پارت و رێکخستنە کوردستانیەکان: گەمارۆی سەر مەخمور هەڵبگرن


پارت و رێکخستنە کوردستانیەکانی هەر چوار پارچەی کوردستان لە بارەی گەمارۆی سەر کەمپی پەنابەرانی مەخمور نامەیەکیان ئاڕاستەی بەرپرسانی حکومەتی باشوری کوردستان کرد.



نامەکە کە ئاڕاستەی بەرپرس و بەڕێوەبەرانی حکومەتی هەرێمی کوردستان کراوە، رادەستی نوێنەری حکومەتی هەرێمی کوردستان لە بەرلین کراوە.

'بارودۆخی ١٢ هەزار کوردستانیانی مەخمور نالەبارە'

دەقی نامەکە بەم شێوەیەیە:

"ئەم نامە و پەیامەمان بۆ بەڕێز مەسعود بارزانی، سەرۆکی پەرلەمانی هەرێمی کوردستان، سەرۆکی هەرێمی کوردستان، سەرۆکی حکومەتی هەرێمی کوردستان و گشت بەرپرس و بەڕێوەبەرانی هەرێمی کوردستانە. وەکو ئێوەش لە نزیکەوە ئاگادارن، ماوەیەکی زۆرە کەمپی پەنابەرانی مەخمور خراوەتە ژێر گەمارۆی بەرپرسانی هەرێمی کوردستانەوە. ئێوە و تەواوی گەلی کورد دەزانن کە نزیکەی ١٢ هەزار کوردستانی لەو کەمپە نیشتەجێن و لە بارودۆخێکی خراپ و نالەباردان.

لەگەڵ بڵاوبوونەوەی ڤایرۆسی کۆرۆنا، وەکو چۆن ئەم ڤایرۆسە بووەتە بەڵای سەری گشت جیهان، بە هەمان شێوە بووە بە بەڵا و مەترسی بۆ سەر گەلەکەمان. بێگومان ئەم مەترسیە لە کەمپی پەنابەرانی مەخمور زۆر زیاترە. چونکە ئەو بارودۆخەی ئەوانی تێدا دەژین، لە خۆیدا مەترسیەکی گەورەیە لەسەر تەندروستیان. ژیانیان بە تەواوەتی لە ژێر مەترسیدایە.

'گەمارۆکە دەبێت بە زووترین کات هەڵبگیرێت'

ئێمە بە ناوی هەموو ئەو کەسایەت و پارت و رێکخراوە کوردستانیانەی لە خوارەوە ناومان هاتووە، داوا دەکەین بە زووترین کات ئەو گەمارۆیە هەڵبگیرێت.

پێویست ناکات باس لەوە بکەین کە گەلەکەمان لەوێ هەموویان کوردستانین و زۆربەیان ژن و منداڵن، چونکە ئێوە خۆتان هەموویان دەناسن.

ئەم بڕیاری گۆمارۆدانە بە شایەنی ئێوە نابینین. ئێوە لەم بابەتە و لەم هەڵوێستە بە گەورەتر دەبینین. چونکە بەرپرسیارێتیتان، نەک لە سەر ئاستی هەرێم، بەڵکو لە ئاستی کوردستاندا دەبینین.

هەڵوێستمان لە بەرامبەر ئەم بابەتە، هاوکاتە لەگەڵ پێوانەی هەڵوێستەکەمان لە بەرامبەر یەکێتی نەتەوەیی.

ئەم گەمارۆدانە لە کەسایەتی ئێوە ناوەشێتەوە، بۆیە لەو بڕوایەداین کە ئەم داوایەمان بە گرنگ ببینن و بە زووترین کات ئەو گەمارۆیە هەڵبگرن.

بڕوای تەواومان پێتانە و چاوەڕێی وڵامی ئەڕێنیتان لێدەکەین و سووربوونی خۆشمان لەسەر ئەم داواکاریە رادەگەیێنین. لەگەڵ ناردنی سڵاو و رێزمان، چاوەڕێ وڵامێکی ئەرێنیتان لێدەکەین.

ئەو پارت و رێکخستنانەی ئیمزایان لەسەر ئەم نامەیە کردووە بریتین لە:

