🌙 Европа ва Америкада масжидлар сонининг ўсиши

Ушбу хариталарда 1950 йилдан 2026 йилгача Европа ва Америкада масжидлар ҳамда намозхоналар сонининг ўсиши акс этган.

Европада илгари, асосан, Болқон минтақасида жойлашган саноқли масжидлар бўлган бўлса, бугун уларнинг сони 12 500 тадан ошган.

Америкада эса 1950 йилда тахминан 15 та масжид бўлган, ҳозирда уларнинг сони 3 150 тадан кўп.

Бу ўзгариш бир неча ўн йил ичида содир бўлди. Расмий манбалар ва миллий кенгашлар ушбу кўрсаткичларни ҳисобга олиб боради.

Бу жадал ўсиш мазкур мамлакатларнинг келажаги учун нимани англатади?

@Geointriga_uz

🦠 ЖССТ коронавируснинг янги PJ.2.1 штамми белгилари ҳақида маълумот берди

Коронавируснинг янги PJ.2.1 штамми белгилари оддий шамоллаш ёки гриппга ўхшаш кўринишда намоён бўлиши мумкин.

Мутахассисларнинг таъкидлашича:

▪️Фақатгина касаллик белгиларига асосланиб, инфекцияни айнан қайси респиратор вирус келтириб чиқарганини аниқлаш имконсиз. Буни тасдиқлаш учун албатта тест топшириш талаб этилади;

▪️Вирусолог Елена Малинникованинг қайд этишича, PJ.2.1 штаммини коронавируснинг бошқа турларидан ажратиб турувчи асосий фарқлар — томоқдаги кучли оғриқ ҳамда касалликдан сўнг узоқроқ давом этадиган ҳолсизлик ҳолатларидир.

@Geointriga_uz

🇦🇿🇹🇷 Туркия ва Озарбайжон бирлиги абадий ва мустаҳкамдир — Алиев

«Ғалаба кунида сиз биз билан бирга эканингиз бутун Озарбайжон халқини қувонтирмоқда», — деди Илҳом Алиев Эрдўғон билан учрашувда.

Бу ҳақда Озарбайжон президенти Илҳом Алиев Туркия президенти Ражаб Тойиб Эрдўғон билан матбуот учун берган баёнотида маълум қилди.

Давлат раҳбари Туркия президентига ташрифи учун алоҳида миннатдорчилик билдириб, айнан 6 йил аввал Шуша шаҳри Арманистон оккупациясидан озод қилинганини, бир кун ўтиб эса Арманистон расман таслим бўлганини эслатди.

@Geointriga_uz

🇹🇷🇦🇿 «Биз барча жабҳаларда бирдаммиз, Орзу ва идеалларимиз муштарак, Байроқларимизда — яримой, Озарбайжон — Туркия».

Эрдўғон Бахтиёр Ваҳобзоданинг «Озарбайжон — Туркия» шеърини ўқиди

@Geointriga_uz

🇩🇪🇷🇺🇺🇸 «Немис партияси» Украина иштирокисиз Германия, Россия ва АҚШ ўртасида саммит ўтказмоқчи — Le Monde

Берлин Киевга ёрдам кўрсатиш бўйича энг йирик донор бўлишига қарамай, умуммиллий сайловларда етакчилик қилаётган «Германия учун муқобил» партияси Москва билан, айниқса иқтисодий соҳадаги муносабатларни зудлик билан тиклаш ва Россияга қарши санкцияларни сўзсиз бекор қилиш тарафдори, деб ёзади нашр.

Партия Бундестагдаги фракцияси раис ўринбосарларидан бири Маркус Фронмайернинг айтишича, 2027 йил баҳорида Абу-Дабида Россия, АҚШ ва Германия иштирокида, Украинасиз уч томонлама саммит ўтказишни режалаштирмоқда.

Партия вакиллари АҚШ Давлат департаменти ва Трамп маслаҳатчилари, шунингдек, Россия Ташқи ишлар вазирлиги ҳамда президент маъмурияти билан яхши алоқаларга эга эканини таъкидламоқда.

@Geointriga_uz

🇺🇸 Трамп Дана Уайтнинг Оқ уй матбуот котиби сифатидаги илк брифинги акс этган сунъий интеллект орқали яратилган видеони эълон қилди.

@Geointriga_uz

🇩🇪🇵🇸 Берлиндаги Рейхстаг биносида Германия байроғи туширилиб, Фаластин байроғи кўтарилди

Байроқни алмаштирган уч нафар фаол полиция томонидан қўлга олинди. Уларнинг учаласи ҳам мигрантлар келиб чиқишига эга бўлмаган Германия фуқароларидир.

Акция учун масъулиятни ўз зиммасига олган «Peacefully Against Genocide» ташкилоти ўзини зўравонликсиз фуқаролик қаршилиги ҳаракати сифатида намоён қилади.

У Германиянинг Исроилга қурол етказиб беришини қоралайди ва Германия ҳукуматини фаластинликларга қарши жиноятларга шерикликда айблайди.

Шу билан бирга, ҳаракат фақат анъанавий намойишлар билан чекланмай, фуқаролик бўйсунмаслиги акцияларини ҳам ўтказади.

@Geointriga_uz

🇮🇱 Исроил президенти Айзенкотга янги ҳукуматни шакллантиришни расман топширди

Исроил президенти Ицхак Герцог «Яшар!» партияси етакчиси Гади Айзенкотга ҳукуматни шакллантириш мандатини топширди.

Энди Айзенкотда бу вазифани бажариш учун 28 кун бор. Зарур бўлса, у президентдан яна 14 кун қўшимча муддат сўраши мумкин.

