نحچي عن الأمن السيبراني بس ان شاء الله


Boost : https://t.me/boost/GoSads

قسم الأمن السيبراني المنفوخ

بعد امتحانات الوزاري مال السادس الإعدادي سنة 2023، فجأة طلع الأمن السيبراني وصارت عليه ضجّة مو طبيعية بعد نشر وزارة التعليم خبر استحداث أقسام وكليات الامن السيبراني ببعض الجامعات العراقية، ووياها بلّشت دعوات للطلاب بدخول هذا القسم، خصوصًا أصحاب المعدلات العالية، يعني اللي فوگ التسعين وكذا وأول ناس چانوا يدعون هاي الفئة هي وزارة التعليم وبهالسنة نفسها ⦗ دفعة 2023 ⦘ بصراحة ما چان الإقبال قوي، ومعدلات هندسة الأمن السيبراني جانت بحدود 82–86 وكل جامعة تختلف عن الثانية بشي بسيط واذا ذاكرتي ماغدرتني فحتى بعضهم 79 انقبلوا

وهاي الأرقام صراحةً طبيعية ومعقولة وما بيها شي، بس بعدها بسنة كلشي تغيّر لات دفعة 2024 انفتحت عليها حملة تهويل مو طبيعية، فيديوهات بكل التواصل الاجتماعي ، ناس تحچي بثقة غريبة لدرجة يگولون تعيين مركزي، مستقبل مضمون، أحسن من الطب، تدخل تضمن مستقبلك وهواي خريط وحتى اللي ما چان يگول تعيين مركزي صريح، يلمّح بطريقة تخليك تصدّگ
والطلاب؟
ركبوا الموج وهاهيه كلها صارت حلمها تدخل أمن سيبراني وإجاهم واهس قوي وبصراحة هنا بلّشت المصيبة لان معدلات القسم طلعت لفوگ بشكل خرافي، وصل المعدل 94 وأدنى معدل وصل 91.14 بالتقنية الشمالية بالموصل (صباحي). وبعدها الناس تخبلت أكثر، گاموا يدخلون مسائي وأهلي، وكلهم بنفس الفكرة “بي تعيين ومضمون وباقي الخايط”

لا دفعة 2023 ولا 2024 ولا 2025 أكو شي اسمه تعيين مركزي للأمن السيبراني واصلا حتى بهذيچ الفترة چانت اخبار هواي تگلك حتى الطب يتوقف تعيينه المركزي وفعلاً هذني الدفعات ديطالبون هسه بالتعيينات فإذا هذوله عدهم قرار بتعيينهم مركزي والقانون وياهم وماتعينوا انتَ شلون تريد تتعين!!

واللي دخلوا على هذا الأساس، هواي منهم هسه ديحاول يحول لقسم ثاني ومنهم حولوا أصل ليش؟ لأن القسم صعب ومتعب ومو للجميع

الأمن السيبراني مو مادة وحدة ولا موضوع بسيط، هذا بحر معلومات. شبكات، أنظمة، برمجة، مفاهيم هوايه وثکيله، وتعلّم مستمر ⦗ ركّزلي بهاي تعلّم مستمر ⦘ وحالياً اللي دخل وهو ما يحبه ⦗ ركّز گلت مايحبه يعني دخل بس ويه الموجه ⦘ ، يا إمّا أيس، يا إمّا گعد بس يحاول ينجح وخلاص د يا إمّا ديحاول يتصالح ويه نفسه ويتقبل القسم

وهنا الفكرة اللي محد ذكرها الهم وهسه جاي يستوعبونها، هذا القسم ما يفيد بس اللي عنده شغف حقيقي ويحب يطوّر من نفسه بعيدًا عن التهاويل والمسميات وفيكات السوشيل ميديا

لا الجامعات العراقية ولا غير العراقية راح تعلمك كلشي بالمجال خلال أربع سنوات ، تطويرك يعتمد عليك أنت ، إذا ما تحبه ما راح تطور نفسك وإذا تحبه أصلاً ما تنتظر أحد يكلك "تعلّم" انت راح تروح تتعلّم وحدك

ومعلومة أخيرة، مستحيل تتعيّن وانتَ معلوماتك بسيطة ومجرد اساسيات لان وزارة الداخلية وكل المكاتب الحكومية ماتعينك اذا ماتسوي مسابقة لمئات السيبرانيين وتاخذ منهم 3 لو 4 واللي يكونون ذو كفائة عالية كلش وهلشي طبيعي لان شنو يستفيد من يجيب واحد ويگعد يعلمه ، هو يريد مواهب وكفائات

