📰 Disco Elysium магла атрымаць сьпін-офф

Пра гэта стала вядома дзякуючы ўцечцы ўнутранай прэзентацыі.
Згодна зь ёй, студыя ZA/UM распрацоўвала гульню пад назовам Locust City — An Elysium Story. Гісторыя была прысьвечана Куна й Куне — двум дзецям, якія кідаліся камянямі ў павешаны труп.

Сюжэт пачынаецца з забойства бацькі Куна, пасьля якога дзеці садзяцца на цягнік і адпраўляюцца на поўдзень. Падчас гэтай вандроўкі-раасьледваньня гульцы маглі кіраваць абодвума пэрсанажамі, перамыкаючыся паміж імі.
Героі адрозьніваліся індывідуальнымі рэплікамі й рэакцыямі на навакольны сьвет, што дазваляла камбінаваць іх навыкі ў дыялогах. Выбары гульцоў маглі прывесьці да канфліктаў паміж героямі, а ў некаторых выпадках адзін зь іх нават мог загінуць.

Асобнай мэханікай стала "Каробка з Саранчай", якую насіў з сабой Куна. Гэты абʼект дазваляў яму апускацца ва ўяўны сьвет, дзе ён мог разважаць, атрымліваць новыя ідэі й узаемадзейнічаць са сваімі думкамі. Палітычны складнік гульні раскрываўся праз цывілізацыю казурак, якая ўплывае на сьветапогляд героя.

Нажаль, праект быў скасаваны, з-за неназванай прычыны.

📰 Новыя гандлёвыя пошліны ЗША нэґатыўна адабʼюцца на гульнявой індустрыі

Асацыяцыя вытворцаў ПЗ і гульняў — Entertainment Software Association (ESA), сурʼёзна занепакоена магчымымі складанасьцямі, якія могуць узьнікнуць у гульнявой індустрыі, з-за новых пошлін ЗША.

Размова ідзе пра пошліны на імпарт, якія ўвёў прэзыдэнт Дональд Трамп. Яны закранулі амаль усе краіны ў той ці іншай меры.
Для Кітая, Віетнама й Японіі, напрыклад, памеры пошлін склалі 54%, 46% і 24% адпаведна.

Старэйшы віцэ-прэзыдэнт ESA Обры Кўін мяркуе, што ўсё гэта нэґатыўна адабʼецца на становішчы ПЗ і кансоляў – бо большая частка дэталяў для плятформаў прывозяць зь іншых краін.

У тэорыі, зараз, той ці іншы прадукт будзе трапляць адразу пад некалькі пошлін, што нэґатыўна адабʼецца на коштах. Да таго ж сытуацыя можа пагоршыцца, бо іншыя краіны могуць увесьці ўласныя пошліны на тавары з ЗША.

Першыя "званочкі" праблем ужо прыкметныя. Да прыкладу, раней была анансавана Nintendo Switch 2, чый мінімальны кошт складае 450$ (што моцна абурыла гульцоў), аднак, такімі тэмпамі, неўзабаве, кошт можа вырасьці ізноў! Акрамя гэтага, паводле дадзеных выданьня The Verge, менавіта новыя пошліны сталі прычынай пераносу перадзаказаў кансоляў у ЗША на нявызначаны тэрмін!

📰 Сімулятар жыцьця inZOI разыйшоўся тыражом у 1 мільён копіяў

Паўднёвакарэйская карпарацыя Krafton, абвясьціла, што іх рэалістычны сімулятар жыцьця inZOI за тыдзень з моманту рэлізу прадаўся тыражом звыш 1 млн. копіяў!

Па стане на 4 красавіка inZOI працягвае знаходзіцца на высокіх пазыцыях у рэйтынгах продажаў Steam! У васноўным гаворка ідзе аб рэгіёнах Паўночнай Амэрыкі й Азіі.

Гульня сабрала вельмі станоўчыя водгукі й мае вялікую "дарожную мапу" на 2025-ы год!

📢 Атмасфэрны хорар у стылі Лаўкрафта — Stygian: Outer Gods атрымаў ґеймплэйны трэйлер

Stygian: Outer Gods пагрузіць вас у таямнічы варожы сьвет, які кіне выклік самому вашаму існаваньню. У гэтай survival horror гульні з ролевымі элемэнтамі вам трэба будзе паставіць на кон і жыцьцё й розум бо кожная куля, кожны ваш крок могуць стаць апошнімі.

Трэйлер прапануе ґеймерам зірнуць на атмасфэрныя лякацыі, дыялогавую сыстэму, галаваломкі, бітвы з монстрамі й іншыя мэханікі.

Stygian: Outer Gods выйдзе ў раньні доступ 14 красавіка.
Зь сёньняшняга дня й па 7 красавіка, у Steam можна азнаёміцца ​​з дэма-вэрсіяй гульні.

📢 Кібэрпанкавы сімулятар жыцьця Nivalis ізноў перанесьлі

Студыя Ion Lands паведаміла, што ім спатрэбіцца больш часу для паліроўкі сімулятара жыцьця ў кібэрпанкавым сьвеце Nivalis!

Сьвет Nivalis — гэта складаны й вельмі ўнікальны погляд на жанр паўсядзённасьці. Ён быў амбіцыйны з самага пачатку. Абʼяднаньне кіраваньня рэстаранам, дэкарыраваньня кватэр, фэрмэрства, рыбалкі й дасьледаваньні водных прастораў з захапляльнай гісторыяй — складаная задача.

