📢 Для Fallout 4 рыхтуецца да выхаду Anniversary Edition

Bethesda Softworks прадставіла Fallout 4: Anniversary Edition у гонар дзесяцігодзьдзя ролевай гульні. Выданьне ўключае базавую Fallout 4, усе дапаўненьні, а таксама набор спэцыяльна падабраных модаў і матэрыялаў Creation Club.

У камплект увойдуць DLC: Far Harbor, Nuka-World, Automatron, Wasteland, Vault-Tec і Contraptions Workshop.
Таксама Anniversary Edition зьмяшчае больш за 150 элемэнтаў кантэнту Creation Club, у тым ліку раней не выпушчаныя прадметы, "закліканыя зрабіць падарожжа яшчэ цікавей". Гаворка ідзе як аб новай зброі й розных пародах сабак, так і аб зьменах гульнявога працэсу й пашырэньні заданьняў.

Рэліз адбудзецца 10 лістапада 2025 гады на PC, Xbox Series X/S, Xbox One, PlayStation 5 і PlayStation 4. Таксама Bethesda паведаміла, што Fallout 4 выйдзе на Nintendo Switch 2. Юбілейнае выданьне дабярэцца да кансолі Nintendo у 2026 году.

🗣 У сеціве зноў апынуліся магчымыя дэталі ґеймплэя The Elder Scrolls VI

На прасторах інтэрнэту зноў аказалася інфармацыя аб дэталях распрацоўкі The Elder Scrolls VI.
Раней, надзейны інсайдэр eXtas1s ужо публікаваў некаторыя факты, дадзеную інфармацыю знайшлі на прасторах 4chan (і да яе, як і любой інфармацыі ад інсайдэраў, варта паставіцца з доляй скепсісу):

🔸рэліз адбудзецца не раней за канец 2028 году;
🔸галоўны гэрой — зьняволены-пірат, які зьбягае з турэмнай выспы падчас бунту й прыбывае ў горад Сэнцінэль;
🔸гульнявы ​​сьвет будзе ў 1,7 разы больш, чым у Skyrim.
🔸 мноства невялікіх будынкаў у гарадах будуць поўнасьцю адкрыты для наведваньня без загрузных экранаў. Буйныя збудаваньні (палацы, ґільдыі) па-ранейшаму будуць выкарыстоўваць загрузкі;
🔸хуткае перамяшчэньне праз карту ў мінулым!
🔸цяпер перамяшчацца можна толькі праз караваны, лодкі й паказальнікі на дарогах;
🔸сыстэма навыкаў будзе перапрацавана. Каб стаць «Экспэртам» ці «Майстрам», трэба будзе выканаць заданьне для трэнэра.
🔸у баі зьявіцца комба-сыстэма;
🔸сыстэма магіі будзе пашырана, у тым ліку, у яе "перакачуюць" некаторыя рэчы з навыкаў;
🔸у гульні будзе прысутнічаць сыстэма будаўніцтва крэпасьцяў;
🔸будзе ліквідавана набліжэньне камэры ў дыялогах, а зброя й браня запатрабуюць рамонту. Зношанасьць будзе мець візуальнае адлюстраваньне;
🔸зьверарасы будуць мець больш чалавечыя рысы твару.

📰 У памяць аб памерлым фанаце World of Warcraft здымуць фільм

Студыі Vendôme Pictures і Pathé, вядомыя па драме «Дзіця глухіх бацькоў» (якая, дарэчы, удастоена Оскара) зоймуцца біяґрафічным фільмам пра Матса «Ibelin» Сціне — нарвэскім ґеймеры, які праславіўся дзякуючы World of Warcraft.

Ibelin памёр 2014 ва ўзросьце 25 гадоў, ён пакутаваў ад цягліцавай дыстрафіі. Сюжэт стужкі будзе заснаваны на асабістым блёгу маладога чалавека Musings of Life, дзе ён расказваў пра сваё жыцьцё зь цяжкім захворваньнем.

Рэжысэрам выступіць Мортэн Тыльдум.
Галоўныя ролі выканаюць Чарлі Пламмер, Стывен Грэм, Тоні Кольлет, Ізабэла Мерсед і нават леґендарны Энтані Хопкінс!

⚡️ Valve прадставіла новае пакаленне прылад

Трохі са спазьненьнем, але расказваем Вам аб тым, што Valve анансавала тры новыя прылады — Steam Machine, Steam Frame і новы Steam Controller, заплянаваныя да запуску ў пачатку 2026 году!

Steam Machine — хатні міні-ПК на SteamOS.
CPU: AMD Zen 4 (6 ядраў/12 патокаў), GPU: AMD RDNA3 (28 CU), 16 ҐБ RAM, варыянты SSD 512 ҐБ і 2 ТБ з microSD-слотам.

