سلام عليكم إخواني أخواتي

نشالله تكونو كامل بخير و على خير 👏 أما بعد

حبيت نشارك معاكم هاذا المشنور الخاص بكيفية تسجيل حقوق كتابك الفكرية 📘📗📙📕✍️

أولا بالنسبة للملف الإداري تحتاج

نسخة من بطاقة التعريف الوطنية أو أي وثيقة تثبت الهوية

صورتان شمسيتان

شهادة الميلاد

نسخة ورقية من كل مؤلف قمت بإيداعه

نسخة إلكترونية بصيغة Pdf

بالنسبة لحقوق التسجيل :

عندك 100 آلف وحدها تاع depos de dossier 🗃️

و 100 آلف على كل نسخة أو مؤلف و تختلف شوي الصيغة حسب عدد الأوراق مباعد نصورلكم الورقة كامل

أنا خلصت 400 ألف "100 آلف تاع الإيداع و 300 ألف على ثلاث كتب لي دفعتهم يعني كل واحد ب 100"

بالنسبة للمكاتب تاعهم يعني تاع الديوان الوطني لحقوق المؤلف و الحقوق المجاورة "التابع لوزارة الفنون و الثقافة" عندهم فروع و مديريات جهوية "لازمك تبحث عليهم في ال maps كيما درت. مثلا حتا جيهتنا في الشرق كاين : قسنطينة" مديرية جهوية " هي لي حاكمة الشرق" ، سطيف، بسكرة، عنابة.

تقدر تدفع في المقر الرئيسي تاعهم في ديدوش مراد ولا بولوغين في زوز يستقبلو كيما لخرين.

و تقدر تدفع في أي فرع من الفروع تاع L' ONDA فيهم ما يهمش.

بالنسبة للأيام تاع الإستقبال راهم يخدمو ليام كامل من الأحد للخميس و من 09 تاع الصباح حتى 12 و مباعد يرجعوا العشية من 13 حتى 16 ولا الربعة و نص.

كيما هاذي تاع قسنطينة بعيدة ياسر و فيها مشية كبيرة "خاطش ما جاتش في قسنطينة CENTRE" إذا حاب تروح في الكار راح تتعب ياسر و عن تجربة أتحدث خاطش ما يوصلكش عندها exact لازمك تزيد تمشي وتقطع الطريق و تطلع و و و... يعني غير دير حسابك يا تحكم taxi 🚖 من sntv ديراكت يا تشوف كيفاش تختاصر الطريق و تمشي بلعقل حتا تلحق كيما درت أنا.

نروح ظرك لعملية الإيداع :

العملية سهلة جدا و تتم إلكترونيا على مستوى مصلحة الإيداع.

راح يحكمو عليك Les copiés لي طبعتهم + ال dossier 📂 هاذاك لي حكينا عليه + النسخة الإلكترونية ✅ و يديرو la saisie عندهم في الميكرو لثم باش يدخلوك في système عندهم و كي يكملو معاك تسنيي وحد الورق لثم و بعدها تخلص و يعطوك ال bon تاعك بلي راك سجلت عندهم و خلصت و هكا تكون كملت.

ملاحظة صغيرة 📗

كاين وحد ال reçu 🧾 هاذاك تقعد تستنى حتا يطلع الملف تاعك لدزاير "المصلحة المركزية" باش يتفاليدا عندهم لفوق و يعاودو يبعثلوك ال reçu "جديد" بلي راك دفعت و صاي.

ملاحظة رقم 02 :
بالنسبة للبطاقة تاع المؤلف لازمك تعاود ترجعلهم و تدي معاك تصويرة و نسختين عن كل مؤلف "في حالة ما إذا عندك أكثر من واحد" و لكن ✍️ المرة هاذي تديلهم النسخ برقم الإيداع الوطني أو مايعرف بال ISBN و هاذا تقدر تتحصل عليه بزوز طرق: إما تروح مباشرة للمكتبة المركزية في الجزائر العاصمة " بالحامة - بجوار حديقة التجارب" و تقوم بالتسجيل هناك أو بطريقة سهلة عن طريق ال editeur يعني عن طريق دار نشر... هو لي يطبعلك نسخ و يخرجلك رقم الإيداع يعني يخرجو بال ISBN. بعدها فقط تقدر تدفع باش يخدمولك بطاقة مؤلف.

ملاحظة رقم 03 :

في اللحظة لي تسجل فيها في londa المؤلفات تاعك صاي تقدر تبيع خدمتك ولا تبارطاجيها ولا تتعامل مع ديار النشر و أنت هاني يعني بلا ما تتوسوس يسرقولك خدمتك 🤝.

