📰 Microsoft пачала дадаваць старыя Call of Duty у сваю краму

У сеціве зьвярнулі ўвагу на зьяўленьне ў Microsoft Store старых гульняў серыі Call of Duty, у прыватнасьці:

🛑Call of Duty 2;
🛑Call of Duty 4: Modern Warfare;
🛑Call of Duty: United Offensive.

Што спарадзіла мноства абмеркаваньняў у гульнявой супольнасьці. Геймеры й журналісты ўпэўненыя, што гэта паўнавартасны намёк на зьяўленьне тайтлаў у падпісцы Game Pass. Падобная сытуацыя была са зборнікам Spyro Reignited Trilogy — яго старонка ў Microsoft Store зьявілася ў красавіку, а ў Xbox Game Pass яго дадалі ў лістападзе.

У любым выпадку ні Microsoft, ні Activision пакуль нічога афіцыйна не пацьвярджалі, не выключана, што анансуюць нешта падобнае, на The Game Awards ужо 13 сьнежня.

📰 The Witcher 4: усё, што вядома на бягучы момант

CD Projekt RED анансавала сваю новую адзіночную RPG з адкрытым сьветам у сусьвеце Анджэя Сапкоўскага, выклікаўшы хвалю абмеркаваньняў у ґеймерскай супольнасьці.
Сабралі ў дадзеным артыкуле ўсё, што вядома на дадзены момант:

🛑Кіруе распрацоўкай Себастыян Калемба, які раней займаўся анімацыяй у «Ведзьмару 3» і Cyberpunk 2077;
🛑Новы гульнявы ​​сьвет будзе па ранейшаму адкрытым, але будзе адрозьнівацца ад мінулай гульні значна больш змрочным антуражам;
🛑Цэнтральнай фігурай стане Цыры, якая праходзіць шлях ведзьмара, пакуль вакол разбураецца звыклая рэальнасьць;
🛑У гульні будзе значна больш рашэньняў, якія акажуць каласальны ўплыў як на лякальныя месцы, так і на гульнявы ​​сьвет у цэлым;
🛑Дзеяньне разгорнецца празь некалькі гадоў пасьля падзеяў трэцяй часткі;
🛑Геральт будзе пэрыядычна зьяўляцца ў гульнявых падзеях;
🛑Цыры атрымае новыя загаворы й баявыя мэханікі;
🛑Мэдальён які раней мільгаў у анонсах Project Polaris — гэта мэдальён школы рысі.

Дата рэлізу не называецца.

🧦Цяпер у Epic Games Store можна бясплатна забраць: TerraTech

TerraTech — гэта прыгодніцкая пясочніца з адкрытым сьветам, дзе вам трэба будзе праектаваць і будаваць, крафціць, удзельнічаць у бітвах і дасьледаваць. Прыдумляйце праекты аўтамабіляў, танкаў і самалётаў зь бібліятэкі блёкаў. Зьбірайце абломкі, стварайце й купляйце новыя дэталі, каб выжыць і стаць лепшым плянэтарным старацелем.
Распрацоўнік — Payload Studios (Вялікабрытанія).

❗️Забраць гульню можна да 19:00 па Менску.

🎮 Два DLC для To the Moon выйшлі ў рэліз на PlayStation 5

Распрацоўнікі To the Moon выпусьцілі дзьве часткі дапаўненьня Sigmund Minisode на PlayStation 5!
Іх кошт складае 2,99 і 1,99 даляра.

Sigmund Minisodes расказваюць дзьве кранальныя калядныя гісторыі пра дактароў Еву Разалін і Ніла Ўотса, закранаючы асабістыя цяжкасьці, загадкавыя таямніцы й этычныя дылемы, зь якімі сутыкаюцца лекары карпарацыі «Зігмунд».

Нагадаем, To the Moon — прыгодніцкая кампутарная гульня з элемэнтамі візуальнага рамана, распрацаваная канадзкай незалежнай студыяй Freebird Games і выпушчаная для плятформы Windows у лістападзе 2011 году ганаравалася самымі рознымі ўзнагародамі — крытыкі хвалілі сюжэт і музыку гульні, асоба адзначаючы сурʼёзнасьць тэмы, якую падымае сюжэт.
Гульня была намінаваная на шэраг узнагарод, у прыватнасьці, атрымаўшы ўзнагароду "Лепшы сюжэт" ад сайта GameSpot.
У наступныя гады To the Moon неаднаразова называлі ўзорам кампутарнай гульні як твора мастацтва.

🧦 Цяпер у Epic Games Store можна бясплатна забраць: Wizard of Legend

Wizard of Legend — гульня аб імклівых паходах у падзямельля з упорам на дынамічныя бітвы й магію. Не пазяхайце, рухайцеся й чаруйце! Хутка ствараючы загаворы, вы зможаце ўвязваць іх у ланцужкі й ужываць гэтыя разбуральныя спалучэньні супраць ворагаў!
Распрацоўнік — Contingent99 (ЗША).

❗️Забраць гульню можна да 19:00 па Менску.

Вітаначкі! Паглядзіце, што зрабіў. Пераасэнсаваў тое, з чаго год таму пачынаўся гэты ютуб канал, тое самае відэа аб гульнях, якія на мой погляд асацыююцца з каляднымі святамі ☺️

Belgaming

🎄 Ад імя ўсёй нашай рэадкцыі, віншуем вас з надыходзячымі Калядамі!
Жадаем здароўя, шчасьця й ажыцьцяўленьня ўсіх мараў!

🧦 Цяпер у Epic Games Store можна бясплатна забраць: DREDGE

DREDGE — гэта адзіночная гульня, у якой вам трэба лавіць рыбу й раскрываць злавесныя таямніцы глыбінь. Прадавайце ўлоў, паляпшайце сваё судна й прачэсвайце дно ў пошуках даўно пахаваных сакрэтаў. Вывучыце таямнічы архіпэляг і даведайцеся, чаму пра некаторыя рэчы лепш не ўспамінаць.
Распрацоўнік — Black Salt Games (Новая Зеландыя).

❗️Забраць гульню можна да 19:00 па Менску.

🧦 Цяпер у Epic Games Store можна бясплатна забраць: Control

Control — разбуральная прысутнасьць захапіла Фэдэральнае бюро кантролю... Толькі вы ў сілах спыніць яго. Увесь сьвет становіцца вашай зброяй у ґрандыёзнай бітве са злавесным ворагам у шматмерных непрадказальных умовах. Палітыка стрымліваньня правалілася, на мапу пастаўлена жыцьцё чалавецтва. Вы зможаце аднавіць кантроль?

Распрацоўнік — Remedy Entertainment (Фінляндыя).

❗️Забраць гульню можна да 19:00 па Менску.