📢 Whisper Mountain Outbreak атрымала дату выхаду ў раньні доступ

На двары 1998 год. Шахцёры, якія працуюць на гары Бісік, выпадкова наторкаюцца на старажытныя разваліны й абуджаюць дрымотнае ў іх старажытнае зло.
Горад ахутвае загадкавы туман, зь якога прыходзяць монстры, а людзі пачынаюць чуць шэпт з пустаты. Вы й вашыя сябры ў пастцы.

Гульня выйдзе ў раньні доступ 11 жніўня!
На старонцы ў Steam, даступная азнаямленчая вэрсія.

Вітаю спадарства! Амаль кожны дзень колькасьць беларускамоўных праектаў павялічваецца (што ня можа не цешыць). Сёньня хацеў бы парэкамэндаваць вам некаторыя зь іх (спадзяюся знойдзеце нешта цікавае для сябе!):

💌 Палявая пошта — Беларусь на старых паштоўках. Фотапараўнаньні "было-стала", этнаграфія, гісторыя, мастацтва і архітэктура.

🎤 Мой родны гук — прафесійная агучка фільмаў на беларускай мове. Агучку можна заказаць 😉

🏡 «Лукашынскі дзённік» — жыццё ў вёсцы вачыма былога гараджаніна. Чуткі і плёткі, цікавыя гісторыі, а таксама шмат фота і відэа.

😊 БелМемМаш — суполка з гумарам спрэчнай якасці. Штодзённыя мемы, іронія і неідэяльная беларуская мова.

🎮 WeAreMova — летапіс беларускага геймдэву і беларусізацый відэагульняў.
———
#пашыраймасваё

📰 Інсайдэр мяркуе паўторны анонс The Elder Scrolls VI

Вядомы інсайдэр Джэз Кордэн, расказаў аб сваіх здагадках, датычна прэзентацыі Xbox Games Showcase (8 чэрвеня, а 20:00 па менскім часе).

На думку інсайдэра, новае шоў Xbox пройдзе інакш, чым у мінулы раз. Так, разьлічваецца, што магчымыя навінкі будуць анансаваць у тым ліку са згадваньнем вэрсіяў для PlayStation 5 і Nintendo Switch 2 (з асобнай агаворкай, аб выхадзе праекта ў Game Pass).

Таксама Кордэн выказаў свае здагадкі аб праектах, якія пакажуць публіцы:

▫️The Outer Worlds 2 (верагодна ґеймерам назавуць дату рэлізу й расчыняць новыя падрабязнасьці);
▫️Everwild (Кордэн разьлічвае на паўнавартасны анонс загадкавай гульні ад стваральнікаў Sea of ​​Thieves);
▫️Contraband (Мяркуецца, што сімулятар рабаваньняў за аўтарствам Avalanche нарэшце атрымае хоць нейкія дэталі);
▫️State of Decay 3 (Крыніцы паведамляюць, што рэліз баявіка плянуюць у 2026 годзе, верагодна яго таксама пакажуць на шоў).

Аднак адным з галоўных сюрпрызаў шоў патэнцыйна стане The Elder Scrolls VI.
Кордэн упэўнены, што паўторны анонс на фоне папулярнасьці рэмайстра The Elder Scrolls 4: Oblivion можа быць мэтазгодным.

Інсайдэр сумняваецца, што ў гэтым годзе на Xbox Games Showcase зьявіцца новая частка Halo. Затое інсайдэр лічыць, што высокі шанец убачыць новыя Perfect Dark (2025) і Fable (2026), а таксама Gears of War: E-Day і шутэр Clockwork Revolution у духу BioShock.

⚡️ Summer Game Fest 2025 — самае галоўнае

Прэзентацыя Summer Game Fest 2025 падышла да канца й я сабраў для Вас усё самае цікавае, што было паказана!

Галоўнай навіной стаў паказ Resident Evil 9: Requiem!

📢 Konami назвала дату рэлізу Silent Hill f

Родны горад Хінака накрыты туманам, у гэтым тумане ёй даводзіцца змагацца з жудаснымі монстрамі й вырашаць злавесныя загадкі. Адкрыйце для сябе тую трывожную прыгажосьць, што схавана ў жаху.

