أفضل دعاء تدعو به في ليلة القدر وكل ليلة:
اللهم إنك عفو تحب العفو فاعفو عني

والأفضل منه أنك تدعو نفس الدعاء ولكن لوالدك ووالدتك ومن له فضل عليك ولإخواتك
اللهم إنك عفو تحب العفو فاعفو عن أبي
اللهم إنك عفو تحب العفو فاعفو عن أمي
وهكذا
والملك سيدعو لك بنفس الدعاء: (ولك بمثل)

والأفضل منه أن تدعو نفس الدعاء ولكن لجميع المسلمين
قال النبي صلى الله عليه وسلم: (من استغفر للمؤمنين والمؤمنات كتب الله له بكل مؤمن ومؤمنة حسنة)
اللهم إنك عفو تحب العفو فاعفو عن جميع المسلمين

ثواب فوق الثواب، وأجور فوق الأجور، وحب للمسلمين، وتعاون على البر والتقوى

الغيبة هي ذِكر أخاك بما يكره
والغيبة من كبائر الذنوب

أما حفلات الغيبة الجماعية سواء على جروبات شات بين مجموعة صحاب أو على ستوريهات أو في قعدة بين الصحاب، وجايبين سيرة زميل لهم أو دكتور أو مدرس أو قريب وقاعدين يغتابوا فيه ويضحكوا

فدول جمعوا بين الغيبة (وهي من كبائر الذنوب) وبين المجاهرة بالحرام (وهي من كبائر الذنوب) وبين ارضاء الناس بسخط الله (ودي من كبائر الذنوب)!

لمجرَّد إرضاء شهوة أو بيان إن أنا جامد وكان حصل موقف بيني وبين واحد وأنا كسبته فبحكي وأنا بقلل منه وبغتابه

والمحرمات: جعل الله منها الشرك، وجعل الله منها أكبر الكبائر (الموبقات) المهلكات، وجعل الله منها الكبائر، وجعل الله منها الصغائر، وجعل الله منها اللمم، فهي متفاوتة وإن كلٍ داخلة في الحرمة.

ملخَّص حال الأنشطة الطلابية التطوعية المختلطة في الجامعة:

هي شهوة عند الولد/ البنت، بيصرفوها تحت غطاء آمن من العُرف والمجتمع
سواء شهوة كلام بين الجنسين، أو شهوة اجتماع بين الجنسين، أو شهوة رؤية بين الجنسين، أو شهوة استعراض مهارات شخصية بين الجنسين، أو أي شهوة

ولا يخفى عن أي مشترك في التيمات دي بما كان فيهم أنا زمان، إنه لو رجل بيكتسب صفات أنثوية، ولو بنت بتكتسب صفات ذكورية
وطبعًا بينتج عنه حفلات غيبة لا تُعد ولا تحصى

ويا ولاد الحلال الأنشطة التوعية والخيرية المنفصلة كتير، وبتلم تبرعات برضو، وبتوصل للفقراء، وبيحدث لقاءات وايفينتات وكل حاجة عادي
اصرارك على التكملة في نشاط مختلط بما فيه من كلام ورؤية واجتماعات وتعاملات، فده يدل على قلة إيمان ولا شك، ويدل على زيادة شهوة عندك سواء كنت ولد أو بنت

وأنا كنت أتمنى إن حد ينصحني وأنا في أي نشاط طلابي ويقولي اللي أنت بتعمله ده غلط، لكن للأسف كله كان بيشجع على الاستمرار، محدش حاول يحسسك إن ده قلة أدب وقلة حياء

بعد ما تخلص صلاة التراويح أو التهجد وأنت راجع لبيتك هتعدِّي على مئات من الناس لا بيصلوا ولا بيدعوا ولا بيعبدوا أصلًا، فضلًا عن اللي هتلاقيهم واقعين في حرام في ليالي رمضان
ممكن يقع في نفسك أنك بالركعتين اللي صليتهم خلاص كدا بالنسبة للناس دي أنك حققت هدفك ولو صليت كمان هتبقى مسلم وزيادة ومعدي سقف العبودية، فبتدأ تكسل بعد كدا في صلاة التراويح أو التهجد وتسيب كذا ركعة، وتكتفي بركعتين أو تقول خلاص هدعي في البيت ده أنا أحسن من ناس كتير في مجتمعي

بس الإسلام مش بيعلمنا التنطيط ع الناس بالشكل ده، بل بيعلمنا الجماعية في العبادة، فضلًا عن فهمك الخاطئ للعبادة وأنك بتظن أنك خلاص بقيت مسلم وزيادة، أنت حتى لو صليت من العشاء للفجر قيام ليل لن تحقق هدفك من العبادة ولا الدين
فمن الجماعية أنك بدل ما تتنطط على الرجالة والبنات اللي في الشارع، أنك تدعيلهم تاني يوم في صلاة أن يهديهم الله ويأتي بهم إلى عبادتهم

