📰 У Dragon Age: The Veilguard ня будзе павукоў

Мэнэджар па працы з супольнасьцю Dragon Age: The Veilguard расказаў адзін займальны факт аб будучай навінцы — у гульні ня будзе павукоў, а адпаведна й рэжыму для арахнафобаў.

Прычыны такога рашэньня не называюцца, аднак многіх ґеймераў растроіла адсутнасьць ворагаў такога роду, асабліва калі ўлічыць, што ва ўсіх папярэдніх частках франшызы павукі былі.

Рэліз Dragon Age: The Veilguard адбудзецца 31 кастрычніка на PC, PS5 і Xbox Series.
Агляды прэсы на гульню пачнуць зьяўляцца 28 кастрычніка

📰 Посьпех Baldurʼs Gate 3 ніяк не паўплывае на The Elder Scrolls VI

Галавакружны посьпех ролевай гульні Baldurʼs Gate III ня толькі здолеў адрадзіць цікавасьць да клясычных RPG, але й падштурхнуў шматлікія студыі ўводзіць у свае гульні розныя мэханікі Dungeons and Dragons! Аднак гульням Bethesda такое не пагражае, ва ўсякім разе так лічыць вэтэран індустрыі й вядучы дызайнэр Skyrim Брус Несьміт.

У інтэрвію VideoGamer Несьміт растлумачыў, што посьпех Larian — гэта "выключэньне" з гульнявых тэндэнцыяў апошняга дзесяцігодзьдзя. Распрацоўнікі Skyrim аддалі перавагу зьменшыць складанасьць мэханікі, каб зрабіць гульню даступнай мільёнам. І малаверагодна, што яны вырашаць пайсьці на адваротную, убачыўшы, што попыт на складаныя сыстэмы па-ранейшаму ёсьць.

Былы дызайнэр Bethesda запэўнівае, што Тод Говард заўсёды настойваў на «зьнікаючым» інтэрфейсе й іншым, што спрашчала б ня толькі інтэрфейс гульні але й яе мэханікі.

Таму, калі вы чакалі ад Elder Scrolls 6 глыбокія RPG элемэнты, складаныя мэханікі й варыятыўнасьць, то верагодна пра гэта можна забыць.

⚡️Сёньня 25 кастрычніка адбыўся рэліз Call of Duty: Black Ops 6

Першыя водгукі ў Steam (на дадзены момант іх больш за 600) зьяўляюцца пераважна станоўчымі.

Нагадаем, Call of Duty: Black Ops 6 мае як мультыплэерны рэжым (разам з агульналюбімым рэжымам "Zombie") так і сюжэтную кампанію, падзеі ў якой разварочваюцца на пачатку 90-х гадоў.

📰 У Paradox зрабілі высновы пасьля правалу Cities: Skylines II

Paradox Іnteractіve заявілі, што зрабілі высновы на фоне правальнага старту Cіtіes: Skylіnes ІІ — у студыі зразумелі, што гульцы сталі больш патрабавальныя да якасьці:

Мы бачым, што гульцы зараз, ва ўмовах абмежаванага бюджэту на гульні, маюць больш высокія чаканьні й менш памяркоўна адносяцца да таго, што распрацоўшчыкі з часам усё выправяць. Такое ў нас разуменьне.

Гульнявая індустрыя заўсёды заахвочвала пераможцаў. Некалькі гульняў зьбіраюць большую частку гульцоў, а амаль усе іншыя праекты хутка губляюць аўдыторыю. І гэта стала яшчэ больш прыкметным зараз, на працягу, мабыць, апошняй пары гадоў. Прынамсі, мы робім такія высновы па нашых гульнях і іншых праектах на рынку.

У Paradox Іnteractіve лічаць, што гульцы становяцца больш пераборлівымі, у тым ліку ў тэхнічным пляне, а іх патрабаваньні да гульняў увесь час растуць. У кампаніі маюць намер надаваць больш увагі якасьці й прадастаўляць доступ да сваіх гульняў на раньняй стадыі ня толькі тэставальнікам, але й звычайным ґеймерам.

