ბევრი ახსნა შეიძლება ჰქონდეს მიმდინარე მოვლენებზე ქართველი ხალხის მდუმარებას, თუმცა ყველაზე ახლოს ომის შიშია.

საიდანაც არ უნდა მოუარო, პოლიცია იქნება, ჯარი, ბიზნესი, კულტურა, სტუდენტი თუ ნებისმიერი სხვა, ყველას გაჩუმება საბოლოდ ომის შიშზე დგას.

გინდა არ გინდა, 40 კილომეტრშია რუსული ბაზები თბილისიდან. ამ მოცემულობაში "ვიშის რესპუბლიკად" კი ვიქეცით, მაგრამ ამაზეც თანახმაა კოლექტიური ერი. ყველა ფიქრობს, რომ თუ რუსეთს ფეხი დაუცდა, გადავრჩებით, ხოლო თუ რუსეთმა წარმატებას მიაღწია - ისედაც დაღუპულები ვართ. ესაა კოლექტიური ერის მიდგომა და ლოგიკა.

რა თქმა უნდა, რუსებმა მოახდინეს "ომის შიშის" კულტივირება, რათა პოლიტიკური ცვლილებები არ მოხდეს. ისე, 2008 წლის ომის ერთ-ერთი მიზანი და შედეგიც ის იყო, რომ ომის შიში ყოფილიყო ქართველებში, რაც წარმატებით მიიღწა რუსების მხრიდან. გარკვეულწილად, ომის შიშმაც განაპირობა 2012 წელს ხელისუფლების ცვლილება.

რა თქმა უნდა, ქართველების ხელით, ამ ვითომ მშვიდობას რუსები იყენებენ ძალიან ეფექტიანად და ანადგურებენ ქართულ სახელმწიფოს აგურ-აგურ. რუდუნებით ნადგურდება ქართული სახელმწიფოს ყველა ინსტიტუცია და ფუნდამენტი, მათ შორის ცნობიერების დონეზე. კოლექტიური ერი კი დუმს, რადგან ომის ეშინია.

მე კი არ მჯერა, რომ სირაქლემის პოზაში ყოფნა, მოკავშირეების გინება და დასავლეთის რეგიონიდან გაგდების მცდელობა საქართველოს ომს ააცილებს (პირიქითაა ეგ), მაგრამ დასანანია, რომ ოპო სპექტრმა და სამოქალაქო სექტორმა "ომის შიშის" ფენომენს არ მიაქცია სათანადო ყურადღება.

"დუმდა სიონი და დუმდა ხალხი!"

ამაშია საქმე :)

©Mate Khvedelidze

ევროინტეგრაცია გვჭირდება და გვინდა თუ არა, ამ კითხვას არაერთხელ გასცა პასუხი საქართველოს მოსახლეობამ, და, ამომწურავად გასცა.
გარდს ამისა, ევროინტეგრაცია ჩვენი უზენაესი კანონით - კონსტიტუციით არის განმტკიცებული!
რატომ გახდა ახლა ეს საკითხი სადებატო??!!! ანუ, იგივე "წარმატებით" და ლოგიკით, უშვებთ, რომ კონსტიტუციით გათვალისწინებული სხვა ნებისმიერი ფუნდამენტური საკითხიც ასე, თვითნებურად შეიძლება დაექვემდებაროს დებატებს? მაგალითად, ვიდებატოთ ქვეყნის პოლიტიკურ მოწყობაზე, ქვეყნის სუვერენიტეტზე, ვიდებატოთ ამ კონტექსტში აფხაზეთზე, ადამიანის უფლებებზე (რამდენად გვჭირდება ისინი) და ა.შ. და ა.შ.

თითქოს ცხადზე ცხადია, ვის აწყობს ევროინტეგრაციაზე "დებატები", მაგრამ მაინც შეგახსენებთ - რუსეთს, ანუ საქართველოს გადაშენების მოსურნე "მეზობელს" და ყველანაირი პროგრესისა და კეთილდღეობის მოსისხლე მტერს (ამას არა მხოლოდ სხვა სუვერენულ ქვეყნებში ჩადენილი მასიური დანაშაულებით, არამედ საკუთარ ქვეყანაში არსებული მდგომარეობითაც ძალიან ცხადად გვაჩვენებს).
ჰოდა, რადგან მაინც მიყვებით რუსულ სცენარს და ფიქრობთ "დებატობას" მოსახლეობის მიერ არჩეულ და კონსტიტუციით გამყარებულ პოლიტიკურ კურსზე, არ გამოტოვოთ ეს კითხვები:

Sophie Tkemaladze ს კედლიდან:

- რატომ უშვებენ ქოცები შვილებს ევროპაში (და არა ირანში ან რუსეთში) სასწავლებლად?

