گذار دموکراتیک

317 viewsedited 14:47

#سیامەند_موعینی: دەکرێت ئەمڕۆ درێژە بە شۆڕشی گەلانی ئێران بدرێتەوە

هاوسەرۆکی پارتی ژیانی ئازادی کوردستان- #پژاک بە گرنگییەوە باس لە یەکێتیی نێوان هێز و لایەنەکانی ڕۆژهەڵاتی کوردستان دەکات و پێیوایە، کە ئەمڕۆ دەرفەتێکی گونجاو و زێڕین بۆ کورد هەڵکەوتووە، بۆ ئەوەی بتوانێت بە هیواو و ئامانجەکانی بگات، دەشڵێت: دەکرێت ئەمڕۆ درێژە بە شۆڕشی ١٩٧٩ی گەلانی ئێران بدرێتەوە.

پەیوەندییەکانی نێوان ئەمریکا و ئێران ڕۆژ بە ڕۆژ ئاڵۆزیی زیاتر بەخۆیەوە دەبینێت، چەندە ئەو ئاڵۆزییانەش جێی سەرنج بێت، هێندەش فۆکسەکان دەچێتە سەر کورد، ئایا کورد تا چەند خۆی بۆ هەر گۆڕانکارییەک ئامادەکردووە کە لە ئێراندا بێتە پێشەوە؟ تا چەند گرنگە هێزەکانی ڕۆژهەڵاتی کوردستان لەم دۆخەدا یەکگرتووبن، پارتی ژیانی ئازادی کوردستان-پژاک، کە یەکێکە لە لایەنەکانی ڕۆژهەڵاتی کوردستان، پرۆژەی بۆ ئەم دۆخە چییە، سیامەند موعینی، هاوسەرۆکی پارتی ژیانی ئازادی کوردستان-پژاک لە چاوپێکەوتنێکدا لەگەڵ ڕۆژنیوز، وڵامی ئەم پرسانە و چەند پرسێکی دیکەی دایەوە.

دەقی چاوپێکەوتنەکە:

- دۆخی ئێستای ئێران و ڕۆژهەڵاتی کوردستان چۆن هەڵدەسەنگێنن؟

"دەکرێت ئەمڕۆ درێژە شۆڕشی ساڵی ١٩٧٩ی گەلانی بدرێتەوە"

سیامنەد موعینی: ئێران لە قۆناغی گەمارۆی ئابوورییدایە، بە دۆخێکی نائاساییدا تێپەڕدەبێت، ئەو ڕەوشە دەرەنجامی سیاسەتێکی ٤٠ ساڵەیە لە ئێران و ڕۆژهەڵاتی کوردستاندا، بەتایبەتیش سیاسەتی هەناردەکردنی شیعەی دوانزە ئیمامی بۆ دەوروبەری خۆی، ئەوە هەندێک وایکردووە کە نەتەوە و دەوڵەتەکانی دەوروبەر هەموو بکەونە ژێر مەترسیی ئەو هەژموونگەراییەی سیاسەتی کۆماری ئیسلامیی ئێرانەوە، بۆیە لەم قۆناغەدا لە ڕەوشێکی نائاساییدایە، ڕەوشێکە ڕۆژ بەڕۆژ بەرەو خراپبوون دەچێت، ئەو گەمارۆیانەش هێندەی دیکە دۆخی ئێرانی لە بواری ئابووریی، سیاسیی، نێودەوڵەتی و دیپلۆماتییەوە خستووەتە دۆخێکی زۆر مەترسیدار بۆ سەرانی کۆماری ئیسلامیی ئێران، ئەوەش بێگومان دەرفەت دەخولقێنێت بۆ گەلانی ئێران کە بتوانن بە ئازادیی خۆیان بگەن، کە ٤٠ ساڵە کەوتوونەتە ژێر دەسەڵاتی هەژموونخوازی سیستمێکی تۆتالیتار و دیکتاتۆرەوە، دەکرێت ئەمڕۆ درێژە شۆڕشی ساڵی ١٩٧٩ی گەلانی بدرێتەوە و بە ئەنجامی خۆی بگات.

