ካለህበት የሱስ ወይም የጭንቀት አረንቋ ለመውጣት የምትከተለውን እምነት መቀየር አያስፈልግህም።

በህይወታችን ውስጥ ትልቁ ውጊያ ከራሳችን ጋር የምናደርገው ውጊያ ነው። ብዙ ጊዜ መንገድ ሲጠፋን፣ ህይወት ሲመሰቃቀልብን ወይም በሱስ ማዕበል ውስጥ ስንወድቅ ጥፋቱን ወደ ሌላ ነገር ማላከክ እንወዳለን።

ነገር ግን እውነተኛው ለውጥ የሚመጣው ከውጪ ሳይሆን ከውስጣችን መሆኑን ይሄ ወጣት በተግባር አስመስክሯል።ወንድማችን በቀደመው ህይወቱ እንደ አብዛኞቹ ወጣቶች በሱስ ዓለም ውስጥ ተዘፍቆ....

በዘመናዊ የራስታ ገፅታ (Rastafarian lifestyle) ተፅዕኖ ስር ወድቆና ከነበረበት የኦርቶዶክሳዊት ቤተክርስቲያን እምነትና ስርዓት ርቆ የኖረ ወጣት ነበር። በብዙዎች ዘንድ "ተስፋ የለውም" ተብሎ ሊታሰብ የሚችል የህይወት ምዕራፍ ላይ ነበረ።

ነገር ግን አንድ ቀን ቆም ብሎ እራሱን መከረ፤ ዘከረም። "ችግሩ ያለው እምነቴ ጋር ሳይሆን እኔነቴ ጋር ነው" ብሎ አመነ። መጥፎ ልምዶቹን፣ አሉታዊ የህይወት ፈተናዎቹን በበጎነት ለመቀየር ወሰነ።

ወደ እናት ቤተክርስቲያኑ ተመልሶ፣ በወንጌል ቃል እራሱን አበልፅጎ እና አድሶ ለትልቅ ክብር እራሱን አበቃ።

ዛሬ ይሄ ወንድማችን ሱስን አሸንፎ፣ ያንን የድሮ ማንነቱን ጥሎ ታላቁ ምስጢር በሆነው በስርዓተ ጋብቻ፣ በቅዱስ ቁርባን ህይወት ውስጥ ገብቶ ትዳር መስርቷል።

በእምነቱ ፀንቶ፣ ክርስትናን በተግባር ኖሮ ለብዙ ወጣቶች ትልቅ ትምህርት እና ተስፋ የሚሆን አርአያነትን አሳይቷል።

ህይወትህን ለመቀየር፣ ካለህበት የሱስ ወይም የጭንቀት አረንቋ ለመውጣት የምትከተለውን እምነት መቀየር አያስፈልግህም። እምነትህ ውስጥ ያለውን እውነት መኖር እና እራስህን መቀየር ብቻ ነው የሚጠበቅብህ!

ግዮን ማለዳ

Joined & Share 👉T.me/GhionMaleda

ሴዶ ማርሻል እና ጆኒ መንገድ ላይ ተደባደቡ

በጉጉት ለሚጠበቀውና ከ10 ሚሊዮን ብር በላይ ሽልማት የተዘጋጀበት ታላቅ ፍልሚያ ቀጠሮ ተሰጥቷቸው፣ ውልና ፊርማቸውን አጠናቀው መላው የኢትዮጵያ ህዝብ ፍለሚያቸውን ለማየት...

የሚጠብቃቸው ሴዶ ማርሻል እና ጆኒ ባልተጠበቀ ሁኔታ መንገድ ላይ ተገናኝተው በቡጢና በትግል መጋጠማቸው ከላይ ከቪዲዮ ተመልከተናል ።

የግጭቱ አጀማመር አስገራሚና አሳዛኝ ነበር። የፌደራል ፓሊስ አጠገባቸው ባለበት ሁኔታ ሴዶ ማርሻል ማህበረሰባዊ አሻራውን ለማሳረፍ ችግኝ ይዞ በቆመበት ሰዓት፣ ጆኒ በቅፅበት ከበስተጀርባው በመምጣት እግሩን ይዞ ለመጣልና ለመቆለፍ (Lock) ጥረት አድርጓል።