یەکێتی نشتیمانی کوردستان

بزوتنەوەی گۆڕان

کۆنگرەی کۆمەڵگای دیمۆکراتیک-ئەوروپا

بزوتنەوەی ژنانی کوردستان-ئەوروپا

پارتی شیوعی کوردستان – باشور

حزبی زەحمەتکێشانی کوردستان – باشور

پارتی ئازادی و دیمۆکراسی ئێزیدیەکان

بزوتنەوەی ئازادی

پارتی یەکێتی دیمۆکراتیک –پەیەدە

پارتی دیمۆکراتی کوردی سوریا - P.D.K.S

پارتی چەپی کورد لە سوریا

بزوتنەوەی نوێخوازی کوردستانی-سوری

پارتی دیمۆکراتی کورد لە سوریا- ئەلپارتی

پارتی دیمۆکراتی پێشوەڕووی کورد لە سوریا

پارتی چەپی دیمۆکراتی کورد لە سوریا

پارتی یەکێتی دیمۆکراتی کورد لە سوریا- PYDKS

پارتی رێکەوتنی کورد لە سوریا

پارتی چاکسازی کورد لە سوریا

پارتی سەوزی کوردستانی لە سوریا

پارتی دیمۆکراتی کوردستانی لە سوریا

پارتی کۆمۆنیستی کوردستانی لە سوریا

پارتی ئیسلامی کوردستان – PIK

پارتی کۆمۆنیستی کوردستان - KKP

بزوتنەوەی کاوا

پارتی ژیانی ئازادی کوردستان –پژاک

یەکێتی شۆڕشگێری کوردستان

کۆمەڵگای دیمۆکرات و ئازادی رۆژهەڵاتی کوردستان – کۆدار

کۆمەڵگای ژنانی رۆژهەڵاتی کوردستان

پلاتفۆرمی هۆرام

پلاتفۆرمی زاگرۆس

پلاتفۆرمی یارسان

یاری کورد

Kurdische Gemeinde Stuttgart e.V

فیدراسیۆنی عەلەویەکانی کوردستان

فیدراسیۆنی کۆمەڵانی ئێزیدی

Kurdische Zentrum Berlin

کۆمەڵگای ئیسلامی کوردستان

ئینستیتوی کوردی – ئەلمانیا

ئینستیتوی کوردی –بروکسەل

ئەنجومەنی شەنگال لە دەرەوەی وڵات

یەکێتی مامۆستایانی کوردستان

یەکێتی ئێزیدیەکانی سوری

Kurdisch Gemeinde Brandenburg - Berlin

Dachverband der Êzidischen Frauenräte

DKF (Deutsch-Kurdisches Forum) e.V Dresden

کۆنگرەی گەلی میزۆپوتامیا

پارتی ئازادی میزوپوتامیا

Kurdistan Human Rights Association."





ANF



🆔 @GozarDemocratic

کۆڕەو، ٢٩ ساڵ پێش ئێستا لەبەر زوڵم و ئێستاش لەبەر بێکاریی و نایەکسانیی



٢٩ ساڵ پێش ئێستا ملیۆنان کەس لە باشوری کوردستان بەهۆی زوڵم و ستەمی ڕژێمی بەعسەوە ئاوارەبوون، لە ئەنجامی بەرخۆدانێکی گەورەشدا بەهیوای ژیانێکی ئازاد گەڕانەوە سەر خاکەکەیان، بەڵام دوای ٢٩ ساڵ ئەمڕۆ سەدان هەزار کەس بەهۆی کێشەی ئابوریی و نایەکسانییەوە، ڕوو لە دەرەوەی وڵات دەکەن و ڕێگای مەرگ تاقی دەکەنەوە.




لە سەدەی ٢٠دا گەلێک کارەساتی مرۆیی بەسەر گەلی کورد-دا هاتن، بەڵام کەمیان وەک کۆڕەو توانیی ویژدانی کۆمەڵگەی نێودەوڵەتیی بجوڵێنێت، ئەگەرچی دڕندەیی وڵاتانی داگیرکەریش دژی کورد هەرچەند زۆربێت، بەڵام هۆکارێکی سەرەکیی ڕەواندنەوەی مەترسییەکان یەکگرتووییە، کە ئەمە هێشتا کوردی وەک پێویست بەخۆیەوە نەیبینیەوە، بۆیەش کۆڕەو چەند بارە بووەوە.



كۆڕەو تەنها چەمكێک نەبوو بۆ ڕەوی زیاتر لە ملیۆنێک مرۆڤ، بەڵكو ترس لە كۆمەڵكوژی و قڕكردن ڕەهەندێكی سەرەكی بوو، ئەو كۆڕەوە ملیۆنییەی کە ساڵی ١٩٩١ بەسەر باشوری کوردستاندا هات، کوردی لە باشوری کوردستان گەیاندە ناوەندە جیهانییەکان، ئەگەرچی بەرنامە بۆداڕێژراو نەبوو، بەڵام ستەمی ڕژێمی بەعسی لەسەر گەلی کورد زیاتر بەدنیا ناساند و دەنگی دایەوە.

ئەوەش وایکرد وڵاتانی زلهێز هەرزوو کۆمەڵێک بڕیار بۆ وەستاندنی کۆمەڵکوژییەکی دیکە لەسەر کورد دەربکەن، کە دیارترینیان بڕیاری ٦٨٨ و ڕاگەیاندنی هێڵی ٣٦ بوو، ئەوەش جۆرێک لە زامنیی دایە گەلی کورد و وایکرد لە سەرەتاکانی مانگی چواری ١٩٩١ـەوە کۆچی پێچەوانەی ئاوارەکانی باشوری کوردستان دەستپێبکاتەوە، کە دەکاتە ٢٩ ساڵ بەر لە ئەمڕۆ.

لێرەدا گوزەرێکی خێرا بە ڕووداوەکانی ئەو سەردەمەدا دەکەینەوە و هەندێک لە دیوەکانی کۆڕەو بەبیردەهێنینەوە، بۆ ئەوەی تێبگەین لەوەی بۆچی کۆڕەو ڕوویدا و چی وایکرد کۆمەڵگەی نێودەوڵەتی بێتە سەرخەت و بڕیار لە بەرژەوەندیی کورد دەربکات.

لە ئەنجامی ڕاپەڕینی ٥ی ئازاری ساڵی ١٩٩١ی باشوری کوردستان کە چەخماخەکەی لە ڕانیەوە لێیدا و لە کەرکوک گیرسایەوە، خاکی باشوری کوردستان لەدەستی ڕژێمی بەعس دەرهێندرا، بەڵام دوای ٨ ڕۆژ لە کۆتایی ڕاپەڕین، ڕژێمی بەعس بە هێزێکی زۆرەوە ڕوویکردەوە باشوری کوردستان.

