⚡️Netflix прадставіў адразу некалькі анонсаў і трэйлераў па адаптацыям відэагульняў

Tomb Raider: The Legend of Lara Croft - працяг знакамітай трылёгіі прыгод пра Лару Крофт Tomb Raider Definitive Survivor (куды ўключаны Tomb Raider (2013), Rise of the Tomb Raider, Shadow of the Tomb Raider). Мультсэрыял выходзіць на Netflix ужо 10 кастрычніка гэтага году.

Кампанія Capcom пад кіраўніцтвам Адзі Шанкара і Studio Mir выпускае Devil May Cry на Netflix - мультсэрыял, заснаваны на франшызе папулярных відэагульняў. Галоўным гэроем большасьці зь іх зьяўляецца Данте — паляўнічы на дэманаў, які прысьвяіціў сваё жыцьцё зьнішчэньню звышнатуральных істот. Прэмʼера мультсэрыялу чакаецца ў красавіку 2025г.

Таксама анансаваны Splinter Cell: Deathwatch. Новы мультсэрыял ад Netflix і Ubisoft Film & Television заснаваны на папулярнай серыі відэагульняў пра Сэма Фішэра — спэцагента выдуманага падразьдзяленьня АНБ «Трэці эшалон», што спэцыялізуецца на скрытым пранікненьні. Даты выхаду пакуль няма.

Netflix разам з CDPR анансавалі новае анімэ ў сусьвеце Cyberpunk 2077. Ці стане мультсэрыял сыквэлям аднайменнай гульні, ці раскажа гісторыю, якая адбылася да падзей асноўнага сюжэту, пакуль не вядома. Пры гэтым, наўрад ці дадзенае анімэ стане працягам Cyberpunk: Edgerunners, што выйшла пасьля выпуску гульні і была прыквэлям да Cyberpunk 2077, паколькі Edgerunners першапачаткова задумвалася як самастойная гісторыя. Калі выйдзе новы мультсэрыял па Cyberpunk 2077 таксама невядома.

Даражэнькія, сёння хочам вам распавесьці пра самыя цікавыя коміксы па-беларуску!

Публікацыі новага якаснага кантэнту адбываюцца штодня.

Далучайцеся да свету сучасных беларускамоўных коміксаў на штодзённыя тэмы ❤️

📰 BioWare абапіралася на досьвед The ​​Sims пры распрацоўцы Dragon Age: The Veilguard

Ґеймдырэктарка Dragon Age: The Veilguard Корын Бушэ (раней працавала ў Maxis над сэрыяй The Sims), прызналася, што мінулы досьвед над сімулятарам жыцьця апынуўся «бясцэнным» пры дапрацоўцы розных элемэнтаў новай DA.

Па словах Бушы, унікальнасьць The Sims заключаецца ў шырокай аўтаноміі, і гэта менавіта тое, што хочуць бачыць ґеймеры у RPG — тое самае "пачуцьцё незалежнасьці, прыняцьце рашэньняў, уплыў на пэрсанажаў" і гэтак далей.

Таксама распрацоўнікі шмат чаго падкрэсьлілі з The Sims пры стварэньні свайго рэдактара пэрсанажаў.
Як адзначае Бушэ, Maxis і The Sims захоўваюць вялізную базу ведаў на тэмы ґендэрнай рэпрэзентацыі й ідэнтычнасьці, якія BioWare вельмі хацелі бачыць у новай Dragon Age.

Рэліз Dragon Age: The Veilguard чакаецца 31 кастрычніка на PC, PS5 і Xbox Series.

❓Ці чакаеце Вы новую Dragon Age?

📢 Адбыўся рэліз мэдытатыўнай Tiny Glade

Tiny Glade — мілая мэдытатыўная гульня пра будаўніцтва замкаў. Каменьчык да каменьчыка, дошчачка да дошчачкі – ніякіх бітваў, ніякай валтузьні з рэсурсамі ці боязі памыліцца. Проста ўладкуйцеся ямчэй і будуйце выдатныя замкі на зарослых лугах.

Кошт гульні — $8.49 (да 3 кастрычніка дзейнічае зьніжка ў 15% — $7.21).
Гульня даступна толькі на PC.

📰 Banishers: Ghosts of New Eden і Jusant не апраўдалі чаканьняў распрацоўнікаў

Француская студыя Donʼt Nod прадставіла сваю справаздачу за першую палову 2024 году, далей сьцісла пра галоўнае:

▫️Ролевы экшэн Banishers: Ghosts of New Eden і прыгода Jusant аказаліся правалам.
Не гледзячы на ​​цёплы прыём СМІ, праекты не набылі папулярнасьці ў гульнявой супольнасьці, у сувязі з чым, распрацоўнікам прыйшлося карэктаваць свае пляны на будучыню.

▫️Студыя замарозіла два неанансаваныя праекты, вырашыўшы засяродзіцца на "больш амбіцыйных гульнях", адной з такіх будзе прыгода Lost Records: Bloom & Rage — яе пачнуць выпускаць па эпізодах 18 лютага 2025 году.

▫️У цэлым даход каманды з пачатку студзеня па канец чэрвеня зьнізіўся на 11% і склаў 14,6 мільёна эўра. Продажы пры гэтым павялічыліся на 1,2 мільёна — у асноўным за кошт каталёга, у які ўваходзяць Life is Strange і Vampyr.