ሆኖም ግን በአካባቢው በነበሩ የፖሊስ አባላትና በህዝብ ርብርብ ሳይከፋፈል ሊገላገሉ ችለዋል።

ይህ ክስተት በማህበራዊ ሚዲያ ላይ መነጋገሪያ ከመሆኑ ባለፈ፣ በኢትዮጵያ ስፖርት እና በስፖርተኞች ስነ-ምግባር ዙሪያ ትልቅ ጥያቄ ያስነሳና ስጋትም ፈጥሯል።

በህጋዊ መንገድ መድረክ ተዘጋጅቶላቸው፣ ህዝብ በክብር የሚጠብቃቸው ስፖርተኞች በመንገድ ላይ የጎዳና ላይ ጠብ ውስጥ መግባታቸው ለሙያው ያላቸውን ክብር ያሳንሳል።

ስፖርት ህፃናትና ወጣቶች በአርአያነት የሚከተሉት ዘርፍ ነው። እንዲህ አይነት ድርጊቶች ግን ለወጣቱ ትውልድ የተሳሳተ መልዕክት ያስተላልፋሉ።

ማህበረሰባዊ በጎ ተግባር (ችግኝ የመትከል ስራ) እየተከናወነ ባለበት እና ሰላማዊ ድባብ ባለበት ቦታ ላይ እንዲህ አይነት ጥቃት መፈጸም ፍፁም ተገቢ አይደለም።

ማህበረሰባዊ በጎ ተግባር እየተከናወነ ባለበትና የፌደራል ፓሊስን በመናቅ በሚመስል መልኩ መሰል ችግሮችን መፈጠር ከህግ አኳያስ አያስጠይቃቸውም ? ሀሳብ አስተያየታችሁን አካፍሉን እስኪ ?

ግዮን ማለዳ
T.me/GhionMaleda

ዶ/ር ቴድሮስ አድሃኖም ያገኙትን የ50 ሺህ ዶላር ሽልማት ወደ ኢትዮጵያ ላኩ

የዓለም ጤና ድርጅት ዋና ዳይሬክተር ዶክተር ቴድሮስ አድሃኖም ገ/ኢየሱስ በየካቲት 2023 ከሚቺጋን ዩኒቨርሲቲ ያገኙትን የ50 ሺህ ዶላር....

የሽልማት ገንዘብ በትግራይ ክልል በጦርነቱ ሳቢያ ጉዳት ለደረሰባቸው ሴቶች ድጋፍ ለሚያደርጉ ሁለት ድርጅቶች በሙሉ መለገሳቸው ታውቋል።

ይህ የተበረከተው የገንዘብ ድጋፍ "ማምስ ፎር ማምስ" ለተሰኘው ድርጅትና "የትግራይ ሴቶች ማኅበር" በእኩል መጠን መከፈሉን ሁለቱ ተቋማት ማክሰኞ ዕለት በመቀሌ ከተማ በጋራ በሰጡት ጋዜጣዊ መግለጫ ይፋ አድርገዋል።

ድርጅቶቹ እንደገለጹት የተደረገላቸው ይህ ልገሳ በጦርነቱ ወቅት የፆታዊ ጥቃት ሰለባ ለሆኑና በተለያዩ ምክንያቶች ከባድ ጉዳት ለደረሰባቸው ሴቶች የመልሶ ማቋቋሚያና የዕለት ተዕለት የኑሮ...

