እንኳን ለጌታችን መደሃኒታችን እየሱስ ክርስቶስ ስቅለት በዓል በሰላም አደረሳችሁ ።

ክርስቶስ ወ ገብረክርስቶስ

እዩት ይሔን ጠቢብ
ሸራው እስኪደማ፡ በቀይ እየወጋ
በደም እየሣለው፡
እንጨት አመሳቅሎ፡ ዳግም ክርስቶስን
ጨርቁ ላይ ሰቀለው፡፡
ቀራንዮ ሆነ የወጠረው ሸራ፡
ጎለጎታ ሆነ የወጠረው ሸራ፡
አሁን እስኪመስል ስቃዩ እያስፈራ፡፡
ደም ከደም አረገው አበዛበት ጣር
ብሩሹን አሹሎት እንደ ጎኑ ጦር፡፡
እየወጋ ሣለው፡ በጣም ጨከነበት፡
ገብረክርስቶስም ክርስቶስ ላይ ከፋ፡
የቆዳው ዓይነቱ በደም ተከልሎ ዘሩ እስከሚጠፋ
እየወጋ ሣለው፡ እየሣለ ወጋው፡
ዘሩ እስከማይለይ መልኩ ዝም ብሎ
ደሙ እስከሚናገር፡
የትም ያለ ፍቅር እንዳይኖረው አገር፡
እንዳንለው ፈረንጅ እንዳንለው ጥቁር፡
እንዳንለው ቀይ፡
በመስቀል ላይ ሞቶ ያየውን ስቃይ
በቆዳ በቀለም እንዳናሳንሰው
በደሙ ተሰቅሎ ሰው ያዳነውን ሰው፡፡
ከቀናት ባንዱ ዕለት፡
ሰዎች ሲሟገቱ በቀለሙ ጉዳይ፡ ሲከራከሩበት
በተመፃዳቂ የምሑር አንደበት፡
ባንዱ አፍ ሲጠቁር፡
ባንዱ አፍ ሲነጣ፡
መታገስ አቃተው ሠዓሊው ተቆጣ!
ሥሜቱ ገንፍሎ በብሩሽ ጫፍ ወጣ፡፡
ሐሣቡን የሚገልፅ ቀለም እስከሚያጣ፡
ሸራ ላይ ሰቀለው እንጨት አመሳቅሎ፡
አልወጣልህ አለው ፍቅርን ሥሎ ሥሎ፡፡
ሥሎ---ሥሎ----ሥሎ፡
ፍቅርን ሥሎ ሥሎ፡
በሣለው እየወጋ፡ በደማው እየቀባ፡
'ክርስቶስ ደሙ እንጂ ዘሩ አልተሰቀለም
እንጨቱ ላይ ያለው ዕውነት ይሔ አይደለም፡፡'
እያለ እስኪናገር የሥዕሉ አንደበት
ገብረክርስቶስም ለክርስቶስ 'ሚሆን ቀለም እስኪያልቅበት፡
በነጩ ሸራ ላይ እስካሁን የሚወርድ ደም አፈሰሰበት፡፡
ቀለም፡ ቀይ ቀለም
የደም ቀለም፡ የጥላ ቀለም
የሁሉም ነው'ንጂ የማንም አይደለም፡
ፍቅር ዘር አይደለም።

ለሠዓሊና ገጣሚ ገ/ክርስቶስ ደስታ የተፃፈ ከቴዎድሮስ ካሣሁን (ቴዲ አፍሮ)

ለመላው ሙስሊም ወገኖቻችን ሁሉ፣
እንኳን ለዒድ አልፊጥር በዓል አደረሳችሁ!

ዒድ ሙባረክ!!!

አነጋጋሪዉ እና ቆራጡ የአለማችን ድንቅ መሪ የታላቋ ራሺያ ፕሬዝዳንትን ግለ ታሪክ መሰረት ያደረገዉ firest person ሚለዉ ድንቅ መፅሀፍ በገበያ ላይ ዋለ።
ፕሬዝዳንት ቭላዲሚር ፑፒን ከልጅነት እስከ መሪነት የሂወት ጉዟቸዉ ምን እንደሚመስል መጽሀፉ ላይ በግልጽ ተቀምሯል።
#ቭላዲሚር ፑቲን የተወለዱት በሌኒንግራድ አሁን ላይ ሴንት ፒተርስ በርግ ሲህን በሌንግራንድ ስቴት ዩንቨርሲቲ የህግ ትምህርት ተከታትለዋል።
# ለ16 አመታት በኬጂቢ የዉጭ መረጃ መኮንንነት ሰርተዋል።
# ሌተናል ኮሎኔልነት ማዕረግ የደረሱ ሲሆን በ1996 የፕሬዝዳንት ቦሪስ የልሰን አስተዳደርን ለመቀላቀል ወደ ሞስኮ ተዘዋዉረዋል ።
# 1999 ጠቅላይ ሚኒስተር ሆነዉ ከመመረጣቸዉ በፊት የፌደራል ደህንነት አገልግሎት (FASB) ዳሬክተርና የፀጥታዉ ምክር ቤት ፅሀፊ ሆነዉ ለአጭር ጊዜ አገልግለዋል።

