🚨ማስታወሻ በግል ለምትወዳደሩ ወንድ አትሌቶች በሙሉ! 🏃‍♂️🏃‍♂️🏃‍♂️

የአትሌቶች ማጣሪያ የፊታችን ቅዳሜ በእንጦጦ ፓርክ ስለሚካሄድ ምዝገባችሁን ያላጠናቀቃችሁ ከአሁኑ እንድታጠናቅቁ እናሳስባለን።

ማለዳ 12:00ሰዓት ላይ ወደ እንጦጦ የሚወስዳችሁ መኪና 4ኪሎ ምኒሊክ ትምህርት ቤት ጋር ስላዘጋጀን ከ12:00 በፊት እንድትገኙ!

🗓 ቅዳሜ - ጥቅምት 1 ቀን 2018

✨ 2018 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ✨

#GreatEthiopianrun #10k #25thEdition #ANationIn10km #Ethiopia #EntotoPark

ታላቁ ሩጫ በኢትዮጵያ ለአትሌቶች ከፍተኛውን ሽልማት ሊያበረክት ነው

ታላቁ ሩጫ በኢትዮጵያ ህዳር 14 ቀን በሚደረገው የ2018 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ላይ ለሚያሸንፉ አትሌቶች በድምሩ ከ1.8ሚሊዮን ብር በላይ ሊሸልም ነው።

ከ2017 ዓ.ም. ጀምሮ የአለም አትሌቲክስ (Label Road Race) ደረጃ የተሰጠው ታላቁ ሩጫ በኢትዮጵያ አለም አቀፍ 10ኪ.ሜ. ሃያ አምስተኛ ዓመት ውድድሩን በማስመልከት በአንደኛነት ለሚያጠናቅቁ አትሌቶች የሚያበረክተውን የገንዘብ ሽልማት ወደ አራት መቶ ሺህ (400,000) ብር ከፍ አድርጓል።

በዚህም መሰረት ሽልማቱ በውድድሩ ላይ ባለፈው አመት ለአሸናፊዎች በሽልማትነት ተበርክቶ ከነበረው 250ሺህ ብር በስልሳ በመቶ (60%) አድጓል። በተመሳሳይ ሁለተኛ ለሚሆኑ የ200ሺህ አንዲሁም ሶስተኛ ሆነው ለሚያጠናቅቁ አትሌቶች የ100ሺህ ብር ሽልማት አንደሚበረከት ይፋ ተደርጓል።

የውድድሩን ጥራት አና የአትሌቶችን ፉክክር ከፍ ማድረግ አንዲቻልም በክለብ አና የስፖርት ማኔጅመንት ውስጥ ከሚገኙ አትሌቶች በተጨማሪ በግል ለሚወዳደሩ አትሌቶች ዕድል ለመፍጠር ቅዳሜ ጥቅምት 01 ቀን 2018 ዓ.ም. በእንጦጦ ፓርክ የማጣሪያ ውድድር ይካሔዳል። ይህም ማጣሪያ በግል ለሚወዳደሩ አትሌቶች በውድድሩ ላይ የመሳተፍ ዕድልን ይፈጥርላቸዋል።

ቅዳሜ ከአትሌቶች የማጣሪያ ውድድር በተጨማሪም 9ኛው ዙር የወርሃዊው እንጦጦ ፓርክ ሲቢኢ ሩጫ ላይ ባለፉት ውድድሮች ላይ ሰባት እና ከዛ በላይ ለሆነ ጊዜ የሮጡ ተሳታፊዎች ልዩ ሽልማት ይበረከትላቸዋል።

💫ሰባተኛ ዙር ልምምዳችንን ከአህመድ የጤና ቡድን አባላት ጋር✨

እሁድ ወሎሰፈር እንገናኝ ✨

የ2018 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ✨

#GreatEthiopianrun #25thEdition #10k #ANationIn10km

ታላቁ ሩጫ በኢትዮጵያ በድጋፍ ማሰባሰቢያ ዘመቻው አዲስ ታሪክ ለመፃፍ አልሟል

ታላቁ ሩጫ በኢትዮጵያ ከ2018 ሶፊ ማልት አለምአቀፍ 10ኪ.ሜ. ውድድሩ ጋር አያይዞ በየዓመቱ በሚያካሂደው የድጋፍ ማሰባሰቢያ ዘመቻ ከ4 ሚሊዮን ብር የበለጠ ለመሰብሰብ አልሟል።

