تفاعل الناس (راجل أو ست) على صور نساء (سواء متبرجات أو محجبات حجاب شرعي) باللايك أو الكومنت، فالمتفاعل قدامه حلّين وثالثهما كُفر، إما يكون ظنه إن تفاعله حلال أو مستحب فيأخذ حسنة، أو يراه إعانة على حرام أو معصية فيأخذ سيئة
أما الثالث الذي يظن أنه فعل ليس عليه محاسبة، فقد أساء الظن بالله وبعدل الله
(وإن كانت مثقال حبة من خردل أتينا بها)
(فمن يعمل مثال ذرة خيرًا يره)
(ومن يعمل مثال ذرة شرًّا يره)
كام لايك كان سبب في الإعانة على الحرام؟ عدد لا يعد ولا يحصى
هل اللايك على صورة بنت هيتكتب في كفة الحسنات؟
طب أولًا هل صورة البنت على الميديا هتتحط في كفة الحسنات؟

أنا بتضايق من أي كلام سلبي جدًّا
فضلًا عن إنه يكون كلام غلط
فضلًا عن إنه يكون كلامي تثبيطي في الدين

الساعة اللي قبل المغرب دي حضرتها في مساجد كتير أكتر ساعة بيبقى موجود فيها ناس في المسجد قبل صلاة على مدار اليوم
وأكتر ساعة فيها ناس ماسكة مصاحف وبتقرأ قراآن على مدار اليوم

ونصيحتي لأي حد عايز يحافظ على ورده في رمضان، يقرأ ورده في المسجد قبل المغرب
وقت فيه بركة وهدوء وجميل، لو قعدت في البيت هتحاول تشوف أي حاجة تصيع بيها الساعة قبل الفطار، لكن في المسجد هتحاول تستغلها في قراءة أربع أجزاء

الدكتور أحمد سيف كان بيقول: ادع الله، وأنت فاقد الامل في كل الأسباب الدنيوية، أنا واثق فيك يا رب فقط

بخلاف من يدعو وواضع نسبة من اعتماه في دعوة الله ونسبة من اعتماده في سبب دنيوي

فضلًا عن الذي يضع كل أمله واعتماده على سبب دنيوي ويدعو الله تقضية واجب!

قال الله: أنا أغْنَى الشُّركاءِ عنِ الشِّركِ، مَنْ عمِلَ عملًا أشركَ فيه معِيَ تركتُهُ وشِركَهُ

أنا مقتنع إقناع تام إن غلط التفاعل مع أي صورة لأي بنت على الميديا بدون ضرورة حتى لو البنت لابسة حجاب شرعي ومفيش زينة ولا تبرج في الصورة

وبناءً على قناعتي إن أنا بزعل وبتضايق وعادي الموضوع يتحول لمشكلة لو قلت لحد مسؤول عنه ميعملش كدا وبيعمل
بل هي عندي من البديهيات

وعموماً ده عالم افتراضي لو هنقع فيه بالغلط بكل سهولة وبدون ما نكسب أي مقابل وحتى التفاعل ده خالي من الشهوات، يبقى وقوعنا في الغلط في العالم الواقعي أولى
يعني البنت اللي بتنزل صورتها أنا أتفهم إنها عندها شهوة حرام وغلطت بسببها
لكن البنت اللي مش بتنزل صورها ليه بتتفاعل مع صورتها؟ منتهى العته الفكري والانفصام -والأهم- والتعاون على الحرام

اللهم اغننا بحلالك عن حرامك يا كريم

اللهم ادخل عبدك بصير القلب كفيف النظر الشيخ محمود مداد جنتك، اللهم متِّعه ببصره في الفردوس الأعلى، اللهم ارزقه رؤية وجهك الكريم في الجنة

الشيخ محمود مداد لا يرى، ويستخدم جهاز للقراءة، ومع ذلك يرد على مئات الأسئلة يوميًا، بخلاف مواعظه وتحضيره ودراسته وخطبه وكلماته!

ويجي شاب في كامل نشاطه وقوته أول ما يبقى عنده الفين متابع يقول: الميديا بتضيع وقت، ومعلش مش هقدر أرد على الرسايل!!

سبحان الله العظيم مجتمع الميديا من أكبر المجتمات على الإطلاق حاليًا في العالم، أكبر منبر في العالم، تتدرك دعوتك فيه وتقول بضيع وقت؟

والناس اللي مستنيه الشيخ يطلع ع المنبر والشيخ مش عايز يطلع عشان بيحسبها تضييع وقت، لإما الناس هتمشي ومش هتسمع دين، لإما هتسمع لشيخ آخر لا دين له صعد على منبر الميديا!

