📰 Каапэратыўная адвенчура аб падарожжы ў аўтадоме стала хітом у Steam

RV There Yet? выйшла ў рэліз 21 кастрычніка й за некалькі дзён у яе пасьпела пагуляць больш за 100 000 чалавек, а тыраж гульні перавысіў мільён прададзеных копіяў за чатыры дні пасьля рэлізу!

Па сюжэце група сяброў вяртаецца дадому з вкацыяў ў аўтадоме, аднак кампаніі даводзіцца паехаць па новым маршруце, поўнаму перашкод!
Адзін з гульцоў гуляе ролю кіроўцы а астатнія накіроўваюць яго, вырашаючы праблемы, якія ўзьнікаюць на дарозе.

Распрацоўнікі асобна вылучаюць адну з важных асаблівасьцяў гульні — рэалістычную фізыку, што зьяўляецца ключом для вырашэньня многіх праблем (а гэтак жа прычынай іх узьнікненьня).

Кошт гульні ў Steam — $4.99.

⚡️ Адбыўся рэліз Europa Universalis V

Выкарыстоўвайце вайну, гандаль ці дыпляматыю, каб ажыцьцявіць свае самыя сьмелыя амбіцыі й дамінаваць на працягу пяці стагодзьдзяў гісторыі ў найноўшай вэрсіі Europa Universalis — флагманскай гістарычнай гульні Paradox Interactive ў жанры ґлябальнай стратэгіі.

Першыя водгукі хваляць гульню за глыбіню й прапрацаванасьць, якія могуць задаволіць жаданьні як спрактыкаваных ґенэралаў, так і гандляроў з дыпляматамі!
Мінусы, вечна тыя ж — хібы, вылеты й праблемы з аптымізацыяй.

Кошт звычайнага выданьня ў Steam — $40.49.

📢 Стратэгічная пясочніца The End of History выйдзе ў раньнім доступе 10 сьнежня

Стратэгічная ролевая гульня, дзе вы жывяце ў вялізнай пясочніцы, змадэляванай у стылі сярэднявечнага фэадалізму. Выслухоўвайце просьбы гараджан, гандлюйце, рабуйце, служыце, валодайце тэрыторыяй як дваранін, узурпіруйце трон. Вас чакаюць бясконцыя войны й здрады. Перапляценьне вашых намераў і намераў шматлікіх NPC стварае ўнікальныя гісторыі.

Сюжэт засяродзіцца на героя, які пакінуў родны дом, каб раскрыць таямніцу "Абэліска" і спыніць катастрофу. Гульцу трэба будзе вызначыць лёс гульнявой сусьвету й выбудаваць шлях пратаганіста. Выбар вялікі: можна стаць гандляром, злодзеем, рыцарам і нават каралём!

📢 Для Fallout 4 рыхтуецца да выхаду Anniversary Edition

Bethesda Softworks прадставіла Fallout 4: Anniversary Edition у гонар дзесяцігодзьдзя ролевай гульні. Выданьне ўключае базавую Fallout 4, усе дапаўненьні, а таксама набор спэцыяльна падабраных модаў і матэрыялаў Creation Club.

У камплект увойдуць DLC: Far Harbor, Nuka-World, Automatron, Wasteland, Vault-Tec і Contraptions Workshop.
Таксама Anniversary Edition зьмяшчае больш за 150 элемэнтаў кантэнту Creation Club, у тым ліку раней не выпушчаныя прадметы, "закліканыя зрабіць падарожжа яшчэ цікавей". Гаворка ідзе як аб новай зброі й розных пародах сабак, так і аб зьменах гульнявога працэсу й пашырэньні заданьняў.

Рэліз адбудзецца 10 лістапада 2025 гады на PC, Xbox Series X/S, Xbox One, PlayStation 5 і PlayStation 4. Таксама Bethesda паведаміла, што Fallout 4 выйдзе на Nintendo Switch 2. Юбілейнае выданьне дабярэцца да кансолі Nintendo у 2026 году.