Па інфармацыі з PlayStation Blog, Silent Hill f адрозьніваецца ад папярэдніх частак серыі ўзмацненьнем мэханікі блізкага бою й большай дынамічнасьцю ґеймплэя. Гульня спалучае элемэнты псыхалягічнага трылера з актыўнымі баявымі дзеяньнямі.

Дата выхаду заплянавана на 25 верасьня 2025 году.

⚡️ Анансавана Call of Duty: Black Ops 7

Activision, разам з Xbox, анансавалі Call of Duty: Black Ops 7 у футурыстычным сэтынгу!

Гульня будзе зьяўляцца працягам падзеяў Call of Duty: Black Ops 2 і Call of Duty: Black Ops 6 — дзеяньні будуць адбывацца ў 2035 годзе, дзе Дэвіду Мэйсану й яго камандзе трэба будзе даць адпор ворагу, што выкарыстоўвае страх як зброю!

Рэліз заплянаваны на гэтае лета!

📢 Студыя Aspyr анансавала Dungeons & Dragons Neverwinter Nights 2: Enhanced Edition

Студыя Aspyr анансавала Dungeons & Dragons Neverwinter Nights 2: Enhanced Edition — абноўленую вэрсію знакамітай RPG!

У перавыданьні распрацоўшчыкі павысілі якасьць тэкстур, унесьлі ґеймплейныя паляпшэньні й шэраг дадатковых зьмяненьняў. Таксама гульня атрымала падтрымку кантролераў.
У гульню гэтак жа ўключаць усё афіцыйныя DLC (Mask of the Betrayer, Storm of Zehir і Mysteries of Westgate).

Рэліз гульні адбудзецца 15 ліпеня.
Кошт Neverwinter Nights 2: Enhanced Edition — $14.49.

📢 MMORPG Chrono Odyssey атрымала трэйлер з 17 хвілінамі ґеймплэя

Kakao Games, Chrono Studio і партал IGN прадставілі 17-і хвіліннае ґеймплейнае відэа амбіцыйнай MMORPG — Chrono Odyssey.

Chrono Odyssey, экшэн MMORPG новага пакаленьня. Асаблівасьці гульні ўключаюць у сябе ўражальную ґрафіку на базе Unreal Engine 5, велізарны й старанна распрацаваны бясшвоўны адкрыты сьвет, дынамічную баявую мэханіку, заснаваную на маніпуляцыі часам, і шырокія магчымасьці наладкі.

Chrono Odyssey ствараецца для PC, PS5 і Xbox Series. Закрыты бэта-тэст пройдзе з 20 па 22 чэрвеня. Падаць заяўку можна на старонцы гульні ў Steam.

📢 Для RimWorld прадставілі пяты дадатак «Odyssey»

Аўтары RimWorld прадставілі маштабнае дапаўненьне «Odyssey», рэліз якога заплянаваны на ліпень гэтага году.

«Пабудуйце гравілёт — ваш лятаючы дом — і падарожнічайце па плянэце. Селіцеся ў новых біёмах з разнастайным ляндшафтам і незвычайнай фаунай. Выпраўцеся на паляваньне за альфа-трумба або наведайцеся ў старажытныя бункеры криптасну. Падніміцеся на арбіту й зьбярыце абсталяваньне з закінутых касьмічных станцыяў і астэроідаў.
Але ў пустаце працягвае працаваць мозг старажытнай машыны…»

Разам з DLC гульня атрымае бясплатнае абнаўленьне 01/06, якое палепшыць прадукцыйнасьць, зьменіць прылады для праектаваньня баз, павялічыць разнастайнасьць мап і іншае.

Больш падрабязна аб усіх новаўвядзеньнях як DLC, так і бясплатнага абнаўленьня можна прачытаць тут.

Дакладнай даты распрацоўнікі не называюць, абмежаваўшыся абстрактным "Рэліз усяго — праз месяц".