ئەوەش باشوری کوردستانی ڕووبەڕووی کارەساتێکی مرۆیی گەورە کردەوە و لە ٢٨ی ئازارەوە خەڵک بەناچاریی ئاوارەی ڕۆژهەڵات و باکوری کوردستان بوون، نزیکەی ٣ ملیۆن کەس بۆ ڕزگاربوون لە هێرشی دڕندانەی ڕژێمی بەعس ملی ڕێگایەکی هات و نەهاتیان گرتەبەر.

دەوڵەتی ئێران سنوورەکانی بەڕووی ئاوارەکانی باشوری کوردستاندا کردەوە، بەڵام دەوڵەتی تورک بۆ ماوەیەک دەروازەکانی بەڕووی خەڵکی ئاوارەدا داخست و ڕێگای پێ نەدان بپەڕنەوە بۆ سنوورەکانی باکوری کوردستان، بەو هۆیەشەوە سەدان کەس لەبەر سەختی بارودۆخی تەندروستیی و برسێتیی گیانیان لەدەستدا.



کوڕەو لە دۆخێکی سەختی کەشوهەوادا بوو، ئەو ڕۆژانەی کە خەڵک بەپێ ڕێگای ئاوارەییان گرتبووە بەر، بەفر و بارانێکی زۆریش دادەباریی، باران و برسێتیی و نەبوونی شوێن و ڕێگای پێویست و ماندوێتیی ڕێگایەکی دوور و بوونی مین-ێکی زۆری شەڕی ئێران و عێراق لە ناوچە سنوورییەکان، بووە هۆی گیانلەدەستدانی هەزاران کەس، کە زۆرینەی قوربانییەکانیش ژن و منداڵ بوون.

هەرچەندە پێشتر تاوانیی ئەنفال و کیمیابارانی هەڵەبجە بەسەر گەلی کورد-دا هاتبوو قوربانی زۆرتری تێدا درابوو، کارەساتی دڵتەزێنتری لێکەوتبووەوە، بەڵام ویژدانی وڵاتە زلهێزەکانی وەک پێویست نەهەژاندبوو بۆ ڕاگرتنی ئەو ستەمی ڕژێمی بەعس لەسەر گەلی کورد، بەڵام کۆڕەو ئەگەرچی پلان بۆداڕێژراویش نەبوو، توانی دەنگدانەوەیەکی گەورە بەدوای خۆیدا بهێنێت.

دیمەنە تراژیدییەكانی كۆڕەو، ویژدانی مرۆڤایەتیان دەهەژاند، كاریگەری زۆری كردە سەر ڕای گشتی جیهان، ڕۆژی ٥ی نیسانی ١٩٩١ واتە تەنها حەوت ڕۆژ دوای دەستپێكردنی كۆڕە و، بریاری ٦٨٨ی ئەنجومەنی ئاسایشی نیودەوڵەتی بۆ پاراستنی مافەكانی مرۆڤ لە عێراق دەركرا، بەمەش قۆناغیكی نوێ لە ژیانی سیاسی و ئابووری و كۆمەڵایەتی لە عێراق هاتەكایەوە.



بڕیارەكە داوای وەستاندنی زوڵم و سەركووتكردن و ئەنجامدانی دانووستان و گفتوگۆی كراوەی دەکرد، كە زامن بێت بۆ ڕێزگرتن لە مافەکانی مرۆڤ و مافە سیاسییەكان بۆ هاوڵاتیان لە سەرانسەری عێراق-دا.

بەڵام وڵاتانی زلهێز وەک بڵێی ئەو دۆخەیان قۆستبێتەوە بۆ دابڕاندنی کەرکوک لە باشوری کوردستان، بەناوی ناوچەی ئارام و دژەفڕینەوە کە بەهێڵی ٣٦ ناسرابوو بۆ پاراستنی كورد لە دەستدرێژی هێزەكانی عێراق، سەرجەم ناوچەکانی ماددەی ١٤٠یان لە باشوری کوردستان جیاکردەوە، هەرچەند پاشتریش زۆر هەوڵدرا بۆ هەڵوەشاندنەوەی هێڵی٣٦ بۆ ٣٤ بەڵام هەوڵەکان بێ ئەنجامبوون.

دەرکردنی ئەو بڕیارانە ئاهێکی بەدڵی کورد-دا هێنایەوە و ئیدی کۆچی پێچەوانە دەستیپێکردەوە، لە سەرەتاکانی مانگی چوارەوە هێدی هێدی خەڵک دەستیان بە گەڕانەوە کرد بۆ سەر شوێن و جێگای خۆیان و تا ن

اوەڕاستی مانگی پێنج ی ١٩٩١ زۆرینەی ئاوارەکانی باشوری کوردستان گەڕانەوە بۆ شوێنەکانی خۆیان.

كۆڕەو وێڕای ئەوەی كارەساتێكی مرۆیی بوو، لەهەمان كاتیشدا جووڵەیەكی بەكۆمەڵی نەتەوەیەک بوو كە زۆر ئاماژەی گەورەی تێدا بوو، کە دیارترینیان خۆدەربازكردن بوو لە كۆت و بەندی دەسەڵاتێكی دژ بە ئازادی و ئەزموونەكانی ئەنفال و كیمیاییباران و هەڵبژاردنی ڕێگای ئازادیی، بۆ ئەوەی خۆیان لە كارەسات بپارێزن و چەند بارە نەبنەوە.

