📰 Шэрагі Xbox працягваюць папаўняцца спэцыялістамі ў сфэры ШІ

Выданьне CNBC расказала аб кадравых перастановах, якія ў дадзены момант праводзіць новая кіраўнік Xbox Аша Шарма (якая зьмяніла на гэтай пасадзе Філа Спэнсэра).

Як стала вядома, Шарма прызначыла былых калеґаў з CoreAI на кіруючыя пасады ў Xbox, такіх як мінімум чацьвёра!

🔸Віцэ-прэзыдэнт прадуктовага напрамку CoreAI і старэйшы віцэ-прэзыдэнт GitHub Джарэд Палмер стаў супрацоўнікам тэхнічнага штаба для працы над прадуктамі Xbox;
🔸Віцэ-прэзыдэнт па дызайне CoreAI і GitHub Цім Ален стаў кіраўніком аддзела па дызайне;
🔸Ґенэральны мэнэджэр CoreAI Эван Чакі ўзначаліў каманду інжынэраў Xbox;
🔸Джонатан МакКей стаў кіраўніком аддзела па росьце (такую ​​ж пасаду ён займаў у CoreAI).

Кадравыя перастаноўкі Шарма патлумачыла неабходнасьцю разьвіцьця працоўных і арґанізацыйных працэсаў ва ўсёй структуры. У сувязі з гэтым было прынята рашэньне прыцягнуць спэцыялістаў, якія маюць досьвед у спажывецкім і тэхнічным сэктарах.

Гэтак жа стала вядома, што Xbox спынілі распрацоўку ШІ-асістэнта Copilot для кансоляў.
Па словах кіраўніцтва, дадзены кірунак больш не адпавядае мэтам кампаніі, якой трэба разьвівацца хутчэй.

📰 Група незалежных інды-распрацоўшчыкаў абʼявіла аб стварэньні альянсу

Пяць незалежных індзі-распрацоўшчыкаў абвясьцілі аб стварэньні Novo Assembly — абʼяднаньне незалежных гульнявых студыяў, для абмену досьведам, падтрымкі й узаемнага росту, з мэтай стварэньня якасных гульняў у будучыні!

У склад Асамблеі ўвайшлі шматлікім добра вядомыя студыі:

🔹Weappy Studio — Беларуска-Кіпрская студыя, з офісам у Менску, стваральнікі This Is the Police і Hollywood Animal;
🔹Unfrozen — Кіпрская студыя (першапачаткова заснаваная ў Расеі) вядомая па Iratus: Lord of the Dead і Heroes of Might & Magic: Olden Era;
🔹Sad Cat Studios — Яшчэ адна Беларуска-Кіпрская студыя, якая нядаўна праславілася пасьпяховай REPLACED;
🔹VEA Games — Кіпрская студыя, якая стварыла пасьпяховую кансольную гульню Nikoderiko: The Magical World, саўндтрэк для якой напісаў Дэвід Уайз, кампазытар Donkey Kong;
🔹Game Garden — міжнародная студыя-распрацоўнік і выдавец мабільных гульняў, мае офісы ў Каліфорніі й Нікасіі (першапачаткова заснаваная ў Расеі).

Сочым за навінамі далей.
За інфармацыі дзякуй каналу "Тое Сёе: гульні"

📢 Шоў Summer Game Fest 2026 атрымала трэйлер

Summer Game Fest 2026 атрымала сьвежы трэйлер (які чамусьці зьнік з YouTube), які прысьвяцілі гульням, паказ якіх адбудзецца на шоў!
Сярод праектаў можна ўбачыць мноства праектаў, некаторыя ўжо выйшлі ў рэліз, а іншыя яшчэ толькі выйдуць на фінішную прамую!

У трэйлеры можна ўбачыць:

🔸Pragmata (выйшла ў рэліз 17 красавіка);
🔸Resident Evil Requiem (выйшла 27 лютага, рыхтуецца рэліз DLC);
🔸Saros (даступная з 30 красавіка эксклюзіўна на PS5);
🔸Star Wars: Galactic Racer (рэліз адбудзецца 6 кастрычніка);
🔸Tomb Raider: Legacy of Atlantis (рэліз заплянаваны на 2026-ы);
🔸Control Resonant (рэліз заплянаваны на 2026-ы);
🔸The Blood of Dawnwalker (рэліз заплянаваны на 3 верасьня);
🔸Gothic 1 Remake (выходзіць 5 ліпеня);
🔸007 First Light (выходзіць 27 траўня).

Само шоў пройдзе 5 чэрвеня!

📢 Тры буйныя дапаўненьні Stellaris сталі часткай базавай гульні.