أنت كشيخ مؤهل للفتوى أو حل مشاكل الشباب، أو حتى شيخ ناقل للفتوى، ليه متخصصش ساعات من وقتك يوميًا تجاوب ع الشباب؟
يوم في الأسبوع أو يومين لمدة كذا ساعة، أيه المشكلة؟

باب من أعظم الأبواب في الدعوة، وعليه آلاف الناس مننا مستنين حد يقف عليه، لكن للأسف نوع من أنواع الخذلان والله

والشيخ محمود مداد وغيره من المشايخ الفضلاء اللي بيخصصوا وقت لمنبر الميديا حُجَّة على بقيت المشايخ

ربنا يرضى عن عباده خالد بهاء الدين وأحمد سيف وعمرو شاهين وأمثالهم
من أسباب الله المعينة على عبادته ورفع الهمة والله
مفيش مرَّة أكون فيها كسلان عن شيء معين وأشوف كلام لهم إلا وهمتي تزداد
تعرَّض لرسائل الله ولا تتجاهلها

يا رب اكتب من قُتل منهم من الشهداء واحشرهم في زمرة الأنبياء

أنا واحد من الناس ما صدقت لقيت بديل أريّح بيه ضميري عن نصرة أهالينا ألا وهو المقاطعة، فكنت بجيب ب١٠٠ أو ١٥٠ جني كل يومين تلاتة شيبسي ومنتجات غير مقاطعة وكنت بحس يوم بعد يوم بإنجاز
لكن للأسف دي كانت قلة أدب، التبرع بالفلوس دي وبأي مبلغ حتى لو أقل من دولار واحد وتحري أوقات الإستجابة للدعاء لهم أهم من المقاطعة

لكن اللي بيعدي أيامه من غير دعاء ومن غير التبرع لهم وبيتكئ على المقاطعة فهو خسران، وبيعوّد نفسه على البخل

من أكبر المشاكل الموجودة عند مدعي التدين هي: الحسد والغيبة وسوء الخلق والشتايم والتعامل مع الأجانب من القرايب وزملاء العمل مثل المحارم
ودي أمور من كبائر الذنوب وتحس بسهولة أوي وهما بيتكلموا عليها أكنها مباحات!

وبتدل على أنك مدَّعي تدين مش متدين ولا حاجة متتغرش بشعارات أصحابك وأهلك ومدحهم فيك

حسن الخلق من أجل العبادات المفقودة الآن، العبادة ليست طلب علم وقراءة قرآن وحفظ حديث وقيام ليل وفقط، تعاملك مع الناس من أجل العبادات

حسن الخلق مش أني مشتمش بس، لأ، إن لما حد يشتم قدامك أو يغتاب أنك ع الأقل لو مش هتنصحه إن ده حرام، ع الأقل متتفاعلش مع شتيمته بالضحك أو بالتأييد

لأن أقسم بالله هتبقى زيه في الإثم، وزيه في الصفة أنت برضو بالشكل ده قليل الأدب

ولو أنك مفكر بالشكل ده الناس مش هتقول عليك شتَّام وبتشتم، فأنت عند ربنا مكتوب وربنا شاهد أنك بترضى بالشتيمة وبتضحك عليها وبتتفاعل معاها

تلاقي واحد موصوف بحسن الخلق عند الناس، وهو أي بوست فيه شتيمة متفاعل معاه، أي رسالة من صحبه فيها شتيمة متفاعل معاها، أي جلسة مع أصحابه واترمى فيها شتايم تلاقيه بيضحك، أمال فيه حسن الخلق هنا؟

قال النبي صلى الله عليه وسلم:
(إذا عُمِلتِ الخطيئةُ في الأرضِ؛ كان من شهِدَها فكرِهَها كمن غاب عنها
ومن غاب عنها فرضيَها كان كمن شهِدَها)

وشخصيتك بتتبنى بفضل المواقف البسيطة دي اللي الناس مش هتصنَّفك عليها، لأن أنت مصنَّف بيها عند الله، وعند نفسك

الحمد لله .. وبعد،
رحلت الليلة الثالثة وكأنها حلم دام لحظات .. رحلت كمثبلاتها في رمضانات مضت .. رحلت عنا هي، وسيأتي رمضان ما نرحل نحن عن لياليه.
تشرق شمسه يوما ما وقد غُيبت أجسادنا في الحُفر المظلمة؛ فلا صلاة يومئذ ولا ذكر ولا قراءة.

يا أصحاب العثرات!
ذنوبنا كثيرة جدًا وماضينا مؤلم .. وها هي أيام المزاحمة؛ نزاحم سيئاتنا بشيء من الحسنات .. دونكم ست ليال لا تضيعوها فإن الله ذكر أقوامًا خلطوا بين الحسنة والسيئة فقال جل شأنه: [ وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَنْ يَتُوبَ عَلَيْهِمْ ] فجاءهم الفرج بعد الكرب والحسرات.