دوای ٢٩ ساڵ کۆڕەو بە شێوەیەکی جیاواز بەردەوامە

٢٩ ساڵ پێش ئێستا زوڵم و ستەمی ڕژێمی بەعس خەڵکی باشوری کوردستانی ناچار بە کۆڕەو کرد، لە ئەنجامی بەرخۆدان و تێکۆشانێکی سەختیشدا خاکی باشوری کوردستان ئازادبوو و خەڵک بەهیوای ژیانێکی ئازاد گەڕایەوە سەر خاکەکەی، بەڵام ئەمجارە ڕووبەڕووی کێشەی جۆراوجۆر بووەتەوە، ئەمەش جارێکی دیکە ملی کۆڕەوێکی دیکەی بە خەڵک گرتەوەبەر، سەرەکیترین پاڵنەرەکانی کۆڕەوی ئەم سەردەمەش بریتین لە: بێکاریی، نایەکسانیی، دەسەڵاتداریی و هەتا دوایی..

خەڵک هەر لە کۆتایی ساڵانی نەوەدەکانی سەدەی ڕابردووەوە ڕوویان لە وڵاتانی ئەوروپا کرد و تا ئێستاش ئەم کۆچە بەردەوامە، بەتایبەتیش گەنجانی باشوری کوردستان بەهۆی ئەوەی دواڕۆژیان لێرە ڕوون نییە، هەموو ئەستەمەکان تاقیدەکەنەوە بۆ گەیشتنە ئەوروپا.

بەپێی دوایین سەرژمێرییەکانی ساڵی ٢٠١٩، زیاتر لە ٧ ملیۆن کەس لە باشوری کوردستان دەژین، لەو ژمارەیەش بەپێی سەرژمێرییەکی ڕێکخراوی کۆچی نێودەوڵەتیی، زیاتر ملیۆنێک و ٣٠٠ هەزار هاوڵاتی باشوری کوردستان لە وڵاتانی ئەوروپان.

هەردی ئەحمەد، چالاکوانی کۆمەڵی مەدەنیی لەبارەی هۆکاری کۆچی گەنجانی باشوری کوردستان بۆ دەرەوەی وڵات بۆ ڕۆژنیوز دەڵێت: خەڵک لە باشوری کوردستان بەهیوابوون لەژێر حکومڕانیی دەسەڵاتی کوردیدا ژیانێکی شایستە بژین، بەڵاو ئەزموون دەریخست ئەوان لەجێی ئومێدی خەڵک نەبوو، سەرەڕای ئەوەی خەڵک هەموو ڕێگایەکی مەدەنییشی تاقیکردەوە بۆ جێبەجێکردنی داواکانیان و بێ ئەنجامبوو، بۆیە بەناچاریی سەری خۆیان هەڵگرت.



لە كاتی كۆڕەوەكەدا هەموو كوردان لە هەرچوار پارچەی کوردستان و ئەوروپاوە هاتنە دەنگ و كێشە لاوەكییەكانیان خستە لاوە، کە دەکرێت کۆڕەو وەک وێستگەیەکی دیکەی یەک هەڵوێستیی کورد تەماشا بکرێت، چونکە چالاکییە مەدەنییەکانی کوردان لە سەرانسەری ئەوروپا وڵاتانی ناچار بە هەڵوێست و بەدەمەوەهاتن کرد، ئەمەش دەمانگەیەنێتەوە ئەو خاڵەی "بە یەکگرتوویی دەتوانین ئامانجەکانمان بەدیبهێنین و داکۆکی لە مافەکانمان بکەین".

گەرچی كۆڕەو سیمبولی چەوساندنەوەی نەتەوەیەکە، بەڵام نە کۆڕەو و نە ئەنفال و نە کیمیاباران و نە کیمیابارانی سەردەشت و نە کۆمەڵکوژی قامیشلۆ و هیچکام لەو کارەساتانەی لە مێژوودا بەسەر گەلی کورد-دا هاتوون، نەبوونە وانەیەکی مێژوویی بۆ گەلی کورد، تا بۆ ڕێگرییکردن لە دووبارەبوونەوەی یەکبگرن، هەر ئەمەش ئەو هەلەی ڕەخساند کە لە سەدەی ٢١یشدا دیسانەوە ئەم کارەساتە لە شەنگال دووبارە ببێتەوە.



ساڵی ٢٠١٤ لە ئەنجامی هێرشی چەتەکانی داعش بۆ سەر شارۆچکەی شەنگال، سەدان هەزار کوردی ئێزدیی بەناچاریی ئاوارەی چیای شەنگال بوون بۆ خۆدەربازکردن لە دڕندەیی چەتەکانی داعش، سەرباری ئەوەش هەزاران ژن و پیاو بەدەستی چەتەکانی داعش کۆمەڵکوژکران و پێنج هەزار ژنی ئێزدییش بەدیل گیران.

کۆڕەوی مەزنی باشوری کوردستان جگەلەوەی بووە هۆکارێکی بەهێز بۆ دروستبوونی ستاتۆی هەرێمی کوردستان، هاوکات بووە دەروازەیەكیش بۆ خستنەڕووی تەواوی جینۆساید و تراژیدیا جەرگبڕەكانی خەڵكی كوردستان، كە ڕژێمی داگیركەری بەعس لە قۆناغە جیاجیاكانەوە دژ بەم گەلە ستەم دیدەیە ئەنجامی داون، لەپاڵ ئەوەشدا ڕیزەکانی کوردیشی تا ئاستێکی زۆر یەکخست، کە دەکرێت ئەمە وەک وانەیەکی مێژوویی لێکدانەوەی بۆ بکرێت، چونکە ئەو دوژمنایەتییەشی کە ئەمڕۆ دەوڵەتی تورک دەیکاتە سەر سێ پارچەی کوردستان، هیچی کەمتر نییە لەو زوڵم و ستەمەی ڕژێمی سەدام بەسەر گەلی کورد-دا هێنای، ئەمە دەمانگەیەنێت بەوەی ئەگەر کورد دەستی لەناو دەستی یەکتربێت، ئەوا دەتوانێت ڕووبەڕووی داگیرکەران بووەستێتەوە و سۆزی نێودەوڵەتییش بۆ دۆزەکەی ڕابکێشێت، بەڵام ئەگەر وەک ئەمڕۆ هەریەکەیان لە ئاوازێک بخوێنن، ئەوا دوورنییە ئەوەشی لە ئەنجامی کۆڕەودا بەدەستیان هێنا، لەدەستیان بچێت.