📰 Сталі вядомы падрабязнасьці судовага разбору над былымі кіраўнікамі Ubisoft

На мінулым тыдні ў Францыі, пачаўся суд па справе аб сэксуальных дамаганьнях (і ня толькі) у Ubisoft, дзе абвінавачанымі зьяўляюцца трое былых кіраўнікоў кампаніі:
▫️Серж Аскоэ — былы крэатыўны дырэктар Ubisoft;
▫️Томі Франсуа — экс-віцэ-прэзыдэнт па рэдакцыі й крэатыўных паслугах;
▫️Ґіём Патру — ґеймдырэктар.

Абвінавачаньні, якія атрымалі шырокую агалоску ў 2020 годзе, уключаюць сэксуальныя дамаганьні, спробу сэксуальнага ґвалту, псыхалягічны ціск і абразы.
Тады ґенэральны дырэктар Ubisoft Іў Гійма паабяцаў правесьці маштабныя зьмены ўнутры кампаніі й толькі цяпер, справа дайшла да суда.

Вось, што вядома з абвінавачаньняў (🔞):

▫️Франсуа абраў дзяўчыну для зьдзекаў: аднойчы прывязаў яе да крэсла скотчам і адправіў на ліфце ўверх. Таксама яе прымушалі ў спадніцы рабіць стойку на руках, а перад нарадай малявалі маркерам на яе твары пэнісы;
▫️стала адпускалі пошласьці й камэнтары аб сэксе;
▫️падвяргалі супрацоўнікаў сэксісцкім і расісцкім жартам;
▫️прымацоўвалі да кампутараў супрацоўніц малюнкі пэнісаў;
▫️пукалі ў твары;
▫️на сходах адзін з начальнікаў забіраў блакноты ў супрацоўнікаў і маляваў там свастыку;
▫️рабілі масаж плячэй, аб якім не прасілі;
▫️прымушалі супрацоўнікаў выконваць асабістыя даручэньні, напрыклад, забіраць пасылкі;
▫️уключалі парнаґрафічныя фільмы ў офісе з адкрытым плянаваньнем;
▫️на сходах адзін з начальнікаў забіраў блакноты ў супрацоўнікаў і маляваў там свастыку;
▫️мужчыны ў офісе гулялі ў даганялкі, дзе для перадачы салачкі трэба было ўскубнуць суперніка за палавы орган;
▫️Мусульманцы на застаўку ставілі бутэрброд зь беконам, рабілі зь ёй мемы пра тэрарыстычныя арґанізацыі;
▫️Ґіём Патру нібыта біў сьцены, прытворна зьбіваў супрацоўнікаў, «гуляў з запальніцай у твара» падначаленых, падпаліў бараду мужчыне» і «пагражаў учыніць страляніну ў офісе»;
▫️Томі Франсуа нібы цалаваў супрацоўніц у вусны. У адным выпадку жанчыну ўтрымлівалі сілай іншыя калеґі, у іншым — жанчыну схапіў за валасы сам Франсуа. Пасьля скаргі ў аддзел кадраў пацярпелай сказалі "не разьдзімаць з гэтага праблему";
▫️Серж Аскоэ нібыта заявіў, што адной са старэйшых супрацоўніц "бракуе сэксу", і ён гатовы "яе супакоіць", заняўшыся зь ёй сэксам у суседнім пакоі.

Падсудныя абвінавачаньні адмаўляюць.

📰 Распрацоўнік Stardew Valley: Сьвет новай Haunted Chocolatier будзе значна большым

Нечакана для многіх фанатаў Stardew Valley, яе стваральнік Эрык Барон, вядомы больш як ConcernedApe, праз доўгі пэрыяд маўчаньня, паведаміў, што даступны для вывучэньня сьвет у сімулятары шакалацье Haunted Chocolatier будзе больш, чым у яго знакамітым дзецішчы!

Нажаль, іншымі падрабязнасьцямі знакаміты распрацоўнік не падзяліўся. Затое навіна ўразіла прыхільнікаў і прыцягнула ўвагу нават афіцыйнага профіля Xbox.

Нагадаем, што Haunted Chocolatier была анансаваная яшчэ ў 2021 годзе, аднак праца над гульнёй была прыпыненая з-за немагчымасьці спыніцца ствараць "фінальныя" абнаўленьні Stardew Valley. На гэта паўплывала жаданьне аўтара стварыць найлепшую гульню для аўдыторыі (якая, дарэчы, ужо перавысіла 41 мільён чалавек).

