‼️ახალგორელი აქტივისტის, თამარ მეარაყიშვილის თქმით, მისი მშობლების სახლში ჩხრეკა ჩატარდა და ტელეფონები წაიღეს. მეარაყიშვილმა დახმარების თხოვნით მიმართა რუსეთის პრეზიდენტის მოადგილეს "სამხრეთ ოსეთის საკითხებში", სერგეი კირიენკოს (კირიენკო 1998 წლის კრიზისის დროს რუსეთის პრემიერიც იყო), რათა შეწყდეს ეს განუკითხაობა.

🚩"ეხო კავკაზასთვის" ცნობილი გახდა რომ ძალოვნები ეძებდნენ ოქროს, ასევე დაინტერესდნენ მეარაყიშვილის ქალიშვილის სამუშაოთი, რომელიც ესპანეთში იმყოფება.

"ქართული ოცნების“ პარლამენტის თავმჯდომარე, შალვა პაპუაშვილი ეხმაურება ირაკლი კობახიძის განცხადებას დებატებთან დაკავშირებით:

[დებატების] მიზანი ის ხომ არ არის, კორიდა გაიმართოს და ყვირილი, ჩხუბი იყოს?! უნდა იყოს საგნობრივი დისკუსია, განხილვა სიძულვილის, წივილ-კივილის და შეძახილების გარეშე. ამიტომ, მნიშვნელოვანია, რომ ფორმატი უზრუნველყოფდეს მსგავს გარემოს.

და მეორე, ოპონენტებად ჩვენ ვაღიარებთ მათ, ვინც კონსტიტუციურ წესრიგს აღიარებს. ვინც კონსტიტუციურ წესრიგს არ აღიარებს, ის მტრობს საქართველოს კონსტიტუციას და, რა თქმა უნდა, რთული იქნება წარმოვიდგინოთ, რომ ასეთი დებატების მონაწილეები ვიყოთ. მათ შორის ეს ეხება რადიკალური ოპოზიციის კუთვნილ მედიას, რომელიც დღემდე არ აღიარებს საქართველოს კონსტიტუციას, დემოკრატიას, ხალხის მიერ გაკეთებულ არჩევანს.

ამიტომ, უპირველეს ყოვლისა, რადიკალური ოპოზიციის ეს ნაწილი და მისი ტელევიზიები უნდა დაუბრუნდნენ კონსტიტუციურ წესრიგს და მხოლოდ ამ შემთხვევაში იქნება შესაძლებელი, რომ განვიხილოთ ამგვარ პარტიულ მედიაში ჩვენი მონაწილეობა დებატებში

‼️თბილისში მოხალისესთან მიმოწერისთვის რუსეთში მოქალაქე დააკავეს - მას სამშობლოს ღალატს ედავებიან. ინფორმაციას ამის შესახებ გამოცემა "მემორიალი" აქვეყნებს.

🚩43 წლის სვეტლანა ტოლკაჩოვა კურსკის ოლქის მცხოვრებია - ის პირველად 2025 წლის მაისში დააკავეს და 12-დღიანი პატიმრობაც შეუფარდეს. "მემორიალი" წერს, რომ ადმინისტრაციული დაკავების დროს ის იზოლატორიდან გაიყვანეს და აწამეს.

მას დააძალეს, რომ დაკითხვის ოქმისთვის ხელი მოეწერა წაუკითხავად. მის ტელეფონში აღადგინეს მოხალისე ალექსეი ლებედევთან მიმოწერა, რომელიც საქმის გასაყალბებლად გამოიყენეს. ამის შემდეგ ქალის ტელეფონში გამოჩნდა სვასტიკა და აზოვის პოლკის ემბლემა, რომელიც მანამდე იქ არ იყო

- წერს გამოცემა.

🚩ის 27 მაისს გაათავისუფლეს, გათავისუფლების შემდეგ კი უთვალთვალებდნენ. მეორედ ტოლკაჩოვა 25 დეკემბერს, სახელმწიფო ღალატის ბრალდებით დააკავეს.

🚩გამოცემა წერს, რომ 2022 წლის შემდეგ, სვეტლანა ტოლკაჩევა ორგანიზაცია Volunteers.Tbilisi-ს შემომწირველი იყო. მას 2023 წელს საქართველოშიც უნდოდა ჩამოსვლა, თუმცა კიბოს დიაგნოზის გამო ვერ მოახერხა.

"სივარული ყველას უნდა"-ში ვცხოვრობდეთ, რაღა გვიჭირს

‼️“ოცნების” განათლების, მეცნიერებისა და ახალგაზრდობის მინისტრის გივი მიქანაძის განცხადებით, ზოგადი განათლების სისტემის რეფორმის ერთ-ერთი კომპონენტი არის ახალი სარეგისტრაციო სისტემის შემოღება პირველკლასელთათვის.