ROJNEWS



🆔 @GozarDemocratic

▪️کەمپەینی هاوکاری خۆشک و برا بۆ گەلەکەمان لە رۆژهەڵاتی کوردستان :


هاونیشتمانی بەرێز لە دەرەوەی وڵات، هەر وەها کە دەزانن بە هۆی بڵاو بوونەوەی ڤایروسی کرۆنا، جیهان بە گشتی لە قۆناخێکی دژوار ژیان بە سەر دەبات. مخابن گەلەکەمان لە بەر هۆکاری هێرشی داگیرکەران و باڵادەستی سیستەمی بێگانە لە زۆر مافی سەرەتایی ژیان بێ بەش کراوە. لە بەر نەبوونی کار و پشتیوانی دەۆڵەتی، لەم کاتانەدا زۆر ماڵباتی گەلەکەمان لە بەر لاواز بوونی ئابووریان ژیانێکی دژوار بە سەر دەبەن. وەک ئەرکێکی ئینسانی و نەتەوەیی، ئەم قۆناخە پێویستی بە هەڵمەتێکی نیشتمانی هەیە. بۆیە کۆمەڵگای دیموکراتیکی کوردان لە ئەرووپا ( کەجەدەکە ) کەمپەینێکی لە ژێر ناوی کەمپەینی (خۆشک و برا) بۆ کوردانی هەر چوار پارچەی کوردستان رێکخستوە. لە سەر ئەم بنەما هەندێک ماڵباتی رۆژهەڵاتی کوردستان لە قۆناخێکی زۆر دژوار ژیان بە سەر دەبن. بۆ ئەوە ببینە هیوایەک بۆ خۆشک و براکانمان، داوا لە ئێوە دەکەین هەر کەس یا ماڵباتێک، ماڵباتێک هاوکاری بکات.

▪️شێوەی هاوکاری و میکانیزمی کەمپەینەکە بەم شێوەیە:

١- لە لایەن ئەنجۆمەن یا شۆرای هەر گۆند و شارێک، کەسانێک وەک خاوەن پێداویستی دیاری کراون.

٢- هەر ماڵبات یا کەسێک لە ئەرووپا، ماڵباتێک دەگرێتە خۆ. راستەوخۆ پەیوەندیان لە گەل یەک دەبێت.

٣- ئەم کەمپەینە بۆ ماوەی سێ مانگ بەردەوام دەبێت. هەر مانگێک ١٠٠ یۆرۆ یا دۆڵار یا پۆند دیاری کراوە.

٤- ئەو کەسانە کە دەیانەوێت هاوکاری بکەن، بەلام نایانەوێت راستەوخۆ پەیوەندی بەو ماڵباتانە بگرن، دەتوانن لە رێگای ئەندامانی مانگی سووری کوردستان یا ئەندامانی فەرمی کەجەدەی ئەرووپا هاوکاریەکانیان بگەینن، بەلام پێویستە ناو و ژمارەی ئەو ماڵباتە وەک ئارشیڤ و میکانیزمی رێکخستنی وەربگرن.

٥- ئەو کەس و ماڵباتانەی کە بارودۆخیان باشە، دەتوانن دو یا سێ ماڵبات بگرنە ئەستۆی خۆیان.

٦- هیچکس بە هیچ مەبەستێک نابێت زانیاری، وێنە یا ناونیشانی ئەو ماڵباتانە بلاو بکاتەوە.

٧- هەر کەس دەیەوێت بەشداری کەمپەینی (خۆشک و برا) رۆژهەڵاتی کوردستان ببێت. دەتوانێت بەم ژمارە تەلەفۆنانەی ناوەندی کەمپەین ئەمڕۆ یا لە زووترین کات پەیوەندی بگرێت.

سەرکەوتن



◾️انقلاب روژآوا
https://t.me/enqelabrojava

‍ ناسنامەی سێ ژنە شەهیدی ئەمڕۆی کامپی مەخمور ئاشکرا کرا



لە هێرشی فڕۆکە بێفڕۆکەوانە جەنگییەکانی دوڵەتی تورکدا بۆ سەر کامپی مەخمور، سێ ژن شەهیدبوون و ناسنامەیان ئاشکرا کرا.

ئەمڕۆ فڕۆکەی بێفڕۆکەوانی جەنگی دەوڵەتی تورک، لە کاتژمێر ٠١:٣٠ هێرشیان کردە سەر کامپی پەنابەرانی شەهید ڕۆستەم جودی لە مەخمور، لە ئەنجامیدا سێ ژنی گەنج شەهیدبوون، کە لە ئاژەڵداریی گەڕابوونەوە.

لە بۆردوومانەکەدا دوو ژنی گەنج ڕاستەوخۆ شەهیدبوون و یەکێکیش بە سەختی برینداربوو، هاوڵاتیانی کامپەکە خۆیان گەیاندە شوێنی ڕووداوەکە و تەرمی دوو شەهیدەکەیان گەڕاندەوە کامپەکە، وێڕای هەوڵدانی هەموو پزیشکەکان، بریندارەکەش بەهۆی سەختی برینەکەیەوە شەهیدبوو.