Steam Frame — бесправадны VR-шлем з SoC Snapdragon 8 Gen 3, 16 ҐБ RAM, дазволам 2160×2160 на вока й частатой да 144 Гц. Рабочыя рэжымы: аўтаномны запуск гульняў + стрымінг з ПК праз 6 GHz адаптар.

Steam Controller новага пакаленьня — абноўлены кантролер з магнітнымі стыкамі (TMR), удасканаленай паверхняй і палепшаным уводам.

📢 Адбыўся рэліз Anno 117: Pax Romana

Стварайце будучыню Рымскай імпэрыі ў гэтай горадабудаўнічай стратэгіі, якая вызначыла жанр. Будуйце гарады й пашырайце свой уплыў у рымскіх правінцыях. Кіруйце землямі, выкарыстоўваючы свае веды ў эканоміцы, дыпляматычныя навыкі або ваенную моц.

Крытыкі прынялі гульню цяпло, (85 балаў з 100 на Metacritic і 84 балы з 100 на OpenCritic).
Журналісты апісваюць гульню, як займальную й глыбокую стратэгію, якая здольна захапіць на доўгія гадзіны! Гульня прапануе пасьпяховы мікс з правераных ґеймплэйных мэханік, новых ідэяў, узрушаючай ґрафікі й эпічнага сеттынгу.

Самі гульцы называюць Anno 117 адной зь лепшых частак серыі, якая дакладна спадабаецца як заўзятым фанатам, так і пачаткоўцам! Да мінусаў аднесьлі хібы, вылеты й некаторыя сумнеўныя рашэньні, якія, у цэлым, ня моцна псуюць уражаньне.

Кошт гульні ў Steam — $59,99.

📰 У Rockstar разгараецца скандал

Некалькі тыдняў таму Rockstar Games аказалася ў цэнтры скандалу. Кампанія звольніла больш за 30 супрацоўнікаў, якія або зьяўляліся дзеючымі членамі прафзьвяза, або плянавалі ў яго ўступіць.

Многія СМІ й прадстаўнікі незалежнага прафзьвяза работнікаў Вялікабрытаніі (IWGB) палічылі гэта парушэньнем правоў. Кампанія ж у сваю чаргу заявіла, што дадзеныя працоўныя звольнены з прычыны разгалашэньня імі канфідэнцыйнай інфармацыі.
Цяпер, гэтая гісторыя атрымлівае працяг!

Больш за 200 супрацоўнікаў Rockstar накіравалі кіраўніцтву ліст з патрабаваньнем аднавіць звольненых калеґаў на працы. Распрацоўнікі таксама плянуюць пратэсты — чарговая акцыя пройдзе 18 лістапада ў Эдынбурґу, Шатляндыя.
А брытанскі прафсаюз IWGB тым часам падаў на Rockstar у суд. Прадстаўнік арґанізацыі назваў звальненьні "беспрэцэдэнтным для галіны актам зьнішчэньня прафсаюза ў духу Amazon".

Будзем сачыць за разьвіцьцём сытуацыі!

📰 Microsoft прыбрала з Windows магчымасьць яе актывацыі праз KMS

Праект Massgrave, які займаецца распрацоўкай папулярнага пірацкага актыватра KMS38, паведаміў, што Microsoft прыбрала з Windows шчыліну, на аснове якой працаваў знакаміты KMS-актыватар.

Кампанія выдаліла функцыю GatherOSstate з Windows 11, якая адказвала за актывацыю з дапамогай Key Management Service (KMS).

Пачынаючы са зборкі 26040 , Microsoft выдаліла gatherosstate.exe з ISO-файла. У выніку, пасьля абнаўленьня функцыі. льготны пэрыяд KMS больш не пераносіцца й скідаецца да нуля, што патрабуе паўторнага падключэньня да сэрвэра KMS для абнаўленьня.

Пачынаючы са зборкі 26100.7019 , Microsoft цалкам адмовілася ад гэтай функцыі, з-за чаго KMS38 перастаў працаваць у гэтай зборцы й ва ўсіх пазьнейшых вэрсіях.

Першапачаткова Microsoft дадала GatherOSstate як адзін са спосабаў выдаленай актывацыі карпаратыўных вэрсіяў Windows. Ён дазваляў пацьвярджаць ліцэнзію без уводу ключа на кожным прыладзе.
Энтузіясты ж пачалі распрацоўваць праґрамы, якія імітуюць KMS, каб актываваць Windows без пакупкі ліцэнзіі. Зараз, эпоха сышла.

У Massgrave адзначылі, што мэтады актывацыі HWID і TSforge пакуль яшчэ працуюць.

⚡️Colossal Order адмовіліся ад падтрымкі Cities Skylines 2

Colossal Order абвясьціла, што больш ня будзе працаваць над Cities: Skylines 2. Замест яе, падтрымку гульні будзе забясьпечваць студыя Iceflake Studios.
Таксама Colossal Order абвясьцілі аб спыненьні супрацоўніцтва з Paradox (пасьля пятнаццаці гадоў партнэрства).