⚡️ Red Dead Redemption сёньня выйшла на PC

На дадзены момант у гульні ў Steam вельмі станоўчыя водгукі (92%). Здаецца, порт на PC атрымаўся🤔 Калі б не занадта вялікая цана для гульні 14-гадовай даўнасьці, можна было б шчыра парадавацца за Rockstar🤷‍♂️

Нагадаем, Red Dead Redemption гэта прыгодніцкая гульня з адкрытым сьветам, дзеяньня ў якой разгортваюцца на Дзікім Захадзе ў 1911 годзе.

Акуніцеся ў гісторыю былога гангстэра Джона Марстана, які вышуквае апошніх членаў сумна вядомай банды Ван дэр Ліндэ ў ПК-вэрсіі прызнанга крытыкамі папярэдніка Red Dead Redemption 2.

📢 Hollywood Anіmal выйдзе ў раньні доступ у студзені 2025 году

Беларускія распрацоўшчыкі з Weappy Studіo (стваральнікі Thіs іs the Polіce) назвалі дату выхаду Hollywood Anіmal у раньнім доступе.
Гульня стане даступная 16 студзеня, у гонар чаго быў паказаны трэйлер з геймплэйнымі кадрамі.

Нагадаем, што сэнс гульні будзе заключацца ў пабудове сваёй кінастудыі, у часы грандыёзных сацыяльных узрушэньняў, войны, цэнзуры, крыміналу й іншых фактараў!

✅Перакладзена на беларускую мову!

📢 Стваральнікі PUBG: Battlegrounds анансавалі новы тактычны шутэр — Project ARC

Project ARC - гэта дынамічны ваенны тактычны шутэр у фармаце 5-на-5 з рэалістычнымі й імклівымі перастрэлкамі й выглядам зьверху.
Гульня бярэ за аснову папулярныя місыі, у якіх адна каманда закладвае бомбу, а другая спрабуе перашкодзіць сваім апанэнтам.

У Project ARC гульцы таксама дзеляцца на дзьве каманды: задача першай — знайсьці й узламаць Склеп, задача другой — яго абарона й супрацьстаяньне іншай камандзе.

Дата рэлізу не называецца.

📢 Ubisoft запусціла пакрокавую ролевую гульню Champions Tactics на аснове блокчейна й NFT

Ціха, без пафасу й шуму, Ubіsoft выпусьціла бясплатную тактычную NFT-гульню Champіons Tactіcs: Grіmorіa Chronіcles, у якой два гульца супэрнічаюць адзін з адным з дапамогай «калекцыйных» фігурак.
На старце ґеймер атрымлівае набор часовых фігурак, потым жа іх неабходна купляць за нутрагульнявую валюту альбо крыпту.

У выданьні ІGN адзначаюць «цэнавы відэлец» фігурак — на гульнявым рынку можна знайсьці прапанову ў межах 10 даляраў, а часам сустракаецца цана ў раёне 63 000 даляраў!

🎁 Цяпер у Epic Games Store можна бясплатна забраць: Witch It

Witch It — шматкарыстальніцкая гульня ў хованкі, дзеяньне якой адбываецца ў яркім магічным сьвеце. Адважныя паляўнічыя шукаюць ведзьмаў, якія праклінаюць іх вёскі!
Распрацоўнік — Barrel Roll Games (Нямеччына)

❗️Забраць гульню можна да 7 лістапада.

📰 Bioware не выключае магчымасьць зьяўленьня рэмайстраў Dragon Age

Крэатыўны дырэктар Bioware Джон Эплер расказаў, што ў кампаніі сурʼёзна думаюць аб стварэньні рэмайстра мінулых частак Dragon Age!
Гаворка ідзе пра аналёг Mass Effect: Legendary Collection. Аднак галоўнай праблемай у выпадку Dragon Age можа стаць рухавік мінулых частак.

Dragon Age: Origins і Dragon Age 2 распрацоўвалі на ўласным рухавіку Eclipse, тады як для стварэньня Dragon Age: Inquisition выкарыстоўвалі Frostbite. У Mass Effect быў Unreal Engine, працаваць зь якім нашмат прасьцей.

Мяркую, што на дадзены момант, я адзін з 20 чалавек у Bioware, якія яшчэ працавалі з Eclipse. Падобная задача ня будзе такой жа лёгкай, як было з Mass Effect, але мы любім арыґінальныя гульні [Dragon Age]. Ніколі не кажы ніколі.

