🗣 The Elder Scrolls VI атрымала новую порцыю інсайдэрскай інфармацыі

Вядомы інсайдэр eXtas1s падзяліўся з фанатамі сьвету "Старажытных скруткаў" новым падрабязнасьцямі гульні (само сабой, гэта не пацьверджаная афіцыйна інфармацыя й да яе варта ставіцца зь лёгкім недаверам):

Па дадзеных інсайдэра вядома наступнае:

🔸Дзеяньне гульні будзе разгортвацца ў Хамэрфеле (што меркавалася й раней, бо з пункта гледжаньня лора гульні гэта самае прыдатнае месца);
🔸У гульні будуць марскія бітвы, а гэтак жа сыстэма будаўніцтва караблёў, падобная на сыстэму са Starfield;
🔸У гульні будзе падводны сьвет;
🔸У гульні будуць цмокі;
🔸У новай частцы TES будзе каля 12-13 буйных гарадоў;
🔸Больш гнуткая сыстэма прагрэсіі без клясаў;
🔸Палепшаная баявая сыстэма;
🔸Будаўніцтва ў крэпасьцях, вёсках і паселішчах;
🔸У гульні будзе больш прапрацаваная RPG сыстэма;
🔸Хуткія загрузкі.

Таксама, са словаў інсайдэра, новая афіцыйная прэзентацыя гульні пройдзе ўжо ў ліпені гэтага году.

*Вокладка носіць ілюстрацыйны характар

📢 У Steam выйшла дэмавэрсія Gothic 1 Remake

У гонар фэсту дэма-вэрсіяў Alkimia Interactive і THQ Nordic даюць магчымасьць усім прыхільнікам культавай ролевай гульні "Ґотыка" пазнаёміцца ​​з яе доўгачаканым будучым рэмэйкам.

Азнаямленчы фрагмэнт называецца Nyras Prologue, і ён аформлены як самастойная прыгода. У гэтым пралёгу сьвет гульні мы ўбачым вачыма нядаўна асуджанага Ніраса. Нас чакае барацьба за выжываньне ў бязьлітасным асяродзьдзі, дзе небясьпека падсьцерагае за кожным кутом.

Gothic 1 Remake ствараецца для PC, PlayStation 5 і Xbox Series, даты рэлізу ў рэмэйку пакуль няма.
Дэма будзе даступна да 3 сакавіка.

📢 Killing Floor 3 перанесьлі на нявызначаны тэрмін

Tripwire Interactive абвясьцілі, што крывавы шутэр Killing Floor 3 перанесены на нявызначаны тэрмін (рэліз плянавалі 25 сакавіка).

Прычынай такога рашэньня сталі водгукі гульцоў, якія патрапілі на закрытае бэта-тэставаньне. Па меркаваньні Tripwire, студыя «прамахнулася» у сваім бачаньні й не ўлічыла, што жаданьне зрабіць Killing Floor 3 «амбіцыйным крокам» павінна суправаджацца захаваньнем таго, за шта фанаты палюбілі серыю.

Казаць пра якія-небудзь пэўныя праўкі яшчэ рана. Аднак распрацоўшчыкі пацьвердзілі, што будуць працаваць у напрамку паляпшэньня стабільнасьці, прадукцыйнасьці, інтэрфейсу, асьвятленьня й адчуваньняў ад праекту.

«Мы зь нецярпеньнем чакаем новай магчымасьці паказаць вам больш дасканалую вэрсію Killing Floor 3, і калі мы будзем гатовы падзяліцца больш падрабязнай інфармацыяй, вы даведаецеся першымі. А пакуль мы дзякуем вам за ваша нязьменнае цярпеньне й бязьмежную падтрымку»

📢 У PowerToys Quick Accent можа зьявіцца падтрымка беларускіх спэцыяльных сымбаляў

Карыстальнік зь нікам KoNFound, запусьціў на плятформе GitHub абмеркаваньне даданьня адмысловых знакаў у Microsoft PowerToys (Набор службовых праґрам, якія дазваляюць дасьведчаным карыстачам наладзіць і аптымізаваць працу ў Windows).

У прыватнасьці гаворка ідзе пра лацінку (Ć, ć, Č, č, Ś, ś, Š, š, Ŭ, ŭ, Ź, ź, Ž, ž, Ł, ł, Ń, ń) і кірылічныя Ў, ў.

Далучыцца да абмеркаваньня й дапамагчы прыцягнуць увагу распрацоўшчыкаў да дадзенага пытаньня, можна па гэтай спасылцы!

📢 Mount & Blade 2: Bannerlord атрымае дапаўненьне з марскімі баямі й новай фракцыяй

Распрацоўнікі з Taleworlds анансавала буйное пашырэньне для Mount & Blade II: Bannerlord. Яно называецца War Sails!

У DLC, якое упершыню (афіцыйна) прыўнясе марскую вайну ў Bannerlord, гульцы змогуць камандаваць магутнымі караблямі, удзельнічаць у захапляльных марскіх бітвах і авалодваць марскімі заваёвамі.

Акрамя абардажаў і іншай марской тэматыкі, у гульні зьявіцца новая фракцыя, якая шмат у чым натхнёная вікінгамі! Разам зь ёй, для дасьледаваньня стануць даступныя новыя прыбярэжныя рэгіёны з выспамі й гарадамі.

Рэліз DLC адбудзецца 17 чэрвеня на PC, PlayStation 5 і Xbox X/S.