መደገፊያ እገዛዎችን ለማቅረብ የሚውል ሲሆን ይህም ተጎጂዎቹ የደረሰባቸውን ቀውስ ተቋቁመው ሕይወታቸውን በአዲስ መልክ መልሰው እንዲገነቡ አቅም ይፈጥርላቸዋል ተብሏል። Via፦ ያፌት ገ/ህይወት

ግዮን ማለዳ

Joined & Share 👉T.me/GhionMaleda
Joined & Share 👉T.me/GhionMaleda

"ከዚህ የፓርላማ ተሳትፎዬ ማጠናቀቂያ ማግስት ራሴን ከማንኛውም ቀጥተኛ የፖለቲካ እንቅስቃሴ አግልያለሁ።"  -ዶክተር ደሳለኝ ጫኔ-

ታዋቂው ፖለቲከኛ ዶክተር ደሳለኝ ጫኔ የፓርላማ ቆይታቸውን መጠናቀቁ ተከትሎ ከቀጥተኛ የፖለቲካ እንቅስቃሴ ራሳቸውን ማግለላቸውን አስታወቁ።

ዶክተር ደሳለኝ ባለፉት 10 ዓመታት በሕዝብ ተወካዮች ምክር ቤት የባሕር ዳር ከተማ መራጮችንና የሕዝብን ድምፅ በመወከል በንቃት ሲሳተፉ መቆየታቸውን ጠቁመዋል።

በዚህም በማኅበረሰብ አገልግሎት፣ በጣና ሐይቅ የእንቦጭ አረም መከላከል አክቲቪዝም፣ በፓርቲ ምስረታ እና በፓርላማ አባልነት የነበራቸውን የትግል ምዕራፍ በስኬት ማጠናቀቃቸውን ገልፀዋል።

የፓርላማ አባሉ ባስተላለፉት መልእክት፣ እጅግ አስቸጋሪ በነበሩት ዓመታት ፍርሃትን አርቆ ጽናትን ለሰጣቸው ለልዑል እግዚአብሔር እና ለቅድስት ድንግል ማርያም ምስጋና አቅርበዋል።

በተለይም የባሕር ዳር ከተማ መራጮቻቸው ላሳዩአቸው ድጋፍና ከሁለት ዓመት ከመንፈቅ በፊት ለ45 ቀናት በታሰሩበት ወቅት በጸሎትና በሐሳብ አብረዋቸው ለነበሩ ወገኖቻቸው በሙሉ የላቀ ምስጋና አቅርበዋል።

ለጋዜጠኞች፣ ለምክር ቤት አባላትና ለቅርብ የትግል አጋሮቻቸው ምስጋናቸውን ያካፈሉ ሲሆን፣ በትናንትናው ዕለት ክቡር ጠቅላይ ሚኒስትር ዐቢይ አሕመድ «አብረን እንስራ» በማለት ላቀረቡላቸው ጥሪና በበጎ ጎኑ ለገለጹላቸው አስተያየት አክብሮታቸውን ገልጸዋል።

የፓርላማ አባሉ የወደፊት የሕይወት አቅጣጫቸውን በተመለከተ ፤  በሙያቸው (በአካዳሚክስ) ሀገራቸውን ማገልገላቸውን እንደሚቀጥሉ በአዳዲስ...

የሥራ ውጥኖች (Startups) ላይ በስፋት እንደሚሰማሩ፣ ለቤተሰቦቻቸው በቂ ጊዜና ትኩረት መስጠት እንደሚፈልጉ በይፋ አስታውቀዋል።

ዶ/ር ደሳለኝ፣"ከዚህ የፓርላማ ተሳትፎዬ ማጠናቀቂያ ማግስት ራሴን ከማንኛውም ቀጥተኛ የፖለቲካ እንቅስቃሴ አግልያለሁ።ለጊዜው በማንኛውም የፖለቲካ ፓርቲ ውስጥ በአባልነትም ሆነ በደጋፊነት የማልሳተፍ መሆኑን በይፋ አሳውቃለሁ" ብለዋል።

ፖለቲካዊ ተሳትፎአቸው ቢያበቃም፣ የአማራን ሕዝብ አንድነት በሚያጠናክሩ፣ የአማራ ሕዝብ ከሌሎች ወንድሞቹ ጋር ያለውን አብሮነት በሚያሳድጉ፣ እንዲሁም...

