📰 Вэтэран Bethesda заклікаў не чакаць ад The Elder Scrolls VI незвычайных ідэяў

Курт Кульман, былы вядучы дызайнэр The Elder Scrolls V: Skyrim і экспэрт па лору, выказаўся аб бягучым падыходзе распрацоўшчыкаў да серыі. Па меркаваньні Кульмана, аматарам не варта чакаць ад The Elder Scrolls VI чагосьці інавацыйна новага!

Першая прычына — Тод Говард. Ґеймдызайнэр не любіць «дзівацтвы», якія, да прыкладу, меў The Elder Scrolls ІІІ: Morrowind.
З-за гэтага, дарэчы, моцныя зьмены зьведала The Elder Scrolls 4: Oblivion. Майкл Кіркбрайд (былы сцэнарыст Bethesda, з-пад пяра якога й нарадзілася франшыза), плянаваў дзеяньне 4-й часткі ў джунглях, аднак у ходзе распрацоўкі, экзотыку зьвялі да мінімуму, замяніўшы ўсё на зялёныя ўзгоркі (пакінуўшы джунглі толькі як згадку ў лоры).

Другая прычына — Microsoft. Кульман ўпэўнены, што карпарацыя нацэленая на атрыманьне прыбытку й экзатычныя месцы дзеяньня або сумнеўныя сюжэты наўрад ці атрымаюць "зялёнае сьвятло".

У цэлым жа вэтэран студыі не ведае, чаго чакаць ад гульні на 100% і які будзе вынік, хаця ён упэўнены, што цяперашняе бачаньне Bethesda, будзе моцна адрозьнівацца ад таго варыянту, які б ён жадаў бачыць сам.

📰 Valve прыбралі шэраг гульняў з паметкай "18+"

Карыстальнікі Steam зьвярнулі ўвагу на зьмену правіл крамы, а менавіта на наступны пункт:

«Забаронены кантэнт, які можа парушаць правілы й стандарты, усталяваныя плацежнымі сыстэмамі Steam і зьвязанымі зь імі сеткамі [банкаўскіх] карт і банкамі, а таксама інтэрнэт-правайдэрамі. У прыватнасьці, некаторыя віды кантэнту толькі для дарослых».

Разам з гэтым была заўважана яшчэ адна зьмена. З крамы зьнікла магчымасьць купіць мноства гульняў для дарослых, у цэнтры ўвагі якіх знаходзіліся інтымныя адносіны са сваякамі, аднак шэраг іншых гульняў з такім жа зьместам застаўся некранутым, што спарадзіла мноства пытаньняў да крытэрыяў ацэнкі.

Частка карыстачоў сеткі раскрытыкавалі Valve з-за падыходу да цэнзураваньня кантэнту, аднак сама кампанія лічыць, што ёсьць адзіны альтэрнатыўны варыянт — захаваць гульні ў краме, але страціць магчымасьць папаўняць гаманец, а такім чынам і штосьці купляць.
Усім распрацоўшчыкам зьнятых з продажу гульняў выдалі кампэнсацыю, якая дазваляе без марнаваньня ўласных сродкаў апублікаваць у Steam наступны праект.

📰 Памёр Джуліян ЛеФэй — адзін з "бацькоў" The Elder Scrolls

Сёньня, на 59-м годзе жыцьця памёр Джуліян ЛеФэй, пра гэта паведамілі яго калеґі з OnceLost Games, апошнія гады распрацоўнік змагаўся з анкалягічным захворваньнем, якое перайшло ў тэрмінальную стадыю.

Джуліян Лефэй пачаў карʼеру яшчэ ў 1980-х.
У 1987-м годзе ён стаў галоўным тэхнічным архітэктарам першых частак TES (Arena, Daggerfall і Battlespire), заклаўшы ў іх тыя асновы, якія мы ведаем і дагэтуль (хоць і ня ўсе цяпер такімі зьяўляюцца), а менавіта адкрыты сьвет, складаную сыстэму навыкаў і гнуткую магчымасьць выбару шляху.

Апошнія гады ён працаваў у маладой студыі OnceLost Games, якая зараз працуе над новым фэнтэзі праектам.

📢 Змрочны экшэн Hell is Us (ад арт-дырэктара Deus Ex) атрымаў станоўчыя водгукі крытыкаў

Hell is Us — з усяго, што ёсьць на зямлі, найбольш на пекла падобная вайна. Бо ў нашым сьвеце насяляе горшы з дэманаў — чалавек. Раскрыйце таямніцы свайго мінулага і разьбярыцеся з наступствамі катастрофы ў закрытай краіне, змучанай міжусобіцамі.

Metacritic:
PC — 81 бал;
PS5 — 79 балаў;
Xbox Series X – 77 балаў.

OpenCritic:
82 балла з 100.

Hell is Us называюць "уражлівым" дасягненьнем невялікай каманды распрацоўшчыкаў, якая можа пахваліцца багатым лорам і трывалым падмуркам для разьвіцьця ў патэнцыйным працягу.
Асабліва зацікавілі крытыкаў, сьмелыя рашэньні, накшталт дасьледаваньня сьвету бяз мапы, компаса і іншых падказак!

