📰 Зьявіліся першыя водгукі на S.T.A.L.K.E.R. 2

Нягледзячы на тое, што гульню некалькі разоў перанясьлі й у выніку выпусьцілі ў рэліз зь вялікай колькасьцю нечаканых "анамалій" (багаў), гульня ўжо пасьпела атрымаць сярэднюю адзнаку ў 76 балаў на Metacritic.

У асноўным гульню хваляць за захаваньне той самай "зоны": цікавы адкрыты сьвет, калярытных пэрсанажаў й атмасфэру няветлівай але багатай на артэфакты ды прыгоды зоны.
Не спадабалася крытыкам вялікая колькасьць багаў ды праблемы з аптымізацыяй, якія (спадзяемся) будуць выпраўлены ў наступных абнаўленьнях.

Нажаль, набыць гульню ў сьціме зь беларускага рэгіёна немагчыма.

🏆 Сталі вядомы пераможцы прэміі Golden Joystick Awards 2024

Так, самымі грандыёзнымі пераможцамі сталі Final Fantasy 7: Rebirth і Helldivers 2 .

Final Fantasy 7: Rebirth перамагла ў чатарох зь сямі намінацый, а менавіта: "Лепшае апавяданьне", "Лепшы саўндтрэк" і "Лепшы выканаўца галоўнай ролі" для актора Кодзі Крысьціяна ў ролі Клаўда і "Лепшы выканаўца другога пляна" для Брыяны Ўайт ў вобразе Айрыс.

Між тым, Helldivers забрала тры зь пяці намінацый — "лепшую шматкарыстальніцкую гульню", "лепшы трэйлер" і "кансольную гульню году", а таксама гульня атрымала дадатковую спэцыяльную ўзнагароду ад крытыкаў.

Іншы галоўны намінант, Astro Bot, атрымала дзьве награды — "лепшы аўдыядызайн" і "студыя году" для Team Asobi.

Самую "вялікую" узнагараду вечара атрымаў Black Myth: Wukong, які выйграў у намінацыі "Гульня году". Гульня таксама перамагла ў намінацыі "Лепшы візуальны дызайн".

З поўным сьпісам пераможцаў можна азнаёміцца на сайце.

📰 World of Warcraft можа атрымаць яшчэ адну кінаадаптацыю

Па словах выканаўчай прадусаркі франшызы Холі Лонґдэйл, Microsoft актыўна ўключылася ў фармаваньне будучыні World of Warcraft, разглядаючы розныя варыянты пашырэньня сусьвету гульні за межы віртуальнага сьвету, у тым ліку не выключаючы магчымасьць вяртаньня да ідэі другога фільма:

Па словах Лонґдейл, посьпех сэрыяла Fallout ад Amazon і будучы фільм па Minecraft натхняюць Microsoft на адаптацыю іншых сваіх гульнявых франшызаў у сэрыялы й кіно. Аднак, як адзначыў паэзідэнт Xbox па гульнявым кантэнце й студыям Мэт Буці, важна падыходзіць да такіх праектаў з асьцярожнасьцю й дбайнай прапрацоўкай!

Нагадаем, першая спроба экранізаваць сьвет Warcraft адбылася ў 2016 годзе. Фільм атрымаў зьмешаныя водгукі й зарабіў у пракаце больш за 439 млн. долараў (на стварэньне было выдаткавана 160 млн).

💬 Чуткi: Ubisoft працуе над гульнёй у духу Animal Crossing

Інсайдэр Том Хендэрсан паведаміў, што Ubisoft Montreal, ужо паўгода працуе над новай гульнёй, пад кодавым назовам Alterra.

Як кажуць крыніцы, Alterra будзе сацыяльным сімулятарам у духу серыі Animal Crossing. Гульцы будуць жыць на выспе бок аб бок зь негульнявымі пэрсанажамі, маючы зносіны зь імі й наладжваючы ўзаемадзеяньне. Яны таксама змогуць пакідаць востраў, наведваючы іншыя сусьветы, якія складаюцца з розных біёмаў.
Там яны знойдуць розныя рэсурсы, ворагаў і іншых гульцоў.
Таксама паведамляецца, што ў гульні будзе будаўніцтва ў духу Minecraft.