ይህም በውድድሩ አማካይነት በተሰበሰበ ገንዘብ መጠን ቀዳሚውን ቦታ የሚይዝ ይሆናል፡፡ ዘመቻው ባለፈው ዓመት ከ3 ሚሊዮን ብር የበለጠ አሰባስቧል፡፡ ከ25 ቀናት በኋላ ፤ ህዳር 14 ቀን 2018ዓ.ም. የሚካሄደው የዚህ ዓመቱ ውድድር 25ኛ ዓመቱን የሚያከብርበት በመሆኑ በተለየ ስሜት እየተዘጋጀም ይገኛል፡፡
 
‹ሌሎችን ለመርዳት ሮጣለሁ› በሚል የሚጠራው ገንዘብ የማሰባሰብ ዘመቻ የተጀመረው በ1998 ዓ.ም. ፤ በ5ኛው የውድድር ዓመት ነበር፡፡ ባለፉት 20ዓመታት በዘመቻው ከ43 ሚሊዮን ብር የበለጠ ተሰባስቦ ከ60 ለበለጡ የበጎ አድራጎት ድርጅቶች ተከፋፍሏል፡፡
 
የታላቁ ሩጫ በኢትዮጵያ የዚህ ዘመቻ አስተባባሪ አብድራዛቅ አለዊ፣ ከታለመው የገንዘብ መጠን 75በመቶውን መደበኛው የምዝገባ ጊዜ ከተዘጋ በኋላ በተከናወነው የመጨረሻው የምዝገባ ጊዜ ከፍ ባለ ዋጋ ከተከናወነው ምዝገባ ለማሰባሰብ እንዳቀዱ ገልጿል። ለዘመቻው ድጋፋቸውን ሲሰጡ የቆዩ በርካታ ድርጅቶች ለጋስነትንም ጠቅሶ አመስግኗል።
 
ታላቁ ሩጫ በኢትዮጵያ ከአምስት ዓመታት በፊት ጀምሮ GivenGain በተሰኘው ድረ-ገፅ አማካይነት ከሀገር ውጪ የሚገኙ ተሳታፊዎችም ለዘመቻው ድጋፍ እንዲያደርጉ ማመቻቸቱ ይታወቃል።
 
በሴቶች እና ማህበራዊ ጉዳይ ሚኒስቴር በኩል ተመርጠው በዚህ ዓመት ተጠቃሚ የሚሆኑት ሶስት የበጎ አድራጎት ድርጅቶች ቼሻየር ኢትዮጵያ ፣ ተስፋ ማህበራዊ እና ልማት ማህበር እንዲሁም የኢትዮጵያ አካል ጉዳተኞች ማህበራት ፌደሬሽን ናቸው፡፡

ቴርጋት ፣ ታኑይ እና ኮመን  - የኃይሌ ገ/ስላሴ ታላላቅ ተፎካካሪዎች - በ25ኛ ዓመት የታላቁ ሩጫ ውድድር ላይ ይገኛሉ

ከኬንያ አንጋፋ የረጅም ርቀት ሩጫ አትሌቶች መካከል ሦስቱ - ፖል ቴርጋት፣ ዳንኤል ኮመን እና ሞሰስ ታኑይ – እሁድ ህዳር 14 ቀን 2018 በሚካሄደው የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10 ኪሎ ሜትር ላይ ለመገኘት ወደ አዲስ አበባ እንደሚመጡ ተገለፀ።

ሦስቱም አትሌቶች በዓለም አቀፍ የሩጫ ሕይወታቸው ታላቁ ሩጫ በኢትዮጵያን በ1994ዓ.ም. ከመሠረተውና የኢትዮጵያ የረዥም ርቀት ሩጫ ምልክት ከሆነው ከኃይሌ ገብረሥላሴ ጋር ከፍተኛ ተፎካካሪነት ነበራቸው።

