📢 Hollywood Animal ізноў перанесьлі

Распрацоўнікі са студыі Weappy ізноў адклалі старт свайго новага праекту пра кіноіндустрыю. Цяпер замест лютага гульня выйдзе 10 красавіка.

Аўтары заявілі, што вырашылі пачакаць з выхадам гульні, каб палепшыць розныя яе элемэнты, а таксама выправіць як мага больш хібаў.
Як адзначылі ў студыі, адна з прычын пераносу, гэта тое, што ў наступным месяцы выйдзе мноства буйных тайтлаў, зь якімі праекту будзе складана канкураваць.

Больш падрабязна пра новую гульню беларускіх распрацоўшчыкаў (якая, дарэчы, на старце афіцыйна перакладзеная на беларускую мову) можна паглядзець тут.

📰 Alan Wake 2 не выпусьцяць у Steam

Пра гэта паведаміў кіраўнік Epic Games Цім Суіні ў размове з карыстальнікам плятформы, які задаў кіраўніку пытаньне на прамую.

Цім Суіні адказаў прама — Alan Wake 2 не патрапіць у Steam і застанецца эксклюзівам Epic Games Store на РС.
Пазьней гэтую інфармацыю пацьвердзіла выданьне 80 Level, таксама паразмаўляўшы з Суіні.

Дадзенае рашэньне ў цэлым лагічнае, бо па словах распрацоўшчыкаў з Remedy, у Alan Wake не павінна было быць працягу з-за слабых продажаў і другой частцы, фанаты абавязаны менавіта Epic Games Publishing.
Дарэчы, не гледзячы на ​​тое, што Alan Wake 2 прадаецца горш за ўсе гульні Remedy, яна так і не пачала прыносіць прыбытак (хаця на сёньняшні дзень сытуацыя ўжо магла зьмяніцца).

📢 У гонар 25 годзьдзя The Sims EA выпусьціла перавыданьне клясычных гульняў (спойлер — гульцам не спадабалася)

У гонар 25-годзьдзя франшызы The Sims,
Electronic Arts выпусьціла перавыданьне першых двух культавых частак франшызы, разам з усімі дапаўненьнямі й малымі падарункамі для чацьвёртай часткі («The Sims 4 Уборы зь мінулага» з The Sims і «The Sims 4 Вяртаньне гранжу» з The Sims 2).

The Sims Спадчына з усімі двума гульнямі можна набыць за $40, па асобнасьці The Sims – $20; The Sims 2 — $30.

Перавыданьне першай гульні было сустрэта станоўча, а вось другая частка, выклікала буру нэґатыва (што не дзіўна, улічваючы, што менавіта гэтая частка, у многіх, застаецца самай любімай)!

Незадаволеныя ґеймеры кажуць наступнае:

Сурʼёзна, і гэта вы называеце перавыданьнем? Гульня па-ранейшаму вылятае на Windows 10 і 11. Наогул не разумею гэтага. Адзінае, што толькі ўнутры нармальна можна ґрафіку рэдагаваць. Гэта не перавыданьне, а плявок фанатам гульні й за гэта марнаваць крэўныя грошы? Вельмі шкадую аб пакупцы. І не раю.

Ніякіх выпраўленьняў ці чагосьці яшчэ, проста перавыпуск дзеля грошай. Сьмешна, гэтае сьмецьце да 25-годзьдзя? У гэтае перавыданьне EA ўклала столькі ж намаганьняў і якасьці, колькі й ва ўсё іншае за апошнія гады.

📢 Сімулятар манаха-бровара Ale Abbey хутка выйдзе ў раньні доступ

Будуйце манастыр, распрацоўвайце рэцэпты й варыце сьвятыя элі ва ўнікальным сімулятары бровара. У Ale Abbey няма гатовых рэцэптаў! Піўныя альхімікі цалкам вольныя ў сваіх дзеяньнях. Усё проста: зварыць, выпіць, паўтарыць. Сардэчна запрашаем у наша абацтва!

У Ale Abbey гульцам трэба будзе ўзяць на сябе кіраваньне цэлым абацтвам, якое займаецца варэньнем піва. У працэсе праходжаньня трэба будзе глыбока вывучыць мясцовую эканоміку, адкрываць рэцэпты, праводзіць дасьледаваньні, паляпшаць абсталяваньне й шматлікае іншае!

Гульня выйдзе ў раньні доступ на PC ужо 18 лютага!

🗣 Neverwinter Nights 2 можа атрымаць рэмайстар

Карыстальнікі плятформы Steam зьвярнулі ўвагу на зьяўленьне ў базе дадзеных крамы, старонкі Neverwinter Nights 2: Enhanced Edition.
З наяўнай інфармацыі вядома, што старонка створана 11 лютага, гульня будзе важыць 36 ГБ, атрымае падтрымку сямі моваў, а таксама будзе сумяшчальная са Steam Deck.

