📢 Little Nightmares 3 выйдзе 10 кастрычніка

У Little Nightmares III вам трэба будзе дапамагчы Low і Alone выйсьці зь Ніадкуль. Абʼяднайце намаганьні, каб выжыць у небясьпечным сьвеце, поўным ілюзій і ценяў. Зірніце ў твар сваім дзіцячым страхам разам зь сябрам у сумеснай онлайн-гульні або ў адзіночку са спадарожнікам з ШІ!

За распрацоўку гульні адказвае студыя Supermassive Games, найболей вядомая па хорары Until Dawn і серыі The Dark Pictures.
Рэліз адбудзецца 10 кастрычніка на PlayStation, Xbox, Switch і PC.

📢 Названа дата рэлізу перазапуску Painkiller

Клясычная сэрыя Painkiller вяртаецца! Паваюйце ў пякельні, у гэтым дынамічным каапэратыўным экшэне, выкарыстоўваючы незвычайную зброю супраць бязьлітасных орд дэманаў. Вы, грэшнік, атрымліваеце шанец на адкупленьне ад самога Голаса Творцы!

Рэліз Painkiller адбудзецца 9 кастрычніка на ПК, PlayStation 5 і Xbox Series.
У Steam даступны папярэдні заказ (звычайнае выданьне каштуе $30.99, пашыранае на 7 даляраў больш).

📰 Прыбытак кіраўніка EА вырас на мільёны даляраў на фоне зьніжэньня акладу працоўных

У апошні час, гульнявыя карпарацыі актыўна працуюць над зьніжэньнем выдаткаў, што вельмі часта нэґатыўна адбіваецца на зарплаце супрацоўнікаў. Аднак гэта не тычыцца Electronic Arts, якія ўжываюць зусім іншы, сакрэтны мэтад — пакуль аклад простых працоўных плянамерна ўразаецца, кіраўнік арґанізацыі атрымлівае падвышаныя бонусы.

Журналіст Стывен Таціла зьвярнуў увагу, што ґенэральны дырэктар EA Эндру Ўілсан за 12 месяцаў (якія скончыліся 31 сакавіка гэтага году) атрымаў 30,5 мільёна даляраў гатоўкай і выплату акцыямі. Гэта на пяць мільёнаў даляраў больш, чым Ўілсан атрымаў за 2024 фінансавы год.

Пры гэтым зарплата звычайных супрацоўнікаў зьмянілася ў супрацьлеглы бок. Па словах EA, у 2024 годзе сярэдні даход супрацоўнікаў з поўнай занятасьцю склаў 117 тысяч даляраў. Годам раней сярэдні заробак за год складаў 149 тысяч даляраў. Аднак пры падліку ўлічваецца аклад усіх супрацоўнікаў (уключаючы ўпраўленьне), таму сярэднестатыстычны супрацоўнік у 2024 годзе атрымаў менш за 117 тысяч долараў.

📰 Switch даражэе (пакуль толькі ў Канадзе)

Nintendo абвясьціла аб падаражэньні сваёй прадукцыі ў Канадзе.

У афіцыйнай заяве гаворыцца, што гэта зьвязана з "рынкавымі ўмовамі", аднак многія карыстальнікі й экспэрты ўпэўненыя, што гэта сьледзтва палітыкі прэзыдэнта ЗША Дональда Трампа. Не выключана, што ў хуткім часе падобнае можа адбыцца й у іншых краінах.

Апроч Nintendo Switch, Nintendo Switch OLED і Nintendo Switch Lite, даражэй стане падпіска Nintendo Switch Online і тэматычныя фігуркі amiibo. Прадстаўнікі кампаніі адзначаюць, што зьмяненьне коштаў не закране Switch 2 і лінейкі прадуктаў для новай кансолі.

Нагадаем, што старт продажаў новай Switch пачаўся з 5 чэрвеня. Стандартная камплектацыя каштуе 450 даляраў.

📢 EA вырашыла спыніць падтрымку Anthem

BioWare і ЕА абвясьцілі, што 12 студзеня 2026 году будзе спынена падтрымка онлайн-шутэра Anthem!
Продаж прэміюм-валюты ўжо спынены, а 15 жніўня 2025 году гульня пакіне EA Play.

Ваша адданасьць, запал і падтрымка на працягу ўсіх гэтых гадоў вельмі важныя для нас, і мы хочам падзякаваць вам за гэта.