ملاحظة رقم 04 :

بالنسبة لل reçu 🧾 هاذاك يقعد 15 يوم هكاك باش يتخدم كي يلحق عندهم راهم يعيطولك باش تطلع تجيبو يعين تعاود ترجع.

تحب لثم لثم بعد تدفع باش يخدمولك بطاقة المؤلف تاعك تقدر عادي جدا... بصح المرة هاذي تدي معاك زوز نسخ كيما فهمتكم "دار النشر، isbn... إلخ" 📗 📕 📘 📒 📗 📙.

العملية هاذي كامل تقدر طول يعني حسب الظغط لي عندهم لثم ✅

و ننصح جميع واحد عندو خدمة يكون تعب عليها يروح يوثقها على مستواهم و يتهنى باش نهار آخر يرقد رايح لأنو السرقات مدايرة حالة. تقدر ترقد و تنوض غدوا الصباح تلقى خدمتك طارو بيها سيرتو إذا تعاملت مع دار نشر عيانة تقدر تروح في الرجلين "خاطش لازم تعطيهم نسخة تاع Word و مباعد يشوفو إذا يصادقو عليها ولا لا و فيها ثاني معايير و أخيرا و ليس آخرا تمضي معاهم العقد وين تتفاهمو على تفاصيل و صيغة البيع و عدد النسخ... إلخ إلخ الحكاية هاذي راح نخليها لنهار آخر نشالله تاا الدار النشر هكا باش ما يتخلطوش الأمور ياسر.

وفقنا الله وإياكم لما يحبه ويرضاه.

Admin ✍️

@Mawhoub_Sehari

Channel 🆔

@phdenglishalgeria

#ONDA #الديوان #الوطني لحقوق #المؤلف و #الحقوق #المجاورة #الجزائر

#phd@PhdEnglishAlgeria
#dzEnglishteachers
#books

Good evening dear community and greetings to everyone across the world 🗺️ whenever you are 👏

✍️ There was once a young man who worked silently while the world around him slept. Night after night, under dim lights and tired eyes, he kept going. No applause, no recognition 💯 just effort, patience, and a quiet belief that one day, it would all make sense 🧑‍💻.

He soon realized something important: everyone carries their own kind of struggle🤝. Some fight in silence, some fall and rise again, and others are still searching for their way. No path is easy, no effort is wasted. Every field, every dream, demands its own sacrifice.

That’s why we must respect one another. Behind every smile is a story, behind every success is a journey no one fully sees. Instead of competing blindly, we grow stronger when we support each other, when we encourage, when we lift others as we rise.

Because true prosperity is not just about work. it’s about growing together, evolving together, and moving forward in every aspect of life.

No matter how... 📉

Keep... 📈💻🎚️🧑‍💻

بعد تعب طويل، ساعات من العمل، والمراجعة الدقيقة 📒📑📝💻🖨️✍️

أشارك معكم اليوم كتابي الجديد الخاص بالتحضير لمسابقة منشط جامعي.

ربما جاء متأخرًا قليلًا، وربما فاتت الفرصة عند البعض، لكن هناك من لم يقم بإجتياز المسابقة بعد ✍️ ربما تكون هاته الفرصة جيدة جدا للتحضير

هذا العمل ليس مجرد صفحات، بل يحتوي على خلاصة تجربة، تنظيم، وتحليل لعدد من المواضيع والأسئلة التي تساعد أي مترشح على الفهم الجيد لطبيعة المسابقة، وكيفية التعامل معها بثقة ووعي.

📘📕📙📒 ماذا ستجد في الكتاب؟

- نماذج أسئلة مرتبة ومنظمة
- توجيهات منهجية للإجابة
- أفكار تساعدك في المقابلة الشفوية
- محتوى مبسط يخدم جميع المستويات

إن شاء الله يكون إضافة مفيدة لكل من يسعى للتطوير، سواء في هذه المسابقة أو في مساره الأكاديمي بشكل عام 🤝

و في الأخير لا يسعني إلا أن أقول بالتوفيق للجميع في قادم الفرص و المحطات✨ و وفقنا الله وإياكم لما يحبه ويرضاه 🙌

#كتب #تحضير #مسابقات #طباعة #منشط_جامعي

Admin ✍️

@Mawhoub_Sehari

@highlight @everyone

Channel 🆔

@phdenglishalgeria

Tags 📑

#digital #product #printded #Books #Design #teaching #University #Animator #competition #exam #Interview #Questions #tips #discussion #phd@PhdEnglishAlgeria