У гэтым годзе, ґлябальнай касьмічнай стратэгіі Stellaris споўнілася 10 гадоў, у гонар гэтага, распрацоўшчыкі абвясьцілі, што буйныя DLC — Utopia, Synthetic Dawn і Humanoids Species Pack з гэтага часу будуць часткай базавай гульні!

Першае зьмяшчае ў сабе мегазбудаваньні й калектыўны розум;
Другое дадала дзяржаву машын;
Трэцяе прыўнесла партрэты гуманоідаў і іншыя паляпшэньні.

Раней Paradox анансавала новы дадатак пад назовам Nomads, якое ўвойдзе ў склад 10-га сэзона й выйдзе да канца чэрвеня. У ім гульцы змогуць пабудаваць качавую імпэрыю зь вялізным караблём-каўчэгам у аснове сваёй цывілізацыі.

📰 LEGO анансавалі велізарны набор «Мінас Цірыт»

LEGO прадставіла самы вялікі набор па "Уладары пярсьцёнкаў" — The Lord of the Rings: Minas Tirith!
Старонка навінкі ўжо адчыненая на афіцыйным сайце. У кампаніі апублікавалі невялікі трэйлер і больш за два дзесяткі малюнкаў канструктара.

Набор складаецца з 8278 дэталяў, а вышыня гатовай пабудовы складзе 59х62х37 сантымэтраў.
Пакупнікам таксама дастанецца дзесяць мадэляў пэрсанажаў, уключаючы Гэндальфа Белага, Арагорна, Дэнетара й Фараміра.

У продаж канструктар паступіць 4 чэрвеня, рэкамэндаваны кошт — 650$

📢 Анансавана The Talos Principle 3 — апошняя частка серыі

Devolver Digital і распрацоўшчыкі з Croteam анансавалі The Talos Principle 3, якая па словах стваральнікаў, стане апошняй гульнёй у серыі.

У The Talos Principle 3 гульцы апынуцца ў Анамаліі — свеце разбураных будынкаў, закінутых навуковых станцый і "няправільных" законаў фізыкі, а гэтак жа складаных галаваломак з магчымасцю перажыць усю гісторыю незвычайнага свету.

Дата рэлізу не называецца. Гульню ствараюць для PC і PS5.

⚡️ Konami спыняе працу ў Беларусі

Выдавец Metal Gear, Silent Hill і іншых вядомых серый Konami, заявіў аб спыненьні прадастаўленьня паслуг у Беларусі з 15 чэрвеня.

Чыньнікі такога рашэньня афіцыйна не называюцца, як і невядома што менавіта будзе абмежавана гульцам з нашай краіны (свае праекты выдавец даўно перастаў прадаваць у нашым рэгіёне)!

Можна меркаваць, што ґеймеры страцяць доступ да KONAMI ID (унікальны ідэнтыфікатар, які дазваляе атрымаць доступ да сеткавых службаў Konami).

📰 Subnautica 2 разышлася тыражом у 2 млн копіяў

14 траўня доўгачаканая шматлікімі Subnautica 2 выйшла ў раньні доступ і за 12 гадзін пераадолела мяжу ў 2 мільёна прададзеных копіяў (адзнака ў мільён была дасягнутая й зусім на працягу гадзіны)!

Гульня даступна на PC (Steam і EGS) і Xbox Series (Game Pass).

Як і раней, геймераў чакае адкрыты падводны сьвет, поўны прыгод і небясьпек!
А гэтак жа поўная адсутнасьць зброі, што распрацоўнікі лічаць сваёй фішкай!

Вядучы распрацоўнік Subnautica 2 Энтані Гальегас паведаміў, што стваральнікі наўмысна адмаўляюцца ад ґвалту, хоць гэта й выклікае спрэчкі ў супольнасьці. Аднак такі падыход робіць Subnautica 2 унікальнай сярод іншых. Ґеймеры шукаюць спосаб пазьбегнуць сутыкненьня зь верагодным супернікам і вымушаныя імправізаваць, а ня проста ісьці ў бой.

Распрацоўнік адзначыў, што для гульцоў праект гэта гэтакі дакумэнтальны фільм у духу перадач Дэвіда Атэнбора й такое бачаньне вельмі імпануе стваральнікам!

📰 Інсайдэр: PlayStation плянуе перастаць выпускаць свае гульні на PC

Вядомы інсайдэр Джэйсан Шрайер з Bloomberg, спасылаючыся на свае крыніцы ў PlayStation, заяўляе, што Sony зьмяняе стратэгію па выпуску сваіх гульняў — цяпер сюжэтныя адзіночныя гульні PlayStation Studios будуць заставацца толькі на кансолях PlayStation, без выхаду на PC.