Зараз аб Haunted Chocolatier вядома ня так шмат — гульня павінна даць магчымасьць разьвіваць уласную кандытарскую краму, зьбіраючы рэсурсы й рыхтуючы прысмакі.
У навінцы павінна надавацца больш увагі бітвам і RPG-элемэнтам, але рамантыка й узаемадзеяньне з гараджанамі, па ранейшым будуць важным элемэнтам, а наяўнасьць сьвежых навін, сьведчаць, што стварэньне гульні нарэшце ссунулася зь мёртвай кропкі.

Гэта пацьвердзіў і сам Барон:

Я вырашыў не працаваць над Stardew Valley, пакуль ня скончу Haunted Chocolatier… Думаю, што [у Stardew Valley] усё добра. Я адчуваю сябе вельмі ўпэўнена!

📰 Новую частку Total War анансуюць у сьнежні

Распрацоўнікі з Creative Assembly абвясьцілі, што рыхтуюць для фанатаў леґендарнай Total War "новую эру" серыі! І пачнецца яна з анонсу новай гульні (які абяцаюць ужо ў сьнежні)!

Разам з гэтым студыя акунецца ў мінулае й пакажа ўнікальныя рэтраспэктыўныя матэрыялы, прысьвечаныя гульням, якія ўжо выйшлі. Усё гэта адбудзецца ў рамках прэзентацыі Anniversary Showcase, якая павінна быць цікавай і прыхільнікам фэнтэзі, і фанатам рэальнай гісторыі.

Многія фанаты, у адказ на гэтае паведамленьне выказваюць надзеі, ці можа гэта быць працягам знакамітай Total War: MEDIEVAL II .

📢 Аўтары Silent Hill f паказалі новыя кадры й расказалі аб японскай тэматыцы

Konami правяла ўласную прэзентацыю Press Start, на якой надала адмысловую ўвагу серыі Silent Hill і асабліва будучай Silent Hill f.

Распрацоўнікі прапанавалі новыя ґеймплейныя кадры. На фоне роліка, можна пачуць Матаі Окамота (прадзюсар гульні), які падкрэсьлівае, што сэрыя Silent Hill заўсёды была зьліцьцём заходняга й японскага падыходу да стварэньня жахаў. Аднак па меры разьвіцьця такая дваістасьць пачынала губляцца, і ўпор паступова перамяшчаўся на заходнія мастацкія прыёмы. Менавіта гэтая сытуацыя прывяла да ідэі стварэньня Silent Hill f, якая выканана ў пераважна «японскім стылі» (падкрэсьліваючы, аднак, што многія любімыя прыёмы серыі з "заходняга сегмента" па-ранейшаму застануцца ў гульні).

Прытрымліваючыся традыцыяў серыі, галоўная гераіня Хінака Сімідзу стала звычайнай дзяўчынай без унікальных здольнасьцяў і звышсіл.
Месца дзеяньня таксама было перанесена з Сайлент Хіла ў Японію, аднак гульцы ўсё роўна ўбачаць гісторыю аб блуканьнях па падсьвядомасьці гераіні. І ўсё гэта ў спалучэньні зь японскім падыходам да хорар — суіснаваньне «выдатнага» і «трывожнага».

Рэліз Silent Hill f адбудзецца 25 верасьня на PC, PlayStation 5 і Xbox Series.

Таксама, асобна варта згадаць, што Bloober Team абвясьціла аб працы над рэмэйкам першай Silent Hill, але ніякай іншай інфармацыі прадстаўлена не было.