Больш падрабязнасьцяў павінна будзе зьявіцца хуткім часам

Жадаеце быць у курсе самых свежых навін і цікавых фактаў аб штучным інтэлекце? 🧐⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Далучайцеся да Telegram-каналу BELAI, дзе вы даведаецеся пра сучасныя тэхналогіі AI іх уплыў на наша жыццё і будучыню. ⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Будзьце ў курсе сучасных інавацый і перспектыў, якія адкрываюцца перад намі дзякуючы развіццю штучнага інтэлекту. ⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Далучайцеся да BELAI ужо сёння і станьце часткай захапляльнага свету тэхналогій!⁣⁣⠀⁣⁣⠀⁣⁣⠀⁣⁣⠀⁣⁣⠀
⁣⁣⠀
https://t.me/+ONYTKiTCs8o5Zjhi

☢️GSC Game World прадставілі першы патч для S.T.A.L.K.E.R. 2: Heart of Chornobyl

Патч 1.0.1 важыць амаль 14 гб, і мусіць выправіць больш за 650 памылак рознага колеру. Выпраўленьні патча павінны закрануць, сярод іншага, шматлікія памылкі з ШІ, аптымізацыю, гульнявы балянс (у тым ліку, з коштамі ў крамах) ды балянс у баях (асабліва з мутантамі).

📰 Надыходзіць нешта вялікае? Rockstar абнавіла YouTube-плэйліст з трэйлерам GTA 6

Сьнежань 2023-га году ўзрушыў гульнявую супольнасьць выхадам дэбютнага трэйлера Grand Theft Auto VI, які быў зьліты ў сеціва 5 сьнежня.
Амаль праз год Rockstar зноў выклікала хвалю ўзбуджэньня ў ґеймераў, абнавіўшы схаваны YouTube-плэйліст з трэйлерам Grand Theft Auto 6.

Дакладна сказаць, ці зьяўляецца гэта чымсьці рэальна значным цяжка, аднак у сеціве ўжо ва ўсю рыхтуюцца да патэнцыйных навін.
Трымаем вас у курсе падзеяў!

Нагадаем таксама, што Grand Theft Auto 6 рыхтуецца да рэлізу ўвосень 2025 году на PS5 і Xbox Series.

📰 Ubisoft прадставіла новае інтра для гульняў у франшызе Assassin's Creed

Выканаўчы прадусар серыі Assassinʼs Creed Марк-Алексіс Кето, выступаючы на ​​цырымоніі BAFTA прадставіў новае інтра для ўсіх будучых гульняў серыі Assassinʼs Creed, якое будзе адлюстроўваць 17-і гадовую спадчыну франшызы!

Ролік уяўляе сабой дэманстрацыю ключавых герояў серыі з розных частак (акрамя Syndicate), якія застылі ў «скачку Веры». Тут можна ўбачыць Альтаіра зь першай часткі й Эдварда Кенуэя з Black Flag. Па словах аўтараў, адна з мэт інтра — паказаць, што мінулае, сучаснасьць і будучыня ўсёй серыі бесьперапынна зьвязаны.

Першай гульнёй, дзе можна будзе ўбачыць абнаўленьне, стане скандальная Assassinʼs Creed Shadows, рэліз якой адбудзецца 14 лютага 2025 году, на PC, PlayStation 5 і Xbox Series.

🔥 Спадарства, прапануем вам беларускамоўны канал "ВЕРАШЧАКА" пра Беларусь, пра беларусаў і пра нашу людскасць.

👉 Часам можа быць крыху палітыкі і крытыкі, але толькі з гумарам і доляй сарказму.

🌶 Для таго і назвалі канал "Верашчака", каб было смачна, сытна і трохі сквірчэла на патэльні.

🔥 Галоўная мэта канала - папулярызацыя беларускай мовы і пачуцця годнасці за наш беларускі свет!

🤗 Далучайся! Разам весялей!

https://t.me/verashchaka_by

📢 Warhorse Studios апублікавала поўныя сыстэмныя патрабаваньні Kingdom Come: Deliverance II і зьмяніла дату рэлізу

Warhorse Studios апублікавала поўныя сыстэмныя патрабаваньні Kingdom Come: Deliverance II (іх вы можаце бачыць вышэй), а гэтак жа абвясьціла аб зьмене ў даце рэлізу (але гэта добрая навіна).

Распрацоўнікі прынялі рашэньне перанесьці рэліз на тыдзень таму — замест 11 лютага гульня выйдзе 4 лютага!

Нагадаем, што рэліз новай Kingdom Come адбудзецца на PS5, Xbox Series і PC.

