🔴 ,,დღეს ჩვენ, სტუდენტების მიერ გამართულ საჯარო ლექციაზე მოულოდნელი ბედნიერება - POSTV-ის პროპაგანდისტი ნათია ბერიძე გვეწვია.

სტუდენტებმა კი მას წიგნები ვაჩუქეთ, იმედი გვაქვს, ამის შემდეგ კითხვის მოტივაცია გაუჩნდება და ჩვენს ლექციებსაც ხშირად დაესწრება, იქნებ ისწავლოს რამე.’’

როგორც იქნა, საინტერესო კანონპროექტი დაიდო პარლამენტის საიტზე, ამიტომ, რაც შეიძლება მოკლედ:

1. ვისაც ამ დროისთვის რაიმე კონტრაქტი აქვს უცხოელთან ან უცხოეთში მცხოვრებ ქართველთან; მისგან იღებს ფულს, ან ნებისმიერ სხვა სიკეთეს (ნეტფლიქსის პაროლს ან უფასო ექსელის კურსებს თუნდაც); მოუწევს, რომ შემდეგი კვირიდან 1 თვის ვადაში ეს ყველაფერი დაადეკლარიროს და მთავრობას ნებართვის მისაღებად მიმართოს, რომ ამ ბენეფიტით სარგებლობა გააგრძელოს.

2. სანამ განმცხადებელი მთავრობისგან ნებართვას არ მიიღებს, იქამდე არც კონტრაქტის შესრულების, არც ფულის დახარჯვის, არც ნეტფლიქსის პაროლის გამოყენების უფლება არ ექნება. თუ გამოიყენებს - 6 წელი ციხე დაემუქრება.

3. თუ პირველ პუნქტში მითითებული პირი გამოთქვამს ნებისმიერი სახის მოსაზრებას საზოგადოებრივ საკითხებზე, შესაძლებელი იქნება მისი პოლიტიკურ პარტიად შერაცხვა, რითიც მისი მთელი პერსონალური ინფორმაცია ყოველგვარ დაცულობას დაკარგავს და დამატებითი ვალდებულებები ექნება შესასრულებელი.

4. გაერომ ვინმე გრაფიკული დიზაინერი რომ დააკონტრაქტოს, სტუდენტებითვის უფასო მასტერკლასის ჩასატარებლად, დიზაინერმა ჭკუა იხმაროს და ამაში ფული საერთოდ არ აიღოს, მაინც 6 წლით საციხოდ გაიხდის საქმეს დიზაინერიც, სტუდენტებიც და გაეროს თანამშრომელიც.

5. საერთაშორისო ორგანიზაციებს (გაერო, ევროსაბჭო, ევროკავშირი, ა.შ.) აქამდე ერიდებოდნენ, გამონაკლისებს აძლევდნენ ე.წ. ფარადან და ა.შ. ახლა 6 წელი ციხე ემუქრებათ მათ თანამშრომლებსაც, თუ კობახიძეს არ შეუთანხმეს ნებისმიერი, თუნდაც უსასყიდლო კონტაქტი საქართველოს მოქალაქეებთან.

6. მეტიც, სათაო ოფისი ქართულ ფილიალს რა თანხას გადმოურიცხავს, ამასაც წინასწარი ნებართვა დასჭირდება. მაგალითად, ადენაუერის ფონდი ქართულ წარმომადგენლობას რა წლიურ ბიუჯეტს დაუდგენს, ესეც კობახიძეს უნდა შეუთანხმონ.

7. ექვსწლიანი სასჯელი (მძიმე დანაშაული) ნიშნავს იმას, რომ პროკურატურას უფლება ექნება, უკვე ლეგალურად მოუსმინოს ნებისმიერ პირს, რომელზეც პატაკში მხოლოდ ის იქნება მითითებული, რომ მას უცხოელთან ან უცხოეთში მცხოვრებ პირთან რაღაც საქმიანობა აქვს. დამატებით, მძიმე დანაშაულის შეუტყობინებლობა ცალკე დანაშაულია, ამიტომ, მაგალითისთვის ორგანიზაციამ რამე თუ არ დაადეკლარირა, ცალკე ხელმძღვანელებს დაიჭერენ (გრანტების კანონის დარღვევის გამო), და ცალკე დანარჩენებს - შეუტყობინებლობის გამო.

8. ეს კანონი შეეხება არა მედიებს, არა ენჯეოებს, არა პარტიებს, არამედ ყველას, საქართველოს ნებისმიერ მოქალაქეს, რომელსაც ან უცხოელთან, ან უცხოეთში მცხოვრებ ქართველთან რაიმე სახის კავშირი აქვს და რაიმე, თუნდაც უფასო ბენეფიტს იღებს მისგან.