Гульня распрацавана студыяй Rogue Factor, пры ўдзеле Джонатана Жака-Бэльце (арт-дырэктар Deus Ex: Human Revolution і Deus Ex: Mankind Divided).

Рэліз адбудзецца 4 верасьня!

📰 Digital Foundry пратэставалі новую Silent Hill f

Тэхнічныя экспэрты з Digital Foundry пратэставалі хорар Silent Hill f (рэліз якога адбудзецца 25 верасьня на PC, PlayStation 5 і Xbox Series), вынік аказаўся ўражлівым!

Навінка выкарыстоўвае рухавік Unreal Engine 5, што спарадзіла ў тэставальнікаў жарт пра Silent Hill f – «Press F» FPS, аднак, на зьдзіўленьне, усё аказалася зусім ня так страшна!

На базавай PlayStation 5 гульня працуе са стабільнымі 60 FPS. Катсцэны пры гэтым адлюстроўваюцца ў 30 FPS, але выглядаюць "проста ўзрушаюча".
Вэрсія для PC без DLSS экспертам не спадабалася, таму было вырашана запусціць трасіроўку прамянёў у рэжыме якасьці, каб палепшыць прадукцыйнасьць да стабільных 60 FPS. Пасьля гэтага гульня стала адчувацца "выдатна".

Кажучы пра графіку, у Digital Foundry адзначылі "чысьціню" карцінкі, неўласьцівую гульняў на Unreal Engine 5. Кожны элемэнт паказанай дэмавэрсіі Silent Hill f адчуваецца вельмі добра: ад асьвятленьня да смугі.

У цэлым экспэрты назвалі Silent Hill f спэцыфічнай гульнёй. У ёй пануе ўнікальная атмасфэра, але яна адчуваецца паўнапраўнай часткай сваёй франшызы. Сюжэт таксама аказаўся «незвычайным, але захапляльным», а баявая сыстэма нагадвае soulslike-гульні.

📢 22 верасьня Stellaris атрымае дадатак Shadows of the Shroud

Акуніцеся ў Покрыва. Завершыце цыкл.
Псіянічны вымярэньне шырокае і поўнае небясьпек. Shadows of the Shroud — жаданае пашырэньне для кожнага, хто жадае падпарадкаваць сабе загадкавыя сілы, якія жывуць па тым боку заслоны: у ім цалкам перапрацаваны псіянічны шлях узвышэньня.

Узаемадзейнічайце з насельнікамі Покрыва, зьдзяйсьняйце складаныя маральныя выбары, прысягайце на вернасьць заступнікам — і памятайце, што існаваньне вашай цывілізацыі можа абарвацца ў любое імгненьне.

Уладальнікі абанэмэнта Stellaris Season 09 атрымаюць доступ да Shadows of the Shroud у дзень выхаду бясплатна, для астатніх яно абыдзецца ў $13.49.

📢 Life is Strange атрымае экранізацыю

Amazon MGM Studios афіцыйна абвясьцілі, што гульнявая сэрыя Life is Strange атрымае экранізацыю!
Правы на экранізацыю гульні Amazon атрымала яшчэ ў 2022 годзе, аднак "зялёнае сьвятло" праект атрымаў толькі зараз!

Шоўранэрам экранізацыі Life is Strange павінен стаць Чарлі Ковел («Падкіды»), прадзюсерамі будзе Square Enix, якая валодае правамі на Life is Strange, а таксама кінакампаніі Story Kitchen і LuckyChap Entertainment.

Будучая экранізацыя павінна перанесьці на экраны падзеі арыгінальнай Life is Strange, якая апавядае аб няпростым жыцьці Макс Колфілд, яе сябрах і незвычайных здольнасьцях, якія могуць абярнуцца велізарнай бядой для маленькага мястэчка!

📰 Фанаты Starfield знайшлі магчымы намёк на новае DLC

У сваіх сацыяльных сетках Bethesda падзялілася кароткім ролікам, які закліканы павіншаваць Starfield з гадавінай (гульня выйшла ў рэліз 6 верасьня 2023 году).
Распрацоўнікі зь нецярпеньнем чакаюць "новых прыгод", і ў гэтым фанаты ўгледзелі ўтоены намёк!

Многія прымецілі, што ў адзін момант надпіс "Happy Anniversary" пачынае рэзка мяняцца разам з заднім фонам — цэлыя літары зьнікаюць, з-за чаго пачынаюць праглядаць зусім іншыя фрагмэнты. Прыхільнікі разгледзелі часьціцы фразы Te???an Armada.
Верагодней за ўсё гэта Terran Armada.

Усё гэта можа быць тызерам другога дадатку для Starfield, асабліва з улікам словаў стваральнікаў вышэй і тым фактам, што раней яны ўжо пацьвярджалі пляны на новае DLC.