ილჰამ ალიევი მიუნჰენის კონფერენციაზე:

აზერბაიჯანი ევროპასა და აზიას შორის მდებარეობა უპირატესობაა, მაგრამ ფიზიკური ინფრასტრუქტურის გარეშე ამას დიდი მნიშვნელობა არ აქვს. ასე რომ, გასულ წელს აზერბაიჯანის გავლით რეკორდული რაოდენობის სატრანზიტო ერთეული გავიდა, 100,000-ზე მეტი. რამდენიმე წელიწადში კი ეს რიცხვი 200 000-მდე და 300 000-მდეც კი გაიზრდება. სომხეთთან მშვიდობის მიღწევის შემდეგ ვფიქრობთ ახალ შესაძლებლობებზე. დერეფანს, რომელიც აზერბაიჯანიდან სომხეთში და შემდეგ ევროპული დანიშნულების ადგილამდე მიდის, ასევე დიდი პოტენციალი აქვს ტვირთების მოცულობის თვალსაზრისით.
აზერბაიჯანი, რომელიც ტერიტორიული მთლიანობა აღიდგინა, ინვესტირებას ახდენს რკინიგზის მშენებლობაში. ასაშენებელი და განახლებული რკინიგზის საერთო სიგრძე 600 კილომეტრია. როგორც კი ეს დასრულდება, ჩვენ გვექნება შუა დერეფნის ორი გაფართოება აზერბაიჯანში და ეს სასარგებლო იქნება დასავლეთისთვის, აღმოსავლეთისთვის და, რა თქმა უნდა, სამხრეთ კავკასიაში მდებარე ქვეყნებისთვის. ჩვენ მოვხსენით აზერბაიჯანის გავლით ტვირთების გადაზიდვაზე ყველა შეზღუდვა. მადლიერი ვართ ჩვენი ქართველი მეგობრების, რომ უზრუნველყოფენ ძალიან მნიშვნელოვან ტრანზიტს მას შემდეგ, რაც საქონელი საქართველოს გავლით აზერბაიჯანიდან სომხეთში ჩავა. ასევე დავიწყეთ ნავთობპროდუქტების მიწოდება სომხეთისთვის, რაც მათთვის კრიტიკულად მნიშვნელოვანი პროდუქტია და ამით ფაქტობრივად დავიწყეთ ორმხრივი ვაჭრობა. დამაკავშირებელი პროექტები და დერეფნები კიდევ უფრო გაგვაერთიანებს, ურთიერთდამოკიდებულს გაგვხდის, შექმნის სრულიად ახალ სიტუაციას სამხრეთ კავკასიაში, სადაც აზერბაიჯანი, საქართველო და სომხეთი საბოლოოდ დაიწყებენ სამმხრივ საფუძველზე თანამშრომლობას.

ილიაუნის არც მოქმედი სტუდენტი ვარ და არც კურსდამთავრებული. ერთი ჩვეულებრივი "გეპეიშნიკი" ვარ. მაგრამ, რამდენიმე წლის წინ, ვაგონმშენებლობის სფეროში სხვადასხვა პოზიციებზე 11 თუ 12 წლიანი მოღვაწეობის შემდეგ, მომეცა შანსი დავკავებულვიყავი საქმიანობით, რომელზეც ალბათ ამ ქვეყნად მოსვლის დღიდან ვოცნებობდი. ეს შანსი, სწორედ ილიას სახელმწიფო უნივერსიტეტმა, კერძოდ კი ეკოლოგიის ინსტიტუტმა მომცა. რა თქმა უნდა, ეს შანსი არსაიდან არ მოსულა - საერთო ინტერესების გამო მანამდეც მქონდა არაპირდაპირი შეხება უნიში მოღვაწე ადამიანებთან. მაგრამ რეალურად, პრაქტიკულად უცხო ადამიანს შემომთავაზეს და მანდეს საერთაშორისო პროექტში ერთ-ერთი მოწინავე პოზიცია. და აი, დასაწყისში საკუთარ შესაძლებლობებში ეჭვების ქონის მიუხედავად, უკვე მეექვსე წელია რაც ვარ ამ თავისუფალი და მეგობრული გარემოს, როგორც მიმაჩნია, წარმატებული ნაწილი. გარემოსი, სადაც ნებისმიერ აზრს თანაბარი წონა აქვს, დაბრკოლებების მაგივრად კი სრული თავისუფლება და შედეგად თვითგანვითარების შესაძლებლობები გენიჭება. ვერ წარმომიდგენია რომელიმე სხვა საგანმანათლებლო ან სასწავლო დაწესებულებაში ამის შესაძლებლობა გამჩენოდა. მუდამ მადლიერი ვარ და ვიქნები ილიაუნის და მისი პერსონალის.