ቴርጋት ቀደም ሲል እ.ኤ.አ. በመስከረም ወር 2003 በበርሊን የማራቶን የዓለም ክብረ ወሰን ከሰበረ በኋላ በውድድሩ ላይ በእንግድነት ተገኝቶ ነበር። በ1990ዎቹ ከኢትዮጵያዊው ጓደኛው ኃይሌ ጋር ከፍተኛ ፉክክር የነበረው ሲሆን ፤ በ1996 እና በ2000 ኦሎምፒክ ኃይሌን በመከተል የብር ሜዳሊያውዎችን አግኝቷል። ሁለቱም ወደ ማራቶን ሲያድጉም ፉክክሩ የቀጠለ ሲሆን፣ ኃይሌ በሴፕቴምበር 2007 በመጀመሪያው የማራቶን ክብረ ወሰን የዓለም ሪከርዱን ከቴርጋት በ29 ሰከንድ ልዩነት ወስዷል።

ዳንኤል ኮመንም ከ1996 እስከ 1998 ባሉት ሦስት ዓመታት በትራክ ላይ ከኃይሌ ገብረሥላሴ ጋር ከባድ ፉክክር ነበረው።

እ.ኤ.አ. 1996 በተካሔደው የአትላንታ ኦሎምፒክ ቡድን ውስጥ ያልተካተተው ኮመን በሴፕቴምበር 1 ቀን 1996 በጣሊያኗ ሪየቲ የ3000 ሜትርን 7፡20.67 በመሮጥ  የዓለም ክብረ ወሰንን ይዞ ነበር ፤ ይህም ጃኮብ ኢንገብሪግስተን በኦገስት 2024 እስኪሰብረው ድረስ ለ28 ዓመታት ያህል ዘልቋል። በ1997 ኮመን የ5000ሜትር የዓለም ክብረ ወሰንን 12፡39.74 በመሮጥ ከኃይሌ ወስዶ የነበረ ቢሆንም ኃይሌ በ12፡39.36 በመሮጥ በአንድ ዓመት ውስጥ መልሶ ወስዶታል።

ሞሰስ ታኑይ በዚህ ወር መጨረሻ ወደ አዲስ አበባ ሲመጣ ለሦስተኛ ተከታታይ ጊዜው ነው። ታኑይ የሁለት የዓለም ሻምፒዮና አሸናፊ (በ1991 በትራክ እና በ1995 በጎዳና ላይ) ሲሆን ፤ ታላቁ ሩጫ በኢትዮጵያ ከቅርብ ዓመታት ወዲህ በአጋርነት የሚሰራው የኤልዶሬት ማራቶን የውድድር ዳይሬክተር ነው። ታኑይ በ1993 የዓለም ሻምፒዮና የ10,000ሜትር ውድድር ላይ ከኃይሌ ገብረሥላሴ ጋር አይረሴ ፉክክር ቢያደርግም በመጨረሻው ዙር ጫማው በመውለቁ ኃይሌ አሸንፎት እንደነበር ይታወሳል።

ሶስቱም የኬንያ ታላላቅ አትሌቶች ከዚህ ቀደም በተለያየ ጊዜ በእንግድነት ታድመውበት በነበረው የታላቁ ሩጫ በኢትዮጵያ መድረክ ላይ በድጋሚ ከኃይሌ እና ከሌሎች ተጋባዥ እንግዶች ጋር መገኘት የ25ኛውን ዓመት ክብረ በዓል በሚያደምቁት 55,000 ተሳታፊዎች ላይ ተጨማሪ ደስታን ይፈጥራል።

የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10 ኪሎ ሜትር መነሻዎቹን መስቀል አደባባይ እና ግዮን ሆቴል በማድረግ ፤ እሁድ ህዳር 14 ቀን 2018ዓ.ም. ይካሔዳል።

2 ሳምንት ብቻ ቀርቶናል - እየተዘጋጃችሁ ነው?

የ9ኛ ሳምንት ልምምዳችንን ፤ ከህያት ሬጀንሲ እና ከብላቴና ጤና ቡድን ጋር ሆነን እንቀጥላለን ✨

እሁድ ማለዳ ወሎሰፈር አደባባይ  እንገናኝ!
2018 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ.!

#GreatEthiopianRun #10k #25thEdition #ANationIn10km #RaceInNumbers #10WeeksChallenge

ለሚድያ ባለሞያዎች - የመጨረሻ ጥሪ!

ሀዳር 14 ቀን 2018ዓ.ም. ለሚካሔደው የ2018 ሶፊ ማልት ታላቁ ሩጫ በኢትዮጵያ አለም አቀፍ 10ኪ.ሜ. ውድድር ላይ በቦታው ተገኝተው መዘገብ ለሚፈልጉ የሀገር ውስጥ እና የውጪ ሚድያዎች የይለፍ መታወቂያ ለማዘጋጀት ፤ ከዚህ በታች ባለው ማስፈንጠሪያ በመጠቀም እንድትመዘገቡ ታላቁ ሩጫ በኢትዮጵያ የመጨረሻ ጥሪውን ያቀርባል!