شاندێکی حکومەتی عێراق چوونە شوێنی ڕووداوەکە

دوای بۆردومانەکە شاندێکی حکومەتی عێراق چوونە شوێنی ڕووداوەکە، دواتر سەردانی بریندارەکەیان کرد و دوای نووسینی ڕاپۆرتی خۆیان بۆ حکومەت، بەبێ هیچ لێدوانێکی ڕۆژنامەنووسی کامپەکەیان جێهێشت.

تەرمی شەهیدەکان بەخاکسپێردران

وێڕای مەترسییەکانی کۆرۆنا، هاوڵاتیانی کامپەکە بۆناشتنی تەرمی شەهیدەکان لەبەردەم نەخۆشخانە گردبوونەوە، دوای وەرگرتنەوەی تەرمەکان بە مەراسیمی جەماوەری هەرسێ شەهیدەکە بەخاکسپێردارن.

دوای بەخاکسپاردنەکە، ئەنجومەنی گەلی مەخمور ڕاگەیەندراوێکیان خوێندەوە، تێیدا بێدەنگی نەتەوە یەکگرتووەکان و حکومەتی هەرێم و عێراقیان شەرمەزارکرد.

ڕاشیانگەیاند، ئەم هێرشە تەنها بەرامبەر مەخمور نەبووە و دژی هەموو کورد بووە.

داواشیان کرد، بۆ ئەوەی هێرشی وا دووبارە نەبێتەوە "بانگ لە تەواویی لایەنەکان و گەلی کورد دەکەین، هەرچی زووە یەکێتی نەتەوەیی پێکبهێنن".

بە وتنەوەی دروشمەکانی "شەهید نامردن – بژی ڕێبەر ئاپۆ" کۆتایی بە مەراسیمەکە هات.

ناسنامەی شەهیدەکان بەمشێوەیە:

هاڤڤا ئاكدۆگان لە دایکبووی ١٩٨٨

عەزیمە ئاكدۆگان لەدایکبووی ١٩٨٧

عائیشە ئەحمەد فەرحان لە دایکبووی ٢٠٠٣



ROJNEWS




🆔 @GozarDemocratic

‍ بێ رێزی کردن بە تەرمی شەهید عەگید ئیپەک ئیدانە دەکەین


مرۆڤ بوون پەیوەستە بەو پێوەرە ئەخلاقیانەوە کە لە ئاژەڵبوونی جودا دەکاتەوە، تەنانەت لە شەڕیشدا پیوانی شەڕ و ئەخڵاقی شەڕ هەیە. بێ حورمەتی بە دیل و جەنازە لە شەڕدا دوور لە مرۆڤبوون و هەتا دوایی ترسنۆکی و کردەوەیەکی بێ ئەخلاقییە.


دەوڵەتی فاشیست و داگیرکەری تورکیە کە چاوی ناحەزی بە هەبوونی کورد هەڵنایە، ئەمە بۆ دەیان جارە کە ئەو پەڕی بێ ڕێزی بە جەنازەی شەهیدانی رێگای ئازادی کوردستان دەکات، لە جل و بەرگ داماڵینی شەهیدانی هەڤاڵی ژنەوە وەک شەهید ئەکین، بگرە هەتا بۆمبارانکردنی مەزاری شەهیدان و بڕینی سەری جەنازەی شەهید رۆژدا ماکۆ وبەدەیان و سەدان کاری قیزەونی لەم شێوانە، ئەم جارەیش بەو پەڕی بێ ئابڕویی و بێ شەرمییەوە سوکایەتیان بە جەنازەی شەهید عەگید ئیپەک کرد. هەرچەند ئەم یەکەم کارە یەکەم جار نییە، بەڵکو بە درێژایی تەمەنی دەسەڵاتی تورکیە لە هەمبەر شۆڕشگێڕانی کورد و نەتەوەکانی تر کردوەوەی لەو بابەتەیان کردووە. ئێستایش مەزاری شێخ سەعید و هەژمارێک لە پێشەنگانی کورد نادیارە. کۆمەڵگا یا نەتەوەیەک بە بەها و مەعنەویاتەکانییەوە کۆمەڵگایە و شەهیدیش لە سەرووی هەموو بەها نەتەوەییەکانەوە دێت، بۆیە داگیرکەران لە کەسایەتی شەهید عەگید و شەهیدانی تردا بێحورمەتی بە گەلی کورد و هەموو نرخە پیرۆزەکانی دەکات .


با دەوڵەتی فاشیستی تورکیە باش بزانێت کە ئەو بێرێزییانە، چاوەڕوان نەکراو نییە لە کەسایەتی بچوک و ترسنۆکی بەرپرسانی ئاکەپەو مەهەپە. کردەوی وا تەنیا لە کۆمەڵە کەسانێک دەوەشیتەوە کە لە سێبەری بەرهەڵستکارەکەیان دەترسن، هەر ئەوە بۆ خۆی گەورەترین سەرکەوتنە بۆ کەسایەتی و تەڤگەری ئازادی کورد و کوردستان، هەر وەها ئەو کردەوانە نەک تەنیا کاریگەری لە سەر کەمکردنەوەی هیز و ئیرادە و باوەڕی گەلی کورد و شەروانی ئازادی نەبووە و نابێت بەڵکو بە پێچەوانەوە کین و نفرەت لە دڵ هەر کوردێکی خاوەن ویژدان لە بەرانبەر داگیرکەراندا زیاتر و ئاگری تۆڵە و تێکۆشان گوڕتر دەکات و بە دڵنییاییەوە دەڵێن کە سەرکەوتن بۆ شەهیدان و گەل و وڵاتی شەهیدانە. با هەموو گەنجانی کورد چ کوڕ و چ کچ لە هەر چوار پارچەی کوردستان بە رۆحی عەگیدانەوە، شۆڕشی کوردستان بەهێزتر بکەن و ئەوەش بە پەیوەست بوونیان بۆ ناو ریزەکانی گەریلا مسۆگەر دەبێت.