Журналіст упэўнены, што зьмяненьне стратэгіі датычыцца толькі адзіночных тайтлаў, шматкарыстальніцкія гульні, па-ранейшаму будуць мультыплятформеннымі.

Праўда гэта ці не, мы хутчэй за ўсё даведаемся ў бліжэйшы час.

📢 Журналісты апублікавалі агляды Zero Parades: For Dead Spies ад аўтараў Disco Elysium.

Гульня, якая расказвае аб шпіёнцы, што выконвае няпростае заданьне, са мноствам сакрэтаў і паваротаў, атрымала ў сярэднім высокія адзнакі: на Metacritic у яе 84 бала (што трохі менш чым у Disco Elysium з 90 баламі).

СМІ пішуць, што Zero Parades: For Dead Spies патрабуе ад ґеймераў быць уважлівымі й цярплівымі. І тыя, хто дасьць гульні шанц, знойдуць у ёй нешта асаблівае. Многія журналісты хваляць стыль апавяданьня, які здольны трымаць цікавасьць да самага канца!

Zero Parades: For Dead Spies выйдзе 21 траўня на PC.

⚡️Цяпер афіцыйна: Стваральнікі Kingdom Come: Deliverance робяць гульню па «Уладару пярсьцёнкаў»

Студыя Warhorse афіцыйна пацвердзіла нядаўнія чуткі, аб тым, што ў іх у распрацоўцы знаходзіцца гульня па сусьвеце Толкіна!

«Магчыма, вы ўжо чулі чуткі, але надышоў час раскрыць, над чым мы працуем.

🗺️ Ролевая гульня з адкрытым светам у Міжземьі.

⚔️ Новая прыгода ў сусьвеце Kingdom Come.

Мы з нецярпеньнем чакаем магчымасьці расказаць вам больш, калі прыйдзе час».

Чакаем навінаў. Падпісвайцеся на наш канал, каб нічога не прапусьціць!

📢 Вэтэраны распрацоўкі Disco Elysium паказалі ґеймплэйны трэйлер свайго праекта — Hopetown

Вы — журналіст у сьвеце, перагружаным пасьля «Успышкі» — выкіду каранальнай масы, які зьнішчыў ґлябальныя камунікацыі дзесяцігодзьдзі таму й які паклаў пачатак новай цёмнай эры, званай «Цішыня». Расьсьледуйце таямніцу, якая разгортваецца ў астраўным мястэчку Нью-Грынвіч!
Вызначыце перадгісторыю свайго пэрсанажа, уключаючы пол й стыль журналістыкі: гуляйце за карэспандэнта, які займаецца руціннай працай, за аўтарскую калёнку зь ярка выяўленым меркаваньнем або за гонза-журналіста, які выкарыстоўвае клікбэйт. Здабывайце праўду або прадавайце хлусьню — рабіце ўсё, што трэба, каб патрапіць на першую паласу.

Гульню распрацоўвае Longdue Games, у якой працуе велізарнае мноства стваральнікаў Disco Elysium, уключаючы Пятра Сабалеўскага, які адказваў за ґеймплейныя мэханікі, і Мартына Люігу, які прыдумаў шматлікіх пэрсанажаў, а таксама Бэн Бэбіт, адзін з ключавых стваральнікаў Kentucky Route Zero.
За саўндтрэк адказвае кампазытар Павел Блашчак, які працаваў над «Вядзьмаром 3».

Даты выхаду ў гульні пакуль няма.

📰 Распрацоўка рэмэйку The Witcher "ідзе вельмі цяжка"

Яраслаў Ручынскі й Адрыян Фульнечак (тэхнічныя пісьменьнікі CD Projekt) расказалі, што памылкі распрацоўнікаў арыґінала й розныя "мыліцы" у дадзены момант "гукаюцца" стваральнікам рэмэйку!

Па іх словах, на раньніх этапах у студыі не вялі тэхнічную дакумэнтацыю, а ўсю інфармацыю паміж аддзеламі перадавалі на словах за "кубачкам кавы". The Witcher ствараўся на аснове кода порта Baldurʼs Gate: Dark Alliance для PC, і амаль ніякіх дадзеных аб гэтым не засталося.
Распрацоўнікам з Foolʼs Theory даводзіцца займацца «рэвэрс-інжынірынгам спадчыны кампаніі». Нягледзячы на ​​тое, што сярод іх ёсьць вэтэраны CD Projekt, праца над рэмэйкам The Witcher ідзе вельмі цяжка.

Гэтак жа зь цікавага, Фульнечак расказаў, што для першага Вядзьмара распрацоўвалі каапэратыўны рэжым, але распрацоўшчыкі так і не змаглі яго рэалізаваць.

Дата рэлізу рэмэйку не вядома.