- რატომ აჩენენ შვილებს ამერიკა-ევროპებში?

აგერ მონაცემები:

https://www.radiotavisupleba.ge/a/%E1%83%A5%E1%83%90%E1%83%A0%E1%83%97%E1%83%A3%E1%83%9A%E1%83%98-%E1%83%9D%E1%83%AA%E1%83%9C%E1%83%94%E1%83%91%E1%83%90-%E1%83%93%E1%83%90-%E1%83%93%E1%83%90%E1%83%A1%E1%83%90%E1%83%95%E1%83%9A%E1%83%A3%E1%83%A0%E1%83%98-%E1%83%A1%E1%83%98%E1%83%99%E1%83%94%E1%83%97%E1%83%94%E1%83%94%E1%83%91%E1%83%98/33081804.html

- რატომ დადიან (მალე იმედია ვეღარ ივლიან) საყიდლებზე და დასასვენებლად იტალია-ესპანეთ-საფრანგეთში?

- რატომ დადიან სამკურნალოდ გერმანიაში?

- რატომ ყიდულობენ იქ სახლებს და იღებენ ევროპის ქვეყნების მოქალაქეობას? ეს ჩამონათვალი:

https://transparency.ge/ge/blog/ra-bizness-da-konebas-ploben-kartuli-ocnebis-cevrebi-da-tanamdebobis-pirebi-evropashi

რატომ უკარგავენ ჩვენი ქვეყნის მოქალაქეებს შესაძლებლობას მიიღონ სტიპენდიები და ისარგებლონ იმ სიკეთეებით, რისთვისაც თავიანთ ოჯახებს უშვებენ იქ?

©Etuna Chachanidze

‼️მიზეზი საპროცესო სამართლებრივი ჩიხია, რომელიც ბრალდებულების 4 ეპიზოდზე ბრალის წარდგენას მოყვა. ამბავი ისაა, რომ მოკლული მასწავლებლის საქმე სასამართლოში უკვე არსებითად განიხილება. სწორედ ამ დროს დაუმძიმეს ბრალი ამ საქმეზე უკვე ბრალდებულებს. ამასთან 4 ეპიზოდზე მსუბუქი მუხლია გათვალისწინებული. შესაბამისად ჩიხი ერთი და იმავე ბრალდებულებზე მსუბუქი და მძიმე მუხლებით გასამართლებას მოყვა (აქ არ ვგულისხმობთ შთანთქმის პრინციპს - მძიმე მსუბუქს რომ "ყლაპავს". ასეთ დროს ისედაც მოგვარდებოდა საკითხი) რეალურად საპროცესო კანონმდებლობით შესაძლებელია ზემდგომი პროკურორის თანხმობით ან შემსუბუქებაზე მსჯელობა ან საქმის შეწყვეტაზე (საპროცესო კოდექსის 250-ე მუხლი).

ამდენად, პროკურორები ამბობენ რომ პროცედურულად საკითხი გვარდება და შესაბამისად შემდეგ პროცესზე საქმეს გამოითხოვენ. წარმოება კი ხელახლა იმ 4 ეპიზოდთან ერთად დაიწყება.

საგულისხმოა რომ ბრალდებულები არასრულწლოვნები არიან - წინასწარი პატიმრობა კი 6-თვიანი (ნაცვლად სტანდარტული 9ისა). ამ ვადის გასვლის შემდეგ, თუ განაჩენი არაა, მაშინ უნდა გათავისუფლდნენ ციხიდან.

პროკურორებმა თქვეს რომ რადგან 4 ეპიზოდზე 11 თებერვალს იყო აღკვეთის სხდომა და თან ავალიანის საქმეს გამოითხოვენ სასამართლოდან, მაშინ 6 თვიანი ვადის ათვლა სწორედ 11 თებერვლიდან დაიწყება.

ჩვენ ბევრ ქვეყანას დავპირდით ევროკავშირში გაწევრიანებას და გულწრფელად რომ ვთქვა, არაკომფორტულად ვგრძნობ თავს თქვენი ქვეყნების მიმართ ჩვენი მიდგომით. არ მინდა თქვენი დაკარგვა. თქვენ ევროპის კონტინენტის ნაწილი და შესაბამისად, პოტენციურად ევროკავშირის ნაწილიც ხართ

- განაცხადა მიუნხენის კონფერენციაზე გერმანიის კანცლერმა ფრიდრიხ მერცმა.