የሚድያ ምዝገባ የምናከናውነው እሰከ 08 ህዳር 2018ዓ.ም. ነው!

👉 https://ethiopianrun.org/accreditation

ካሊድ ካኑቺ እና ፔሬስ ጄፕቺርቺር የ25ኛው ዓመት ውድድር የእንግዶች ዝርዝር ላይ ተጨምረዋል

የቀድሞው የማራቶን የዓለም ሬኮርድ ባለቤት እና የሺካጎ ማራቶን የአራት ጊዜ አሸናፊው አሜሪካዊ ካሊድ ካኑቺ እንዲሁም የወቅቱ የማራቶን የዓለም ሻምፒዮን ኬኒያዊቷ ፔሬስ ጄፕቺርቺር ፤ እሁድ ህዳር 14 በአዲስ አበባ በሚካሄደው ታላቁ ሩጫ በኢትዮጵያ 25ኛ ዓመቱን በሚያከብርበት ውድድር ላይ በእንግድነት እንደሚገኙ አረጋግጠዋል፡፡

ካኑቺም እንደ ኃይሌ ገብረስላሴ ሁለቴ የዓለም ሬኮርድን ሰብሯል - በመጀመሪያ እ.ኤ.አ. በ1999 በሺካጎ በ2፡05፡42 ሰዓት እና ከሶስት ዓመታት በኋላ በለንደን የራሱን ሰዓት በአራት ሴኮንዶች ወደ 2፡05፡38 በማሻሻል፡፡ ካኑቺ በለንደኑ ውድድር ፖል ቴርጋትን እና ኃይሌ ገብረስላሴን ቀድሞ ሲያሸንፍ ሁለቱ በቅደም-ተከተል 2ኛ እና 3ኛ ሆነው አጠናቀዋል፡፡
ካኑቺ ለመጀመሪያ ጊዜ ወደ ኢትዮጵያ ስለሚያደርገው ጉዞ ሲናገር ‹‹በተወዳዳሪነቴ ወቅት ከብዙ ኢትዮጵያዊያን ጋር የመለማመድ እና የመወዳደር እድል ነበረኝ፡፡ ጠንካራ ሰራተኝነታቸው እና ለሩጫ ያላቸው ፍቅር ለስኬታቸው ዋነኛ ምክንያት ነበሩ፡፡ ለመጀመሪያ ጊዜ ኢትዮጵያ መገኘት እና በዚያ ያሉ ጓደኞቼን ማግኘት አጓጉቶኛል›› ብሏል፡፡

ለ2025 የሴቶች ከስታዲየም ውጪ የዓመቱ ምርጥ አትሌትነት የታጨችው ኬኒያዊቷ የማራቶን ኮከብ ፔሬስ ጄፕቺርቺርም ከ8 ዓመት ሴት ልጇ ናታሊያ ጋር ወደ አዲስ አበባ ትመጣለች፡፡ በቶኪዮ የኦሊምፒክ ማራቶንን ካሸነፈች አንድ ዓመት በኋላ በ2015 በታላቁ ሩጫ ላይ ተገኝታ የነበረችው ጄፕቺርቺር፣ በእዚያው በቶኪዮ ኢትዮጵያዊቷ ተፎካካሪዋ ትዕግስት አሰፋን በጥቂት ሰኮንዶች ቀድማ በማራቶን የዓለም ሻምፒዮንነትን ከተቀዳጀች ሁለት ወራት ብቻ ተቆጥረዋል።

‹‹ያ ውድድር ከእጄ እንዲያመልጥ በጭራሽ አልፈለኩም፡፡ ድሉን እጅግ ፈልጌው ነበር›› ስትል ጄፕቺርቺር ከሁለት ወራት በፊት በቶኪዮ ስላገኘችው ድል ታስታውሳለች፡፡ ከመንፈቅ በፊት ትዕግስት ድል ባደረገችበት እና የጄፕቺርቺርን የ2024 ክብር በወሰደችበት የለንደን ማራቶን፣ ኬኒያዊቷ ውድድሩን አቋርጣ ነበር፡፡