لە گەل ئیدانە کردنی ئەو بێ رێزیانە بە رۆڵەی قارەمانی گەلەکەمان، وێڕای سوپاس و پێزانینمان بۆ هەڵویستی شۆڕشگێڕانەی دایکی شەهید عەگید، سەرەخۆشی خۆمان ئاراستەی دایک و بنەماڵەی شەهید عەگید، هەر وەها رێبەر ئاپۆ گەلی کورد و هەموو هەڤاڵانی دەکەین و بەڵێنی خۆمان دوپات دەکەینەوە کە تا دوایین دڵۆپی خوێنمان لە سەر رێبازی شەهیدان کە بیرۆکەی رێبەر ئاپۆیە بە بێ وچان تێبکۆشین و خەبات بکەین.

کۆمیتەی شەهیدانی پارتی ژیانی ئازادی کوردستان – #PJAK
16/04/2020



www.pjak.eu


🆔 @GozarDemocratic

‍ عەلی كەریمی: ئێمە لە كوردستاندا بۆچی دەبێت میلیشیا مەسرەف بكێشین و بیانكەین بە هاوپەیمانی توركیا



دوای ئەوەی پارتی بەفەرمی دانینا بەوەی هێزی رۆژ سەر بە ئەوانن عەلی كەریمی رایدەگەیەنێت، ئێمە لە كوردستاندا بۆچی دەبێت میلیشیا مەسرەف بكێشین و بیانكەین بە هاوپەیمانی توركیا


عەلی كەریمی نووسەرو سیاسەتمەداری رۆژهەڵاتی كوردستان لەبارەی ئەو هێزەی پێشمەرگەی رۆژ كە براونەتە لیبیا بە ”میللەت"ی راگەیاند، ئێمە لە 2014ەوە هاواردەكەین كە ئەو هێزانەی كە پارتی لە زاخۆ و دهۆك و هەولێر دروستیدەكات بەناوی هێزی پێشمەرگەی رۆژ و نازانم چەند هێزێكی دیكە ئەمە بەراستی پیلانێكی دیكەی پارتییە بۆ شەڕی براكوژی لەناو رۆژئاوای كوردستان.

وتیشی، پێشمەرگەی رۆژ لەلایەن پارتییەوە بەناوی كوردی رۆژئاواوە دروستكران لە دژی یەپەگە و خۆسەری كانتۆنەكانی رۆژئاوا لە ئێستادا ئەوانە هێزێكی بەكرێگیراون لەژێردەستی توركیادان و بۆیە ئەمرۆ بۆ هاوڵاتیانی كوردستان رونبووەوە كە ئێمە لە 2014 مەترسی ئەم هێزانەمان خستەڕوو كە وتمان ئەمانە دەبن بەكرێگیراو كۆیلەی توركیا لەكۆتایدا.

جەختیشكردەوە، ئەوەتا لە ئێستادا توركیا ئەو هێزەی كە پارتی مەشقیپێكردو دروستیكرد كە كوردی بێ تاوانن دەیاننرێت بۆ لیبیا و بەگوشتی دەدات لە بەرژەوەندی خۆیدا.

عەلی كەریمی لەبارەی راگەیەندراوەكەی ئەمرۆی پارتی وتیشی، ئەوەتا پارتی خۆی لە راگەیەندراوەكەیدا دانیناوە بەوەی كە هێزی رۆژ سەر بە ئەوانن جەختیشكردەوە باشە ئێمە لە كوردستاندا بۆچی دەبێت میلیشیای بنەماڵەی بارزانی مەسرەف بكێشین و بیانكەین بە هاوپەیمانی توركیا.




🆔 @GozarDemocratic

🔸کەنەکە داوایەکی بەپەلە لە پارتی و یەكێتی دەکات

🔻کەنەکە لە ڕاگەیەندراوێکدا داوا لە یەکێتی و پارتی دەکات، کە هێزەکانیان بکشێننەوە، دەشڵین، ئەوان لە هەوڵداندان بۆ ئارامکردنەوەی دۆخەکە، داوای هەوڵی ئەرێنیش لە تەواویی لایەنەکانی چوارپارچەی کوردستان و میدیاکان و نووسەران و چالاکوانان دەکەن.
دەربارەی ئاڵۆزییەکانی زینێ وەرتێ، کۆنگرەی نەتەوەیی کوردستان- کەنەکە، ڕاگەیەندراوێکی بڵاوکردەوە.

shorturl.at/blyKL

@aryentvnews

‍ "دۆخی زینی وەرتێ ڕێخۆشکەر دەبێت بۆ پیلانەکانی دەوڵەتی تورک"


نووسەران و ڕۆژنامەنووسانی باشوری کوردستان ئاماژە بەوە دەکەن، کە دۆخی زینی وەرتێ ڕێخۆشکەر دەبێت بۆ پیلانەکانی دەوڵەتی تورک بەتایبەتیش پیلانی هێرشکردنە سەر قەندیل، جەختیش دەکەنەوە کە "دەبێت هێزەکانی یەکێتی و پارتی لەو ناوچانە بکشێندرێنەوە".