9. პროტესტში მყოფი ადამიანები 'გაგვლახენ უკვე' ვითარებაში არიან და ეს შეზღუდვები მათთვის ძალიან ნამეტანი რთულად გადასატანიც არ იქნება - გამოიმუშავეს უკვე მედეგობა. აი იმ ხალხმა კი, ვინც აქამდე ფიქრობდა, რომ ეს ყველაფერი მათ არ შეეხებოდა, ჯობია მალე დაიწყოს დეკლარირების წესების სწავლა, ექსელის ფაილის შევსება და თანხმობების ლოდინი. სერიოზული გამოფხიზლება ელით წინ.

10. მაინც ვერ გავიგე, რა არის ამ კანონში რუსული.

პ.ს. ეს მხოლოდ ინიციირებული ვარიანტია. კიდევ რამდენი რამის ჩაწერა მოესწრება კანონის მიღებამდე, ვნახავთ ერთად.

ამ ქმედების მიზანი იყო, კომპანიას თავიდან აერიდებინა მოსალოდნელი დაჯარიმება. დადგინდა, რომ აღნიშნული მეწარმე ქალაქ გორში ახორციელებდა კომპანია BAYER-ის პრეპარატის, LUNA SENSATION-ის სახელით ფალსიფიცირებული აგროქიმიკატის რეალიზაციას.
საქმეზე გამოძიება მიმდინარეობს საქართველოს სისხლის სამართლის კოდექსის 332-ე მუხლის პირველი ნაწილით.
კიდევ ერთხელ მოვუწოდებთ საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. საგამოძიებო სამსახურის რეაგირება ნებისმიერ შემთხვევაში იქნება მყისიერი და მკაცრი

❗ ბარსელონას ოფიციალური ფანკლუბის (Penya Blaugrana Tbilisi) განცხადება

🔵 ჩვენი ორგანიზაცია ქართული კანონმდებლობის შესაბამისად უკვე ფუნქციონირებს თითქმის 11 წელია. ბარსელონას მოთხოვნით, ორგანიზაციულ-სამართლებრივ ფორმად შერჩეული გვაქვს არასამეწარმეო (არაკომერციული) იურიდიული პირი (იგივე "არასამთავრობო ორგანიზაცია", იგივე "ენჯეო"). ბარსელონა ჩვენი ფანკლუბისთვის, ისევე როგორც მისი თითოეული წევრისთვის, აწესებს გარკვეულ შეღავათებს, მათ შორის არის ფასდაკლებები ბარსელონას ოფიციალურ პროდუქტებზე

🔴 ცოტა ხნის წინ ქალაქ თბილისში, რუსთაველის გამზირზე 8 ნომერში მდებარე პარლამენტის შენობაში "ქართული ოცნების" მიერ დარეგისტრირდა კანონპროექტი, რომელიც ჩვენი ფანკლუბისთვის ქმნის შემდეგ რეალობას:

🟦 ის შეღავათი, რომელიც ბარსელონამ ფანკლუბსა და მის წევრებს დაუწესა, ითვლება გრანტად;
🟥 გრანტის მისაღებად აუცილებელია, რომ როგორც გრანტის გამცემმა (ბარსელონამ), ასევე გრანტის მიმღებმა (ფანკლუბმა ან/და მისმა წევრმა) საქართველოს ხელისუფლებისგან წინასწარ მიიღოს ნებართვა;
🟦 გრანტის (ანუ ფასდაკლების) წინასწარი ნებართვის გარეშე მიღების შემთხვევაში ფანკლუბის წევრს ემუქრება 6 წლამდე პატიმრობა;
🟥 იმ შემთხვევაში, თუ ჩვენი ფანკლუბის წევრი სპოტიფაი კამპ ნოუზე, კლუბის მუზეუმში, მაღაზიაში ან სხვა სივრცეში ისარგებლებს ბარსელონას მიერ დაწესებული ფასდაკლებით და ამისთვის მას არ ექნება საქართველოს ხელისუფლების მხრიდან გაცემული წინასწარი ნებართვა, მას დაემუქრება 6 წლამდე პატიმრობა;
🟦 თუ ჩვენი ფანკლუბის რომელიმე წევრისთვის ცნობილი გახდება, რომ ფანკლუბის სხვა წევრმა წინასწარი ნებართვის გარეშე ისარგებლა ბარსელონას მიერ დაწესებული ფასდაკლებით და პირველად ხსენებულმა წევრმა ამის შესახებ საქართველოს სამართალდამცავ ორგანოებს ინფორმაცია არ მიაწოდა, მას დაემუქრება 6 წლამდე პატიმრობა.
🟥 არა, ეს ყველაფერი ხუმრობა არაა!