وبالختام الأمن السيبراني مو طريق سهل للتعيين، ولا قسم ينفع للكل ، هو مجال قوي وصعب ويستاهل بس اللي داخله عن قناعة ويگدر يطلع من حگه مو داخله عن واهس اجاه من كم منشور ، وحتى ما اخرب واهسكم كلش بالمجال راح اگلك شغله ، تدري اذا تحب هذا المجال ودخلت غير تخصص تگدر تتعلمه وتصير احسن من اللي دخل القسم وجاي يدرسه كتخصص جامعي بس مو كحب، جاي يدرسه علمود السمعه والطشّه وتخيل وياي شگد تختلف من يكون حلمك ومن يكون للطشّه وانتَ دگه دبنگه كلشي متعرف بي وتريد تدخله علمود السمعه

البارحة تطبيق سعودي اسمه AN تعرّض للإختراق وتم تسريب معلومات أكثر من 150 الف شخص واللي من ضمنها ايميل وباسوورد كل شخص

بصراحة تعتبر هاي مشكلة كلش چبيرة خصوصًا يعتبر هذا أول تطبيق محلي يصعد بهاي السرعة وياخذ شهرة بهاي السرعة وبعد مستحيل ترجع الثقة بسهولة للمنصات المحلية مثل منصة AN في السعودية واللي چانت حمايتها هشّه جدًا لدرجة مالك التطبيق "عبدالعزيز" يگول اني دفعت لمبرمج وما أعرف هذا المبرمج أستخدَم Ai لو برمجه بأيده وانت تخيّل.

◈ التاريخ الميلادي لإطلاق التطبيق 2026/4/23
◈ التاريخ الميلادي لإختراق التطبيق 2026/5/6

تخيلوا ChatGPT Plus مجاناً لمدة سنة كاملة لكل سكان مالطا، شركة OpenAI وقّعت اتفاقية مع الدولة

هذي أول دولة في العالم توزّع الاشتراك على كل المواطنين، مو بس على المعلمين أو الموظفين الحكوميين، الشرط الوحيد هو إنك تكون مواطن أو مقيم + تجتاز دورة محو الأمية الرقمية في استخدام نماذج الذكاء الاصطناعي

"الذكاء الاصطناعي يشكّل مستقبلنا. هذه المبادرة تضمن إن كل مواطن عنده الفرصة يكون جزء من هذا المستقبل" هذا كلام وزير الاقتصاد المحلي عندهم

تدرون نشر هاي الثغرات البارحة! الموضوع جديد كلش وطازج

الموضوع مابي أي مبالغة وصار عليه ضجّه إعلامية سيبرانية لأن فعلاً بدأ المهاجمون بإستغلال هاي الثغرات

الأخوان السيبرانيين اللي يريد يستفيد من هاي الثغرات

تگدر تستفيد بمجرد تضمن أي دخول بسيط لأي جهاز من أي ثغرة تسويها بالمتصفح وبعدها تستغل أي وحده من هاي الثغرات وتوصل للـ SYSTEM بكل بساطة

طبعاً ماعدا ثغرة GreenPlasma لأنها مو كاملة مثل باقي الثغرات ويحتاجلك تكملها ف تحتاجلها واحد عنده خبرة عالية

يوتيوب بدأ حملة واسعة ضد ما يُعرف بمحتوى "AI Slop" أو المحتوى منخفض الجودة المُنتَج بالكامل بالذكاء الاصطناعي، وقام بحذف أو تفريغ عشرات القنوات الضخمة من محتواها. المفاجأة أن القنوات المتضررة كانت تمتلك مجتمعًا يتجاوز 35 مليون مشترك وحققت أكثر من 4.7 مليار مشاهدة مجتمعة!
الرسالة أصبحت واضحة: استخدام الذكاء الاصطناعي بحد ذاته ليس المشكلة، لكن إنتاج محتوى آلي متكرر ومنخفض الجودة بهدف حصد المشاهدات فقط قد يضع القناة في دائرة الخطر. ويبدو أن يوتيوب بدأ فعليًا تشديد الخناق على هذا النوع من المحتوى خلال 2026.

منصة Pump المشهورة بعملات الميم تعلن عن إطلاق نظام غريب يشبة افلام الرعب
يتيح النظام للمستخدمين والشركات نشر مهام ومكافآت مالية للمجتمع
يشارك الاشخاص ويتم تنفيذ الطلب ويتم تصوير فديو للتوثيق و افضل شخص قام بالمهمة يفوز
بمعنى اخر أصبح بإمكان أي شخص عرض مكافأة مقابل اي امر كأنك في الدارك ويب 🪖