🚩მიქანაძის თქმით, თავდაპირველად, ეს შეეხება თორმეტ დიდ ქალაქს.

თითოეული რეგიონის დიდ ქალაქს დამატებული ფოთი და თბილისი, ჯამში გამოდის 12 ქალაქი, სადაც პირველ რიგში სწორედ რეგისტრაციის მისამართის მიხედვით მოხდება მოსწავლეთა ჩარიცხვა პირველ კლასში, ხოლო დარჩენილ თავისუფალ ადგილებზე შემდგომში გამოცხადდება საყოველთაო რეგისტრაცია

🚩გივი მიქანაძის შეფასებით, ეს პროცესი მნიშვნელოვანია, რათა დარეგულირდეს გარკვეული საკითხები, რაც უზრუნველყოფს საცხოვრებელი ადგილის მიხედვით რეგისტრაციას კონკრეტულ სკოლებთან მიმართებით.

‼️ღუდუშაურს სასამართლომ ნახევარი მილიონი ლარის საპატიმრო გირაო შეუფარდა

📰 ამერიკულ გამოცემა The Hill-თან საუბრისას „მეგობარი აქტის“ თანაავტორი, რესპუბლიკელი კონგრესმენი ჯო უილსონი აცხადებს:

MEGOBARI აქტის მიღება საჭიროა სამხრეთ კავკასიაში დონალდ ტრამპის ძალისხმევის გასაძლიერებლად, - მათ შორის „ტრამპის მარშრუტის“ (TRIPP) მხარდასაჭერად

🔴 უილსონის ეს კომენტარი ნაწილია სტატიისა, რომელიც ეხება ტეხასური ნავთობკომპანია „ფრონტერას“ მიერ „ქართული ოცნების“ სასარგებლოდ ლობირებას

ჩვენ ამ საკითხთან არანაირი კავშირი არ გვაქვს

- ამბობენ „ქართულ ოცნებაში“

‼️შსს-ს ცნობით, ლაგოდეხში დააკავეს 3 ადამიანი რომელმაც წინააღმდეგობა გაუწია ოთხ პოლიციელს და ჯგუფურად იძალადეს მათზე (353-ე მუხლი, მზია ამაღლობელს რასაც ედავებოდნენ). 8 წლამდე პატიმრობა ემუქრება "ტროიკას".

ისე, 3-მა კაცმა, 4 პოლიციელი როგორ გალახა, ძაან კუნთები ქონდათ ამათ, თუ რა იყო ნეტა 😁

‼️"ოცნების“ დაანონსებული ცვლილებებით, პირს, რომელიც შრომითი ხელშეკრულებით არის დასაქმებული იმ ორგანიზაციაში, რომლის წლის განმავლობაში მიღებული შემოსავლის 20%-ზე მეტი მიღებულია უცხოური ძალისგან, აეკრძალება პოლიტიკური პარტიის წევრობა 8 წლის განმავლობაში.
ტერმინი „განცხადებული საარჩევნო მიზნის მქონე“ ჩანაცვლდება„განცხადებული პარტიულ-პოლიტიკური მიზნის მქონეთი“.
უცხოური დაფინანსების მიღების შემთხვევაში, განისაზღვრება პოლიტიკური პარტიის ხელმძღვანელი პირისა და განცხადებული პარტიულ-პოლიტიკური მიზნის მქონე სუბიექტის სისხლისსამართლებრივი პასუხისმგებლობა.

‼️სისხლის სამართლის წესით დასჯადი ხდება გარე ლობიზმი. კერძოდ, ირაკლი კირცხალიას განმარტებით, სხვა სახელმწიფოს მოქალაქისთვის ან იურიდიული პირისთვის საქართველოსთან დაკავშირებულ პოლიტიკურ საკითხებზე აქტივობის განხორციელების სანაცვლოდ ფულის, ფასიანი ქაღალდის, სხვა ქონების, ქონებრივი სარგებლის ან სხვა რაიმე უპირატესობის პირდაპირ ან არაპირდაპირ გადაცემა გამოიწვევს ჯარიმას, საზოგადოებისათვის სასარგებლო შრომას ვადით 300-დან 500 საათამდე ან თავისუფლების აღკვეთას ვადით 6 წლამდე.