ეხლა კი, ხელის ერთი მოსმით, მხოლოდ და მხოლოდ პირადი ინტერესების გასატანად, სრულად არაკომპეტენტურ ბოღმიან არარაობებს, ამდენი ადამიანის შრომის წყალში ჩაყრა უნდათ! 😡

©️ Armen Seropian

ჩამოვიდა და გადაწყვიტა რუსული ავტორიტარიზმის დამყარება

‼️ბათუმში ავარიული შენობის მცხოვრებლები დახმარებას ითხოვენ. შანიძის ქუჩაზე მდებარე კორპუსი რამდენიმე დღის წინ ჩამოინგრა, თუმცა ალტერნატიული ფართის არარსებობის გამო ოჯახების ნაწილი ამ დრომდე სიცოცხლისთვის სახიფათო შენობაში რჩებიან.

ხალხი ტექნიკური ექსპერტიზის ჩატარებას და ხელისუფლების დროულ რეაგირებას ითხოვს. 
ყველა არჩევნების დროს მოდიოდნენ ხმის მიცემის თხოვნით, ყოველთვის ვეუბნებოდით, რომ უნდა დაგვხმარებოდნენ, გვერდში დაგვდგომოდნენ, თუნდაც ამხანაგობით თუნდაც რაღაცით, რომ ეს პრობლემა გადაგვეჭრა. კანალიზაციის მილები გაფუჭებული იყო და ყველაფერი ჩაედინებოდა სარდაფში. მართალია, სუფთა წყალმა შეიძლება არ დააზიანოს, მაგრამ ეს ყველაფერი აფუჭებს ფუნდამენტს. ყოველთვის გვპირდებოდნენ, რომ მოვალთ, გავაკეთებთ, დაგეხმარებით. დღემდე არ არის ეს პრობლემა მოგვარებული

- ამბობს ადგილობრივი. 

▪️ერთი წელი გავიდა მას შემდეგ, რაც ბათუმში, „ოცნების ქალაქში“, თხრილში ჩავარდნის შედეგად ორი ბავშვი დაიღუპა.

▪️მომხდარ ფაქტზე გამოძიება დაიწყო, თუმცა ერთი წლის შემდეგაც საზოგადოებისთვის უცნობია, რა ეტაპზეა პროცესი. ამ დრომდე არ დადგენილა ვინმეს ბრალეულობა და არავის დაკისრებია პასუხისმგებლობა.

▪️ტრაგედიის შემდეგ არაერთხელ დაისვა კითხვები უსაფრთხოების ზომების არარსებობასა და ტერიტორიაზე არსებული საფრთხეების შესახებ, რადგან შემთხვევის ადგილი სათანადოდ დაცული არ იყო.

▪️მომხდარის შემდეგ, „ქართული ოცნებამ“ „ოცნების ქალაქში“ მცხოვრებთა დიდი ნაწილი დაარწმუნა, რომ უბედური შემთხვევების მთავარი მიზეზი მედიაა და ჟურნალისტებს ტერიტორიაზე მუშაობის შესაძლებლობა არ უნდა მისცემოდათ.

▪️ზუსტად ერთი წლის წინ, ამ პერიოდში, მედია საშუალებები, მათ შორის „აჭარა თაიმსი“, ადგილზე მტრულ გარემოში მუშაობდნენ. ჟურნალისტებს ადგილობრივების ნაწილი სიტყვიერად და ფიზიკურად უპირისპირდებოდა.

▪️დღეს, ერთი წლის შემდეგაც, ვითარება არ შეცვლილა, „ოცნების ქალაქში“ ნებისმიერი სახის ჟურნალისტური მასალის მომზადება კვლავ სერიოზულ რისკებს უკავშირდება.

