በትዳር ከተጣመሩ በኋላ ከጫጉላ ቤታቸው ቀጥታ ወደ 12 ክፍል ፈተና ማዕከል በማቅናት የተፈተኑት ጥንዶች

በ2018 ዓ.ም. የ12ኛ ክፍል ሀገር አቀፍ የመልቀቂያ ፈተና ከሚወስዱ የኮንሶ ዞን ተማሪዎች መካከል፣ በትጋት፣ በጽናትና በቁርጠኝነት ለሌሎች ተማሪዎች አርአያ የሆኑ ተፈታኞች ይገኛሉ።

እነዚህ ተማሪዎች የትምህርት ዕድሜ ወይም የቤተሰብ ኃላፊነት ለትምህርታቸው እንቅፋት እንዳይሆን በማድረግ ሌሎችን የሚያነሳሱ ምሳሌዎች ሆነዋል።

አዲስ ተስፋዬ እና ዳዊት ጉራሾ በትዳር ትስስር ከተጣመሩ በኋላ፣ ከጫጉላ ቤታቸው ቀጥታ ወደ ፈተና ማዕከል በማቅናት ትምህርታቸውን ለማሳካት ያላቸውን ቁርጠኝነት አሳይተዋል።

ከዚህ በተጨማሪ ከኮንሶ ዞን ኮልሜ ወረዳ ሁለተኛ ደረጃ ትምህርት ቤት የመጡት በረከት ታሪኩ እና እንግዳነች ዳባ እናትና ልጅ ሲሆኑ፣ በአንድ ጊዜ የ12ኛ ክፍል መልቀቂያ ፈተና ለመውሰድ መዘጋጀታቸው ለብዙዎች አስደናቂና አነቃቂ ተሞክሮ ሆኗል የግዮን ማለዳ ቤተሰቦች ።

ኮንሶ ዞንም እነዚህን በትጋትና በጽናት የተሞሉ ተማሪዎች በመኩራት፣ በመጪው ፈተና የተሻለ ውጤት እንዲያስመዘግቡ መልካም ምኞቱን ገልጿል። ግዮን ማለዳ መረጃውን ያገኘው ከኮንሶ ዞን መንግስት ኮሙኒኬሽን አገልግሎት ነው።

ጥንዶች ወደ ከፍተኛ ተቋም (የዩንቨርስቲ) መግቢያ ውጤት ያመጡ ይሆን ? ውሳኔያቸውን እንዴት አያችሁት ? ሀሳብ አስተያየታችሁን አካፍሉን እስኪ?

ግዮን ማለዳ

Joined & Share 👉T.me/GhionMaleda
Joined & Share 👉T.me/GhionMaleda

ለእናቱ የገባውን ቃል ለመጠበቅ አስክሬን ቤት አስቀምጦ ለተፈተነው ታዳጊ ካሊድ ቃሲም የመኖሪያ ቤት ሊገነባለት ነው::

ከሦስት ሳምንታት በፊት እናቱ ባረፉበት ዕለት የገባውን ቃል ለማክበር ሲል አስክሬን ቤት ውስጥ ትቶ የስምንተኛ ክፍል ሚኒስትሪ ፈተናውን በመፈተን መላውን የሀገሪቱን ሕዝብ በከፍተኛ ሐዘን ያስለቀሰውና ያስደመመው ታዳጊ ካሊድ ቃሲም፣ አዲስ የመኖሪያ ቤት ሊገነባለት መሆኑ ተሰማ።

በሸገር ከተማ አስተዳደር ኤካ ጣፎ ክፍለ ከተማ ከሁለት ታናናሽ ወንድሞቹ ጋር የሚኖረው ይህ የ14 ዓመት ታዳጊ፣ በወቅቱ እናቱ በጽኑ ታመው በነበሩበት ወቅት “እኔ አንድ ነገር ብሆን እንኳ ለዓመታት የለፋህበትን ፈተና እንዳታቋርጥ” በማለት ያስገቡትን ጥብቅ ቃል ለመጠበቅ የጠዋት ፈተናውን ተፈትኖ፣ ከሰዓት ደግሞ እናቱን አልቅሶና ቀብሮ በመመለስ የከሰዓት ፈተናውን ማጠናቀቁና “ቃልሽን አላጠፍኩም እማ!” ማለቱ ይታወሳል።

ዛሬ በተሰማው አዲስና ተስፋ ሰጪ መረጃ መሠረት፣ ለታዳጊውና ለታናናሽ ወንድሞቹ ቋሚ የቤት መፍትሔ ለመስጠት የሸገር ከተማ የኤካ ጣፎ ክፍለ ከተማ አስተዳደር ለቤት ግንባታ የሚሆን መሬት በይፋ አዘጋጅቶ አስረክቧል። ከዚህ ጋር ተያይዞ የኦሮሚያ ትምህርት ቢሮ የመኖሪያ ቤቱን ሙሉ በሙሉ ገንብቶ ለታዳጊዎቹ ለማስረከብ ቃል ገብቷል።

ወላጅ አባቱ ከእነርሱ ርቆ በጅጅጋ ከተማ ሌላ ትዳር መሥርቶ በመኖሩ ምክንያት እናታቸውን አጥተው ብቻቸውን ለቀሩት ለእነዚህ ወንድማማቾች የተደረገው ይህ የመሬትና የቤት ግንባታ ድጋፍ፣ የታዳጊውን ታማኝነትና ብርታት ያከበረ እንዲሁም ማኅበራዊ አጋርነትን በተግባር ያሳየ መሆኑ ተገልጿል። -Via FastMereja