-لە داهاتووی ئێران، ئایا ئایندەی کورد بەکوێ دەگات؟ لە ئەمڕۆ وە تاچەند هێزە سیاسییەکانی ڕۆژهەڵاتی کوردستان ئامادەکارییان کردووە؟

"کاتێک سیستمی دەوڵەت-نەتەوە دەکەوێتە قەیرانەوە ڕۆڵی کورد دەردەکەوێت"

سیامەند موعینی: کورد هەمیشە فاکتەرێکی بنەڕەتیی بووە لە گۆڕانکارییەکانی سیستمی دەوڵەت-نەتەوە لە ناوچەکەدا، نەک هەر لە ئێران، بەڵکو لە عێراق، سوریا و تورکیاش، کاتێک سیستمی دەوڵەت-نەتەوە دەکەوێتە قەیرانەوە ڕۆڵی کورد دەردەکەوێت، ئێمە دەزانین کە کورد لە قۆناغی ئێستادا تاڕادەیەک وەک نەتەوەیەکی بەهێز دەرکەوتووە، ڕۆڵی چارەسەری دەبێت لەو ئاڵوگۆڕانەی کە هەم لە ڕۆژهەڵاتی ناوەڕاست و هەم لە ئێرانیش دێتە پێشەوە، بە بڕوای من لە ئێران کورد بەهێزترین و ڕێکخراوتریین هێزە لە هەموو ئێراندا، ویست و خواستەکانیان دیارە، کە خۆی لە ئازادیی، یەکسانیی و نەتەوەیی دەبینێتەوە، لەو چوارچێوانەدا کورد دەتوانێت پێشەنگی زۆر بزووتنەوە بکات لە ئێراندا.

- ئەو ئەرکانەی لەم دۆخەدا بەتایبەتی دەکەونە سەر شانی لایەنە کوردییەکانی ڕۆژهەڵاتی کوردستان و ئۆپۆزسیۆنەکانی ئێران چییە؟

"گرنگە کورد لە بواری سیاسەت و ڕێکخستنەوە یەک دەنگ بێت"

سیامەند موعینی: گرنگە کورد لە بواری سیاسەت و ڕێکخستن و بوارە جیاوازەکانی دیکەشەوە یەک دەنگ بێت، بەتایبەت لەو ئاڵوگۆڕانەی کە لە قۆناغی هەستیاری ئەمڕۆدا ڕوودەدەن، گرنگە کورد بتوانێت بە یەکدەنگ و یەک خواست ڕووبەڕووی سیستەمی دەوڵەت ببێتەوە یان هەر سیستمێک کە دوای کۆماری ئیسلامیی ئێرانیش بێتە ئاراوە، لەو بڕوایەدام کە ئەمە دەرفەتێکی گونجاو و زێڕینە بۆ کورد هەڵکەوتووە، بۆ ئەوەی بتوانێت بە هیواو و ئامانجەکانی بگات، بۆیە گرنگە هێزە سیاسییەکان بە گشتیی پشتیوانی یەکتر بن.

- لە ڕابردوودا ئێوە وەک پژاک ڕاتانگەیاندبوو کە ئامادەکاریتان بۆ هەر گۆڕانکارییەک کردووە کە لە ئێران و ڕۆژهەڵاتی کوردستاندا بێتە پێشەوە، هیچ پرۆژەیەکتان بۆ ئەم دۆخەی ئێستا و بۆ یەکگرتنی لایەنە کوردییەکان هەیە؟

"پرۆژەیەکی ١٠ خاڵیمان پێشکەشکردووە"

سیامەند موعینی: ئێمە پرۆژەیەکی ١٠ خاڵیمان بۆ هەماهەنگیی زیاتری نێوان لایەنە سیاسییەکانی ڕۆژهەڵاتی کوردستان پێشکەشکردووە، بۆ ئەو پرۆژەیەش سەردانی زۆربەی حزبەکانی ڕۆژهەڵاتمان کردووە و لە میدیاش بڵاومانکردووەتەوە، لەو پرۆژەیەدا باسی چەند خاڵێکی سەرەکییمان کردووە، کە زۆر گرنگە بۆ داهاتووی کوردستان یەکێک لەو خاڵانەش، نەمانی هێزی میلشیا و گرێدراویی حزبە، پێمان وایە کە دەبێت هێزێکی نیشتیمانیی هەبێت، کە دەسکەوتەکانی ئازادیی بپارێزێت، وە پەیامیش بە دەوڵەتە داگیرکەرەکان و فاشیزمی ناوچەکە و بە دۆ

318 views14:48