ሊከድኑት የሚሳሱለት ተወዳጁ ሉባር መጽሐፍ ለሁለተኛ ጊዜ ታትሞ በገበያ ላይ ዋለ።

ድርሰቱ ከጎንደር ፋሲለደስ እስከ ዘጌ ጊዮርጊስ፤ ከዘጌ ጊዮርጊስ እስከ ዳጋ እስጢፋኖስ፤ ከዳጋ እስጢፋኖስ እስከ ጣና ቂርቆስ፤ ከጣና ቂርቆስ እስከ ዲማ ጊዮርጊስ የተዘረጋ መሳጭ ታሪክ

ታሪክን- ከወቅታዊ ክስተት፣ ፍልስፍናን- ከነባራዊ ሁነት፣ እውቀትን - ከጥበብ፣ ስልጣኔን - ከባህልና ወግ ጋር አግባብቶና አጣጥሞ በፍቅር ቅኝት ሞሽሮና ገምዶ የያዘ መጽሐፍ፤

እንደ ስሙ ቅዱስና ከፍ ያለ የሀሳብ ልዕልናን የተጎናፀፈ መጽሐፍ ነው። ቢያነቡት በርካታ ህይወት ቀያሪ ተሞክሮዎችን ከተሟላ እርካታ ጋር ያገኙበታል።

ዳግማዊ ምኒልክ ካህናትንና ሴቶች ሳይቀሩ ባንድነት አስተባብረው ኢትዮጵያውያንን ባንድ እግር አቁመው በአገር ወራሪ ፊት አሰልፈዋል ቀኑን ሙሉ በማዋጋት ይኸን ዓለም የተዶነቀበትን ድል ባኙበት ማታ ወደ ሰፈራቸው ሲመለሱ : አዲ ፈቂ ጐታ ላይ ወጥተው በእንዳ ሰንበት ቤተክርስቲያን ገብተው ይኸን ድል ለሰጣቸው እግዚአብሔር ምስጋና አቅርበዋል። አዲ ፈቂ በእንዳ ኪዳነ ምሕረት በመነኮሲይቶ ተራራ መካከል የሚገኝ ነው። የአዲ ፈቂም ተራራ ከባሕር ከፍታው 2062 ሜትር ነው። ከሌሎቹ አብያተ ክርስቲያናት ወደዚህ መሔድን የመረጡት ምናልባት ጦርነቱ የተደረገው የካቲት 23 ቀን እሑድ ስለሆነ የአዲፈቂ ቤተ ክርስቲያን እንዳ ሰንበት (የሰንበት ቤተ ክርስቲያን) ስለሆነ ዕለተ ሰንበት ‘የለቱ ለት ቀናኝ’ በሚሉ እምነት ይሆናል።

ከዚያ ወርደው ሠራዊቱ “እየገደለ ሰጠው ላሞራ!” እያለ በሆታ እያጀባቸው በደስታና በእልልታ ወደ ሰፈራቸው ደረሱ። ወደ ድንኳናቸው ገብተው በዙፋናቸው እንደ ተቀመጡ ፥ ጦርነቱን እንደ ወንድ በትጋት የተካፈሉት የሚወድዋቸው ባለቤታቸው እቴጌ ጣይቱ በኢትዮጵያ ልማድ ለዠግና ፥ ለገዳይ እንደሚደረገው ሁሉ ንጉሠ ነገሥቱ ወደ ተቀመጡበት ዙፋን ቀርበው እጅ ነሥተው የድል አድራጊነት ምልክት የሆነውን የወርቅ ሎቲ በዦሮአቸው አንጠለጠሉላቸው።

በማግሥቱም ፥ በዓድዋና በአክሱም ዙሪያ ያሉ ካህናት ለድሉ በዓል ተሰብስበው ነበርና ምራቱ በቅድሚያ ለአክሱም ካህናት ስለተሰጠ ካህናቱ ከድጓ ውስጥ “ሞዖ ለሞት ሰዓሮ ለጣኦት ወገብረ ትንሣኤ በሰንበት” (የድጓው ትርጉም “ሞትን አሸነፈ ጣኦትንም ሻረ ፥ በሰንበትም ትንሣኤ አደረገ” ተብሎ ለጌታችን በጳውሎስ የተነረውን ለምኒልክ ለማውረስ ነው። ጢሞቴዎስ ምዕ.1 ቁ.10 ፥ ዕብ.2 ቁ.14) የሚለውን ጥቅስ ገሠው አዜሙ። ምስማክም “እንተ ቀጥቀጥኮ አርእስቲሁ ለከይሲ ወትሁቦሙ ሲሳዮሙ ለሕዝበ ኢትዮጵያ” የሚለው ከዳዊት መዝሙር ተዘመረ።

በአዲስ አበባ ገና የጦርነቱ ወሬ ሳይሰማ ውጊያውና ድሉ በተፈጸመበት ቀን የጊዮርጊስ ለት የቤተ ክርስቲያኑ አለቃ መምህር ጽጌ የሚባሉት ሊቅ የተቀኙት መወድስ ቅኔ እንዶ ትንቢት ሆኖ ተደንቆ ላቸዋል። ቅኔው ታሪካዊ ስለሆነ እንደሚከተለው አስፍረነዋል።

