گذار دموکراتیک

Di vê serdemê de her kes pêwîste, beramberî dagirkeriyê erkên xwe yên demê bizane.

Endamê Fermandariya YRK Şiyar Şevger, derbarê Şerê Ku li Çiyayê Kurdistanê dimeşe nirxandinên girîng kir.

Di vê serdema ku em têde jiyan dikin, li Kurdistanê şerekî pir giran dimeşe. Ev şer di serî de li Îmralî li ser Rêberê me di asta herî giran de dimeşê. Di heman demê de, ev şer li ser tevgera ku fikir û felsefe ya Rêber Apo jiyanî dike û demokrasîyê tîne herêmê, yekîtîya gelê Rojhilata navîn ava dike bi dijwarî tê meşandin.
Pirsgirêkên ku li Rojhilata Navîn hene, civakên ku li Rojhilata Navîn de jiyan dikin wek Kurd, Ereb, Tirk, Fars, Asur-Sûryan bi xwe dikarin bi hevre van pirsgirêkan çareser bikin. Di serî de dewletên Kapîtalîst û dewleta faşîst a dagirker Tirk bi hevkarê xwe PDK pêşîya aramî û demokrasîya herêmê digirin, naxwazin pirsgirêkên heyî çareser bibin. Ev dewlet ne dikarin çareserîyê bînin Rojhilata Navîn, ne jî dikarin van gelan biparêzin, encax ev gel xwe bi xwe dikarin xwe bi parêzin, zarokên vê heremê dikarin gelê xwe bi parêzin.
Operasyona ku niha dewleta faşîst û dagirker ya Tirk di çiyayên Kurdistanê de daye destpêkirin, ne tenê li dijî gerîlayên Kurdistanê ye, faşîzm û dagirkeriya dewleta Tirk dijminê gelê Kurd e, gelê me pewîste vê rastiya heyî baş bizane. Eger îro tevgera Apocî nebe, tu kes nikare bêjê ez Kurd im û behsa Kurd bûnê jî bike. Ji ber wê yekê dewleta faşîst û dagirker ya Tirk bi hemû hêza xwe êrîşî tevgera Apocî dike.
Ev serdem serdemeke wijdane ji ber wê her mirovekî Kurd ku dibêje ez welatparêzim, di heman demê de her insanekî ji bo mirovahiyê dilê xwe lê dide, ji bo wekhevî û azadiyê pêwîste destê xwe deyne ser wijdanê xwe û li dijî dagirkeriya dewleta Tirk bêdeng nemîne. Eger li çiyayê Kurdistanê gerîla nemîne, dewleta dagirker bi navê Kurd û Kurdistanê tu tiştekî nahêle. Bi taybet gelê me yê Rojhilat ê Kurdistanê di vê serdemê de çi ji destê kê tê pêwîste bikin. Ji ber ku bi dehan zarokên Rojhilatê Kurdistanê Ji bo doza azadîyê li Bakûr, Başûr, Rojava şehîd ketine, canê xwe beramberî dagirkeriyê feda kirine. Wek heval Rênas Roj, Hewram Awyer, Simko Serhildan, Viyan Peyman û bi dehan hevalên din.
gelê me yên Rojhilatê Kurdistanê pêwîste îro hevalên li Zap, Avaşînê şer dikin û şehîd dikevin wek parçeyek ji canê xwe bibînin û li wan xwedî derbikevin. Bi taybet dayîkên me, li hemû bajarên Rojhilatê Kurdistanê divê pêşengtî bikin. Ji kom bûn û deng derxistinê netirsin. Ji Îlam heya Makû, ji Loristan heya Urmîye, Sine, Merîvan hemû dayîk divê pêşengtî bikin. Ev doz dozeke mafdare, ev şer şerekê azadiyê ye, kes nikarê pêşîya me bigire, em ji mirinê netirsin. Tiştekî ku êdî em jê bitirsin nema ye. Em ji bo gelê xwe canê xwe didin, bila gelê me jî ji tiştekî netirse, ne îşkence ne kûştin ne jî îdam, nikare me bêdeng bike.
Gelên Rojhilat dikarin meşa, çalakîyan li dar bixin, bimeşin ber balyozxaneyên Tirk û daxwazê bînin ziman, gelê Urmîye dikarê bimeşe ber deriyê Esendere daxwazên xwe yên mafdar bînin ziman, Makû dikare bimeşê ber deriyê Bazirgan, dîsa Xoy û Kotol jî dikarin biçin deriyê ku diçe Tirkiyê. Li ser vî esasî hemû ciwanê Kurd yên li Rojhilatê Kurdistanê ji hemû bajar, navçe û gundan çawa ku tevgera Azadiyê got ‘Serdem serdema hebûn û tûnebûnê ye’ vê ji xwere esas bigrin, destê xwe deynin ser wijdanê xwe û di vê serdemê de li hember dagirkeriya dewleta Tirkiyê xwedî insiyatîf bin, çi ji destê wan tê dikarin bikin.
Îro PDK bi dewleta dagirker ya Tirk re di asta jor de di nava hevkariyeke xayinane deye, ev dewleta ku li ser xwîna ciwanê me, gelê me hebûna xwe didomîne PDK jî bi vê îxanet û hevkarîya xwe li ser xwîna gelê Kurd xwe dide jiyan kirin û li ser lingan dimîne. Bi taybet gelê me yên Başûr li hember vê pêwîste bêdeng nemînin û li hemû bajaran wek serhildan meşan lidarbixin. Li hember hevkarîya PDKê ya bi dagirkeriya Tirk re bêdeng nemînin û rastiyan bibînin. Dîsa ciwanê me yê Başûr çi ji destê wa tê xwedî însîyatîfîn dikarin bikin. Dikarin li kêleka gerîla cih bigirin û şer bikin.

529 views18:08