گذار دموکراتیک

اییەوە دادەمەزرێت و بەڕێوە دەچێت.
* لەشەوى (12)ى شوباتى (2006)دا هەڤاڵ ڤیان ئەندامى دەستەى دامەزرێنەرى (PKKى نوێ) و فەرماندارى هێزى پاراستنى گەل (HPG) و یەژا ستار (YJA STAR) لەناوچەى حەفتانیندا بۆ پرۆتستۆکردنى پیلانگێڕی (15)ى شوباتى (1999) و گۆشەگیرکردنى رێبەر ئۆجەلان لەزیندانى ئیمرالى و لەبەرامبەر ئەو زوڵم و چەوسانەوەیەى لە گەلی کورد و ژنانى کورد دەکرێت بەچالاکییەکى گیانبازى ئاگرى لە جەستەى خۆى بەردا و شەهیدبوو. شەهید ڤیان لەدواى خۆیدا نامەیەکى (24) لاپەرەیی بەجێهێشتووە، لەو نامەیەدا بەقووڵى باس لە هۆکارى ئەنجامدانى ئەو چالاکییەى خۆى دەکات.
* لە ئادارى (2006)دا کچە یۆنانى ئەلەفتەریا فۆرتاکى لە یۆنانستانەوە دژ بەسیاسەتى گۆشەگیرى لەسەر سەرۆک ئۆجەلان و کوشتوبڕکردنى گەلی کورد چالاکییەکى گیانبازى ئەنجام دا و ئاگرى لەجەستەى خۆی بەردا.
* لە (2006) چوارەمین کۆبوونەوەى جڤاتى گشتى کۆنگرەى کۆنگرەى گەل سازدرا.
* لە (2007)دا پارێزەرانى رێبەر ئۆجەلان لە ئەوروپادا لەمیانەى کۆنفرانسێکى رۆژنامەوانیدا رایانگەیاند کە رێبەر ئۆجەلان لە زیندانى ئیمرالیدا بە ماددەى سترانسیۆم و کرۆم ژەهرخوارد کراوە. بەمەش بۆ ناڕەزایی دەربڕین بەرامبەر بەو پلانگێڕییەى ژەهرخواردنە گەلى کورد لە هەر چوار پارچەی کوردستان و دەرەوەى وڵات بەچەندین شێوە دەستیان بە چالاکی پرۆتستۆیی کرد.
* هەر داوى ئەو کۆنفرانسە رۆژنامەوانییەدا بە بەشدارى (68) کەس، (18)یان هەمیشەیی و (50)یان بەنۆرە لەبەردەم بینایەى دادگاى مافی مرۆڤى ئەوروپا لە ستراسبۆرگ دەستیان بە مانگرتنى بێکۆتایی کرد، بەمەبەستى شەرمەزارکردنى پیلانى ژەهرخواردکردنى رێبەر ئۆجەلان و فشارخستنە سەر رێکخراوى دژ بە ئەشکەنجە (CPT) بۆ ئەوەى دەستەیەک پزیشکى سەربەخۆ سەردانى ئیمرالى بکات و بەزووترین کات پشکنینى پزیشکى ئەنجام بدرێت و چارەسەر بکرێت و لە زیندانى ئیمرالى دەربخرێت. ئەو چالاکییە (39)ى خایاند. ئەو رێکخراوە لەژێر فشارى ئەو چالاکییانەدا سەردانى ئیمرالی کرد، بەڵام تا ئێستا ئەنجامى پشکنینەکەى ئاشکرا نەکردووە!!.
* لە (2007.10.1)دا لەچوارچێوەى تێکۆشان بۆ راوەستاندنى زوڵم و تیرۆرى دەوڵەتى تورکیا و داگیرکەرانى دیکەى کوردستان و زەمینە خۆشکردن بۆ چارەسەرکردنى کێشەى گەلی کورد و ئازادى رێبەر ئۆجەلاندا، هەڵمەتى" ئیتر بەسە" بەچەندین شێوە و جۆرى چالاکی نواندن دەستیپێکردووە و تا ئێستا بەردەوامە....
* لە (2007.11.30)دا کۆنسەى بەڕێوەبەاریەتى کۆما جڤاکێن کوردستان (KCK) و دیوانى سەرۆکایەتى کۆنگرەى گەل پرۆژەیەکى چارەسەرى بەناوى "جاڕنامەى چارەسەرى دیموکراتیانە"ى لە حەوت خاڵدا پێشکەش کرد، بەمەبەستى چارەسەرکردنى کێشەى کورد. بەڵام ئەم پرۆژەیە بە پیلانگێڕی و ئۆپەراسیۆنى بەرفراوانى سەربازى وەڵام درایەوە.
* رۆژی (3 ـ11ـ2008) حکومەتى هەرێمى کوردستان بۆ چەندین جار و لەدەرەوەى یاسا بارەگاى "هەولێر" و "سلێمانى"ی پارتى چارەسەرى دیموکراتى کوردستان (PÇDK)ی داخستەوە.
* رۆژی (5 ـ11ـ2008) حکومەتى هەرێمى کوردستان ئابڵۆقەى ئابوورى و راگەیاندنى لەسەر بناری قەندیل (هەرێمی پاراستنى میدیا) و کامپی ئاوارەکانى مەخمور سەپاند.
* لەشەوى (15 ـ 16)ى مانگى (12)ى (2008)دا (53) فرۆکەی جەنگی سوپاى تورک گوندەکانى باشوورى کوردستانیان بۆردومان کرد. لە ئاکامدا (2) گوندنشینى بنارى قەندیل و (5) گەریلا شەهیدبوون و بەدەیان کەسیش بریندار بوون. هەروەها چەندین نەخۆشخانە و خوێندنگا و خانووى گوندنشین وێران کران و بەسەدان سەر مەڕیش لەناوچوون.

✍ #حه‌سه‌ن_جودی
له‌ كتێبی (مێژووێك له‌ ئاگر) وه‌رگیراوه‌.

🆔 @GozarDemocratic

561 views18:40