🎁 Цяпер у Epic Games Store можна бясплатна забраць: Bus Simulator 21 Next Stop

Bus Simulator 21 Next Stop — у Bus Simulator 21 Next Stop даступна 30 ліцэнзаваных аўтобусаў. Самы буйны й прасунуты аўтобусны парк у серыі. Пракоціцеся па двух мапах у адзіночку ці з адным. Карыстайцеся прасунутай сыстэмай адміністраваньня ці проста забаўляйцеся.
Распрацоўнік — stillalive studios (Аўстрыя).

Акрамя гэтага, зараз аддаюць LEGO STAR WARS SKAYWALKER SAGA, але яна недаступна ў Беларусі.

❗️Забраць гульні можна да 12 сьнежня.

🗓9 сьнежня ў рэліз выйшла Indiana Jones and the Great Circle

Прыгода пра легендарнага Індыяна Джонса мае вельмі станоўчыя водгукі ў Steam, а таксама высокія адзнакі ад крытыкаў на Metacritic (на дадзены момант — 87 балаў із 100). Уладальнікі прэміяльнага выданьня змаглі ацаніць гульню на некалькі дзён раней.

Нагадаем, дзеяньня Indiana Jones and the Great Circle адбываюцца паміж двумя фільмамі — "У пошуках страчанага каўчэга" і "Апошні крыжовы паход".

Раскрыйце адну з найвялікшых таямніц гісторыі ў прыгодзе ад першай асобы для аднаго гульца. Надышоў 1937 год, злавесныя сілы рыскаюць па сьвеце ў пошуках сакрэту старажытнай сілы, зьвязанай зь Вялікім Кругам, і толькі адзін чалавек можа іх спыніць — і гэта Індыяна Джонс.

⚡️DevolverDigital, вядомая па выданьню галаваломак The Talos Principle і The Talos Principle II, анансавала рэмастар/рэмэйк першай часткі.

Вярніцеся ў сьвет загадкавых галаваломак, філязофскіх інтрыг і захапляльных візуальных эфэктаў з The Talos Principle: Reawakened.

The Talos Principle: Reawakened прадстаўляе новы кантэнт, палепшаны геймплэй і шыкоўна абноўленае падаваньне.

"Пераасэнсаваньне" першай гульні павінна выйсьці ў 2025 годзе на ПК, PS5, та Xbox Series.

Нагадаем, другая і апошняя на сёньняшні дзень частка The Talos Principle II выйшла 2-га лістапада 2023 году, і мела вельмі станоўчыя водгукі як ад гульцоў, так і ад крытыкаў. Дапаўненьне Road to Elysium выйшла 14 чэрвеня 2024 году, і таксама было цёпла прынята аўдыторыяй.

Навуковая прэмія ад супольнасці Pamyłka, або «Бізон Гіґс – 2024» стартуе!

«Бізон Гіґс» – прэмія супольнасці беларусаў для беларускіх навукоўцаў у галіне натуральных, дакладных навук, або навук пра Зямлю. Тут кожны можа ўзяць удзел – ці як навуковец, ці як той, хто падтрымлівае*.

У прэміі можна прыняць удзел як мінімум трыма спосабамі:

Першы. Заявіць беларусаў, якія працуюць у галіне навукі і нечага дасягнулі ці бяруць удзел у чымсьці, на ваш погляд, важным? Важнасць абірае любы беларус і заяўляе навукоўца!

Другі. Прызавы фонд фармуецца цалкам з унёскаў супольнасці навукоўцаў і прыхільнікаў. Там кожны грамадзянін можа падтрымаць Прэмію фінансава на баймікофі ці на Гронцы

Трэці спосаб. У адпаведны ў графіку час з’явіцца спіс намінантаў. Тут можна будзе прагаласаваць за свайго навукоўца.
Графік**
Крок 1. Лістапад – снежань 2024. Збіраем грошы на прэмію.
Крок 2. Снежань 2024. Прымаем заяўкі на намінантаў.
Крок 3. Студзень – люты 2025. Галасуем за заяўленых асобаў.
Фінал. 15 сакавіка 2025. Узнагарода пераможцы(аў). Дэталі будуць на нашых старонках!

*Рэгламент прэміі – у Pamyłka № 3.

**Наогул гэта ідэальны графік, мы будзем кіравацца зацікаўленасцю беларусаў і намагацца ўсё зрабіць па заяўленаму графіку.

Нашыя старонка ў інсце.