‼️პარასკევს, გია ვოლსკი კატარის ახალ ელჩს შეხვდა - მხარეებმა ორ ქვეყანას შორის ურთიერთობა, ზოგადი და რეგიონული ვითარება, ასევე უშუალოდ ქვეყნებში არსებული პოლიტიკური სიტუაცია განიხილეს.

"იურიდიული დახმარების შესახებ" კანონში ცვლილებებს განხილვა პირველი მოსმენის შემდეგ ასე გამოიყურება - ანგარიშვალდებულება საკანონმდებლო ორგანოს წინაშე კვლავ უქმდება და ამჯერად პრემიერის ნაცვლად იუსტიციის მინისტრის წინაშე იქნება ეს სამსახური პასუხისმგებელი. ცალკე მუხლი დაემატება იუსტიციის მინისტრის უფლებამოსილებათა განსაზღვრის მიზნით.

აქ საგულისხმოა ერთი დეტალი - რაც სურათზეცაა და თავდაპირველ ვარიანტშიც იყო. თუმცა, მცირე შესწორებები აქაც შევიდა.

კიდევ ერთი - იურიდიული დახმარების სამსახურის საბჭო საერთოდ უქმდება (კანონის მე-10-მე-12¹ მუხლების გაუქმების შედეგად).

ცვლილების მიხედვით, სამსახურზე ვრცელდება სსიპ-ის შესახებ კანონის ის ნორმები, რაც სახელმწიფო კონტროლს მოიაზრებს (მოქმედი რედაქციით ეს წესი არ ეხება).

ახალ ვერსიაში ასევე ჩმოყალიბდა იურიდიული დახმარების წინაპირობები

მეორე მოსმენით განხილვა მიმდინარე კვირასაა - აქ უკვე პრინციპის დონეზე შეჯერებული პროექტი მის ტექსტში არსებული მუხლების დეტალურ დისკუსიას მოიცავს.

‼️OFF Topic‼️

გერმანელმა ექიმებმა ბავშვთა ონკოლოგიაში გარღვევა მოახდინეს - ჰაიდელბერგში 17 წლის ტურინგელმა ბიჭმა, მილომ მყარი სიმსივნე იმუნოუჯრედული თერაპიის შედეგად დაამარცხა და ისტორიაში შევიდა. მას 10 წლის მანძილზე ჰქონდა თირკმლის ავთვისებიანი სიმსივნე. ქიმიოთერაპიის და ოპერაციის მიუხედავად, ის მეტასტაზურად გავრცელდა ღვიძლში, ელენთაში, ფილტვებსა და ტვინში.

ჰაიდელბერგის ჰოპ-ქინდერტუმორცენტრუმში ჩატარებულმა ექსპერიმენტულმა იმუნოუჯრედულმა თერაპიამ კი სიმსივნე სრულად გაანადგურა. როგორც უჯრედული და გენური თერაპიის უფროსმა ექიმმა და სამედიცინო დირექტორმა ქრისტიან ზაიცმა განაცხადა, ბიჭის სიმსივნურ უჯრედებში სპეციფიური ცილა აღმოაჩინეს. ამან ექიმებს საშუალება მისცა, საკუთარი T უჯრედები "გაეწვრთნათ" ამ კონკრეტული კიბოს უჯრედების აღმოსაჩენად და გასანადგურებლად.

მილოს სისხლიდან ამოიღეს იმუნური უჯრედები, დაამუშავეს და კვლავ ორგანიზმში დააბრუნეს. მოზარდმა 2025 წლის 2 ივლისს მიიღო T უჯრედების ინფუზია. პირველი დადებითი შედეგი 12 დღეში გამოჩნდა. 120 დღის შემდეგ კი სრულად განადგურდა სიმსივნური უჯრედები.

თავად მილო, რომელიც ველოსიპედისტია, ვარჯიშს დაუბრუნდა. მას ექიმობა სურს.

ბავშვებში კიბო გერმანიაში იშვიათი მოვლენაა - საზმაუს (ARD) ცნობით, წელიწადში 2000 შემთხვევა ფიქსირდება. თუმცა, სიკვდილიანობის მიზეზებში ის მეორე ადგილზეა. ბავშვებში სიმსივნეები ბიოლოგიურად განსხვავებული და ხშირად ნაკლებმუტაციურია, რის გამოც მოზრდილებში გამოყენებული პრეპარატები, ბავშვებისთვის უკუეფექტის მომტანია.