Рэліз Anthem адбыўся ў 2019 годзе, праект стаў, напэўна, самай горшай гульнёй BioWare! Шутэр зьявіўся на сьвет ня маючы хоць якой-небудзь сувязной ідэі пад сабой, сабраўшы мноства нэґатыўных водгукаў як ад СМІ, так і ад ґеймераў.

📢 На фоне новай хвалі скарачэньняў Microsoft скасавала новыя гульні ад стваральнікаў Sea of ​​Thieves і The Elder Scrolls Online

Падчас чарговых маштабных скарачэньняў Microsoft скасавала неанансаваны праект ад Zenimax Online Studios (стваральнікі The Elder Scrolls Online). Па інфармацыі журналіста Джэйсана Шрайера, гэта была навукова-фантастычная онлайн гульня Blackbird, для якой Zenimax нават распрацавалі новы гульнявы ​​рухавік!

Па словах Шраера, гульня была вельмі пэрспэктыўнай, а кіраўніцтва Xbox адзначыла гульню захопленымі водгукамі.

Больш за тое, падчас дэманстрацыі праекта ў сакавіку 2025 году Філ Спэнсэр, кіраўнік гульнявога падразьдзяленьня Microsoft, быў настолькі захоплены ґеймплэем, што Мэту Буці прыйшлося адабраць у яго кантролер, каб працягнуць нараду!

Таксама журналісты ўпэўненыя, што былі скасаваныя Everwild (ад стваральнікаў Sea of ​​Thieves) і Perfect Dark (Crystal Dynamics).
У дадзеных студыях, а таксама ў студыях Undead Labs (распрацоўшчыкі State of Decay 3), King (Candy Crush) прайшлі масавыя звальненьні.

Студыя Turn 10 (стваральнікі Forza Motorsport) увогуле была зачынена!

Акрамя радавых супрацоўнікаў, свайго месца ў ZeniMax пазбавіўся прэзыдэнт студыі Мэт Файрор.

Выданьне Windows Central упэўнена, што новыя скарачэньні зьвязаныя з палітыкай кампаніі, якая паводзіць сябе як "інвэстыцыйны банк" — Кампанія агрэсіўна займае пазыцыі ў новай папулярнай галіне тэхналёгіяў (да прыкладу цяпер гэта ШІ), выціскае зь іх максымум, а калі цікавасьць падае, сыходзіць з рынку (як гэта было з воблачным ґеймінгам).

Калегі па індустрыі масава раскрытыкавалі палітыку карпарацыі, назваўшы ўсё, што адбываецца, «каласальным марнаваньнем талентаў», адзначаючы, што дадзеная палітыка асуджаная на правал.

🗣 Чуткі: PlayStation 6 могуць анансаваць у 2028 годзе

Інсайдэр Detective Seeds (які раней правільна назваў дату выхаду рэмайстра The Elder Scrolls 4: Oblivion), падзяліўся інфармацыяй (са спасылкай на знаёмага інжынэра Sony), паводле якой, наступнае пакаленьне PlayStation анансуюць у 2028 годзе, а продажы пачнуцца ўвосень, або ў пачатку 2029-га.

У тэорыі, кансоль можа зьявіцца на сьвет і раней, аднак менавіта 2029-ы зьяўляецца мэтавым для інжынэрнай каманды.

У камэнтарах шматлікія ґеймеры скептычна паставіліся да дадзенай інфармацыі, асьцерагаючыся, што да канца паказанага пэрыяду, PlayStation 5, якая існуе цяпер, будзе цалкам састарэлай, аднак інсайдэр запэўнівае, што Sony улічвае ўсё, і у іх ёсьць варыянты па падтрымцы жыцьцёвага цыклу PS5 Pro.

🗣 СМІ: Red Dead Redemption 3 ужо ёсьць у плянах Rockstar

Гульнявы ​​партал Tech4Gamers, са спасылкай на супрацоўніка Rockstar, паведаміў, што кампанія ўжо актыўна будуе пляны на новую частку Red Dead Redemption.

Крыніца ўдакладняе, што ў дадзены момант, кампанія цалкам сканцэнтравана на GTA 6, аднак вольныя супрацоўнікі, нібыта, ужо працуюць над канцэптамі новай гульні.