من جميل صلوات التهجد والتراويح إنك بتفضل فترة بعد رمضان مهما صليت ورا أكتر شيخ بيطول في مصر، مش هتحس برضو إنه طوّل، بل في كثير من الصلوات هتزعل إن الإمام ركع، وأنت مستنيه يكمل الآية اللي بعدها

(وبلوناهم بالحسنات والسيئات؛ لعلهم يرجعون)

وشهادات تقديرها في الشغل تبقى تهوّي بيها وهي قاعدة في بيتها ع المعاش والنور قاطع
وكدا كدا فلوسها هتكون خلصت لأن الفلوس مش بتعمّر كل ما تاخد فلوس زيادة كل ما تخلق مصدر جديد لصرف الفلوس
ما استفادنا شي غير مخالطة الرجال وقلة الحياء والتقصير في حق الزوج والأولاد

طبعآ المرأة اللي بتشتغل لظروف معيشة أو حاجة للفلوس ربنا يحرسها ويحفظها
مش لازم توضيح الواضحات

من أعظم ما أصاب المسلمين من رزايا في أواخر القرون هو ضَياعُ الفهم الصحيح للدِين يأخذون الظاهر ويتركون اللُبَّ، لا يبالون بالتصرفات الظاهرة ما دام أن العُرف أقرَّها، مع إن ما في قلوبهم من نصوص شرعية مخالف لأفعالهم

لو سألت أي مسلم: التبرج حرام أم لا؟ هيقول حرام
الزينة للأجانب حرام ولا لا؟ هيقول حرام
محدش هيختلف في التقرير القولي

لكن في تطبيق هذا العِلم في تصرفاتهم، تلاقي الشخص (ذكر أو أنثى) متصور عادي مع واحدة متبرجة بلبسٍ أو بزينة مكياج! سواء كانت صورة فردية أو صورة جماعية، سواء كان المتصورين من المحارم أو من الأجانب

في تطبيق هذا العِلم في تصرفاتهم، تلاقي الشخص (ذكر أو أنثى) متفاعل مع صورة فيها واحدة متبرجة بلبسٍ أو بزينة مكياج! سواء كانت صورة فردية أو صورة جماعية، سواء كان المتصورين من المحارم أو من الأجانب
واحد منزل صورته هو ومراته، ومراته متبرجة بزينة أو بلبس، ليه تعمل عليها لايك وهي واقعة في حرام بل من كبائر الذنوب مركَّبة من تبرج ومجاهرة بحرام وخلافه

وقِس على ده أي ذنب، لمس الرجل لأجنبية أو امرأة لأجنبي حرام ومن كبائر الذنوب، بأي منطق تعمل لايك على صورة لاتنين مخطوبين أيدهم لازقة في بعض؟ أو حصل بينهم تلامس بأي وضع؟ فضلًا لو فيه مخالفات أخرى في الصورة، أو إزاي تحضر خطوبة حصل فيها التلامس ده -فضلًا عن التبرج والرقص والاختلاط- ومتقومش وتسيبها؟ ما هو ده من شهادة الزور، أنت شاهد على كبيرة من كبائر الذنوب ومكمِّل عادي؟ طب ع الأقل معذرة إلى ربك سيبها وامشي، مش هقولك انصح، لكن ع الأقل اترك حضور الكبيرة!

سواء كان خطوبة أو فرح أخوك أو أختك أو قريبك أو صاحبك حبيبك، كلهم سواء تحت مظلة الدين، لو كنت تدِّعي إنك عندك عِلم بمعلومات الدين وكبائره، فأولى بيك أنك تطبقه على أخوك وأختك وصحبك حبيبك

لكن أنك تتشطر في تطبيقه على الصاحب البعيد اللي كدا كدا أصلًا أنت كنت مكسل تحضر له، وعند صحبك حبيبك تعطَّل شعائر الدين، فدي مشكلة كبيرة؛ جه رمضان عشان يحللك المشكلة دي، ويقولك إن الكل سواسية تحت حكم الدين، بل (وأنذر عشيرتك الأقربين) أهم وأولى!

يا رب انفعني به وانفع به المسلمين، وارزقنا صفات المؤمنين الذين يأمرون بالمعروف وينهون عن المنكر ويتعاونون على البر والتقوى، وابعد عنَّا صفات المنافقين الذين يأمرون بالمنكر وينهون عن المعروف ويتعاونون على الإثم والعدوان على حرمات الله ومعصية أوامر النبي محمد صلى الله عليه وسلم