بەشێک لە نووسەران و ڕۆژنامەنووسانی هەرێمی کوردستان لەبارەی دۆخی زینی وەرتێ و کۆکردنەوەی هێز لەو ناوچانە قسەیان بۆ ڕۆژنیوز کرد.

نیاز عەبدوڵا، ڕۆژنامەنووس پێیوایە هەر شەڕێک لە زینی وەرتێ ڕووبدات، ڕێ لە بەردەم دەستێوەردانی هەرێمیش دەکاتەوە و دەڵێت: بەتایبەتیش دەوڵەتی تورکیا، پارتی دیموکراتی کوردستانیش هەمیشە ڕێخۆشکەر بووە بۆ هاتنی سوپای تورکیا، تەنانەت لە چیای کۆلیتار و ئەو ناوچانە بنکەی بۆ ئامادەکردوون، بۆیە ئەمەی ئێستاش مەترسیی دروست دەکاتەوە کە ڕێخۆشکەر بێت بۆ پیلانی دەوڵەتی تورک بۆ هێرشکردنە سەر قەندیل.



ئەو ڕۆژنامەنووسە دۆخی زینی وەرتێ بە "بەشێکی دیکەی ئاسەوارەکانی شەڕی ناوخۆ" ناودەبات و دەڵێت: هاوشێوەی ڕێگرییەکانی بالیسان، ئەمە دەرخەری ئەو ڕاستییەی شەڕی ناوخۆ لە کوردستان نەوەستاوە، هۆکارەکەشی ئەوەیە کە بکەرانی شەڕی ناوخۆ هێشتا لە هەرەمی سەرەوەی دەسەڵاتن لە باشوری کوردستان.

نیاز عەبدوڵا داواش دەکات کە خەڵک شەڕ بۆ ئەو دوو حزبە نەکات و دەڵێت: دەبێت خەڵک شەڕ بۆ ئەم دوو حزبە نەکات، دەبێت ئەزموونی شەڕی ناوخۆی ساڵانی ڕابردوو بهێنینەوە پێشچاو کە ڕۆڵەی کورد بووەتە قوربانیی و ئەوانیش لە هەرەمی سەرەوەی دەسەڵات ماون و بازرگانیی لەگەڵ دوژمنان دەکەن، جگەلەوەش یەکێتی و پارتی دەبێت بەخۆیاندا بچنەوە، دەیانەوێت لەمە زیاتر چی بکەن و بەکوێ بگەن؟



هەروەها لەتیف فاتیح فەرەج، نووسەر و چاودێری سیاسیی جەخت دەکاتەوە، کە "دەبێت ئەو هێزانەی پارتی و یەکێتیی کە براون بۆ زینی وەرتێ بکشێندرێنەوە" و وتی: چونکە نە ئەو ناوچەیە مەترسیدارە و نە هیچ کێشەیەک لەوێ هەیە، بردنی ئەو هێزانە تەنها گێچەڵکردنە بە خەڵکی ئەو ناوچانە و دروستکردنی پشێوییە.

ئەوەشی وت: دەوڵەتی تورکیا ڕەنگە فاکتەرێکی پشت ئەم دۆخە بێت بە ئامانجی تێکدانی پەیوەندیی لایەنەکان، باشوری کوردستان لە ساڵی ١٩٩١ بەملاوە تورکیا و ئێران دەستێوەردانی زۆریان تێدا کردووە، تەنانەت دەستیان لە شەڕی ناوخۆی ساڵانی نەوەدەکان هەبووە، بۆیە ئێستاش تورکیا ڕۆڵێکی گەورەی لەو دۆخەدا هەیە.



ROJNEWS


🆔 @GozarDemocratic

وتەکانی شەهیدی سەرکردە #دیار_غەریب "هەڤاڵ هەڵمەت" سەبارەت بە داگیرکاریەکانی دەوڵەتی تورکی داگیرکەر و هەڵوێستی لایەنە سیاسیەکان



🆔 @GozarDemocratic

هەرێمی پاراستنی میدیا و گەریلا، هێزی بەربەستی سەرکەوتنی هەموو ئامانجەکانی داگیرکەری لەسەر کوردستان و هێزی لەقاودانی بەکرێگیراوێتی و سەرخستنی بەرژەوەندی گشتی و نەتەوەیی، بەسەر بەرژەوەندی تەسکی عەشیرەتی، بنەماڵەتی، مافیایی و...، بۆیە بە خەستی کراوەتە ئامانج. لە هەر ئەگەرێکدا، ووشیاری و یەک دەنگی گەل و ئیرادەی لەبن نەھاتووی گریلا دەیباتەوە.



✍ #ئەهوەن_چیاکۆ



🆔 @GozarDemocratic

🔹دبیر کل وزارت پیشمرگ: هر نیروی کوردی برای جنگ به لیبی رفته باشد مزدور است

🔻جبار یاور دبیر کل وزارت پیشمرگ اقلیم کوردستان اعلام کرد، لشکر روژ بخشی از وزارت پیشمرگ نیست بلکه با فرماندهی زیروانی (نیروی ویژه پ.د.ک) مرتبط هستند. همچنین می‌گوید، هر نیروی کوردی که به جنگ لیبی رفته باشد به عنوان مزدور از او نام برده می‌شود.

بیشتر بخوانید...

🌍 https://bit.ly/2RDgfVt

بانگەوازی پارت و ڕێکخراو و ڕێکخستنە سیاسیەکانی کوردستان بۆ یەک دەنگی و یەک هەڵوێستی لەدژی پەلامارەکانی دەوڵەتی تورک


🆔 @GozarDemocratic