Нагадаем, што першая частка Red Dead Redemption выйшла ў 2010 годзе на PS3 і Xbox 360. Red Dead Redemption 2 зьявілася на сьвет у 2018 годзе на PS4 і Xbox One.
Абедзьве гульні, на дадзены момант, даступныя на PC.

📢 Рэліз Subnautica 2 перанесьлі на 2026-ы

Krafton і студыя Unknown Worlds афіцыйна абвясьцілі аб пераносе рэлізу Subnautica 2 на 2026 год!
Распрацоўнікі прынялі такое рашэньне пасьля серыі зачыненых тэстаў, дзе атрымалі каштоўныя водгукі ад супольнасьці.

Каманда вырашыла вылучыць дадатковы час на дапрацоўку праекта, каб улічыць усе заўвагі й прапановы тэсьціроўшчыкаў.

Гульцы высока ацанілі атмасфэру гульні й дызайн істот, аднак ёсьць нейкія элемэнты, якія маюць патрэбу ў дапрацоўцы. Таксама распрацоўнікі абяцаюць, што не плянуюць мяняць курс распрацоўкі гульні й па-ранейшаму абяцаюць мноства кантэнту на рэлізе.

🗣 Чуткі: Bethesda робіць мноства праектаў у сусьвеце Fallout

Журналіст вядомага гульнявога выданьня VGC Джордан Мідлер, падчас прысьвечанага Xbox пдкаста расказаў аб патэнцыйных плянах Bethesda.

Паводле яго зьвестак, кампанія актыўна працуе над праектамі ў сусьвеце Fallout і адзін з такіх праектаў, ня што іншае як перавыданьне адной з гульняў серыі. Нажаль, ніякай канкрэтыкай журналіст не падзяліўся.

Журналіст заявіў, што многія фанаты марылі б убачыць абноўленую вэрсію Fallout: New Vegas (і гэта станоўча магло б адбіцца на папулярнасьці й бяз таго папулярнага сэрыяла па сусьвеце, у якім героі гэтак жа наведвалі гульнявы ​​Вегас), але Мідлер упэўнены, што гэта будзе абнаўленьне ў духу Oblivion і гаворка ідзе менавіта аб Fallout 3.

Акрамя VGC, аб існаваньні перавыданьня раней казалі й іншыя інсайдэры.
У цэлым жа Bethesda лічыць Fallout сваім "вялікім праектам", таму будучыня кампаніі відавочна не абыйдзецца бяз постапокаліптычнага сусьвету, але верагодна, гэта ўсё выйдзе не раней чым пасля The Elder Scrolls VI.

📢 Да Genshin Impact выпусьцілі вялікі лорны тызер «Божыя межы»

«На радзе багоў у сьмяротных няма права голасу. Так ужо заведзена, што лёсы сьвету вызначаюць не людзі. Мы ведаем, што такі парадак гэтага сьвету. Але ці апанаваныя багі пагардай? Ці ў нейкі момант імі пачала рухаць не нянавісьць, а страх?»

Тызер вельмі станоўча ўспрыняты фанатамі, бо прыўносіць велізарную колькасьць лорных элемэнтаў, а таксама дэманструе ўпадабаных герояў!

У чэрвені Genshin Impact атрымала буйное абнаўленьне 5.7 "Прастора й час для цябе" з новымі героямі, працягам сюжэту й іншым кантэнтам.

Таксама, варта згадаць, што датамайнеры знайшлі ў файлах гульні нарыхтоўкі для рэжыму пясочніцы.
Праект з працоўнай назовам «Miliastra Sandbox» яшчэ не анансаваны й, мабыць, знаходзіцца ў закрытым тэсьце. Тым ня менш, ён убудаваны ў асноўны кліент і займае каля 80 ГБ. Рэжым мае ўласны інтэрфейс і мэню з Паймон. Праект падзелены на дзьве часткі: рэдактар ​​узроўняў Thousand Stars Sandbox і проба ґеймплэя ўзроўняў Thousand Stars Domain.

У хабе «Skydom Paradise» гульцы могуць рабіць прыватныя пакоі на 12 чалавек ці зьбірацца ў публічных — на 20. Тут яны шукаюць атрады для праходжаньня ўзроўню.
У каапэратыўным рэжыме адначасова могуць удзельнічаць да 8 гульцоў.