📰 Аўтары Gothic Remake расказалі пра новаўвядзеньні ў гульні

Распрацоўнікі з Alkimia Interactive працягваюць дзяліцца падрабязнасьцямі рэмэйку культавай «Ґотыкі»! У сьвежым відэа зь серыі ролікаў Making Of, стваральнікі расказалі пра свае асабістыя новаўвядзеньні ў гульню (і гаворка ідзе ня толькі пра візуальныя й тэхнічныя паляпшэньні).

Распрацоўнікі вывучылі выразаны кантэнт, і некаторыя яго элемэнты выкарыстоўвалі для запаўненьня пустых лякацый. Таксама яны паспрабавалі "залатаць дзіркі" як у міталёгіі, так і ў жывым сьвеце.

Да прыкладу ў некаторых эпізодах арыґінала храмавы вартавы Гор На Драк падарожнічае паміж Лаґерам і Старой шахтай — аднак насамрэч гэта ня так. Ён ідзе па маршруце толькі да таго часу, пакуль гулец за ім назірае, у адваротным выпадку ён зьнікае. Гэты момант у рэмэйку выпраўлены.

Іншы прыклад датычыцца оркаў. Хоць яны й стаяць у цэнтры сюжэту, іфнармацыі пра іх у самой гульні мала. У рэмэйку сытуацыі плянуюць зьмяніць.

Аўтары Gothic Remake таксама спрабуюць палепшыць эканоміку, не дазваляючы герою сабраць усе багацьці навокал. Часткай гэтага будзе паляпшэньне гандляроў: яны будуць ўзаемадзейнічаць паміж сабой, дзякуючы чаму асартымэнт іх крам будзе мяняцца.

Дата рэлізу рэмэйка невядома. Ён плянуюць на РС, PlayStation 5 і Xbox Series. Для азнаямленьня даступна дэмавэрсія Nyras Prologue.

📰 The Elder Scrolls 4: Oblivion Remastered на піку гуляла амаль 200 000 ґеймераў

У аўторак (пацьвердзіўшы чуткі), Bethesda выпусьціла рэмайстар ролевай гульні 2006 году — The Elder Scrolls 4: Oblivion!

У абноўленай вэрсіі перапрацавалі ґрафіку (значна палепшыўшы й бяз таго неверагодную прыгажосьць Тамрыэля). Усе дэталі асяродзьдзя былі адноўлены ўручную на рухавічку Unreal Engine 5.
У Deluxe-вэрсію рэмайстра "Аблівіёна" уваходзяць сюжэтныя дадаткі Shivering Isles і Knights of the Nine, а таксама розныя невялікія DLC. У дадатак да гэтага ўладальнікі пашыранага выданьня атрымаюць унікальныя дасьпехі й зброю разам з бранёй для каня.

На сёньняшні дзень, пікавы анлайн склаў 190 000 чалавек!

🔸Мінімальныя патрабаваньні
Відэакарта — AMD Radeon RX 5700 або NVIDIA GeForce 1070 Ti;
Працэсар — AMD Ryzen 5 2600X або Intel Core i7-6800K;
Апэратыўная памяць — 16 ГБ;
Вольнага месца — 125 ГБ.

🔸Рэкамэндуемыя патрабаваньні
Відэакарта — AMD Radeon RX 6800XT або NVIDIA RTX 2080;
Працэсар — AMD Ryzen 5 3600X або Intel Core i5-10600K;
Апэратыўная памяць — 32 ГБ;
Вольнага месца — 125 ГБ.

⚡️ Аматарскі беларускі пераклад атрымала Disney Princess Enchanted Journey

Disney Princess: Enchanted Journey — прыгодніцкая гульня, якая абʼядноўвае ў адным праекце шматлікіх прынцэс кампаніі Disney. У цэнтры гісторыі маладая дзяўчына, якая пакутуе на амнезію. Яе зьмяшчаюць у паўразбураны замак, які знаходзіцца ў горадзе Джэнтлхейвен. Тут ёй трэба адправіцца ў падарожжа па дамах самых розных дыснэеўскіх прынцэс.

Мод можна спампаваць на NEXUS.

📢 У Steam зьявілася дэма аматарскай беларускай гульні Red Light

Red Light — гэта шутэр у рэтра-стылі, у якім вам трэба будзе зьдзейсьніць рэйды ў закінуты савецкі НДІ, поўны наймітаў і вынікаў экспэрымэнтаў над людзьмі, каб раскрыць таямніцы вашага зьніклага брата.

Рэліз гульні заплянаваны на травень гэтага году. Зараз даступна дэма.
✅Гульня мае пераклад на беларускую мову.

📢 Стратэгія Stellaris атрымала «ґенэтычны» дадатак BioGenesis

Распрацоўнікі касьмічнай стратэгіі Stellaris выпусьцілі новы дадатак BioGenesis, прысьвечанае ґенэтыцы й біяінжынэрыі. Абнаўленьне ўжо даступна ў Steam і нават атрымала дадатныя водгукі!

Што чакае гульцоў:

🔸3 шляхі ґенэтычнага ператварэньня: кланаваньне, чысьціня й мутацыя;
🔸3 новых паходжаньня для рас;
🔸16 новых расавых прыкмет;
🔸7 грамадзянскіх мадэляў і 18 форм праўленьня;
🔸новыя падзеі й мэханікі, у тым ліку жывыя караблі й пагрозы для галяктыкі.

Кошт DLC — $ 16.99.

📢 Афіцыйна анансавана Europa Universalis V

Выкарыстоўвайце вайну, гандаль ці дыпляматыю, каб ажыцьцявіць свае самыя сьмелыя амбіцыі й дамінаваць на працягу пяці стагодзьдзяў гісторыі ў найноўшай вэрсіі Europa Universalis — флагманскай гістарычнай гульні Paradox Interactive ў жанры ґлябальнай стратэгіі.

Дата рэлізу пакуль неназываецца.

📰 Rockstar падрабязна расказалі аб будучых пэрсанажах Grand Theft Auto VI

На мінулым тыдні, Rockstar выпусьціла другі трэйлер Grand Theft Auto VI, адначасова з гэтым абнавіўшы свой сайт, на якім зьявілася шмат сьвежай інфармацыі й матэрыялаў па будучаму баявіку.

Сабраў для Вас усю цікавую інфармацыю й скрыншоты аб асноўных пэрсанажах и рэгіёнах Вайс-Сіці!

Чытаць тут.

📢 Адбыўся паўнавартасны рэліз DOOM: The Dark Ages

DOOM: The Dark Ages — відовішчнае паданьне пра Ката Року й яго лютасьць, якое раскрывае перадгісторыю DOOM (2016) і DOOM Eternal. Гульцы зноў надзенуць браню Ката Року й пральюць кроў дэманаў у сярэднявечнай вайне зь пеклам.

Кошт звычайнага выданьня гульні — $69,99.
Праект таксама даступны на PlayStation 5, Xbox Series X/S, GeForce Now.

❗️Недаступна на тэрыторыі Беларусі.