በሶስት የዓለም የግማሽ ማራቶን ሻምፒዮናዎች ሶስት የግል የወርቅ ሜዳሊያዎችን ያሸነፈችው ጄፕቺርቺር አሁን የአራት ጊዜ የዓለም ሻምፒዮን ስትሆን ፤ በቦስተን፣ ኒው ዮርክ እና ለንደን በማሸነፍ የሶስት-ጊዜ የዓለም ሜጀር ማራቶን ባለድል ነች፡፡

የካኑቺ እና ጄፕቺርቺር ስሞች ከዚህ ቀደም ይፋ በተደረጉት ሶስቱ ኬንያውያን አትሌቶች ፖል ቴርጋት ፣ ዳንኤል ኮመን እና ሞሰስ ታኑይ’ን በያዘው የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10ኪ.ሜ. ላይ የሚታደሙ እንግዶች አስደናቂ ስብስብ ላይ ተጨምረዋል።

ፋንታዬ በላይነህ የመጀመሪያ ድሏን አቤ ጋሻሁን ደግሞ አራተኛ የድል ሪከርዱን በ10 ኪ.ሜ. ለማሳካት በታላቁ ሩጫ በኢትዮጵያ መድረክ ይወዳደራሉ

የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10 ኪ.ሜ. የአትሌቶች ውድድር ቅድመ እይታ

የቦስተን ግማሽ ማራቶንን ካሸነፈች ገና ሁለት ሳምንታትን ብቻ ያስቆጠረችው የ25 ዓመቷ ፋንታዬ በላይነህ እሁድ በሚካሄደው የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10 ኪሎ ሜትር የሴት አትሌቶች ውድድር ላይ ተጠባቂ አትሌት ናት። ልክ እንደ ቦስተኑ ውድድር ፤ በ2016 ዓ.ም. የታላቁ ሩጫ በኢትዮጵያ ውድድርን በ32 ደቂቃ ከ28 ሰከንድ አሸናፊ ሆና ከገባችው መልክናት ውዱ ጋር ትፋለማለች።

ፈንታዬ እጅግ ስኬታማ ከሆነው የውድድር ዘመኗ በኋላ እየመጣች ነው። በቶኪዮ የዓለም አትሌቲክስ ሻምፒዮና በ5000 ሜትር ውድድር ተሳትፋ ዘጠነኛ ሆና አጠናቃለች። ከዚህ ቀደም በለንደን ዳይመንድ ሊግ መዲና ኢሳን ተከትላ ሁለተኛ ሆና ስታጠናቅቅ የግል ምርጥ ሰዓቷን ወደ 14 ደቂቃ ከ30.90 ሰከንድ ዝቅ አድርጋለች። በመንገድ ላይ የ10 ኪሎ ሜትር ምርጥ ሰዓቷ እ.ኤ.አ. በ2025ዓ.ም. መጀመሪያ ላይ ከቫሌንሲያ 10 ኪሜ ያስመዘገበችው 30፡00 ነው።

ሌላዋ ጠንካራ አትሌት እ.ኤ.አ. የ2023 የቲ.ሲ.ኤስ. አምስተርዳም ማራቶን አሸናፊ የሆነችው መሠረት በለጠ ስትሆን ፤ የሩጫ ሰዓቷም 2፡18፡21 ነበር። ረዘም ያሉ ርቀቶችን በመሮጥ ትልቅ ልምድ ያላት ሲሆን በዚህ ዓመት መጀመሪያ ላይ ደግሞ በዴጉ ማራቶን በ2፡24፡08 አሸንፋለች። የመሠረት ለ10 ኪ.ሜ. ምርጥ ሰዓት 32፡39 በዚህ ዓመት ግንቦት ወር ላይ በቦልደር ቦልደር 10 ኪ.ሜ. ውድድር ላይ ያስመዘገበችው ነው።