🗣 У сеціве зноў апынуліся магчымыя дэталі ґеймплэя The Elder Scrolls VI

На прасторах інтэрнэту зноў аказалася інфармацыя аб дэталях распрацоўкі The Elder Scrolls VI.
Раней, надзейны інсайдэр eXtas1s ужо публікаваў некаторыя факты, дадзеную інфармацыю знайшлі на прасторах 4chan (і да яе, як і любой інфармацыі ад інсайдэраў, варта паставіцца з доляй скепсісу):

🔸рэліз адбудзецца не раней за канец 2028 году;
🔸галоўны гэрой — зьняволены-пірат, які зьбягае з турэмнай выспы падчас бунту й прыбывае ў горад Сэнцінэль;
🔸гульнявы ​​сьвет будзе ў 1,7 разы больш, чым у Skyrim.
🔸 мноства невялікіх будынкаў у гарадах будуць поўнасьцю адкрыты для наведваньня без загрузных экранаў. Буйныя збудаваньні (палацы, ґільдыі) па-ранейшаму будуць выкарыстоўваць загрузкі;
🔸хуткае перамяшчэньне праз карту ў мінулым!
🔸цяпер перамяшчацца можна толькі праз караваны, лодкі й паказальнікі на дарогах;
🔸сыстэма навыкаў будзе перапрацавана. Каб стаць «Экспэртам» ці «Майстрам», трэба будзе выканаць заданьне для трэнэра.
🔸у баі зьявіцца комба-сыстэма;
🔸сыстэма магіі будзе пашырана, у тым ліку, у яе "перакачуюць" некаторыя рэчы з навыкаў;
🔸у гульні будзе прысутнічаць сыстэма будаўніцтва крэпасьцяў;
🔸будзе ліквідавана набліжэньне камэры ў дыялогах, а зброя й браня запатрабуюць рамонту. Зношанасьць будзе мець візуальнае адлюстраваньне;
🔸зьверарасы будуць мець больш чалавечыя рысы твару.

📰 У памяць аб памерлым фанаце World of Warcraft здымуць фільм

Студыі Vendôme Pictures і Pathé, вядомыя па драме «Дзіця глухіх бацькоў» (якая, дарэчы, удастоена Оскара) зоймуцца біяґрафічным фільмам пра Матса «Ibelin» Сціне — нарвэскім ґеймеры, які праславіўся дзякуючы World of Warcraft.

Ibelin памёр 2014 ва ўзросьце 25 гадоў, ён пакутаваў ад цягліцавай дыстрафіі. Сюжэт стужкі будзе заснаваны на асабістым блёгу маладога чалавека Musings of Life, дзе ён расказваў пра сваё жыцьцё зь цяжкім захворваньнем.

Рэжысэрам выступіць Мортэн Тыльдум.
Галоўныя ролі выканаюць Чарлі Пламмер, Стывен Грэм, Тоні Кольлет, Ізабэла Мерсед і нават леґендарны Энтані Хопкінс!

⚡️ Valve прадставіла новае пакаленне прылад

Трохі са спазьненьнем, але расказваем Вам аб тым, што Valve анансавала тры новыя прылады — Steam Machine, Steam Frame і новы Steam Controller, заплянаваныя да запуску ў пачатку 2026 году!

Steam Machine — хатні міні-ПК на SteamOS.
CPU: AMD Zen 4 (6 ядраў/12 патокаў), GPU: AMD RDNA3 (28 CU), 16 ҐБ RAM, варыянты SSD 512 ҐБ і 2 ТБ з microSD-слотам.

Steam Frame — бесправадны VR-шлем з SoC Snapdragon 8 Gen 3, 16 ҐБ RAM, дазволам 2160×2160 на вока й частатой да 144 Гц. Рабочыя рэжымы: аўтаномны запуск гульняў + стрымінг з ПК праз 6 GHz адаптар.

Steam Controller новага пакаленьня — абноўлены кантролер з магнітнымі стыкамі (TMR), удасканаленай паверхняй і палепшаным уводам.

📢 Адбыўся рэліз Anno 117: Pax Romana

Стварайце будучыню Рымскай імпэрыі ў гэтай горадабудаўнічай стратэгіі, якая вызначыла жанр. Будуйце гарады й пашырайце свой уплыў у рымскіх правінцыях. Кіруйце землямі, выкарыстоўваючы свае веды ў эканоміцы, дыпляматычныя навыкі або ваенную моц.

Крытыкі прынялі гульню цяпло, (85 балаў з 100 на Metacritic і 84 балы з 100 на OpenCritic).
Журналісты апісваюць гульню, як займальную й глыбокую стратэгію, якая здольна захапіць на доўгія гадзіны! Гульня прапануе пасьпяховы мікс з правераных ґеймплэйных мэханік, новых ідэяў, узрушаючай ґрафікі й эпічнага сеттынгу.

Самі гульцы называюць Anno 117 адной зь лепшых частак серыі, якая дакладна спадабаецца як заўзятым фанатам, так і пачаткоўцам! Да мінусаў аднесьлі хібы, вылеты й некаторыя сумнеўныя рашэньні, якія, у цэлым, ня моцна псуюць уражаньне.

Кошт гульні ў Steam — $59,99.