የኢትዮጵያውያንን ኑሮ በሚያሻሽሉ ማኅበራዊና ሀገራዊ ጉዳዮች ላይ በሙያቸው የበኩላቸውን አስተዋጽኦ ማድረጋቸውን እንደሚቀጥሉ አረጋግጠዋል።

ለሀገሪቱ ዘላቂ ሰላም፣ ለእውነተኛ ብሔራዊ ውይይትና እርቅ ያላቸው መሻት አሁንም ጽኑ መሆኑን በመግለጽ፣ አዲሱ የ2019 ዓ.ም የሰላምና የፍቅር ዘመን እንዲሆን ምኞታቸውን አስተላልፈዋል።

       T.me/GhionMaleda
          ግዮን  ማለዳ

የራሳቸውን ሽንት በመጠጣት ህይወታቸውን ያቆዩት ጥንዶች

የራሳቸውን ሽንት በመጠጣት ህይወታቸውን ያቆዩት ጣሊያናውያን ጥንዶች በዶሎማይት ተራሮች ለስድስት ቀናት ከጠፉ በኋላ በህይወት ተገኝተዋል ።

እንደ "ኢል ሬስቶ ዴል ካርሊኖ" መጽሔት ዘገባ ከሆነ ​ዳቪዴ እና ቺያራ የተባሉት እነዚህ ጥንዶች፣ በጉዟቸው ላይ መንገዳቸውን ስተው ጥቅጥቅ ባለው የጥድ ደን ውስጥ ቆይተዋል።

ቅዝቃዜውን ለመቋቋም ከዛፍ ቅጠሎችና እንጨቶች ጊዜያዊ መጠለያ የሰሩ ሲሆን፣ ምግብና ውሃ በመራቃቸው ጉልበታቸውን ለመቆጠብ ካሉበት ሳይንቀሳቀሱ የነፍስ አድን ቡድን እስኪመጣ ጠብቀዋል።

በዚህ አስቸጋሪ ጊዜ ውስጥም የዱር ፍራፍሬዎችን በመመገብ እና በመጨረሻም ትንሽ ምንጭ እስኪያገኙ ድረስ የራሳቸውን ሽንት በመጠጣት ህይወታቸውን ለማቆየት ተገደዋል።

​የጥንዶቹ መጥፋት ከቀናት በኋላ ለባለስልጣናት ሪፖርት የተደረገ ሲሆን፣ ፖሊስ እና የተራራ ነፍስ አድን ቡድኖች ባደረጉት ከፍተኛ ፍለጋ ዛሬ ጠዋት ሊያገኟቸው ችለዋል።

ጥንዶቹ በወቅቱ በጣም ደክመው የነበረ ቢሆንም በጥሩ የአእምሮ ጤንነት ላይ እንደሚገኙ ተገልጿል።ባለሙያዎች ግን የሰውነትን ድርቀት የሚያባብስ በመሆኑ ሽንት መጠጣትን ፈጽሞ እንደማይመክሩ አስታውቀዋል። Via፦ ፌደል post

እርስዎ መሰል ችግሮች ወይም ለህመምዎ መዳኋኒት የራሳችሁ ሽንት ቢሆን ይወስዱታል ? ሀሳባችሁን ኮሜንት ላይ አካፍሉን እስኪ ?

ግዮን ማለዳ

Joined & Share 👉T.me/GhionMaleda
Joined & Share 👉T.me/GhionMaleda

#update
በሮቤ ከተማ አስተዳደር አዶሼ ክፍለ ከተማ ሮቤ የተሽከርካሪ መናሕርያ ውስጥ አንድን የጤና ባለሞያ ከላይ በቪዲዮ እንደምታዩት በደቦ የደበደቡ ወጣቶች በእስራት ተቀጡ።

እንደ ሮቤ ከተማ አስተዳደር ፖሊስ መምርያ የኮሙኒኬሽን ፅህፈት ቤት ሐላፊ ምክትል ኢንስፔክተር ጌታቸው ታምሩ ገለፃ፦

1ኛ ሱልጣን ሑሴን ፣ 2ኛ ኢብራሔም ሑሴን እና 3ኛ ቦንሣ አወሉ የተባሉ ተከሳሾች የአንደኛ ተከሣሽ የእጅ ስልክ ጠፋ በሚል ሠበብ በአንድ የጤና ባለሞያ ላይ በደቦ ከፍተኛ ድብደባ በማድረስ የአካል ጉዳት አድርሰዋል።