У цяперашні час распрацоўнікі занятыя фінальнымі ітэрацыямі карыстацкага інтэрфейсу, а таксама балянсаваньнем эканомікі. У дадатак у гульню дадаюць розныя сюжэтныя лініі, зьвязваючы іх разам, каб прыступіць да запісу агучкі.

Пакуль што Nivalis нямае даты рэлізу, бо распрацоўшчыкі хочуць, каб на іх не ціснуў жорсткі ґрафік. Усіх прыхільнікаў гульні просяць праявіць цярпеньне й запэўніваюць, што ўсё зробяць правільна.

Нагадаем, што раней рэліз плянаваўся ўвесну

📢 Беларуская гульня Hollywood Animal выйшла ў раньні доступ

Увасоб свае мары — або разбуры чужыя!
Узначальце галівудзкую студыю на пачатку эры гукавога кіно й правядзіце яе празь дзесяцігодзьдзі творчых дасягненьняў, гламура, распусты, паламаных лёсаў і ўгодаў з сумленьнем!

Кошт у Steam — $9.44 (-10%)
✅ Гульня мае афіцыйны пераклад на беларускую мову!

📰 Распрацоўнікі Mafia: The Old Country выпадкова раскрылі дату рэлізу

Hangar 13 выпадкова раскрыла дату выхаду Mafia: The Old Country! Гульня выйдзе 8 жніўня 2025 году.
Інфармацыя зьявілася падчас падрыхтоўкі студыі да прэзентацыі праекта на выставе PAX East, якая пройдзе 8 траўня. Пры гэтым афіцыйнага пацьверджаньня даты рэлізу ад 2K і распрацоўшчыкаў пакуль не паступала.

Нагадем, падзеі Mafia: The Old Country разгорнуцца на Сыцыліі пачатку XX стагодзьдзя. Праект стане прыквэлям арыґінальнай трылёгіі!

❗️Гульня недаступна на тэрыторыі Беларусі!

📰 Вэтэран BioWare не верыць, што Baldurʼs Gate 3 моцна паўплывае на жанр RPG

Вэтэран BioWare Марк Дарра (які аддаў студыі 23 гады), на сваім YouTube-канале паразважаў на тэму "Уплыў і продажы", дзе падкрэсьліў, што гэтыя два паняцьці не адно й тое ж. У якасьці прыкладу ім была абрана Baldurʼs Gate III, якая набыла велізарны посьпех сярод ґеймераў!

На думку вэтэрана індустрыі, Baldurʼs Gate 3 калі й акажа ўплыў на будучыя гульні ў жанры RPG, то ён будзе "стрыманым". Чакаць нейкага новага стандарту не варта:

Baldurʼs Gate 3 набыла найвялікшы посьпех і сапраўды зьмяніла становішча ў індустрыі ў пляне аўдыторыі ролевых гульні. Яна значна пашырыла жанравую прастору, і гэта выдатна. Але я думаю, што яе ўплыў на падыход да распрацоўкі відэагульняў у рэальнасьці будзе менш істотным, не такім, якім яго маглі ўяўляць людзі, далёкія ад індустрыі.

У Baldurʼs Gate 3, як лічыць Дарра, ідэальна спалучаюцца самыя розныя фактары, аднак ня ўсе яны даступныя ці падыходзяць іншым студыям. Гэта й "нямы" пратаганіст, і "спрошчаныя" кінэматаґрафічныя ўстаўкі, і іншыя элемэнты, якія дазваляюць стварыць шырэйшую базу для ролевай гульні.

📰 Аўтары Gothic Remake расказалі пра новаўвядзеньні ў гульні

Распрацоўнікі з Alkimia Interactive працягваюць дзяліцца падрабязнасьцямі рэмэйку культавай «Ґотыкі»! У сьвежым відэа зь серыі ролікаў Making Of, стваральнікі расказалі пра свае асабістыя новаўвядзеньні ў гульню (і гаворка ідзе ня толькі пра візуальныя й тэхнічныя паляпшэньні).

Распрацоўнікі вывучылі выразаны кантэнт, і некаторыя яго элемэнты выкарыстоўвалі для запаўненьня пустых лякацый. Таксама яны паспрабавалі "залатаць дзіркі" як у міталёгіі, так і ў жывым сьвеце.

Да прыкладу ў некаторых эпізодах арыґінала храмавы вартавы Гор На Драк падарожнічае паміж Лаґерам і Старой шахтай — аднак насамрэч гэта ня так. Ён ідзе па маршруце толькі да таго часу, пакуль гулец за ім назірае, у адваротным выпадку ён зьнікае. Гэты момант у рэмэйку выпраўлены.

Іншы прыклад датычыцца оркаў. Хоць яны й стаяць у цэнтры сюжэту, іфнармацыі пра іх у самой гульні мала. У рэмэйку сытуацыі плянуюць зьмяніць.

Аўтары Gothic Remake таксама спрабуюць палепшыць эканоміку, не дазваляючы герою сабраць усе багацьці навокал. Часткай гэтага будзе паляпшэньне гандляроў: яны будуць ўзаемадзейнічаць паміж сабой, дзякуючы чаму асартымэнт іх крам будзе мяняцца.

Дата рэлізу рэмэйка невядома. Ён плянуюць на РС, PlayStation 5 і Xbox Series. Для азнаямленьня даступна дэмавэрсія Nyras Prologue.