📢 Capcom анансавала мабільную Monster Hunter Outlanders

«Monster Hunter Outlanders — гэта гульня на выжываньне ў адкрытым сьвеце, дзеяньне якой адбываецца ў сусьвеце Monster Hunter. Мы імкнемся стварыць мабільную гульню, якая дазволіць атрымліваць асалоду ад гульні зь сябрамі ў серыю Monster Hunter у любы час і ў любым месцы!

На дадзены момант вядома, што гульня будзе бясплатнай, з наяўнасьцю нутрагульнявых пакупак.
Гуляць можна як аднаму, так і зь сябрамі.

Дата рэлізу не называецца.

На афіцыйным сайце, можна пакінуць свой адрас электроннай пошты, для атрыманьня інфармацыі аб гульні й атрыманьні магчымасьці ўдзелу ў беце (калі, вядома, гульня ня будзе "вынята" распрацоўнікамі з рынку Беларусі).

📢 У рэліз выйшла новае пашырэньне для Hearts of Iron IV пад назовам Götterdämmerung

З гэтым ДЛС распрацоўнікі прадставілі новыя шляхі разьвіцьця Нямеччыны, Вугоршчыны, Бэльґіі, Конга й Аўстрыі, увялі мэханікі "спэцыяльных праектаў", "рэйдаў" і перапрацавалі дзейнасьць ядзернай зброі.

Таксама новаўвядзеньнем можна назваць і шлях распаўсюджваньня пашырэньняў — набываючы першы Expansion Pack, вы атрымліваеце ня толькі само DLC зараз, але й будучыя дапаўненьні. Імі стануць Graveyard of Empire, што выйдзе ў першым квартале 2025 году й абяцае перапрацаваць і пашырыць такія краіны Бліжняга Ўсходу як Аўганістан, Іран і іншыя, і Prototype Vehicles у трэцім квартале таго ж году, што абяцае перапрацаваць і дапоўніць мадэлі мегапраектаў.

🎁 Цяпер у Steam можна бясплатна забраць: Half-Life 2

Half-Life 2 — гулец зноў паднімае манціроўку навукоўца-дасьледчыка Гордана Фрымена, які выяўляе сябе на паводненай чужынцамі Зямлі, рэсурсы якой імкліва спусташаюцца, а насельніцтва выраджаецца. Фрыману навязана непазьбежная роля выратавальніка чалавецтва ад таго зла, якое ён выпусьціў на волю ў Чорнай Мезе. І вельмі многія дарагія яму людзі спадзяюцца на яго!
Распрацоўнік — VALVE (ЗША)

❗️Забраць гульню можна да 18 лістапада.

Спадарства! Мы (група аўтараў беларускага кантэнту ў ТГ) рады прадаставіць вам адноўленую папку «Кантэнт 2.0».
Дапрацаваны спіс годных паблікаў на самыя розныя тэмы: мемы, этнаграфія, архітэктура, сэкс-асвета і шмат чаго яшчэ.
Давайце разам падтрымліваць годны беларускамоўны кантэнт!

https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi
https://t.me/addlist/u20xYPjfRV9hNjVi

Калі нехта жадае далучыцца да падборкі зьвяртайцеся сюды ў "Прышпільныя коміксы": @pryshpilny_bot

📢 Сталі вядомы намінацыі прэміі The Game Awards 2024

За намінацыю "лепшая гульня году" пазмагаюцца:

➖Astro Bot
➖Balatro
➖Black Myth: Wukong
➖Elden Ring: Shadow of the Erdtree
➖Final Fantasy VII Rebirth
➖Metaphor: ReFantazio

Зь іншымі намінацыямі можна азнаёміцца на сайце

📰 Ці можа DLC быць гульнёй году

Ці можа DLC быць гульнёй году? Такім пытаньнем задалося велізарнае мноства ґеймераў па ўсім сьвеце, пасьля нядаўняга абвяшчэньня сьпісаў намінантаў на званьне «Гульні году», дзе сярод паўнавартсаных гульняў, схавалася DLC Shadow of the Erdtree для Elden Ring.
Некаторыя лічаць, што гэтакае маштабнае DLC суцэль можа прэтэндаваць на званьне GOTY, але іншыя так ня думаюць:

Elden Ring — узрушаючая гульня, але яна ўжо атрымала сваё прызнаньне. Шкада, што яе DLC ізноў патрапіла ў намінацыі. Іншыя гульні, такія як Silent Hill 2 ці Stellar Blade, маглі б атрымаць дадатковую ўвагу дзякуючы намінацыі.

Як DLC наогул можа быць намінавана на ўзнагароду "Гульня году"?

Гэта проста сьмешна, што DLC для Elden Ring у сьпісе, а Silent Hill 2 — не.