«Биз бошдан кечирган оғир йиллардан кейин бу сафар бошқача йўл тутишимиз керак. Бу сафар барча исроилликлар манфаати учун. Исроилликлар ўз ҳукумати томонидан жамиятдан четлатилганини ҳис қилган кунлар тугаши ва қайтиб келмаслиги керак. Мен бу мақсадга содиқман. Бугун менга берилган мандат билан фавқулодда вазият ҳукуматини шакллантиришга раҳбарлик қиламан»,

— деди Айзенкот.

@Geointriga_uz

🇮🇷 Ҳурмуз бўғозида ёнаётган танкер

@Geointriga_uz

🇮🇱 Айзенкот Исроилда фавқулодда миллий бирлик ҳукуматини тузиш учун барча партияларни ҳамкорликка чақирди.

Мухолифатдаги «Яшар» партияси етакчиси янги ҳукуматга қўшилиш учун тўртта шартни илгари сурди: Исроилнинг яҳудий ва демократик давлат мақомини тан олиш, Мустақиллик декларацияси қадриятларига содиқлик, барча фуқароларнинг ҳарбий ёки фуқаролик хизмати ўташи ҳамда ҲАМАСнинг ҳарбий ва бошқарув салоҳиятини йўқ қилиш.

У «Ликуд» ва «Диний сионизм» партияларини ҳам ўз раҳбарлигидаги ҳукуматни қўллаб-қувватлашга чақирди.

@Geointriga_uz

🇩🇪 Баварияда Гитлернинг собиқ қароргоҳи консервация қилинмоқда, — ОАВ.

23 октябрь куни ўт қўйиш оқибатида ёниб кетган қароргоҳда қайта тиклаш ишлари олиб борилиши режалаштирилган.

@Geointriga_uz

🇺🇸🇮🇷 Трамп Эронга янги зарбалар бериш эҳтимоли «жуда паст» эканини айтди — CNN

АҚШ президентининг таъкидлашича, Теҳроннинг ядровий дастури ва Ҳурмуз бўғозини очиш бўйича музокараларда олға силжиш сақланиб қолса, Эронга янги зарбалар берилиши эҳтимоли жуда кам.

«Бу уларнинг жуда жиддий келишувни имзолаш-имзоламаслигига боғлиқ», — деди Трамп.

Унинг айтишича, АҚШнинг учта авиаташувчилар зарба беришга шай ҳолатда турибди. Трамп, шунингдек, Эрондаги 38 та кўприкни бир соат ичида вайрон қилиш билан таҳдид қилди.

«Эҳтимол, бунга ҳожат қолмайди. Улар келишувга эришишни жуда қаттиқ исташмоқда», — дея қўшимча қилди у.

@Geointriga_uz

🇺🇸 Журналистнинг «мағлуб бўлиш қандай ҳис?» деган саволидан сўнг Трамп жимгина кетиб қолди.

@Geointriga_uz

🇮🇷 Эронда намойишлар яна авж олмоқда: иқтисодий инқироз фонида норозилик кучаймоқда

Эроннинг турли ҳудудларида турмуш қийматининг ошиши, коммунал хизматлардаги узилишлар ва ҳукумат сиёсатига нисбатан норозилик сабабли намойишлар қайта бошланди.

Москва Яқин Шарқ институти Теҳрон ва мамлакатнинг бошқа ҳудудларида намойишчилар билан хавфсизлик кучлари ўртасида тўқнашувлар юз берганини хабар қилмоқда.

Норозиликларга сабаб бўлган омиллардан бири сув, электр энергияси ва озиқ-овқат таъминотидаги муаммолардир.

Систон ва Белужистон вилоятида ичимлик суви олти кун давомида бўлмагани, электр таъминотидаги узилишлар ва нон танқислиги ортидан аёллар ва қизлар намойишга чиқди.

Эрон ОАВ маълумотларига кўра, намойиш иштирокчилари маҳаллий ҳокимиятдан аҳолини зарур маҳсулотлар ва хизматлар билан таъминлаш муаммоларини зудлик билан ҳал қилишни талаб қилган. Улар вазият ўзгармаса, тунги намойишларни давом эттиришларини билдирган.

@Geointriga_uz

🇰🇿🇺🇸 Қозоғистон АҚШ билан мисли кўрилмаган яқинлашув ҳақида маълум қилди: инвестициялар 17 миллиард доллардан ошди

Қозоғистон ва АҚШ ўртасидаги муносабатлар сўнгги бир йил ичида 35 йиллик дипломатик алоқалар тарихидаги энг юқори даражага етди. Бу ҳақда Қозоғистоннинг Вашингтондаги элчиси Илёсов The National Interest журналига берган интервьюсида маълум қилди.

Унинг сўзларига кўра, президент Қосим-Жомарт Тоқаевнинг Вашингтонга ташрифи ва C5+1 саммити давомида томонлар умумий қиймати 17 миллиард доллардан ортиқ бўлган тижорий келишувларни эълон қилган. АҚШнинг Қозоғистон иқтисодиётига киритган жами инвестициялари 60 миллиард доллардан ошган. Мамлакатда 600 дан ортиқ Америка компанияси фаолият юритмоқда.

Илёсов таъкидлашича, икки давлат манфаатлари тобора кўпроқ бир-бирига мос келмоқда: Вашингтон ишончли таъминот занжирлари, муҳим минераллар ва транспорт йўналишларидан манфаатдор бўлса, Остона инвестициялар, технологиялар ва иқтисодиётни диверсификация қилишга интилмоқда.

@Geointriga_uz