📰 Распрацоўка The Elder Scrolls VI ідзе поўным ходам

Новы дырэктар па кантэнце Xbox Мэт Буці, у адным з апошніх інтэрвію згадаў распрацоўку The Elder Scrolls VI.
Па словах Буці, ён наведаў Bethesda і разам з Тодам Говардам паглядзеў на прататыпы "шостых скруткаў". Ґеймплэй выглядае «ўзрушаюча», а распрацоўка ідзе «добра», сказаў Буці.

Ён дадаў, што ў яго працы найбольш складана знайсьці балянс паміж жаданьнем паказаць супольнасьці ўражальную гульню й разуменьнем, што для гэтага патрэбны зручны момант.

Сам Говард заявіў, што TES VI будзе больш тэхналягічнай гульнёй, у адрозьненьне ад той жа Starfield. Каманда прарабіла вялікую працу па стварэньні рухавіка Creation Engine 3.
У дадзены момант над гульнёй працуе ўся каманда Bethesda, а што да паказу гульні, з гэтым варта пачакаць (дарэчы, аб тызеры якому нядаўна споўнілася восем гадоў, Говард параіў зрабіць выгляд, што гэтага ніколі не было й яго ніхто ніколі не бачыў🙃).

📰 Logitech прадставіла складаную бесправадную мыш

Кампанія Logitech, прадставіла публіцы сваю новую распрацоўку — Mobi Fold, складаную, бесправадную мыш.

Пры раскладваньні прылада аўтаматычна ўключаецца, а пры складаньні выключаецца для эканоміі зарада. Mobi Fold важыць 79 г і ў складзеным выглядзе нагадвае тэлефон-раскладанку.

Прылада можа працаваць да 30 дзён на адным поўным зарадзе, а зарадка за адну хвіліну дае да 22 гадзін выкарыстаньня.
Па словах кампаніі, шарнір Mobi Fold здольны вытрымаць 15 гадоў штодзённага выкарыстаньня.
Mobi Fold можна падлучыць да трох прылад і перамыкацца паміж наўтбукам, пляншэтам і смартфонам.

Мыш ужо паступіла ў продаж па рэкамэндаваным кошце ў 80 даляраў.

📰 У Ubisoft новыя скарачэньні

Па зьвестках партала Insider Gaming, француская кампанія закрыла сваю канадзкую студыю Ubisoft Winnipeg. Такім чынам, працы пазбавіліся 85 спэцыялістаў.
Акрамя яе, цалкам зачынена студыя Ubisoft Belgrade, аднак пра яе інфармацыі вельмі мала.

Таксама масавыя звальненьні (а менавіта 51 чалавек) адбыліся ў Ubisoft Barcelona.

Гэтак жа, паводле дадзеных крыніц Insider Gaming, каля 12% супрацоўнікаў Ubisoft Montreal, якія займаюцца Rainbow Six Siege, адхіляць ад працы над шутэрам. Акрамя таго, каля 50 чалавек перавялі з Rainbow Six Siege Mobile і нейкага неанансаванага праекту на нешта іншае.

Усе гэтыя дзеяньні зьяўляюцца працягам рэарґанізацыі кампаніі, якая пачалася яшчэ ў студзені гэтага году.

📰 Microsoft можа разглядаць магчымасьць продажу Xbox

Выданьне The Information, паведамляе, што Microsoft разглядае магчымасьць рэарґанізацыі Xbox у паўнавартасную (і цалкам залежную ад карпарацыі) даччыную кампанію, з мэтай аптымізацыі або продажу.

Па словах крыніц выданьня, на дадзены момант Microsoft разглядае некалькі асноўных варыянтаў далейшага ўзаемадзеяньня з Xbox, гэта продаж кампаніі, рэарґанізацыя ў даччыную кампанію або пошук інвэстара.

За апошнія пяць гадоў даходы Xbox упалі амаль на паўмільярда долараў, але пры гэтым новае кіраўніцтва зьбіраецца павялічыць выдаткі на распрацоўку флагманскіх праектаў і паскарэньне стварэньня мноства гульняў. Выніковы бюджэт яшчэ ня ўзгоднены, але, грашовыя, уліваньні плянуюць ўзмацніць ужо ў ліпені з пачаткам новага фінансавага году.

Акрамя гэтага, вядомы інсайдэр Джэйсан Шраер пацьвердзіў чуткі, аб будучых скарачэньнях.