Кіраўнік Colossal Order Марыіна Халікайнен пракамэнтавала рашэньне:

Больш за пятнаццаць гадоў сэрыя Cities і нашае партнэрства з Paradox былі вызначальнай часткай нашага шляху ў Colossal Order. Калі мы пачыналі ствараць Cities in Motion, мы нават не ўяўлялі, што гэта вырасьце ў любімую франшызу з такой неверагоднай, адданай супольнасьцю зь мільёнаў гульцоў па ўсім сьвеце.

Мы дзякуем усім у Paradox за давер і супрацоўніцтва, і, вядома, супольнасьць за неверагодную падтрымку, якая зрабіла Cities тым, чым яна стала сёньня. Мы ўпэўненыя, што франшыза працягне квітнець пад кіраўніцтвам Paradox. Рухаючыся наперад, мы зь нецярпеньнем чакаем магчымасьці накіраваць наш досьвед, крэатыўнасьць і запал у новыя праекты, якія адпавядаюць нашаму доўгатэрміноваму бачаньню.

Нагадаем, Cities: Skylines 2 выйшла ў кастрычніку 2023 году й стала катастрофай, трапіўшы ў топы самых не аптымізаваных гульняў.
З таго часу Colossal Order спрабавала выправіць сытуацыю.

Ці варта чакаць цуды ад новых распрацоўшчыкаў незразумела, бо буйных і вядомых праектаў у іх паслужным сьпісе няма.

📰 Paradox расчараваная ў Vampire: The Masquerade — Bloodlines 2

Paradox абвясьціла аб рашэньні цалкам сьпісаць бюджэт затрачаны на распрацоўку Vampire: The Masquerade – Bloodlines 2, прычынай сталі слабыя продажы гульні.

Кіраўнік Paradox Фрэдрык Вэстэр заявіў, што кампанія, нягледзячы на ​​сытуацыю, задаволена працай студыі The Chinese Room, і заўсёды мела вялікія надзеі на яе:

Мы бачылі, што гэта добрая гульня ў моцным IP і ў жанры, прывабным для шырокай аўдыторыі. Празь месяц пасьля рэлізу мы, нажаль, бачым, што продажы не адпавядаюць нашым чаканьням, з-за чаго было прынята рашэньне аб сьпісаньні. Адказнасьць ляжыць цалкам на выдавецтве — гульня выходзіць за межы нашых ключавых напрамкаў, і ў рэтраспэктыве становіцца ясна, што гэта ўскладніла нашу ацэнку продажаў.

У далейшым Paradox будзе сфакусавана на сваіх ключавых напрамках, а пляны па разьвіцьцю франшызы World of Darkness будуць перагледжаны.

Дарэчы, нягледзячы на ​​страты, увесь кантэнт, які абяцалі, (уключаючы два сюжэтныя дапаўненьні) будзе выпушчаны.

Нагадем, Vampire: The Masquerade — Bloodlines 2 выйшла ў канцы кастрычніка й атрымала зьмешаныя водгукі ад гульцоў і крытыкаў. Ґеймеры й прэса адзначылі, што гульня зусім недацягвае да арыгінальнай Bloodlines.

📢 Creative Assembly анансавала доўгачаканую Total War: Medieval 3

Total War: Medieval III, са словаў распрацоўнікаў, азначае вяртаньне серыі да гістарычных сеттынгаў!
Гульня знаходзіцца на раньняй стадыі распрацоўкі, але каманда імкнецца аддаць належнае клясычным часткам, адначасова дадаваючы сьвежыя зьмены ў франшызу. Creative Assembly падкрэсьліла, што праект стане "больш, чым проста сіквэлям".

Дата рэлізу гульні невядомая.
Пакуль нават, праект не мае сваіх старонак у гульнявых крамах!

📢 Хорар Routine атрымаў трэйлер і захопленыя водгукі СМІ

Дасьледуйце калідоры закінутай месяцовай станцыі й зірніце ў твар невядомай пагрозе ў ROUTINE — новым sci-fi хорару ад першай асобы, натхнёным навукова-фантастычнымі творамі 80-х гадоў!

Хорар Routine яскравы прыклад вытворчага пекла! Яго спрабуюць выпусьціць ужо цэлых 13 гадоў!
Аднак (мяркуючы па водгуках СМІ), асьцярогі беспадстаўныя.

Журналісты былі ўражаныя дэталізацыяй гульні, зь іх словаў, часам гульня выглядае фотарэалістычна. А прапрацаваныя лякацыі закінутай месячнай станцыі ствараюць напружаньне, нават калі за сьпіной гульца не стаіць сьмяротны робат.
Хаця безь мінусаў таксама не абышлося. Асобныя журналісты адзначаюць багі й ворагаў які могуць зьявіцца зь ніадкуль,
а гэтак жа занадта складаныя загадкі, якія адцягваюць ад ґеймплэя.

Рэліз Routine адбудзецца 4 сьнежня на PC і Xbox.