‼️შსს-ს სტრუქტურული ერთეულების გაძლიერების, ასევე საპოლიციო სერვისებზე მოქალაქეთა ხელმისაწვდომობის კიდევ უფრო გაზრდის მიზნით, ზუგდიდში, შსს-ს საპატრულო პოლიციის დეპარტამენტის ერთიანი მომსახურების ცენტრი გაიხსნა. ინფორმაციას ამის შესახებ შსს ავრცელებს. უწყების ცნობით, ცენტრი საპატრულო პოლიციის დეპარტამენტის დირექტორმა ლევან მაისურაძემ გახსნა.

მოქალაქეებს საშუალება ექნებათ ერთ სივრცეში მიიღონ 50-მდე საპოლიციო მომსახურება – მათ შორის, შეეძლებათ ⁠ჯარიმების გადახდა, ⁠გასაჩივრება, საჯარიმო სადგომიდან ავტომობილის გაყვანის ნებართვის აღება, ⁠ადმინისტრაციული სამართალდარღვევების შესახებ ცნობის მიღება, ⁠არაგაბარიტული/ზენორმატიული ტრანსპორტით გადაადგილების ნებართვის აღება და სხვა.
საპატრულო პოლიციის სერვისცენტრი აღჭურვილია თანამედროვე სტანდარტების შესაბამისად. შენობა ადაპტირებულია შეზღუდული შესაძლებლობების მქონე პირებისთვის.
საპატრულო პოლიციის დეპარტამენტის ერთიანი მომსახურების ცენტრი უკვე ფუნქციონირებს თბილისში, რუსთავში, მცხეთაში, გორსა და ბათუმში.

‼️შსს-ს მიგრაციის დეპარტამენტმა ბოლო დღეებში 57 უცხოელი გააძევა.

‼️12 საათზე საგაზაფხულო სესია იხსნება - დღევანდელი სხდომა მიხეილ ყაველაშვილის მოხსენებას დაეთმობა.

რაც შეეხება დაანონსებულ შემზღუდავ კანონპროექტებს - ის რეგლამენტის თანახმად დღეს არ განიხილება (220-ე მუხლის მე-3 ნაწილი.). თუმცა, პარლამენტის უკან დაანონსებულია საპროტესტო აქცია.

‼️2025 წლის 13 ნოემბერს, რუსთავის ქალთა ციხეში ბრალდებული,  70 წლის ნუნუ ბრეგვაძე გარდაიცვალა. ის 26 ოქტომბრიდან იყო წინასწარ პატიმრობაში. "პუბლიკას" თანახმად, გარდაცვალებამდე ის გადაყვანილი იყო კიდეც კლინიკა „ვივამედში”, თუმცა მოგვიანებით ისევ ციხეში დააბრუნეს, სადაც გარდაიცვალა.

🚩"პუბლიკამ" პენიტენციურ სამსახურს შეკითხვებით 21 იანვარს მიმართა, თუმცა უწყებისგან პასუხი ამ დრომდე არ მიუღიათ.

🚩„პუბლიკა“ გარდაცვლილი ბრალდებულის ადვოკატსაც ესაუბრა. გარდაცვალების მიზეზზე მას სხვაგვარი ინფორმაცია აქვს – ამბობს, რომ ამის მიზეზი მაღალი წნევა გახდა.

ეს ცნობა მოიპოვა ბრალდების მხარემ, თუმცა მეც დავრეკე იქ, ჯანმრთელობის მდგომარეობიდან, ვინაიდან მაღალი არტერიული წნევა აწუხებდა სწორედ ეს გახდა გარდაცვალების მიზეზი, სხვა არანაირი მიზეზი არ არის.

გაკვეთეს გვამი, რომ დაედგინათ სიკვდილის მიზეზი. ასე ხდება ყველა გარდაცვლილი პატიმრის მიმართ. გაუწევდნენ [სამედიცინო დახმარებას], მაგრამ ვერ აღმოჩნდა ალბათ საკმარისი და გარდაიცვალა.

🚩მომხდარზე ძიება სამსახურებრივი გულგრილობის მუხლით მიმდინარეობს.

🔴 შსს-ს ცნობით, ბოლო 24 საათში თბილისსა და რეგიონებში ჩატარებული საპოლიციო ღონისძიებების შედეგად, „ქურდულ სამყაროსთან” კავშირში მყოფი 45 პირი დააკავეს. კიდევ 15 პირს ბრალი წარედგინება – ნაწილს პენიტენციურ დაწესებულებაში, ნაწილს კი დაუსწრებლად, მათ შორის 3 ე.წ. კანონიერი ქურდია.

😁ნინო წილოსანის თქმით, "თავის დროზე, გარე დავალების შემსრულებელმა რადიკალურმა ოპოზიციამ, პატრონთა მოთხოვნით, უარი თქვა დებატებზე. არადა, დებატის დროს მარტივია ტყუილ-მართლის გარჩევა, რაც მათთვის დამღუპველია".

მაინც გავიტანთ ჩვენსას და გინდა იხტუნავეთ, გინდა ყირაზე გადითო

(რავი, ევროინტეგრაციის კომიტეტის თავმჯდომარეობას იჩემებს და)

🔴ანდრია ხამაშურიძეს დღეს, 3 საათზე, სასამართლო პროცესი აქვს ჩანიშნული. 16 წლის ანდრიას „პოსტივის“ ჟურნალისტმა ნათია კვარაცხელიამ უჩივლა და მას შეურაცხყოფის მიყენებაში ადანაშაულებს.