📢 Анансавана пераасэнсаваньне клясычнага шутэра Painkiller

3D Realms, Saber Interactive і студыя Anshar Studios абвясьцілі аб адраджэньні леґендарнай Painkiller!

Новы Painkiller — гэта сучаснае пераасэнсаваньне культавай франшызы, якое ўключае анлайн-каапэратыў да трох гульцоў і магчымасьць гуляць у адзіночку. Дасьледуйце змрочныя гатычныя лякацыі, ваюючы з дэманічнымі полчышчамі й гіганцкімі пачварамі.

Толкам аб гульні анічога не вядома.
Ґеймерам расказалі толькі, што ў каапэратыве, можна будзе гуляць за адно з чатырох пэрсанажаў — Інк, Войд, Сол і Рок, і ў кожнага зь іх будуць свае ўнікальныя здольнасьці!

Шутэр ствараюць для PS5, Xbox Series і PC, а рэліз чакаецца ўвосень.

📢 Сімулятар жыцьця inZOI выйшаў у раньні доступ

"Кожнае жыцьцё становіцца гісторыяй» Стварыце сваю ўнікальную гісторыю, кіруючы й назіраючы за жыцьцём «Inzoi». Наладжвайце пэрсанажаў і будуйце дамы, выкарыстоўваючы простыя інструмэнты inZOI, каб пражыць жыцьцё сваёй мары!"

Паважаныя Аўтары!

Момант, якога вы чакалі, нарэшце настаў!
Гульня inZOI афіцыйна выйшла ў раньнім доступе 28 сакавіка ў 00.00 UTC.
Але гэтае толькі пачатак!
Цяпер, калі гульня афіцыйна запушчана, мы запрашаем вас унесьці свой уклад у яе разьвіцьцё.
Зь нецярпеньнем чакаем вашых водгукаў і ідэй, якія дапамогуць нам будаваць сьвет inZOI.
Кожнае жыцьцё — гэта цэлая гісторыя. Пачніце свой унікальны шлях ужо сёньня ў inZOI!
— Каманда inZOI.

Пікавы онлайн inZOI складае амаль 61 000 чалавек і працягвае расьці. У навінкі ёсьць шанец абагнаць па гэтым паказчыку The Sims 4!
Гульцам падабаецца новы сімулятар, аднак многія адзначаюць, што ён яшчэ пуставаты й мае патрэбу ў дапрацоўцы.

Кошт у Steam — $24.99

📰 Ubisoft знайшла спосаб выхаду з крызісу — паглыбленае супрацоўніцтва з кітайскай Tencent

Ubisoft абвясьціла аб стварэньні новага даччынага прадпрыемства з капіталам каля 4,3 мільярда даляраў, у якім 25% будзе належаць кітайскай карпарацыі Tencent, якая інвэстуе за гэтую долю 1,16 мільярда эўра. Угода будзе завершана да канца 2025 году.

Новая кампанія будзе валодаць ліцэнзіямі на інтэлектуальную ўласнасьць папулярных гульнявых франшызы, такіх як Assassin Creed, Far Cry і Tom Clancy Rainbow Six. У актывы кампаніі ўвойдуць каманды, якія працуюць над гэтымі гульнямі.

Сёньня Ubisoft адкрывае новы разьдзел у сваёй гісторыі. Гэта асноўны крок у зьмене апэрацыйнай мадэлі Ubisoft, які дазволіць нам быць адначасова гнуткімі й амбіцыйнымі.
Інвэстыцыі ў памеры 1,16 мільярда эўра прынясуць карысьць ўсёй кампаніі Ubisoft.
Мы зможам вярнуць сабе кантроль над нашай будучыняй і аднавіць працу са спакоем, неабходным для стварэньня лепшых гульняў
— Ґенэральны дырэктар Ubisoft Іў Гійма

Няхай угода й выглядае цікава для Ubisoft, звычайныя супрацоўнікі (асабліва не занятыя ў вышэй названых буйных франшызах), сурʼёзна асьцерагаюцца за будучыню, бо кадравыя перастаноўкі й зьмены штата непазьбежныя.

📢 Chucklefish праз доўгі час паказалі першы трэйлер чароўнага сімулятара Witchbrook

Witchbrook — гэта наша любоўнае пасланьне аб удумлівым жыцьці, ціхай магіі павольных момантаў і сувязях, якімі мы дзелімся адзін з адным і сьветам вакол нас. Незалежна ад таго, ці дасьледуюць гульцы сьвет у адзіночку ці падзяляюць прыгода зь сябрамі, мы спадзяемся, што Witchbrook стане месцам для адпачынку й стварэньня працяглых успамінаў.

Гульня адправіць Вас у ажыўлены прыморскі горад Масспорт, дзе гульцоў чакае шмат новых сустрэч, магчымасьць завесьці сяброўства, а таксама сама розныя занятки. Але галоўным будзе вучоба ў магічным каледжы: урокі, хатнія заданьні, іспыты, складаныя рытуалы й новыя магчымасьці ведзьмаўства!

Witchbrook выходзіць гэтай зімой на PC, Xbox і Nintendo Switch.
У гульні будзе каапэратыў (да 4-х гульцоў).

Распрацоўчыкі Tales of Meadows працягваюць падаграваць інтарэс аўдыторыі да свайго тайтла, і выкацілі трэйлер з беларускай лакалізацыяй🔥
+100 да атмасферы
Чакаем і будзем спадзявацца, што якаць самой гульні будзе такой жа добрай як і агучка.
Belgaming