أمال فين شعار (لنخرج الناس من عبادة البشر لعبادة رب البشر)
أنت عايز تنزل لهم وتعبد نفسك معاهم زي ما هما بيعبدوا نفسهم؟

وكمان هل هم عندهم العلم والمعرفة عن الله زيك؟ سمعوا آيات زي ما أنت سمعت؟ سمعوا دروس زي ما أنت سمعت؟ يعرفوا أحكام في الدين زيك؟

كل واحد محاسب على قدر علمه ثم ماذا فعل بعلمه

كل واحد مننا عنده علم المفترض به يعبد ربنا طول اليوم حتى الموت ثم يقول: سبحانك ما عبدناك حق عبادتك!

ليلة الـ26 ليلة يغفل عنها الناس بين ليلة 25 وليلة 27
وهي ليلة مباركة وهي الليلة الوحيدة من ليالي العشر الموافقة لليلة الجمعة
وهي ليلة 25 عند بعض الدول التي أعلنت شعبان 30 يوم

اللهم اغفر لجميع المسلمين
اللهم اهدِ جميع المسلمين لما فيه خير دينهم ودنياهم

عسى ربِّي أن يهدِيَني سواء السبيل

حديث مبكي بين السيدة عائشة وسيدنا محمد صلى الله عليه وسلم

النبي يستأذن السيدة عائشة وهو في ليلتها أن يقوم من فراشها ويصلي، قال: (يا بنةَ أبي بكرٍ ذريني أتعبَّدُ لربِّي) وفي رواية: (يا عائشةُ ذَريني أتعبَّدُ لربي)
فسيدتنا سيدة نساء أهل الدنيا عائشة أم المؤمنين رضي الله عنها أذنت له فقالت: (إنِّي أحبُّ قُربَك، لكنِّي أوثرُ هواك فأذِنتُ له)

اللهم اجعل هوانا مثل هوى النبي محمد صلى الله عليه وسلم
واللهم ارزقنا زوجة تؤثر هوانا إياك على هوى نفسها

مغبون اللي ينوي من الآن إنه يحضر أفراح حرام بعد رمضان،
إذا كان من علامات التوبة أنك تنوي مجرََّد النية أنك تبتعد عن المحرمات، فما بالك وأنت مبيِّت النية على حضور حفل مليء بكبائر الذنوب!
فين رمضان؟
كل ما كان الفرح لحد قريب منك أو أخوك أو حد لحم أكتافك من خيره، وكل ما كان صعب عليك تترك حضور الفرح، كل ما كان سبب تركك الوحيد للحضور هو كبائر المحرمات اللي موجودة في الفرح، كل ما كان تركك للفرح لله أعظم عند الله
قال الله: (وما يفعلوا من خير فلن يكفروه والله عليم بالمتقين)

فعلك أبلغ من قولك
محدش هيستفيد حاجة بالمعلومات بدون عمل
الشخص المعلوماتي فقط شخص غبي يُكثر من حِجج الله عليه

عندك معلومة إن غض البصر فرض
يبقى المفترض إني لما أشوف حد منزل صورته مع مراته متزينة أو حد من أهله، أدخل أنصحه أقوله حرام، أو ع الأقل لا أتفاعل مع الصورة، لأن التفاعل معاها حرام

عندي معلومة إن التبرج حرام
أنا كـ رجل متصورش مع امرأة متبرجة أو حتى متصورش صورة جماعية فيها امرأة متبرجة، فضلًا عن إن البنت أيضًا متتصورش، حتى لو البنت المتبرجة أختي، متصورش

عندي معلومة إن الغش حرام
مغشش ولا أساعد حد يغش ولا آخد موضوع الغش كوميك، ده فرض ديني

لكن إن أنا يكون عندي معلومات وأبقى شخص معلوماتي بدون ما أطبق المعلومات دي! ففين الإسلام في الحياة؟ ما المعلومات دي غير المسلمين عارفينها أساسًا

لكن يبقى عندي المعلومات وأطبقها على نفسي فقط، وأي حد بيعمل حاجة حرام يولع، بل وكمان أساعده أنه يولع أكتر إني أتفاعل مع حرامه وأتصور معاه وهو واقع في حرام ومن الكبائر؟
ده شيء خارج منطق العقل

امنع تفاعلاتك من صور البنات وصاحبك وأهله وصور أصحابِك البنات، أفضل من إنك تصلي تراويح ليلة
لأن التراويح أنت بتصليها عشان عملك يتحسن

امنع تصويرَك/ تصويرِك مع أي بنت متبرجة مهما كان اسمها ودرجة قربك منها ومهما كان الحدث ومهما كان عدد اللي في الصورة، أفضل من قيام ليلة، لأن أنت بتحصل التقوى من قيام الليلة اللي تجعلك تمتنع عن فعل الحرام فضلًا عن التعاون على الحرام

امنع نفسك من حضور الأفراح أيًّا كان صاحب الفرح، والله لن يغنِ عنك من الله شيئًا، وهتبقى علامة سوء في قلب مسلمين فتنتهم بحضورك للفرح، النبي صلى الله عليه وسلم قال: (وإن العبد ليتكلم بالكلمة من سخط الله تعالى لا يلقي لها بالاً يهوي بها في جهنم) والحديث في البخاري! فما بالك بالفعل والفعل الجماعي وفي حرام جماعي وفي حفلة مكتظة بكبائر الذنوب!