ሚያዝያ 8 ቀን 2018 ዓም ከጥዋቱ አንድ ሠዓት ተኩል ላይ አሮጌው መናሕርያ ውስጥ የጊኒር ከተማ ጤና ፅህፈት ቤት የጤና ባለሞያ የሆኑትን ዋቆ ከድር የተባሉትን የአንደኛ ተከሣሽ ሞባይል በመጥፋቱ ወስደኃል በሚል ያልተረጋገጠ ማስረጃ በቡድን ተደራጅተው የድብደባ ወንጀል ፈፅመውባቸዋል።

ባልተጣራና ባልተረጋገጠ ጉዳይ በመቀናጀት የፈፀሙት የድብደባ ወንጀል በማሕበራዊ ሚዲያ ላይ ከፍተኛ ቁጣ ማስከተሉ ይታወሳል፡፡

አቃቢ ሕግም ከፖሊስ የቀረበውን የምርመራ መዝገብ ተመልክቶ በውንብድና ወንጀል ክስ መስርቷል፡፡ ክሱን የተመለከተው የሮቤ ከተማ አስተዳደር ከፍተኛ ፍርድ ቤት....

ሐምሌ 1 ቀን 2018 ዓም በዋለው ችሎት እያንዳንዳቸዉን በሁለት ዓመት ከሶስት ወራት እስራት ተወስኖባቸዋል ። ግዮን ማለዳ መረጃውን ያገኘው ከሮቤ ከተማ አስተዳደር ፖሊስ መምርያ ኮሙኒኬሽን ነው ።

ግዮን ማለዳ

Joined & Share 👉T.me/GhionMaleda
Joined & Share 👉T.me/GhionMaleda

ለራሱ ምርቃት የተገዛው በሬ ወግቶት ህይወቱ ያለፈው ተመራቂ !

በቅርቡ ከጎንደር ዩኒቨርሲቲ በኤሌክትሪካል ኢንጅነሪንግ ዘርፍ በታላቅ ስኬት ተመርቆ፣ ለነገው ህይወቱ ትልቅ ተስፋ ሰንቆ የነበረው ፍሰሐ አስማማው እጅግ ልብ በሚሰብር አደጋ ከዚህ ዓለም በሞት ተለይቷል።

ይህ ተስፋ የተጣለበት ወጣት ከሳምንት በፊት ነበር የምርቃት ካባውን የደረበው። ወላጆችና ዘመድ አዝማድም የምርቃቱን ደስታ አብረውት ለማሳለፍ ከጎንደር ጋይንት (ጎብጎብ) ከተማ ወደ ተወለደበት አካባቢ ይዘውት አምርተው ነበር።

ነገር ግን በትላንትናው ዕለት ለምርቃቱ ድግስ ተብሎ የተገዛው በሬ በድንገት ወግቶት ህይወቱ ሊያልፍ ችሏል።

የዚህ ወጣት ስኬትና ህልም በአጭር የተቀጨበት አሳዛኝ የቀብር ስነ-ስርዓት ዛሬ በጋይንት ጎብጎብ ቀራኒዮ መድሃኒዓለም ቤተክርስቲያን ወዳጅ ዘመዶቹ፣ የክፍል ጓደኞቹና የአካባቢው ማህበረሰብ በተገኙበት ተፈፅሟል።

አንዳንድ ሀዘኖች ለመግለጽ ቃላት ሁሉ ይጠፋል እናቱ አባቱን ምን ተብሎ ማፅናናት ይችላል ? ብቻ ሕይወት እንድህ ነች እሩቅ ስናስብ በአጭር እንዲሁ መቅረት💔 😭

ለወላጆቹ፣ ለወዳጅ ዘመዶቹ እንዲሁም ለጓደኞቹ በሙሉ ፈጣሪ ፍጹም መፅናናትን ይስጥልን። የወንድማችንን ፍስሐ ነፍስ በአፀደ ገነት ያሳርፍልን። #RIP

Via፦ ጉርሻ

ግዮን ማለዳ