📰 Былы кіраўнік PlayStation: "У Xbox фундамэнтальна не разумеюць як уладкованы забаўляльны бізнэс"

Былы кіраўнік PlayStation Шон Лейдэн пракамэнтаваў сытуацыю зь нядаўнімі, вельмі трывожнымі навінамі аб Xbox.
Лейдэн прызнаў, што рызыкуе прагучаць як "хэйтар", але не лічыць сябе такім. Яму здаецца, што ўсе апошнія рашэньні Xbox дэманструюць "фундамэнтальнае неразуменьне таго, як працуе рынак інтэрактыўных забаў".

Гэтак жа Лейдэн раней выказваўся аб плянах Ашы Шармы на Game Pass, па яго меркаваньню, Microsoft з усіх сіл спрабуюць ператварыць Game Pass у здаровы бізнэс, нягледзячы на ​​неспрыяльныя вынікі дыягностыкі й змрочны прагноз.

Дарэчы аб праблемах у Xbox, журналіст і інсайдэр Джэйсан Шраер, са спасылкай на свае крыніцы заявіў, што ў нетрах карпарацыі пачаліся актыўныя перамовы шматлікіх вядомых студый аб аддзяленьні ад кампаніі, з мэтай ня быць зачыненай.

Сярод іх — Compulsion Games (South of Midnight), Ninja Theory (сэрыя Hellblade) і Double Fine (сэрыя Psychonauts). Аднак Шраер адзначае, што ёсьць і іншыя каманды якія спрабуць зьбегчы з "тытана які падае".

Таксама вядома, што працоўным некаторых студый паведамілі аб неадназначным статусе іх каманды й далі адабрэньне на пошукі новай працы.
Шраер адзначыў, што нават работнікі больш камэрцыйна пасьпяховых студый Xbox ня ўпэўненыя, што ўпішуцца ў будучыя пляны кіраўніцтва.

📢 Хорар Hellraiser: Revival выйдзе 8 кастрычніка

Новы разьдзел у гісторыі «Паўстаўшага зь пекла» — станьце мімавольным ініцыятарам рытуалу Пінхэда, каб вызваліць боль і асалоду, якіх сьвет яшчэ ня бачыў.
Камбінуйце дэманічныя здольнасьці зь зямной зброяй, прычыняючы ворагам боль, які руйнуе косткі й прапальвае плоць, або, быць можа, даруе асалоду?
Кіньце выклік спараджэньням пекла, маньякам, культыстам і нават самым жудасным жрацам у сюжэтнай хорар-гульні на выжываньне.

Гульня выйдзе 8 кастрычніка на PS5, Xbox Series і PC.

⚡️ Цяпер дакладна: перадзамовы Grand Theft Auto VI пачнуцца 25 чэрвеня

Rockstar апублікавала ключавой арт Grand Theft Auto VI выкананы ў клясычным для франшызы стылі, а таксама афіцыйна пацьвердзіла, што перадзамовы гульні пачнуцца ўжо 25 чэрвеня!

Нагадаем, гульня выйдзе 19 лістапада на PS5 і Xbox Series.
Навінка адправіць нас у любімы многімі зь дзяцінства Вайс-Сіці!

Хочам параіць канал нашых сяброў — Я бачыў Бога 👁

📌ЯББ – аўтарскі праект, які адлюстроўвае людзей, культуру, а таксама суб‘ектыўнасць парадку ў аб‘ектыўным хаўсе. Уплыў культуры, філасофскія пытанні, чалавек у свеце і паміж іншых.

Мы не аб‘ектыўныя і не імкнемся стаць акадэмічнымі. Хаця перыяд быў, трэба адзначыць. Тым не менш гэта ў мінулым. Мы прайшлі праз шмат унутраных праблем. Аднак яны, у выніку, прымушалі нас ісці ўперад, пазнаваць свет і сябе . І гэтае імкненне мы хочам перадаць вам.

Канал для тых, каму ўжо лянота філасофстваваць на папойках, але надаль цікава шукаць новыя пытанні.

https://t.me/jabacyuboha

⚡️ Загінуў адзін з заснавальнікаў Ubisoft — Клод Гіймо

Па дадзеных французскіх СМІ, Клод Гіймо знаходзіўся на борце лёгкага самалёта, які пацярпеў крушэнне недалёка ад Ла-Боля ў Францыі.

Клод быў адным з пяці братоў Гіймо, якія ў 1986 годзе заснавалі Ubisoft.