ግዮን ማለዳ

Joined & Share 👉T.me/GhionMaleda
Joined & Share 👉T.me/GhionMaleda

እነሆ ሁለትም ሶስትም ሆነው በጊዜያዊ ጎጆ መጠለያ በስምህ ተሰብሰበዋልና አንተ በመካከላቸው ተገኝ 🙏

በጊዜያዊ ጎጆ መጠለያ ውስጥ የሚገኘውን ታሪካዊና መንፈሳዊ ቦታ ወደ ሙሉ ቤተ-መቅደስ ለመቀየር ስራ ተጀመሯል።

በኢትዮጵያ ኦርቶዶክስ ተዋሕዶ ቤተክርስቲያን በወላይታ ሀገረ ስብከት፣ በካዎ ኮይሻ ወረዳ የምትገኘው የኮይሻ ዋሙራ ሳጋዶራ በዓታ ለማርያም ቤተክርስቲያን በአሁኑ ወቅት በጠባብና ጊዜያዊ መጠለያ (መቀኞ) ውስጥ ትገኛለች።

ይህንን በጊዜያዊ መጠለያ ውስጥ የሚገኘውን ታሪካዊና መንፈሳዊ ቦታ ወደ ሙሉ ቤተ-መቅደስ ለመቀየር እንዲሁም ለቀጣይ የማስፋፊያ ሥራዎች ከፍተኛ የገንዘብ ድጋፍ ያስፈልጋታል።

ድጋፎቹ የሚውሉት ለቅዳሴና ለተለያዩ መንፈሳዊ አገልግሎቶች የሚውሉ ቁሳቁሶች። ለግንባታ ዕቃዎች ማለትም ቆርቆሮ፣ ምስማር፣ ሲሚንቶ እና ሌሎች የግንባታ ግብዓቶች። እንዲሁም ለምዕመናን አገልግሎት እንዲመች ይዞታውን ለማስፋት።

ለእነዚህ ተግባራት ማስፈጸሚያ ከ 500,000 (አምስት መቶ ሺህ) ብር በላይ ወጪ እንደሚጠይቅ ተገምቷል። በመሆኑም ደጋግ ኢትዮጵያውያን አቅማችሁ በፈቀደ መጠን በገንዘብም ሆነ በቁሳቁስ ድጋፍ በማድረግ የዚህ በረከት ተካፋይ እንድትሆኑ ቤተክርሲትያኗ ጥሪ አቅርባለች።


የልገሳ ማድረጊያ የባንክ አካውንት፦ ስም: ሳጋዶራ በዓታ ማርያም

1000707796026-CBE

ለበለጠ መረጃና የሞራል ድጋፍ 0916141439 ወይም 0915536425 ☎️ በመደወል አይዞአችሁ በሏቸው 🙏

በቴሌግራም ለማግኘት 👉 @sagadora12

“ሁለት ወይም ሦስት ሆናችሁ በስሜ በሚሰበሰቡበት በዚያ በመካከላቸው እሆናለሁና። (ማቴ 18፥20)

#ትኩረት ለደቡብ ኢትዮጵያ ገጠር አብያተክርስቲያናት !

የተገጠመለትን ጉሉኮስ ነቅሎ ከሆስፒታል ያመለጠው ታራሚ በቁጥጥር ስር ዋለ

በጂንካ ማረሚያ ተቋም በስርቆት ወንጀል ተከሶ የነበረውና በጤና ችግር ምክንያት ወደ ጂንካ ዞናል ሆስፒታል ለህክምና የገባው ታራሚ ከሆስፒታል ካመለጠ በኋላ በቁጥጥር ስር መዋሉን የጂንካ ማረሚያ ፖሊስ ተቋም አስታወቀ ።

የተቋሙ አዛዥ ምክትል ኮማንደር አስቻለው ነሬሬ ለብስራት ሬዲዮ እንደተናገሩት ታራሚው በስርቆት ወንጀል ተከሶ መደበኛ ቀጠሮውን እየተከታተለ የነበረ ሲሆን በጤና ችግር ምክንያት ለከፍተኛ ህክምና ወደ ጂንካ ዞናል ሆስፒታል ተልኮ ነበር ።

ታራሚው ሆስፒታል በነበረበት ወቅት በህክምና ላይ የተገጠመለትን ጉሉኮስ ነቅሎ ሌሊት 2 ሰዓት አካባቢ ማምለጡ ተገልጿል ።

መረጃ የደረሳቸዉ የማረሚያ ተቋሙ አመራሮች ከአካባቢው የፀጥታ አካላት ጋር በመተባበር ባደረጉት ክትትል ከሌሊቱ 10 ሰዓት ተይዞ  ቁጥጥር ስር ሊውል ችሏል ።

ታራሚው በተከሰሰበትን ወንጀል በመፀፀት ህጉ የሚሰጠውን ውሳኔ ተቀብሎ መታረም ሲገባው ለህክምና በተላከበት ወቅት ማምለጡ በጉዳዩ ላይ በህግ አግባብ ምርመራ ተደርጎ ውሳኔ ይሰጣል ሲሉ ኮማንደር አሰቻለው ነሬሬ ለብስራት ሬዲዮ ተናግረዋል።

በመባ ወርቅነህ

Joined & Share 👉T.me/GhionMaleda
Joined & Share 👉T.me/GhionMaleda