🙈და ის აქ არის - სისხლის სამართლის კოდექსს ემატება ახალი მუხლი - "ხელისუფლების სისტემური არაღიარება". სასჯელი 3 წლამდე პატიმრობა.

🚩გარდა ამისა, არაღიარება მთელ რიგ უკვე არსებულ დანაშაულებს დამამძიმებელ გარემოებადაც დააკვალიფიცირებს - კონკრეტულ მუხლს, არსებულზე ერთი წლით მეტი პატიმრობა დაემატება.

🚩საკითხს "ოცნების" პარლამენტი მეორე მოსმენით განიხილავს - აღნიშნული ნორმა "გრანტების შესახებ" კანონში და თანმდევ საკანონმდებლო აქტებში განსახორციელებელ ცვლილებათა ნაწილია.

მოქმედი კანონით, დასჯადი ქმედებაა კონსტიტუციური წყობილების დამხობა აქტიურ ქმედებაში განხორციელებული. სანამ დამხობამდე მივა საკითხი, არის მოწოდება კონსტიტუციური დამხობისკენ. ესეც დასჯადია, მოქმედი კანონით, ათწლეულია და ჩვენ გვაქვს მოცემულობა, რომ პირები, სანამ ამ მოწოდებამდე მივლენ, ქმნიან აღქმას საზოგადოებაში, თითქოს არ არსებობენ კონსტიტუციური ორგანოები; არ არსებობს საქართველოს კანონმდებლობა; არ არსებობს ქართველი ხალხის მიერ გამოხატული ნება, მაგალითად, საქართველოს არჩეული პარლამენტი. საბოლოო ჯამში ამ აღქმის შექმნის მიზანია, ხელისუფლების დამხობის მოწოდებისთვის შეიქმნას ნოყიერი ნიადაგი. სამწუხაროდ, გვაქვს მოცემულობა, რომ არსებობენ პირები, რომლებიც სისტემატურად და სისტემურად არ ცნობენ კონსტიტუციას და კონსტიტუციურ წყობას და თავიანთი ქმედებებით სუვერენიტეტს უქმნიან საფრთხეს და არ ცნობენ დემოკრატიის უმთავრეს პრინციპს, რომ საქართველოში ქართველი ხალხი იღებს გადაწყვეტილებას

- თქვა "ოცნების" დეპუტატმა არჩილ გორდულაძემ

(აკი ვთქვი ამეებს გაუტოლებენ ლეგიტიმაციის საკითხს. ფინეთის საგარეო მინისტრი ხო დააჯარიმეს გზის გადაკეტვაზე. აწი ელინა ვალტონენმა რომ თქვას, არ ვცნობ თქვენს ხელისუფლებასო და თბილისში ჩამოვიდეს, შეილება დაიჭირონ - მერე რა რომ დიპლომატიური იმუნიტეტი აქვს).

‼️კობახიძემ ახალი ფორმულა წარმოადგინა, რომლის მიხედვითაც "ოცნების" ხელისუფლების არაღიარება უდრის საქართველოს ოკუპირებულ ტერიტორიებზე საქართველოს იურისდიქციის არაღიარებას. აი, რას ამბობს კობახიძე:

თქვენ იცით, რომ არის ერთი კონკრეტული ქვეყანა, უფრო სწორად, ოთხი კონკრეტული ქვეყანა, რომელიც საქართველოს ხელისუფლების იურისდიქციას არ აღიარებს საქართველოს ტერიტორიის 20%-ზე. ასეთია ხუთი ქვეყანა მთლიანობაში – რუსეთი და პლუს ოთხი ქვეყანა. ქვეყნის შინგნით არიან ძალები, რომლებიც დანარჩენ 80%-ზეც არ აღაირებენ საქართველოს ხელსუფლების იურისტდიქციას. ჩვენთვის ერთნაირი პრობლემაა ისიც და ისიც.

