقدوة وصورة الدين أمام المسلمين وغير المسلمين
أي فعل حرام، أو مكروه يُنزَّه عنه أصحاب الديانة، أو فعل ممكن يكون خطوة من خطوات الشيطان، لا تفعله أمام الناس فضلًا عن فعله على منبر الميديا!

درسنا إن من ضمن انتشار الإسلام هو أخلاق المسلمين في رحلات التجارة
والأكيد أن الإسلام سيندثر بفعل أخلاق المسلمين السيئة الطاعنة في أساسيات الدين
كيف إن شعبة من شعب الإيمان: الحياء، وأنا أتصور مع بنات لا تحل لي وشباب لا تحل لي وهزار ع الميديا أو في أعمال تطوعية مختلطة نجسة، أين تحقق الحياء؟

كيف إن فرض من أهم الفروض وتركه من أكبر الكبائر وهو الحجاب، وأنا داير أتصور مع ناس تاركة للحجاب أو متبرجة توعّدها الله ورسوله وعيد شديد جدًّا؟
أو إني أنشر صور البنات على الميديا وأساعد في نشرها

بوست فيه صورة بنت، وأنا أشيره عادي وأقول: ما هي منزلة صورتها عادي موافقة! هي موافقة لكن أنا مسلم ربنا قال لي: (قوا أنفسكم وأهليكم نارًا)! هي عشان بتعمل حاجة حرام أنا أستبيحها؟

كيف أن الغش حرام وغير المسلم يحفظ حديث رسول الله صلى الله عليه وسلم قبل المسلم، وأنا بغش وكمان بعمل الغش كوميكات!

أساسيات وأصول الدين ستُحفظ بالأفعال بأفعالنا، مش بالاقتباسات وأفعالي مخالفة
ومن كان سبب في الطعن في شعبة من شعب الإيمان أو فرض من فروض الدين، سيُكتب اسمه في الطاعنين الصادين عن سبيل الله!