በሕፅነ ምኒልክ ይረፍቅ ሰማዕተ ልዕልና
ወበሕፅነ ሰማዕት ይትሐወስ አሰረ ምኒልክ ላዕክ
እስመ እም ሮምያ ፈትተ አድባረ ድንጋጼ ወሀውከ
ምኒልክ ንጉሠ አድኅኖ ዘኢዮር መልአክ
ወእግረ ምኒልክ ኢይትሐወክ
እስመ በቅድሜሁ የሐውር ጸያሔ ፍኖት ወልደ አምላክ
ቡርክትሂ ገነተ ጽጌ እስመ ውእቱ ቡሩክ
ዓለመ ምኒልክ ቀዳማዊ ዘይመጽእ ምኒልክ
ወሎቱ ሶርያ ትሰግድ ወታስተበርክ
በጽባህ እስመ ቀርበ ሙስና ሮምያ መሥዋዕተ ሠርክ

በሙሉ ሁሉን መተርጐም ምንም ያህል ስለማይጠቅም ከሙሉው አንዳንዱን ፍሬ ነገር ግዕዝ ለማያውቁ እናብራራለን። አምስተኛውና ስድስተኛው ሐረግ ፥ “ወእግረ ምኒልክ ኢይትሐወክ። እስመ በቅድሜሁ የሐውር ጸያሔፍ—ኖት ወልዶ አምላክ” “መንገድ ጠራጊው ወልደ አምላክ በፊቱ ስለሚሔድ ፥ የምኒልክ እርምጃ አይደናቀፍም” ማለት ነው ወልዶ አምላክ የራስ መኰንን የክርስትና ስም ስለሆነ መኰንን ግንባር ቀደም ጦር አዝማች እየሆኑ በአላጌና በመቀሌ እየተዋጉ ለንጉሠ ነገሥቱ የጦርነት ጉዟቸውን ያቀኑትን ለመጥቀስ ነው።

ከሁሉ የቅኔ ሐረጐች የመጨረሻው መስመር ፥ “በጽባህ እስመ ቀርበ ሙስና ርምያ መሥዋዕተ ሠርክ” “የሮማ ጥፋት እንደ ዕለት መሥዋዕት በጧት ቀርቧል” ያሉት ለባለቅኔው እንደ ደንበኛ ትንቢት ተቆጥሮላቸዋል። በእርግጥም ግንባር ቀደም ሆኖ በጧት ግሥጋሤ ደርሶ የተማረከው የዤኔራል አልቤርቶኒ ጦር የተመታውና የኢጣልያ ጦር ቅስሙ የተሰበረው ከጧቱ ላይ ስለሆነ “በጽባሕ እስመ ቀርበ ሙስና ሮምያ . . .” ብለው የጦርነቱ ዕለት የጦርነቱን ወሬ ሳይሰሙ የተቀኙትና በተግባር የተፈጸመው በትክክል ተገናኝቷል። አዲስ አበባም እንደገቡ ዐፄ ምኒልክ ይኸንኑ ሰምተው ሸልመዋቸዋል ይባላል።

🟢 🟡 🔴

ከ ተክለጻዲቅ መኩርያ
"ዐፄ ምኒልክ እና የኢትዮጵያ አንድነት" መጽሐፍ ላይ የተወሰደ

ስሙ መጽሐፍትን በትረካ የሚያቀርብላችሁ የሞባይል መተግበሪያ ነው። ሲፈልጉ በቋሚ ደንበኝነት ተመዝግበው ሲፈልጉ ደግሞ በአንድ ጊዜ ክፍያ አባል መሆን ይችላሉ። የብዙ ደራስያንን ስራዎች በድምጽ በመቅዳት እያቀረቡ ነው ለምሳሌ በብዙ አንባብያን ዘንድ ተወዳጅ የሆኑት የአዳም ረታ መጽሐፍትም ይገኙበታል።
ከዚህ በተጨማሪም የታላላቆቹ ደራስያን አለማየሁ ገላጋይ፣ እንዳለጌታ ከበደ፣ አንዳርጋቸው ጽጌ፣ አንዷለም አራጌ፣ ዮርዳኖስ አልማዝ እና ሌሎችም ስራዎች ተካተውባቸዋል። መተግበሪያቸውን አውርደው ነጻ የሚለቀቁ መጽሐፍቶቻቸውን አዳምጠው ቼክ ያድርጉ እና ከወደዱት ቀጣዩ የእርስዎ ምርጫ ነው።
ጉግል ማከማቻ ፡ https://bit.ly/SemuGooglePlay
አፕል ማከማቻ፡https://apple.co/3gzblVH
ድረ-ገፅ፡ https://www.semuaudiobooks.com/

ባህላችን አሁንም አለ አልተዘነጋም የኛ ድርሻ ማስቀጠል ብቻ ነው!!! 💚💛❤️