У тым жа інтэрвію Эплер расказаў, што ў пачатку распрацоўкі Veilguard у гульню хацелі дадаць мультыплэер, але затым адмовіліся ад гэтага. Шмат у чым на гэта паўплывалі прэтэнзіі фанатаў да папярэдняй часткі, дзе яны не ацанілі тыя самыя мультыплэерныя элемэнты.

Рэліз Dragon Age: The Veilguard адбыўся на PC, PS5 і Xbox Series 31 кастрычніка. Гульня атрымала галоўным чынам станоўчыя водгукі й стала найбуйным рэлізам Bioware у Steam па паказчыках пікавага онлайну.

⚡️ Беларускі пераклад Life is Strange Remastered выйшаў у рэліз

Life is Strange — гэта эпізадычная гульня, якая заклікана зрабіць рэвалюцыю ў сюжэтных гульнях з выбарам і наступствамі, дазваляючы гульцу перамотваць час і ўплываць на мінулае, сучаснасць і будучыню.

Сачыце за гісторыяй Макс Колфілд, старэйшай фатографкі, якая выяўляе, што можа перамотваць час, ратуючы сваю лепшую сяброўку Хлою Прайс. Неўзабаве пара расследуе загадкавае знікненне аднакурсніцы Рэйчэл Эмбер, раскрываючы цёмны бок жыцця ў Аркадыі Бэй!

Спампаваць пераклад можна тут.

📰 Dragon Age: The Veilguard — сымбаль вяртаньня BioWare да каранёў

Такое меркаваньне выказаў кіраўнік BioWare Ґэры Маккей.

Кіраўніцтва BioWare усьвядоміла неабходнасьць пераасэнсаваньня падыходу да распрацоўкі гульняў. Dragon Age, першапачаткова задуманая як шматкарыстальніцкая гульня, была перазапушчана некалькі разоў, перш чым студыя сумесна з EA вырашыла вярнуцца да клясычнай адзіночнай RPG (шмат у чым гэтаму паспрыялі правалы Anthem і Mass Effect: Andromeda).

Мы зразумелі, што трэба вярнуцца да таго, што мы сапраўды добра ўмеем рабіць
— заяўляе Макей.

Гэтае рашэньне было прадыктавана ня толькі жаданьнем вярнуць давер фанатаў, але й посьпехам іншых праектаў EA, такіх як Star Wars Jedi: Fallen Order, якія даказалі, што адзіночныя гульні па-ранейшаму запатрабаваныя.

Кіраўнік BioWare падкрэсьлівае, што выхад The ​​Veilguard — гэта ня проста рэліз, а "знак адраджэньня BioWare", якая вяртаецца да сваіх каранёў — глыбокім гісторыям, складаным пэрсанажам і значным выбарам.

Дарэчы, калі глядзець у цэлым, то на дадзены момант гульня сапраўды набывае папулярнасьць і мае ў асноўным станоўча водгукі ў Steam (хоць агульны тыраж прададзеных копіяў усё яшчэ не абвяшчаецца).

❓А як вы ставіцеся да новай DA?
Гэта правал ці посьпех?

📰 Новы хорар аўтара Silent Hill падорыць гульцам новы арыґінальны досьвед

Кэйіціра Тояма (вядомы сваёй працай над Silent Hill, Siren і Gravity Rush), расказаў, што ў дадзены момант актыўна працуе над сваім новым хорарам Slitterhead, які абавязкова падорыць ґеймерам новы, унікальны дсьвед, падобны на Silent Hill:

Яшчэ з часоў Silent Hill мы імкнуліся захоўваць прыхільнасьць да ідэяў сьвежага й арыґінальнага досьведу, нават калі вынік атрымліваўся трохі "грубаватым". Гэты падыход застаецца нязьменным на працягу маёй карʼеры, і ён актуальны для Slitterhead.

Верагодна пад "грубаватымі элемэнтамі", ґеймдызайнэр меў на ўвазе абмежаванасьць бюджэту свайго праекта, што аднак, ён не лічыць мінусам. Тояма лічыць, што ня ўсім гульням патрабуецца вялікі бюджэт і яго новая гульня павінна будзе гэта даказаць!

У Slitterhead гулец возьме на сябе ролю існасьці без памяці й фізычнай формы, якая з дапамогай сілы крыві палюе за монстрамі, што маскуюцца пад звычайных людзей.