🔵 ძალიან კარგად გვესმის, რომ კანონმდებლობაში ცვლილებების შეტანის მიზანი ბარსელონას გულშემატკივრების ციხეში გაშვება არაა და დიდი ალბათობით, არავინ დაინტერესდება იმით, ჟოან ლაპორტას საქართველოს ხელისუფლებასთან ჰქონდა თუ არა წინასწარ შეთანხმებული ფასდაკლების ოდენობა. თუმცა სასჯელის სიმკაცრის გათვალისწინებით, იძულებულნი ვართ, მივიღოთ დროებითი (იმედია) ღონისძიებები. უახლოეს დღეებში, სანამ ახალი კანონი ძალაში შევა, ფანკლუბის ყველა წევრს ჩვენი მხრიდან დროებით შეუჩერდება წევრობა. თითოეულ მათგანს ეცნობება კანონში შესატანი ცვლილების შესახებ, რის შემდეგაც ის თავად გადაწყვეტს, განაგრძობს თუ არა ფანკლუბის წევრობას. იმ შემთხვევაში, თუ ფანკლუბის წევრთა რაოდენობა ჩამოსცდება 70-ს, ბარსელონას მოუწევს, ჩვენთვის ოფიციალური ფანკლუბის სტატუსის ჩამორთმევა.

🔴 გარდა ამისა, რა თქმა უნდა, შევეცდებით, ჟოან ლაპორტა დავითანხმოთ, "ქართულ ოცნებასთან" აწარმოოს მოლაპარაკება და მიიღოს უფლება, მაგალითად ბარსელონას მუზეუმის ტურზე მოგვცეს 25%-იანი ფასდაკლება, როგორც ეს მთელს მსოფლიოში სხვა ფანკლუბებს აქვთ :)

🔵 რაც შეეხება ჩვენი ორგანიზაციის რაიმე რეესტრში დარეგისტრირებას: ჩვენ კანონმორჩილი ხალხი ვართ, თუმცა სადმე დარეგისტრირება გვეზარება :)

საერთაშორისო ორგანიზაციაში წევრობა ვალდებულებებს მოიცავს.

გაეროს ადამიანის უფლებათა საბჭო ახორციელებს შემოწმების პროცედურას - ე.წ. Universal Periodic Review (UPR), რომელიც ყველა წევრმა სახელმწიფომ პერიოდულად უნდა გაიაროს. ეს პროცედურა ეფუძნება გაეროს ქარტიას, ადამიანის უფლებათა საყოველთაო დეკლარაციას, ადამიანის უფლებათა კონვენციებს და შესაბამის შემთხვევაში საერთაშორისო ჰუმანიტარულ სამართალს.

საქართველოს შემოწმება ახლახან განხორციელდა. გერმანიამ განცხადება გააკეთა საქართველოში ადამიანის უფლებათა მდგომარეობის სწრაფად გაუარესებასთან დაკავშირებით. საქართველო არღვევს თავის საერთაშორისო ვალდებულებებს და ჩვენდა სამწუხაროდ სულ უფრო მეტად შორდება თავის ევროპულ მისწრაფებას.

ჟენევა, 2026 წლის 26 იანვარი:

გერმანია ძალიან შეშფოთებულია [საქართველოში] ადამიანის უფლებების სწრაფად გაუარესებული მდგომარეობის გამო, შეკრების, გაერთიანების, გამოხატვისა და სიტყვის თავისუფლების სერიოზული შეზღუდვების ჩათვლით, მათ შორის რეპრესიული კანონმდებლობისა და ადმინისტრაციული და სისხლის სამართლის წარმოების ბოროტად გამოყენების გზით.

გერმანია წუხილს გამოთქვამს, რომ არ არსებობს ანგარიშვალდებულება დემონსტრანტებსა და ჟურნალისტებზე ძალადობრივ თავდასხმებთან დაკავშირებით.

გერმანია რეკომენდაციებს უწევს საქართველოს,
🔵 გამოიძიოს დემონსტრანტების წინააღმდეგ ძალის გადაჭარბებული გამოყენების შესახებ ცნობები, მათ შორის პოლიციის მიერ წამებისა და არასათანადო მოპყრობის ფაქტები, და უზრუნველყოს მსხვერპლთათვის მართლმსაჯულებაზე, კომპენსაციასა და რეაბილიტაციაზე წვდომა;
🔵 მოხსნას სამოქალაქო საზოგადოების საქმიანობისთვის დაბრკოლებები, მათ შორის გააუქმოს ან შეცვალოს ე.წ. „უცხოური გავლენის გამჭვირვალობის შესახებ“ კანონი, „უცხოელი აგენტების რეგისტრაციის შესახებ“ კანონი და „გრანტების შესახებ“ კანონში შეტანილი ცვლილებები;
🔵 გადახედოს „შეკრებებისა და მანიფესტაციების შესახებ“ კანონში, ადმინისტრაციულ სამართალდარღვევათა და სისხლის სამართლის კოდექსებში შეტანილ ცვლილებებს, რომლებიც ამჟამად ზღუდავს შეკრების თავისუფლებას, რათა ისინი შესაბამისობაში მოიყვანოს საერთაშორისო სამართალთან, ვენეციის კომისიის რეკომენდაციებთან და ევროკავშირის გაფართოების 2025 წლის ანგარიშთან;
🔵 გააუქმოს ან ძირეულად შეცვალოს „მაუწყებლობის შესახებ“ კანონსა და „სიტყვისა და გამოხატვის თავისუფლების“ შესახებ კანონში შეტანილი ცვლილებები.