За распрацоўку адказвае студыя Aspyr Media (якая, дарэчы, у 2022 годзе набыла студыю Beamdog — аўтараў шматлікіх рэмайстраў олдавых гульняў, да прыкладу Baldurʼs Gate, Icewind Dale, Neverwinter Nights і інш.)

З усёй гэтай інфармацыі, можна выказаць здагадку, што хуткім часам, нас можа чакаць навіна аб рэлізе рэмайстра култавай RPG!

Нагадаем, арыґінальная Neverwinter Nights 2 была створана Obsidian Entertainment ва ўжо далёкім 2006-м годзе! Гэта клясычная RPG па сыстэме Dungeons & Dragons 3.5, дзеяньне якой разгортваецца ў сусьвеце Forgotten Realms.

📰 Crytek спыніла распрацоўку новай Crysis і скараціла штат супрацоўнікаў

Студыя Crytek нечакана паведаміла, што прыняла рашэньне звольніць каля 15% супрацоўнікаў (у студыі працуе 400 чалавек). Скарачэньне закране ўсе аддзелы кампаніі. Віной гэтаму — "неспрыяльная дынаміка" у гульнявой індустрыi, якая перашкаджае фінансавай стабільнасьці.

Таксама каманда паведаміла, што распрацоўка Crysis 4 была прыпынена. Гэта адбылося яшчэ ў чацьвёртым квартале 2024 году. У Crytek жадаюць сфакусавацца на сваім іншым шутэры — Hunt: Showdown 1896. Ён "усё яшчэ расьце" і дазваляе распрацоўнікам верыць у сьветлую будучыню.

Кіраўніцтва Crytek запэўнівае, што звольненых супрацоўнікаў не пакінуць на волю лёсу, выплаціўшы ім выходныя дапаможнікі й забясьпечыўшы дапамогу ў карʼерным росьце.

📢 Распрацоўнікі Game of Thrones Kingsroad паказалі баі зь мітычнымі стварэньнямі

Паўднёвакарэйская кампанія Netmarble прадставіла сьвежы трэйлер гульні Game of Thrones: Kingsroad, натхнёнай, у першую чаргу, сэрыялам "Гульня тронаў" ад HBO, па матывах цыклу "Песьні лёду й полымя" Джорджа Мартына.

Новы ролік дэманструе баі з такімі істотамі як грыфон, цмок, аднарог, базыліск і ледзяны павук!

Распрацоўнікі расказваюць, што кожны супернік будзе сустракацца ва ўнікальнай лякацыі: напрыклад, базыліскі — у пустыні, а ледзяныя павукі — у сьнежных пячорах.

Нагадаем, што гульня была паказана ў рамках The Game Awards 2024, дзе карэйскія распрацоўшчыкі паабяцалі велізарны адкрыты сьвет і мноства магчымасьцяў!

На дадзены момант Game of Thrones: Kingsroad анансаваная толькі для плятформаў Android, iOS і Windows, а дакладная дата рэлізу не вядома.

📢 Распрацоўнікі Lies of P анансавалі прыквел

Стваральнікі нашумелага soulslike-экшэна Lies of P анансавалі прыквел да гульні, з падзагалоўкам Overture, які будзе распаўсюджвацца ў якасьці DLC для асноўнай гульні.

Lies of P Overture — гэта драматычны прыквел да вядомай ролевай гульні ў жанры soulslike, Lies of P. Ён перанясе вас у горад Крат у яго апошнія дні чароўнай прыгажосьці эпохі Belle Époque канца 19-га стагодзьдзя. У гэтым Лялечным варʼяцтве вы будзеце ісьці па сьледзе леґендарнага Сталкера — таямнічага правадніка — празь невыказаныя гісторыі й страшныя сакрэты!

Рэліз адбудзецца ўжо сёлета!

📰 Ubisoft анансавала прэзентацыю Rainbow Six Siege X

Ubisoft анансавала прэзентацыю Rainbow Six Siege X, прысьвечаную "новай эпохе" Tom Clancyʼs Rainbow Six Siege. Яна пройдзе 13 сакавіка, а 20:00 паводле Менскага часу!

Каманда R6 працавала не пакладаючы рук, каб увасобіць самую маштабную ў гісторыі гульні трансфармацыю. Яна заклікана ўмацаваць становішча Rainbow Six на вяршыні тактычных шутэраў ад першай асобы, прадставіўшы новыя спосабы гульні, паглыблены тактычны ґеймплэй, палепшаныя адчуваньні ад гульні й буйныя ґлябальныя зьмены!

Надыходзячы сэзон (1 сэзон 10 году падтрымкі) атрымаў назву Operation Prep Phase, а новым апэратыўнікаў стане Rauora з Новай Зэляндыі. Гераіня паходзіць з народу маоры, працуе ратаўніцай на валянтэрскай аснове й захапляецца рэгбі.