Рэліз гульні адбудзецца 8 лістапада, на ўсіх актуальныя з плятформах.

📢 Сэрвэры The Elder Scrolls: Legends зачыняць у студзені 2025 году

Bethesda паведаміла, што сэрвэры ўмоўна-бясплатнай, картачнай гульні The Elder Scrolls: Legends адключаць ужо 30 студзеня 2025 году. Паведамленьне аб гэтым пачало зьяўляцца пры ўваходзе ў гульню.

Распрацоўнікі паведамілі, што да моманту зачыненьня гульні ў аўдыторыі будзе магчымасьць купляць прадметы ў краме й удзельнічаць ва нутрагульнявых падзеях.

Нагадаем, што рэліз Legends адбыўся ў 2017-м годзе, як аналяг Hearthstone у сьвеце TES, аднак не гледзячы на, у цэлым, станоўчыя водгукі, падтрымка гульні спынілася шчэ ў 2019-м.

📰 Сіквел Hogwarts Legacy будзе пераклікацца сюжэтна з новым сэрыялам HBO

Выданьне Variety выпусьціла вялікі матэрыял, які прысьвечаны кулінарнаму шоў Harry Potter: Wizards of Baking, што неўзабаве пачне выходзіць на HBO Max, аднак акрамя яго, у матэрыяле расказваецца аб тым, як Warner Bros плянуе разьвіваць і пашыраць сусьвет Гары Потэра.

Адным з найбуйнейшых новых праектаў стане новы тэлесэрыял "Гары Потэр", дэбют якога заплянаваны на канале HBO ў 2026 годзе.
Нягледзячы на ​​слабы посьпех "Фантастычных істот" і скандалам вакол выказваньняў Дж. К. Роўлінг, Warner Bros гатовыя рызыкнуць! Шмат у чым за іх энтузіязм можна дзякаваць Hogwarts Legacy, якая ў мінулым месяцы перасягнула мяжу ў 30 мільёнаў прададзеных копіяў!

Warner Bros на хвалі посьпеху ўжо выпусьціла Harry Potter: Quidditch Champions і рыхтуе рэмайстры серыі Lego Harry Potter Collection. Кампанія таксама атрымала ліцэнзіі на распрацоўку некалькіх мабільных гульняў.

Але галоўнае, гэта сіквел Hogwarts Legacy! Сваю будучую гульню кампанія называе адным з галоўных сваіх прыярытэтаў.

Як паведаміў прэзыдэнт Warner Bros. Interactive Entertainment Дэвід Хадад, каманда распрацоўшчыкаў узгадняла некаторыя сюжэтныя элемэнты сіквела Hogwarts Legacy зь сюжэтнымі лініямі будучага сэрыяла "Гары Потэр". Падрабязнасьці пакуль што, не паведамляюць.

📢 Да рэлізу рыхтуецца мурашыная стратэгія Empire of the Ants

Гульня заснаваная на бэстсэлеры Бэрнарда Вербера, «Імпэрыя мурашак» прапануе стратэгічны вопыт, блізкі да серыі знакавых кніг. Паспрабуйце захапляльныя прыгоды й абараняйце свае землі ў тактычных і стратэгічных бітвах у мікраскапічным сьвеце эпічных памераў!

Крытыкам гульня спадабалася! Яны адзначаюць цікавы сеттынг, візуал, гук і кіраваньне, да мінусаў часта адносяць простыя стратэгічныя элемэнты, якія ня здольныя вылучыць гульню на фоне канкурэнтаў.

Гульня выйдзе 7 лістапада, аднак уладальнікі пашыранага выданьня ўжо могуць пачынаць свае прыгоды ў сьвеце мурашак!
Гульня ствараецца для PC, PlayStation 5 або Xbox Series.

📢 У Steam адбыўся рэліз сярэднявечнага ролевага сімулятара жыцьця — Mirthwood

Адпраўляйцеся ў чароўнае падарожжа й змагайцеся з лютымі істотамі ў фэнтэзійным сярэднявечным сьвеце. Чаму аддаеце перавагу: асесьці й заняцца фэрмэрствам або ўзяцца за меч і пайсьці шукаць прыгоды?

Кошт гульні — $12.49.