‼️"ოცნების" საპარლამენტო უმრავლესობის ლისერმა, ირაკლი კირცხალიამ შვედეთს მოუწოდა, "საქართელოში არარსებულ პრობლემებზე შფოთვაში და სჯობს იმ მძიმე და ობიექტურად შემაშფოთებელი გამოწვევების მოგვარებაზე იზრუნოთ, რის წინაშეც დღეს თქვენი სახელწმიფო დგას".

მაგალითად, ჩვენ შეშფოთებულები ვართ, რომ ბოლო პერიოდში, შვედეთში, უკიდურესად არის გზრდილი დისკრიმინაციული და სიძულვილით მოტივირებული დანაშაულები, შემაშფოთებელია ის ფაქტი, რომ თქვენი ქვეყნის დიდ ქალაქებში გაზრდილია ორგანიზებული დანაშაულის რისკის დონე და ზოგადად, შვედეთში გაზრდილია კრიმინალის მაჩვენებელი.

შემაშფოთებელია, რომ შვედეთში ბანდების მიერ სროლები და აფეთქებები ბოლო რამდნეიმე წლის განმავლობაში სტაბილურად გაიზარდა. ასევე გვაშფოთებს ეკონომიკური სტაგნაცია თქვენს ქვეყანაში და ფაქტი, რომ შვედეთის ეკონომიკა მაღალი ინფლაციის, სუსტი შიდა მოთხოვნის და საყოფაცხოვრებო ვალების გამო სირთულეების წინაშე დგას.

ასევე შემაშფოთებელი ფაქტია, რომ სამწუხაროდ, თქვენს მოქალაქეებს, ხანგრძლივი ლოდინი უწევთ მკურნალობის მისაღებად.

გიორგი გახარიამ, გივი მიქანაძე ["ოცნების" განათლების მინისტრი], დიახაც, რომ გაათავისუფლა პოლიციის აკადემიის რექტორობიდან, იმიტომ, რომ აკადემიის აუზზე უშვებდა კობახიძის ოჯახის წევრებს, მაშინ როცა რიგით პოლიციელებს ამის შესაძლებლობა არ ქონდათ. იმ პერიოდში მე ვიყავი პოლიციის ერთ-ერთი სამმართველოს უფროსი და ვიცი.

- ამის შესახებ გახარიას პარტიის წევრმა, ტატა ხვედელიანმა პარლამენტში განაცხადა. საპასუხოდ კი პაპუაშვილისგან შენიშვნა დაიმსახურა "ერთხელ უკვე გამხილეს ტყუილში და ახლა ოჯახის წევრებზე გადახვედით".

🚩ამ წუთებში განიხილება "ზოგადი განათლების შესახებ" კანონში ცვლილებები - დაჩქარებული წესით. ცვლილებით, მე-12 კლასი უქმდება (არჩევითად რჩება), ასევე სკოლებში ფორმები შემოდის და საკომუნიკაციო საშუალებების გაკვეთილზე გამოყენება იკრძალება.

‼️“ოცნების” განათლების, მინისტრი გივი მიქანაძე ისრაელის სახელმწიფოში სამუშაო ვიზიტის ფარგლებში ქნესეთის სპიკერს, ამირ ოჰანას შეხვდა და თანამშრომლობის გაძლიერების მიზნით სამომავლო გეგმები განიხილა. 

🚩სამინისტროს ცნობით, შეხვედრაზე მხარეებმა რეგიონში არსებული პოლიტიკური ვითარების შესახებ ისაუბრეს და როგორც რეგიონულ, ისე გლობალურ დონეზე მშვიდობის, სტაბილურობისა და დიალოგის განსაკუთრებულ მნიშვნელობას გაუსვეს ხაზი. ყურადღება გამახვილდა საქართველოსა და ისრაელს შორის არსებულ მეგობრულ ურთიერთობასა და თანამშრომლობის გაღრმავების პერსპექტივებზე განათლების, მეცნიერებისა და ახალგაზრდობის სფეროებში. განსაკუთრებით აღინიშნა ერთობლივი აკადემიური გაცვლითი პროგრამების, საგანმანათლებლო ინიციატივებისა და ინოვაციური პროექტების განხორციელების მნიშვნელობა. 

‼️თბილისის საქალაქო სასამართლოში 4 ოქტომბრის საქმეზე ბრალდებული 12 პირის სასამართლო პროცესი ტარდება. დღევანდელ სხდომაზე პროკურატურის მტკიცებულებებს იკვლევენ. ნანა სანდერი (ერთ-ერთი ბრალდებული):

მადლობა მათ, ვინც ჩემი ჯანმრთელობის მდგომარეობა გულთან მიიტანა. ჩემი განცხადების შემდეგ, პენიტენციური დაწესებულების მხრიდან რაღაც საკითხების გაუმჯობესება შეინიშნება, თუმცა კვლავ არ მაქვს ორთოპედიული მატრასი. ცდილობენ, რომ ტკივილები, რომლებიც მაწუხებს ფსიქიატრიულთან დააკავშირონ. შემომიყვანეს ფსიქიატრი, ადამიანი, რომელიც ნინო დათაშვილს შეშლილად აცხადებდა და ცდილობდა, მისთვის ძალით ემკურნალა. ახლა კი ჩემს მიმართ ხორციელდება მუქარა. ასევე, საჭმელი 2 „სმენაა“ არ მომეწოდება. ბადრაგმა კი სიტყვიერი შეურაცხყოფა მომაყენა.
სასამართლომ უნდა მომისმინოს, ვეგანი ვარ და ვეგანური საკვები უნდა მომეწოდოს. ჩემი განცხადებების შემდეგ ჩემს მიმართ განწყობები შეცვლილია. მეუბნებიან, რომ ჩემთვის საჭმელი არ არის, ეს არაადამიანური მოპყრობაა. ბადრაგმა მითხრა, რომ უზრდელი და ქუჩიდან მოყვანილი ვარ.