თემატურად დაგვეწია ეს საარქივო ვიდეოც

‼️„ქართული ოცნების“ განცხადებით, ადმინისტრაციულ სამართალდარღვევათა კოდექსში დგინდება ახალი ადმინისტრაციული სამართალდარღვევა „მეწარმე სუბიექტის მიერ ისეთი საჯარო პოლიტიკური აქტივობის განხორციელებისთვის, რომელიც არ არის დაკავშირებული მის ძირითად სამეწარმეო საქმიანობასთან“.

ამ სამართალდარღვევის ჩადენის შემთხვევაში სახელმწიფო აუდიტის სამსახური მეწარმე სუბიექტს დააჯარიმებს 20 000 ლარის ოდენობით, ხოლო ქმედების განმეორებით და ყოველი შემდგომი ჩადენის შემთხვევაში — 40 000 ლარის ოდენობით

— განაცხადა „ქართული ოცნების“ საპარლამენტო უმრავლესობის ლიდერმა ირაკლი კირცხალიამ.

😁ტაკ, თემურ ჭყონია გადარჩენილა, მეგობრებო, თუ "ცოდვებს გაუხსენებენ" თქვენი აზრით?

აი, რატოა "თამამი" ნინო ბიცო

🔴 ვოლოდიმირ ზელენსკიმ ქართველი სამხედრო ექიმი, ქეთი ლეშკაშელი სიმამაცის ორდენით დააჯილდოვა

ლეშკაშელი 2022 წლის სექტემბრიდან უკრაინის შეიარაღებული ძალების „ინტერნაციონალურ ლეგიონში“ (ჯგუფი „ბრავო“) ირიცხება. ის ერთ-ერთია იმ მცირერიცხოვან ქართველ ქალთა შორის, რომლებიც ფრონტის წინა ხაზზე მსახურობენ. უკვე სამ წელზე მეტია, იარაღითა და სამედიცინო აღჭურვილობით, ქეთი მებრძოლების გვერდით დგას. მას 2023 წლის ნოემბერში ოქროს ჯვრის ორდენიც გადაეცა

ქართველი ექიმი ომის დროს უკრაინელ მებრძოლზე, ვოლოდიმირ ვეკლიჩზე დაქორწინდა. მაიორი, მეტსახელად „ზნაიკა“, გასულ წელს კუპიანსკის მიმართულებით ბრძოლისას დაიღუპა. ვეკლიჩი სიცოცხლეშივე არაერთი სახელმწიფო ჯილდოს მფლობელი იყო. დღეს უკრაინის მოქალაქეები მიმართავენ უკრაინის პრეზიდენტს, რომ „ზნაიკას“ სიკვდილის შემდეგ ეროვნული გმირის წოდება მიენიჭოს

‼️OFF Topic‼️

ჩემპიონთა ლიგის პირველ საპლეიოფო რაუნდში გუნდები განლაგდნენ - "ყარაბაღი" აგრძელებს ისტორიულ სვლას: პირველი აზერბაიჯანული კლუბია, რომელმაც ჯგუფური ეტაპი გადალახა. მართალია ის ლივერპულთან 6:0 განადგურდა, თუმცა პარალელური მატჩები მისთვის სასარგებლოდ დასრულდა.

ნორვეგიის აწ უკვე ვიცე-ჩემპიონი ბუდიო გლიმტი პირველი ნორვეგიული კლუბია, რომელიც პლეი ოფში გავიდა - როსენბორგი ჯგუფურ ეტაპებზე ხვდებოდა, თუმცა დღევანდელი ფორმატით პირდაპირ პლეი ოფებში, რაც 2003/04 წლების სეზონიდან არსებობს, არასდროს გასულა.

მოულოდნელად ჩარჩა "ნაპოლი", რომელსაც ჩელსისთან მოგება სჭირდებოდა და საერთოდაც დამარცხდა. მოულოდნელობად შეიძლება მივიჩნიოთ რომ რეალი პირდაპირ ვერ გავიდა 1/8 ფინალში და ამ საგზურისთვის ორრაუნდიანი დუელი დასჭირდება - გუნდები პარასკევს წილისყრით დაწყვილდებიან.

1/8 ფინალისთვის იბრძოლებს თურქული გრანდი გალათასარაიც - მისთვისაც სასარგებლო გამოდგა მან. სიტისთან მარცხი (როგორც იტყვიან, შარი ხეირად ექცათ).

ამდენად, მე-9-24-ე ადფილებზეც არანაკლებ დრამატული წყვილების სუნი მოდის და 1/8 ფინალში მოსახვედრად სენსაციებიც არ გამოირიცხება.