ერთი არის საერთაშორისო სუბიექტები, რომლებიც არ აღიარებენ ქვეყნის ტერიტორიის 20%-ზე საქართელოს იურისტდიქციას და მეორე არიან ქვეყნის შიგნით ძალები, რომლებიც საქართველოს ტერიტორიის 100%-ზე არ აღიარებენ საქართელოს ხელსუფლების იურისდიქციას.

ერთ შემთხვევაში ჩვენ გვაქვს "ოკუპაციის შესახებ" კანონი, რომელიც უპირისპირდება პირველ პრობლემას. ახლა მიიღება ახალი კანონი – ცვლილებები სისხლის სამართის კოდექსში, რომელიც დაუპირისპირდება მეორე პრობლემას – კონსტიტუციური წყოლილების შესახებ საბოტაჟი და ექსტრემიზმი. ეს არის ის, რასაც კანონმდებლობა უნდა დაუპირისპირდეს

მე პირადად ვთვლი, რომ ეს ხელისუფლება არის დასამხობი, რაც შეიძლება სწრაფად და სასტიკად, ნებისმიერი ფორმით და ნებისმიერი გზით. ჩვენ გვაქვს ამის გაკეთების ლეგიტიმური უფლება. ჩვენ შორის ყველაზე კეთილსინდისიერებს გვაქვს ვალდებულება, რომ ივანიშვილი დავამხოთ. მე გეუბნებით, ივანიშვილი დასამხობია. ძალაა გამოსაყენებელი ყველა მოძალადე პოლიციელის წინააღმდეგ, ვინც ქალებს და ბავშვებს აპატიმრებს, ცემს და წიხლს ურტყამს. ყველა შენობა გვებრძვის ჩვენ, თქვენ, ყველას. პარლამენტიდან, კანცელარიიდან, პრეზიდენტის ადმინისტრაციიდან გამოსაყრელია ყველა თვითმარქვია უზურპატორი. ეს არის გასაკეთებელი და ეს გაკეთდება

– განაცხადა ბაჩო ახალაიამ 4 ოქტომბრის საქმის სასამართლო სხდომაზე.

ძალიან გაბრაზებული და გამწარებული ვარ იმით თუ რა ხდება ზოგადად უნივერსიტეტების თავზე და განსაკუთრებით, ჩვენი, სოხუმის უნივერსიტეტის თავს! 
იმით რაც ხდება, კიდევ ერთხელ დავრწმუნდი თუ რა შორს არის დღევანდელი ხელისუფლება აფხაზეთის თემასთან მიმართებაში, როგორ არ ესმის ის, როგორ არ ერკვევა არაფერში და სამომავლოდ საბედისწერო შეცდომას უშვებს! როგორ არ უსმენს იმ ადამიანებს, ვისაც კარგად გაეგება ეს საკითხი და ვალდებულიც არის რომ გაეგებოდეს! 

ჩვენი სოხუმის უნივერსიტეტი - მდიდარი და საამაყო ისტორიის მქონე, ქართულ-აფხაზური ურთიერთობის და თანამშრომლობის, საქართველოს ერთიანობისთვის ბრძოლის ერთ-ერთი ბასტიონი! კარგად მახსოვს მისი პირველი რექტორის ბატონი ზურაბ ანჩაბაძის და მამას საუბრები, დისპუტები, წუხილები, ფიქრები უნივერსიტეტის მომავალზე, მის განვითარებაზე...
სოხუმის უნივერსიტეტში, როგორც ლაკმუსის ქაღალდზე გამოვლინდა, იფეთქა ყველა ურთიერთსაწინააღმდეგო პრობლემამ, რომელიც ათეული წლები ბუდობდა აფხაზურ საზოგადოებაში. უნივერსიტეტში აღმოცენილი კონფლიქტით დაიწყო იმ ტრაგედიის ხილული ფაზა, რომელიც აფხაზეთში დატრიალდა. 
რა ვქნათ, როგორ უშველოთ ჩვენს მშობლიურ და ბუმბერაზ კერას, როგორ გადავარჩინოთ უგუნურობისაგან და უგუნურებისაგან?!

- აცხადებს საქართველოს პარლამენტის ყოფილი წევრი და ამჟამად აფხაზეთის ა/რ-ის უმაღლესი საბჭოს წევრი, ადა მარშანია.