ለመጨረሻ ጊዜ በ2015ዓ.ም. የታላቁ ሩጫ በኢትዮጵያ ዓለም አቀፍ 10ኪ.ሜ. ውድድርን ያሸነፈው አቤ ጋሻሁን ፤ በ2009 እና በ2012ዓ.ም. ከነበሩት ድሎች ጋር ተዳምሮ ሶስት ጊዜ ማሸነፍ የቻለ ብቸኛው ወንድ አትሌት ነው። አቤ በዚህ ውድድር ላይ ባለፉ ዓመታት ታላቁ ሩጫ ላይ ሁለተኛ ደረጃን ይዘው ካጠናቀቁ ሁለት አትሌቶች ጋር ይፎካከራል። በ2017ዓ.ም. አዲሱ ነጋሽ ከአሸናፊው ቢኒያም መሃሪ (28፡26) አንድ ሰከንድ ብቻ ዘግይቶ ሁለተኛ ሆኖ ስላጠናቀቀ ዘንድሮ ለአሸናፊነት ይፎካከራል።

ሌላው በ2016ዓ.ም. ሁለተኛ ደረጃን ይዞ ያጠናቀቀው ኃይለማርያም አማረ ሲሆን የ10 ኪ.ሜ. ምርጥ ሰዓቱ 27፡32 ሲሆን በ2015ዓ.ም. ከአቤ ጋሻሁን በመቀጠል ሁለተኛ ሆኖ ነበር። ከሌሎች ሊታዩ ከሚገባቸው አትሌቶች መካከል በግንቦት ወር የታላቁ ቦቆጂ ሩጫ የ12 ኪ.ሜ. ያሸነፈውና የበቆጂ ፈርጥ የሆነው ወጣት አትሌት ሰዩም ድሪባ ነው። ይህም በታላቁ ሩጫ በኢትዮጵያ የሚዘጋጁት የክልል ውድድሮች ለወጣት አትሌቶች እንዴት መነሻ እንደሆኑ ያሳያል።

ከተሳታፊ የምስራቅ አፍሪካ አትሌቶች መካከል የዩጋንዳዎቹ ሌዊ ቸላንጋት እና ቪክቶር ቸሮቲች ጠንካራ ተፎካካሪዎች እንደሚሆኑ ይጠበቃል። በሁለቱም ፆታዎች የአትሌቶች ውድድሮች ላይ ከኬንያ እና ታንዛኒያ የመጡ አትሌቶችም ይገኛሉ።
እሁድ ህዳር 14 ቀን 2018ዓ.ም. በሚደረገው ሶፊ ማልት ታላቁ ሩጫ በኢትዮጵያ ዓለም አቀፍ 10ኪ.ሜ. ላይ የአትሌቶች ውድድሮች ከጤና ሯጮች ውድድሮች ጥቂት ደቂቃዎችን ቀደም ብሎ በ1:55 ሰዓት እና በ1:57 ሰዓት ላይ ይጀመራሉ። የጤና ሯጮች ውድድሮች ፈጣን ማዕበል በ2፡00 ሰዓት እና ዘና ማዕበል በ2፡10 ሰዓት ላይ ይጀመራሉ።

25ኛው ዓመት ልዩ ውድድር ላይ 55ሺህ ተሳታፊዎች ይጠበቃሉ። የዘንድሮ ውድድር አጋሮች ፤ ሶፊ ማልት የስያሜ አጋር ፣ ዩኒሴፍ የመልዕክት አጋር ፣ የኢትዮጵያ አየር መንገድ የጉዞ አጋር ፣ ኢትዮ ቴሌኮምና ቴሌ ብር የቴክኖሎጂ አጋር ፣ ዳሽን ባንክ የባንክ አጋር ፣ ፋብ የውበት ሳሙና የታላቁ ሩጫ በኢትዮጵያ ሩጫዎች የንዕህና አጋር ፣ ቱሪዝም ሚኒስቴር ፣ ቶፕ ውሃ ፣ ሃያት ሬጀንሲ ፣ ኢ.ቢ.ሲ. እና አፍራን ሆስፒታል ናቸው።

የቦስተን እና ሺካጎ ማራቶን የውድድር ዳይሬክተሮች በኢትዮጵያ በተደረገላቸው የሞቀ አቀባበል ደስታቸውን ገለፁ።

የሺካጎ ማራቶን የውድድር ዳይሬክተር ኬሪ ፒንኮቭስኪ እና የቦስተን ማራቶን የውድድር ዳይሬክተር ጃክ ፍሌሚንግ ዛሬ ረፋድ በቅድመ-ውድድር ፕሬስ ኮንፈረንስ ላይ ባደረጓቸው ንግግሮች፣ የታላቁ ሩጫ በኢትዮጵያ ዓለም አቀፍ 10ኪ.ሜ አዘጋጆችን አድንቀዋል። ሁለቱም ይህ የመጀመሪያ የኢትዮጵያ ጉብኝታቸው ነው።