‼️მნიშვნელოვანი თემები დაგვეწია ბოლო საათებში - ნელ-ნელა მოგაწვდით ინფოებს

რექტორებთან წინასწარი კონსულტაციების საფუძველზე მივიღეთ გადაწყვეტილება თბილისის სახელმწიფო უნივერსიტეტისა და ტექნიკური უნივერსიტეტის გაერთიანებაზე, ეს იქნება საწინდარი იმისა, რომ ივანე ჯავახიშვილის სახელობის თბილისს სახელმწიფო უნივერსიტეტი გახდეს რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობესოს საერთაშორისო რეიტინგები

- ამბობს განათლების მინისტრის პოსტზე მყოფი გივი მიქანაძე ბრიფინგზე.

‼️გივი მიქანაძის თქმით სასკოლო ასაკი 6 წლით განისაზღვრება - ახალი სასწავლო წლიდან, ის ბავშვები შეძლებენ პირველ კლასში სწავლას, რომელთაც 6 წელი 15 სექტემბრის ჩათვლით შეუსრულდათ.

‼️ქუთაისში პოლიციის შენობას ესროლეს - დაზიანებულია ფასადი და კარი. ხულიგნობის ბრალდებით ერთი პირი დააკავეს - მას 7 წლამდე პატიმრობა ემუქრება.

‼️დაკავებულია ჩოხატაურის ყოფილი გამგებელი გია ცინცაძე - მისი სახლიდან, სავარაუდოდ, იარაღი ამოიღეს. მისი შვილი, ბიძინა (ბუკა) ცინცაძე ჩოხატაურის ვიცე-მერია

‼️რუსთავის აზოტის თანამშრომლები გაიფიცნენ და ხელფასის 300 ლარით ზრდას და ადგილზე ქალაქის მერის, ნინო ლაცაბიძის მისვლას ითხოვენ. კომპანიის ადმინისტრაცია მათ ხელფასების 4%-ით ზრდას სთავაზობს.

‼️მხარს ვერ დავუჭერ მთავრობას, რომელიც საკუთარი ხალხის წინააღმდეგ მოქმედებს - ამის შესახებ ევროკომისარმა გაფართოების საკითხებში, მარტა კოსმა ბრიუსელში, ევროკავშირის საგარეო საქმეთა საბჭოს დაწყებამდე განაცხადა. მისი თქმით, ქვეყანა უფრო და უფრო შორდება ევროკავშირის პერსპექტივას. 

ასე, რომ ერთადერთი რისი გაკეთებაც შემიძლია ვუთხრა მთავრობას, შეწყვიტეთ ეს სისულელე, შეწყვიტეთ ევროპული მომავლის საწინააღმდეგო მუშაობა. მაგრამ შემდგომში, ჩვენ მხარს დავუჭერთ სამოქალაქო საზოგადოების ორგანიზაციებს.  ჩვენ ზოგიერთ მათგანს ამ კვირაში შევხვდით ჩემს ოფისში.  რა თქმა უნდა, მხარს დავუჭერთ მედიას, როგორც შეგვიძლია. გთხოვთ, გამაგრდით.

‼️ფოთში ცივი იარაღით ადამიანის დაჭრის ფაქტზე სომხეთის მოქალაქე დააკავეს.

‼️ერგნეთში ინციდენტების პრევენციისა და მათზე რეაგირების ჯგუფის შეხვედრა შედგება - ერთ-ერთი მთავარი თეკა ცხინვალის რეჟიმის მიერ დაკავებული 13 მოქალაქის გამოშვება იქნება.

‼️განსაკუთრებით დიდი ოდენობით ნარკოდანაშაულისთვის საქართველოს ერთი და აზერბაიჯანის 2 მოქალაქე დააკავეს.

‼️პოლიციელზე თავდასხმის ბრალდებით დაკავებული ჩოხატაურის საკრებულოს თავმჯდომარე პოსტიდან გადააყენეს.

🇪🇺 EU-ის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი "ოცნების" მიერ "გრანტების კანონში" დაანონსებული რეპრესიული ცვლილებების მორიგ ტალღაზე:

მოველი, რომ ზოგიერთი მინისტრიც წამოჭრის ამ საკითხს და იმას, რაც ადრე გაგვიკეთებია... რადგან ჩვენ ადამიანის უფლებებისა და ფუნდამენტური თავისუფლებების მხარდამჭერები ვართ. ეს მოიცავს პრესის თავისუფლებასაც. ამიტომ, ნამდვილად მოველით, რომ გადავდგამთ ნაბიჯებს მათ მიმართ, ვინც ამას ახორციელებს.

✅ ეს განცხადება კალასმა გააკეთა ევროკავშირის საგარეო საქმეთა მინისტრბის შეხვედრის დაწყებამდე.