📰 Gearbox: сапраўдныя фанаты знойдуць грошы на новую Borderlands 4

Сузаснавальнік Gearbox Рэндзі Пітчфард пракамэнтаваў скандальную цану новай Borderlands 4 у ​​70$:

«Мы гаворым пра людзей, у якіх ёсьць кансолі й гульнявыя ПК, а не пра бяздомных. Я не спрабую нічога прымяншаць. Сьвет ёсьць Сьвет, чувак. Мы ўсе ў ім робім усё, што можам. Усё проста імкнуцца з усіх сіл»

Пітчфард упэўнены, што Borderlands 4 стане гульнёй прэміюм-кляса й усе, хто згуляюць у яе, зразумеюць, што аддалі свае грошы не дарма й увогуле, усё гэта праблема гульцоў. Ён таксама выказаў упэўненасьць у тым, што "сапраўдныя фанаты" знойдуць грошы.

Дарэчы, аб Borderlands 4, гульня зусім нядаўна атрымала сыстэмныя патрабаваньні:

▫️Мінімальныя патрабаваньні
Працэсар — Intel Core i7-9700 / AMD Ryzen 7 2700X
Відэакарта — NVIDIA GeForce RTX 2070 / AMD Radeon RX 5700 XT
Апэратыўная памяць — 16 ГБ
Месца на дыску — 100 ГБ (SSD).

▫️Рэкамэндаваныя патрабаваньні
Працэсар — Intel Core i7-12700 / AMD Ryzen 7 5800X
Відэакарта — NVIDIA GeForce RTX 3080 / AMD Radeon RX 6800 XT
Апэратыўная памяць — 32 ГБ
Месца на дыску — 100 ГБ (SSD).

Borderlands 4 выходзіць 12 верасня на РС, PlayStation 5 і Xbox Series.

📢 Утульны сімулятар Cast n Chill стаў дыямантам фэстывалю рыбалкі ў Steam

На днях у Steam стартаваў фэстываль гульняў пра рыбалку й разам зь ім, у рэаліз выйшаў утульны сімулятар Cast n Chill, які маметальна патрапіў у топы, атрымаўшы 95% дадатных водгукаў.

Cast n Chill — утульны (і разам з тым актыўны) сімулятар рыбалкі, дзе вы дасьледуеце ціхамірныя азёры, рэкі й акіяны. Ловіце рэдкіх рыб, паляпшайце рыштунак і вывуджвайце сапраўдных леґенд — усё гэта бок аб бок са сваім сабачкам.

Да 30 чэрвеня, гульню можна набыць са зьніжкай у 20% ($ 6.79).

📰 Распрацоўнікі Alzara: Radiant Echoes абвясьцілі аб зачыненьні студыі

У мінулым годзе, незалежная француская студыя Camelia (якую заснавалі былыя супрацоўнікі Ubisoft), пасьпяхова завяршыла кампанію па зборы сродкаў на Kickstarter, прадставіўшы сваю дэбютную JRPG — Alzara: Radiant Echoes.
Camelia ўдалося сабраць амаль 300 тысяч эўра!

Аднак не гледзячы на ​​посьпех і цікавасьць з боку ґеймераў, сёньня студыя абʼявіла аб сваім закрыцьці. Прычына — недахоп фінансаваньня.
Сабраныя грошы забясьпечылі толькі палову распрацоўкі гульні. Яшчэ палову, па плянах распрацоўшчыкаў, павінны былі даць выдаўцы або інвэстары, аднак крызіс прывёў да таго, што гіганты індустрыі не гатовы рызыкаваць дзеля невялікага хоць і амбіцыйнага праекта.

Распрацоўка Alzara: Radiant Echoes не скасавана цалкам, але цяпер гульня пастаўлена на паўзу, яе стваральнікі абяцаюць прыкласьці ўсе намаганьні, каб іншая студыя (хай і ў зьмененым выглядзе) давяла іх праект да канца.

Вярнуць грошы фундатарам распрацоўкі ня могуць, бо іх ужо наўпрост няма.
Каб хоць неяк згладзіць уражаньне, студыя апублікавала запіс урыўкаў праходжаньня дэмавэрсіі.

Мы можам толькі ўявіць, як вы расчараваны, прачытаўшы гэта. Ведайце, што мы падзяляем вашыя пачуцьці. Мы б вельмі хацелі, каб гэты праект убачыў сьвет. Мы былі глыбока захопленыя сьветам Alzara, яго пэрсанажамі й сюжэтамі. Мы б нічога не жадалі больш, чым адсьвяткаваць рэліз разам з вамі.