Elden Ring стане першай гульнёй, якая двойчы возьме тытул "Гульні году" — заслужана.

Нагадаем, юбілейная дзясятая цырымонія ўручэньня The Game Awards 2024 пройдзе ноччу 13 сьнежня.

❓Як вы лічыце, ці можа DLC заслужыць званьне GOTY?

📰 Інсайдэр: FromSoftware можа працаваць над рэмайстрам Dark Souls 3

Вядомы інсайдэр Нік Бэйкер (Shpeshal_Nick), у апошнім падкасьце Xbox Era, заявіў, што паводле яго дадзеных FromSoftware можа працаваць над рэмайстрам Dark Souls 3!

У цэлым, для студыі, гэта не першая падобная праца (раней іншыя гульні кампаніі гэтак жа атрымлівалі свае перавыданьні), таму, цалкам верагодна, што чуткі апынуцца праўдай.

📰 Blizzard ня бачыць неабходнасьці «перазапускаць» World of Warcraft

23 лістапада World of Warcraft будзе адзначаць свой 20 гадовы юбілей — за мінулыя гады культавая MMORPG атрымала мноства адонаў і абнаўленьняў, і як лічаць распрацоўнікі з Blizzard, думаць аб «перазапуску» гульні няма неабходнасьці, бо падмурак праекту пастаянна мяняецца:

Тэарэтычна, у нейкі аддалены момант мы можам сурʼёзна заняцца пытаньнем перазапуску. Але на дадзены момант у нас велізарная, дынамічная супольнасьць гульцоў, якой мы рады служыць!
— заявіў ґеймдырэктар WoW

У завяршэньні артыкула, крыху цікавай статыстыкі ад Blizzard, у гонар 30-і годзьдзя франшызы Warcraft — за час існаваньня сусьвету, па дадзеных распрацоўшчыкаў, з гульнямі пасьпела пазнаёміцца ​​254 мільёны чалавек! Сумарна, толькі ў адной World of Warcraft гульцы правялі больш за мільярд гадзін!

❓Ці памятаеце вы як пачыналася ваша вандоўка ў Азерот?

⚡️ Вітаем сябры!

Набліжаецца канец 2024 году й як водзіцца ў гульнявой індустрыі, супольнасьць ґеймераў падводзіць вынікі й узнагароджвае найлепшыя гульні й іх распрацоўнікаў!
У нашай рэдакцыі ўзьнікла ідэя правесьці сваё міні-ўзнагароджаньне (без узнагарод) для лепшых з лепшых!

Сёньня мы прапануем Вам паразважаць над катэгорыямі ў якіх у будучыні, мы разам з вамі будзем сутыкаць гульнявых мастадонтаў, у мала каму вядомым змаганьні за званьне "Лепшых гульняў па вэрсіі Беларускага ґеймера"!

Чакаем вашыя варыянты!

📰 Зьявіліся першыя водгукі на S.T.A.L.K.E.R. 2

Нягледзячы на тое, што гульню некалькі разоў перанясьлі й у выніку выпусьцілі ў рэліз зь вялікай колькасьцю нечаканых "анамалій" (багаў), гульня ўжо пасьпела атрымаць сярэднюю адзнаку ў 76 балаў на Metacritic.

У асноўным гульню хваляць за захаваньне той самай "зоны": цікавы адкрыты сьвет, калярытных пэрсанажаў й атмасфэру няветлівай але багатай на артэфакты ды прыгоды зоны.
Не спадабалася крытыкам вялікая колькасьць багаў ды праблемы з аптымізацыяй, якія (спадзяемся) будуць выпраўлены ў наступных абнаўленьнях.

Нажаль, набыць гульню ў сьціме зь беларускага рэгіёна немагчыма.

🏆 Сталі вядомы пераможцы прэміі Golden Joystick Awards 2024

Так, самымі грандыёзнымі пераможцамі сталі Final Fantasy 7: Rebirth і Helldivers 2 .

Final Fantasy 7: Rebirth перамагла ў чатарох зь сямі намінацый, а менавіта: "Лепшае апавяданьне", "Лепшы саўндтрэк" і "Лепшы выканаўца галоўнай ролі" для актора Кодзі Крысьціяна ў ролі Клаўда і "Лепшы выканаўца другога пляна" для Брыяны Ўайт ў вобразе Айрыс.

Між тым, Helldivers забрала тры зь пяці намінацый — "лепшую шматкарыстальніцкую гульню", "лепшы трэйлер" і "кансольную гульню году", а таксама гульня атрымала дадатковую спэцыяльную ўзнагароду ад крытыкаў.

Іншы галоўны намінант, Astro Bot, атрымала дзьве награды — "лепшы аўдыядызайн" і "студыя году" для Team Asobi.