ጃክ ፍሌሚንግ ሲናገሩ "በአስደናቂ ሀገር በጣም ጥሩ ጊዜ እያሳለፍን እንገኛለን። እዚህ ያለው ሁሉም ሰው ቤታችን ያለን ያክል እንዲሰማን እያደረገን ነው። እሁድ ሩጫውን እስከማይ እጅግ ጓጉቻለሁ" ብለዋል።

በትናንት ምሽቱ ልዩ የዕራት ግብዣ ስነስርዓት ላይ ኬሪ እና ጃክ፣ እንደ ብርሀኔ አደሬ፣ ኃይሌ ገብረስላሴ እና እራሱም የአዘጋጆቹ የክብር እንግዳ ሆኖ አዲስ አበባ የሚገኘው ሞሰስ ታኑይን ጨምሮ በርካታ የቀድሞ የውድድሮቻቸውን አሸናፊዎች የመገናኘት እድል ነበራቸው።

የፊታችን እሁድ የሚካሄደው የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10ኪ.ሜ. ታላቁ ሩጫ በኢትዮጵያ 25ኛ ዓመቱን የሚያከብርበት ሲሆን ፤ ውድድሩ የሚወክለውን የማሰባሰብ መንፈስ በማስታወስ "ሀገር በ10 ኪ.ሜ" የሚል መፈክርን ይዘዟል።

በአርቡ ፕሬስ ኮንፈረንስ ላይ ከተዋወቁ ሌሎች እንግዶች መካከል አሜሪካዊው የቀድሞ የማራቶን የዓለም ሬኮርድ ባለቤት ካሊድ ካኑቺ እና ኬኒያዊው የቀድሞ የ3000ሜ እና 5000ሜ የዓለም ባለ ሬኮርድ ዳንኤል ኮመን ይጠቀሳሉ። ኮመን በጋዜጣዊ መግለጫው ላይ በ12 ወራት ጊዜ ውስጥ ሶስት የ5000ሜ የዓለም ሬኮርዶች ያሰበረውን (ሁለት የኃይሌ እና አንድ የኮመን) ከኃይሌ ገብረስላሴ ጋር የነበረውን ተፎካካሪነት አስታውሷል።

የሩጫው ቀናት የሚጀምረው ነገ (ቅዳሜ) ማለዳ በእንጦጦ ተራራ በሚካሄደዉ የንጋት የ3ኪ.ሜ. ሩጫ ሲሆን፣ ከዚያም በኢትዮጵያ ስፖርት አካዳሚ የ2018 ዩኒሴፍ የልጆች ሩጫ ይደረጋል። ተጠባቂው የ2018 ሶፊ ማልት ታላቁ ሩጫ በኢትዮጵያ ዓለም አቀፍ 10ኪ.ሜ. ውድድር የሚካሄደው እሁድ ይሆናል።

ተሳታፊዎች ጠዋት 1፡00 መስቀል አደባባይ እንዲደርሱ የውድድሩ ኦፕሬሽንስ ዳይሬክተር ዳግም ተሾመ ሲያሳስብ ፤ የፈጣን ማእበል መነሻ ግዮን ሆቴል እና የዘና ማዕበል መነሻ መስቀል አደባባይ እንደሚሆንም አስታውሷል፡፡

25ኛው ዓመት ልዩ ውድድር ላይ 55ሺህ ተሳታፊዎች ይጠበቃሉ። የዘንድሮ ውድድር አጋሮች ፤ ሶፊ ማልት የስያሜ አጋር ፣ ዩኒሴፍ የመልዕክት አጋር ፣ የኢትዮጵያ አየር መንገድ የጉዞ አጋር ፣ ኢትዮ ቴሌኮምና ቴሌ ብር የቴክኖሎጂ አጋር ፣ ዳሽን ባንክ የባንክ አጋር ፣ ፋብ የውበት ሳሙና የታላቁ ሩጫ በኢትዮጵያ ሩጫዎች የንዕህና አጋር ፣ ቱሪዝም ሚኒስቴር ፣ ቶፕ ውሃ ፣ ሃያት ሬጀንሲ ፣ ኢ.ቢ.ሲ. እና አፍራን ሆስፒታል ናቸው።