نؤمن أنها من استجابة الله لدعواتنا، فاللهم أتم نعتمك عليهم وفرّج عنهم ما هم فيه وفرّج عن كل مكروب

أنا بحب في الأيام الي بيبقى فيها حضور كبير لناس أول مرة تيجي المسجد إني أسيب لها المسجد، عشان لما تيجي المسجد تلاقي المسجد حلو، هادي، النفس فيه كويس مش خنقة، يكون الناس المنظمة عارفة تنظم الناس ويكون الموضوع منظم وجميل، وجبات السحور تكفِّي للناس، يصلوا بهدوء ويسمعوا مجالس العلم طول الليلة في هدوء فتبقى أحرى بالاستفادة

لكن مع كامل احترامي واحد يجي من بلد تانية لمسجد عارف إن هو زحمة وجاي عشان يسلم على أصحابه ويزحم المسجد!!!
والناس اللي بتدخل المسجد ليلة ولا ليلتين كل سنة يلاقوا المسجد زحمة جدًّا والأكل ميكفيش ويتسحروا على آخر لحظة والناس تتضايق من الزحمة ويسيبوا المسجد ويمشوا ولما يفكروا يجوا تاني السنة الجاية هيحطوا كل السلبيات دي في دماغهم، فده الصراحة تفكير أناني درجة أولى منك!
لأن فيه عشرات المساجد بتصلي نفس المقدار وفيها أصوات أفضل، وأنت عاملي المسجد ايفينت ومتفق مع أصحابك تصلوا في ليلة معينة في مسجد أصلًا زحمة!!
ما تتفق تصلوا في ليلة 30 أو ليلة 17 أو أي ليلة تانية

بجد والله فعل سيء جدًّا لما يكون المسجد نصه مش من المنصورة أصلًا وأهالي المسجد اللي حوالين المسجد اللي عاملين حسابهم يصلوا في رمضان أو كذا ليلة ميعرفوش يصلوا

والصلاة مسجلة والدروس مسجلة، مفيش أي مبرر أنك تيجي مسافر وتضيَّق ع الناس غير أنك واخدها ايفينت فسحة!

سبحان الله الكريم الجميل

كمين الأبرار

"أهو دا وسام لأدهم الشرقاوي أعظم من جائزة نوبل"
حرفيًا

كل عام وأنتم طيبين
يا رب عيد فك الكروب عن كل مسلم مكروب

عيدية الشيخ عمرو

بمناسبة العيد:

أي راجل أو بنت هيتصور مع بنت مبينة رقبتها بموضة الحجاب الجديدة دي أو أي تبرج في وشها أو هدومها والله إنسان غبي، حتى لو البنت بنتك أو أختك

الإسلام كدا كدا في اختفاء تدريجي بسنَّة كونية، ليه تحط نفسك في أسماء من ساعدوا في اندثار شعائر الإسلام وانتشار الفجور؟

الإقرار بيكون بالسكوت، مجرَّد السكوت

فما بالك بالتصوير والضحكة؟
أقسم بالله التصوير ده أكبر من مجرَّد إقرار أصلًا فضلًا عن كونه إقرار بلا شك

لو أنت مش راضي عن التبرج ده؛ أولًا: ستنكر بقلبك، ثانيًا ستنصح، ثالثًا ستعتزل شهادة الزور
أما إنسان يقول أنا بتصور مع متبرجة لكن مش راضي بتبرجها ده استخفاف بالدين وبرب الدين

شيل التبرج وحط أي كبيرة من كبائر الذنوب، حط واحدة غير محجبة، أو لابسة مايوة، حط واحد بيشرب خمرة، حط واحد بيزني، حط واحد بيسرق، حط واحد بيضرب أبوه، تقدر تتصور مع أي مشهد من المشاهد دي؟ ليه بترضى تتصور مع المتبرجة؟ لأن دين الناس أحلَّها، وقريبًا لو أحل حاجات تانية هتمشي معاه

لو الصورة فيها واحدة متبرجة حتى لو من المحارم، فيبقى إنسان غبي لو اتصور سواء راجل أو بنت

(فستذكرون ما أقول لكم وأفوض أمري إلى الله إن الله بصير بالعباد)