Самую "вялікую" узнагараду вечара атрымаў Black Myth: Wukong, які выйграў у намінацыі "Гульня году". Гульня таксама перамагла ў намінацыі "Лепшы візуальны дызайн".

З поўным сьпісам пераможцаў можна азнаёміцца на сайце.

📰 World of Warcraft можа атрымаць яшчэ адну кінаадаптацыю

Па словах выканаўчай прадусаркі франшызы Холі Лонґдэйл, Microsoft актыўна ўключылася ў фармаваньне будучыні World of Warcraft, разглядаючы розныя варыянты пашырэньня сусьвету гульні за межы віртуальнага сьвету, у тым ліку не выключаючы магчымасьць вяртаньня да ідэі другога фільма:

Па словах Лонґдейл, посьпех сэрыяла Fallout ад Amazon і будучы фільм па Minecraft натхняюць Microsoft на адаптацыю іншых сваіх гульнявых франшызаў у сэрыялы й кіно. Аднак, як адзначыў паэзідэнт Xbox па гульнявым кантэнце й студыям Мэт Буці, важна падыходзіць да такіх праектаў з асьцярожнасьцю й дбайнай прапрацоўкай!

Нагадаем, першая спроба экранізаваць сьвет Warcraft адбылася ў 2016 годзе. Фільм атрымаў зьмешаныя водгукі й зарабіў у пракаце больш за 439 млн. долараў (на стварэньне было выдаткавана 160 млн).

💬 Чуткi: Ubisoft працуе над гульнёй у духу Animal Crossing

Інсайдэр Том Хендэрсан паведаміў, што Ubisoft Montreal, ужо паўгода працуе над новай гульнёй, пад кодавым назовам Alterra.

Як кажуць крыніцы, Alterra будзе сацыяльным сімулятарам у духу серыі Animal Crossing. Гульцы будуць жыць на выспе бок аб бок зь негульнявымі пэрсанажамі, маючы зносіны зь імі й наладжваючы ўзаемадзеяньне. Яны таксама змогуць пакідаць востраў, наведваючы іншыя сусьветы, якія складаюцца з розных біёмаў.
Там яны знойдуць розныя рэсурсы, ворагаў і іншых гульцоў.
Таксама паведамляецца, што ў гульні будзе будаўніцтва ў духу Minecraft.

Больш падрабязнасьцяў павінна будзе зьявіцца хуткім часам

Жадаеце быць у курсе самых свежых навін і цікавых фактаў аб штучным інтэлекце? 🧐⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Далучайцеся да Telegram-каналу BELAI, дзе вы даведаецеся пра сучасныя тэхналогіі AI іх уплыў на наша жыццё і будучыню. ⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Будзьце ў курсе сучасных інавацый і перспектыў, якія адкрываюцца перад намі дзякуючы развіццю штучнага інтэлекту. ⁣⁣⠀⁣⁣⠀⁣⁣⠀⁣⁣⠀
⁣⁣⠀⁣⁣⠀⁣⁣⠀⁣⁣⠀
Далучайцеся да BELAI ужо сёння і станьце часткай захапляльнага свету тэхналогій!⁣⁣⠀⁣⁣⠀⁣⁣⠀⁣⁣⠀⁣⁣⠀
⁣⁣⠀
https://t.me/+ONYTKiTCs8o5Zjhi

☢️GSC Game World прадставілі першы патч для S.T.A.L.K.E.R. 2: Heart of Chornobyl

Патч 1.0.1 важыць амаль 14 гб, і мусіць выправіць больш за 650 памылак рознага колеру. Выпраўленьні патча павінны закрануць, сярод іншага, шматлікія памылкі з ШІ, аптымізацыю, гульнявы балянс (у тым ліку, з коштамі ў крамах) ды балянс у баях (асабліва з мутантамі).

📰 Надыходзіць нешта вялікае? Rockstar абнавіла YouTube-плэйліст з трэйлерам GTA 6

Сьнежань 2023-га году ўзрушыў гульнявую супольнасьць выхадам дэбютнага трэйлера Grand Theft Auto VI, які быў зьліты ў сеціва 5 сьнежня.
Амаль праз год Rockstar зноў выклікала хвалю ўзбуджэньня ў ґеймераў, абнавіўшы схаваны YouTube-плэйліст з трэйлерам Grand Theft Auto 6.

Дакладна сказаць, ці зьяўляецца гэта чымсьці рэальна значным цяжка, аднак у сеціве ўжо ва ўсю рыхтуюцца да патэнцыйных навін.
Трымаем вас у курсе падзеяў!

Нагадаем таксама, што Grand Theft Auto 6 рыхтуецца да рэлізу ўвосень 2025 году на PS5 і Xbox Series.