🚩მერცმა უპასუხა ჩერნოგორიის (🇲🇪) პრეზიდენტის, იაკოვ მილატოვიჩის კითხვას, შეძლებს თუ არა ევროკავშირის გაფართოება ევროპის გლობალური კონკურენტუნარიანობის გაზრდას.

გერმანიის კანცლერის თქმით, ის იმედოვნებს, რომ აპრილში შემდგომი ნაბიჯები გადაიდგმება, იმისთვის რომ ისეთი ქვეყნები, როგორიცაა ჩერნოგორია, ევროკავშირს უფრო დაუახლოვდნენ.

ესტონეთის მედიაში გავრცელებულ ინფორმაციაზე ვერ გავაკეთებ განცხადებას. რაც შეეხება ელჩის დანიშვნას სომხეთში, ეს, რა თქმა უნდა, ნებისმიერი ქვეყნის პრეროგატივაა. საგარეო უწყებებს შეუძლიათ, საკუთარი შეხედულებისამებრ გადაიყვანონ ელჩები ერთი თანამდებობიდან მეორე თანამდებობაზე. ამაში მე განსაკუთრებულს ვერაფერს ვხედავ. ჩვენც გვაქვს გარკვეული საჭიროებები, ხშირ შემთხვევაში ხდება დიპლომატების ცვლილება, ზოგან საელჩოები ფუნქციონირებს ხშირად ელჩის გარეშეც, ამაშიც არ არის არაფერი განსაკუთრებული, თუკი ამას თავად ესტონური მხარე არ აძლევს რაიმე განსაკუთრებულ მნიშვნელობას

- თქვა მაკა ბოჭორიშვილმა ესტონეთის საგარეო საქმეთა სამინისტროს გადაწყვეტილებაზე, გადაიყვანოს ელჩი თბილისიდან ერევანში

‼️ავტოდილერებმა გამაფრთხილებელი აქცია ჩანიშნეს - 21 თებერვალს რუსთავის ავტობაზრობაზე.

პარალელურად მოწოდებაა დიალოგისკენ, ასევე იგეგმება საინფორმაციო კამპანიაც.

6 წელზე მეტი ხნის მანქანების იმპორტი პირველი აპრილიდან იკრძალება.

‼️ოს სეპარ ბადრი გაგლოევს ვალენტინობის საჩუქრად საიქიოს საგზური გამოუწერეს

🔴 ეს სამი ჯდებიან დებატებზე, მაგრამ დებატებს ხომ გააჩნია? დებატებსაც ხომ გააჩნია? 🙂

ეჭვქვეშ დაყენებულ ევროპული კურსზე უნდა იდებატონ გოგა ხაინდრავას წინააღმდეგ

ძალიან ვწუხვარ, ძალიან, ძალიან

© მახარაძე რომა

სანამ „ქართული ოცნება“ ქართველ ახალგაზრდებს დასავლური განათლების მიღების შესაძლებლობას უზღუდავს და ილიას სახელმწიფო უნივერსიტეტში პროგრამების დაახლოებით 90%-ს ხურავს, საქართველოში ირანული ალ-მუსტაფას უნივერსიტეტი ოპერირებს. უნივერსიტეტს საქართველოს განათლების სამინისტროს აკრედიტაცია არ აქვს, თუმცა ყოველწლიურად იღებს სტუდენტებს. სწავლა უფასოა და მიღებისთვის გამოცდების ჩაბარება სავალდებულო არ არის.

ალ-მუსტაფას საერთაშორისო უნივერსიტეტი 2020 წლიდან აშშ-ის, ხოლო 2022 წლიდან კანადის სანქციების ქვეშაა. დასავლური უწყებების შეფასებით, უნივერსიტეტი ირანული ქსელის ნაწილია და ხელს უწყობს ექსტრემიზმის პროპაგანდას და უცხოელი მებრძოლების რეკრუტირებას. უნივერსიტეტის ცენტრალური ოფისი ირანში, ქალაქ ყუმში მდებარეობს, ხოლო ქსელს 60-ზე მეტი ფილიალი აქვს

©Protest 24

🔴 ზვიად ცეცხლაძის წერილი საზოგადოებას:

“დღეს საპროტესტო საზოგადოებაში არსებობს აზრთა სხვადასხვაობა რეჟიმთან დებატებში შესვლაზე. აღნიშნულზე მსურს ჩემი აზრი დავაფიქსირო, რომ დებატებში შესვლა არის მცდარი ნაბიჯი და რატომ:

1. ხდება სიტუაციის ნორმალიზება არა იმის ხარჯზე, რომ რეჟიმი დათმობაზე წავიდა, არამედ ფსევდო პლურალიზმის შექმნით - მოკლედ რომ ვთქვათ, ქვეყანაში არაფერია ნორმალურად, ტოტალური რეპრესიები გუგუნებს და ამ დროს კონსტრუქციულობის მანტიაში გახვეულ ჯალათთან რომ ჩამოჯდები დებატებში, ეს საზოგადოების ფართო ფენებისათვის მიუღებლის ნორმად ქცევის მცდელობაა. შედეგად, ეს ბრძოლის მუხტს კლავს.

2. ცრუ არგუმენტი, რომ თითქოს რეჟიმის დებატებში “მხილება” საზოგადოების ცნობიერებას გაზრდის. ყველამ ყველაფერი კარგად იცის, თუ ვინმე ამ ხელისუფლებას მხარს უჭერს. არა იმიტომ, რომ ვერ იაზრებს მის ავ-კარგიანობას, არამედ იმიტომ, რომ რეჟიმი ძლიერია და მისი ეშინიათ. თუ ამ “მხარდამჭერების” გამოცლა გვსურს რეჟიმის კლანჭებიდან, მაშინ დებატებში კი არ უნდა დავუჯდეთ, არამედ უნდა ვაჩვენოთ, რომ უფრო ძლიერები ვართ. უნდა გავიაზროთ, რომ თუ ვინმე პროპაგანდისტულ რიტორიკას აჟღერებს, ეს ხდება არა იმიტომ, რომ უჭირს გააზრება, არამედ თავის ამორალურობას ამ გზით ამართლებს. ასეთი საზოგადოებისთვის მართალი არის ის, ვინც ძლიერია და არა ის, ვინც დებატებში შედის.

3. რეჟიმის ლოგიკა და არგუმენტები რეალობას არის აცდენილი, ნებისმიერ ლოგიკურ კითხვაზე ისინი გიპასუხებენ - “დიფსთეითი”. “დღეს 2020 წელი არ არის 2026-ის” და ა.შ. მათი ერთადერთი არგუმენტი, ნამდვილი არგუმენტი არის ძალის დემონსტრირება და იმის იქით მათ ლოგიკა არ სჭირდებათ. მათ აქვთ ფუფუნება, რომ იყვნენ უტიფრები, რადგან იციან, თუ რაიმე სახის მხარდაჭერა გააჩნიათ, მხოლოდ და მხოლოდ ძალის არგუმენტით. მათთან ან მათ მხარდამჭერებთან ლოგიკურ დავას აზრი არ აქვს.

მიუხედავად ყველაფრისა, დებატების მომხრეთა ლანძღვა-გინება არაფერს არ იძლევა შიდა ერთიანობის სასარგებლოდ. ერთმანეთის ლანძთვა დიდი სარგებელია რეჟიმისთვის, ვიდრე მათთან დებატებში დაჯდომა თუ არდაჯდომა. როდესაც დებატებში შესვლის მომხრეებს კონსტრუქციულად ვაკრიტიკებთ, რომ ამ პროტესტში ფოკუსი ეკარგებათ, თავად არც ჩვენ უნდა დაგვეკარგოს ფოკუსი და რეჟიმის ნაცვლად მათ ლანძღვა-გინებას არ უნდა მოვყვეთ. ჩემი თხოვნა იქნება ერთმანეთის ლანძღვას მოვეშვათ და ვინც დებატებში შედიხართ, იმდენი ქენით, რომ რაიმე სარგებელი მაინც მოუტანოთ პროტესტს, ხოლო ვინც დებატებში არ შედიხართ, ისედაც უამრავი გასაკეთებელია და ამას მივხედოთ.”

ზვიად ცეცხლაძე
13.02.2026

ილჰამ ალიევი მიუნჰენის კონფერენციაზე:

აზერბაიჯანი ევროპასა და აზიას შორის მდებარეობა უპირატესობაა, მაგრამ ფიზიკური ინფრასტრუქტურის გარეშე ამას დიდი მნიშვნელობა არ აქვს. ასე რომ, გასულ წელს აზერბაიჯანის გავლით რეკორდული რაოდენობის სატრანზიტო ერთეული გავიდა, 100,000-ზე მეტი. რამდენიმე წელიწადში კი ეს რიცხვი 200 000-მდე და 300 000-მდეც კი გაიზრდება. სომხეთთან მშვიდობის მიღწევის შემდეგ ვფიქრობთ ახალ შესაძლებლობებზე. დერეფანს, რომელიც აზერბაიჯანიდან სომხეთში და შემდეგ ევროპული დანიშნულების ადგილამდე მიდის, ასევე დიდი პოტენციალი აქვს ტვირთების მოცულობის თვალსაზრისით.
აზერბაიჯანი, რომელიც ტერიტორიული მთლიანობა აღიდგინა, ინვესტირებას ახდენს რკინიგზის მშენებლობაში. ასაშენებელი და განახლებული რკინიგზის საერთო სიგრძე 600 კილომეტრია. როგორც კი ეს დასრულდება, ჩვენ გვექნება შუა დერეფნის ორი გაფართოება აზერბაიჯანში და ეს სასარგებლო იქნება დასავლეთისთვის, აღმოსავლეთისთვის და, რა თქმა უნდა, სამხრეთ კავკასიაში მდებარე ქვეყნებისთვის. ჩვენ მოვხსენით აზერბაიჯანის გავლით ტვირთების გადაზიდვაზე ყველა შეზღუდვა. მადლიერი ვართ ჩვენი ქართველი მეგობრების, რომ უზრუნველყოფენ ძალიან მნიშვნელოვან ტრანზიტს მას შემდეგ, რაც საქონელი საქართველოს გავლით აზერბაიჯანიდან სომხეთში ჩავა. ასევე დავიწყეთ ნავთობპროდუქტების მიწოდება სომხეთისთვის, რაც მათთვის კრიტიკულად მნიშვნელოვანი პროდუქტია და ამით ფაქტობრივად დავიწყეთ ორმხრივი ვაჭრობა. დამაკავშირებელი პროექტები და დერეფნები კიდევ უფრო გაგვაერთიანებს, ურთიერთდამოკიდებულს გაგვხდის, შექმნის სრულიად ახალ სიტუაციას სამხრეთ კავკასიაში, სადაც აზერბაიჯანი, საქართველო და სომხეთი საბოლოოდ დაიწყებენ სამმხრივ საფუძველზე თანამშრომლობას.

ილიაუნის არც მოქმედი სტუდენტი ვარ და არც კურსდამთავრებული. ერთი ჩვეულებრივი "გეპეიშნიკი" ვარ. მაგრამ, რამდენიმე წლის წინ, ვაგონმშენებლობის სფეროში სხვადასხვა პოზიციებზე 11 თუ 12 წლიანი მოღვაწეობის შემდეგ, მომეცა შანსი დავკავებულვიყავი საქმიანობით, რომელზეც ალბათ ამ ქვეყნად მოსვლის დღიდან ვოცნებობდი. ეს შანსი, სწორედ ილიას სახელმწიფო უნივერსიტეტმა, კერძოდ კი ეკოლოგიის ინსტიტუტმა მომცა. რა თქმა უნდა, ეს შანსი არსაიდან არ მოსულა - საერთო ინტერესების გამო მანამდეც მქონდა არაპირდაპირი შეხება უნიში მოღვაწე ადამიანებთან. მაგრამ რეალურად, პრაქტიკულად უცხო ადამიანს შემომთავაზეს და მანდეს საერთაშორისო პროექტში ერთ-ერთი მოწინავე პოზიცია. და აი, დასაწყისში საკუთარ შესაძლებლობებში ეჭვების ქონის მიუხედავად, უკვე მეექვსე წელია რაც ვარ ამ თავისუფალი და მეგობრული გარემოს, როგორც მიმაჩნია, წარმატებული ნაწილი. გარემოსი, სადაც ნებისმიერ აზრს თანაბარი წონა აქვს, დაბრკოლებების მაგივრად კი სრული თავისუფლება და შედეგად თვითგანვითარების შესაძლებლობები გენიჭება. ვერ წარმომიდგენია რომელიმე სხვა საგანმანათლებლო ან სასწავლო დაწესებულებაში ამის შესაძლებლობა გამჩენოდა. მუდამ მადლიერი ვარ და ვიქნები ილიაუნის და მისი პერსონალის.

ეხლა კი, ხელის ერთი მოსმით, მხოლოდ და მხოლოდ პირადი ინტერესების გასატანად, სრულად არაკომპეტენტურ ბოღმიან არარაობებს, ამდენი ადამიანის შრომის წყალში ჩაყრა უნდათ! 😡

©️ Armen Seropian

ჩამოვიდა და გადაწყვიტა რუსული ავტორიტარიზმის დამყარება