📰 Ubisoft баіцца паказваць Assassin's Creed Shadows

У перадпачатку выставы Tokyo Game Show 2024, Ubisoft абвясьціла, што не прывязе свае гульні (у тым ліку скандальную Assassinʼs Creed Shadows) на шоў.
Прычынай назвалі "розныя абставіны". Выданьне Insider Gaming зьвязалася з Ubisoft для высьвятленьня сытуацыі, аднак у кампаніі адмовіліся даваць якія-небудзь камэнтары.

Цікавы факт, гэтыя "розныя абставіны" апынуліся настолькі моцнымі, што акрамя скасаваньня свайго ўдзелу ў шоў, па дадзеных інсайдэра Тома Хендэрсана, кампанія скасавала паказ Assassinʼs Creed Shadows для прэсы.
Прадставіць гульню журналістам Ubisoft зьбіралася на наступным тыдні. Цяпер гэтыя пляны былі адмененыя без тлумачэньня прычын.

Ubisoft ніяк не пракамэнтавала шматлікія запыты гульнявых выданьняў, але ў даце рэлізу Assassinʼs Creed Shadows пакуль што зьмен няма: гульня павінна выйсьці 15 лістапада на РС і кансолях. Аднак не выключана, што неўзабаве мы пачуем аб яе пераносе.

📢 У раньні доступ выйшаў фэнтэзійны шутэр Witchfire

Witchfire — гэта RPG-шутэр ад першай асобы ў жанры цёмнага фэнтэзі, у якім вы гуляеце за злога грэшніка, які стаў паляўнічым на ведзьмаў, выконваючы апошнюю місію па выратаваньні.

Ґеймеры сустрэлі гульню вельмі станоўча! Адзначаючы аптымізацыю, дынамічныя баі й цікавы, захапляльны ґеймплэй.

Кошт гульні — $20.00 (да 7 кастрычника яе можна набыць за $18.00).

Распрацоўкай гульні займаецца польская студыя The Astronauts (стваральнікі The Vanishing of Ethan Carter).

📢 Blizzard выпусьціла рэлізны трэйлер маштабнага DLC Vessel of Hatred для Diablo IV

Blizzard выпусьціла рэлізны ґеймплейны трэйлер першага сюжэтнага дадатку для Diablo IV пад назовам Vessel of Hatred.

У новым DLC дададуць кляс спадчыньніка духаў, які ўпершыню зьявіцца ў серыі гульняў.
Дзеяньні будуць разгортвацца ў старажытных джунглях рэгіёна Наханту, куды гульцы адправяцца ў пошуках Нейрэлы з мэтай выкрыць плян Мефіста.

Сярод іншага, гульцоў чакае цёмная цытадэль — падзямельле са складанымі выпрабаваньнямі, прызначанае для групавога праходжаньня.

Рэліз Vessel of Hatred адбудзецца 8 кастрычніка.
Кошт стандартнага выданьня складзе $40.

⚡️ Ubisoft перанесла Assassin's Creed Shadows

Ubisoft абʼявіла, аб пераносе Assassinʼs Creed Shadows на 14 лютага 2025 году. Першапачаткова ролевай экшэн павінен быў выйсьці 15 лістапада на PC, PlayStation 5 і Xbox Series.

Кампанія вырашыла ўзяць час на дапрацоўку праекту, на фоне слабых продажаў Star Wars Outlaws.
Цікава, што разам з гэтым, Ubisoft вырашыла перагледзець сваю палітыку ў адносінах да выпуску гульняў і раньняга доступу да іх. Так вышэй згаданая Assassinʼs Creed Shadows у дзень рэлізу выйдзе ў Steam, а ня толькі ў краме Ubisoft, гэтак жа хуткім часам карыстачам Steam стане даступная й Star Wars Outlaws.

Дадаткова стала вядома, што кампанія плянуе адмовіцца ад канцэпцыі сэзонных пропускаў. Доступ да Assassinʼs Creed Shadows у адзін дзень (14 лютага) атрымаюць усе гульцы незалежна ад набытага выданьня. Уладальнікі папярэдняга заказу пры гэтым атрымаюць першы дадатак бясплатна. А ўсім, хто ўжо пасьпеў аформіць папярэдні заказ, вернуць сродкі.

📢 Стваральнікі Ghost of Tsushima анансавалі новую гульню — Ghost of Yotei

У рамках State of Play адбыўся анонс новага ролевага экшэна пра фэадальную Японію — Ghost of Yotei!

Гульцы возьмуць на сябе ролю дзяўчыны Атсу. У 1603 годзе (больш чым праз 300 гадоў пасьля падзеяў Ghost of Tsushima) яна павінна адправіцца ў прыгоды па небясьпечных землях з лугамі й засьнежанымі тундрамі, каб стаць новым Прывідам!

Рэліз Ghost of Yotei адбудзецца ў 2025 годзе толькі на PlayStation 5.

📢 У канцы кастрычніка Sony выпусьціць рэмайстар Horizon Zero Dawn

Sony абвясьціла, што 31 кастрычніка на PC і PlayStation 5 адбудзецца рэліз рэмайстра Horizon Zero Dawn, якая выйшла ў 2017-м годзе!

Уладальнікі арыґінала змогуць абнавіцца да рэмайстра за $10, астатнім жа давядзецца купляць гульню за $50.

Ґрафіка павінна застацца на ўзроўні з Horizon Forbidden West, а больш за 10 гадзін гутарак і катсцэн былі запісаныя з нуля для павышэньня якасьці.
Паляпшэньні ў графіцы датычацца як мадэляў пэрсанажаў, так і тэкстур, асьвятленьня, анімацыі й іншых элемэнтаў. Была значна палепшана й якасьць гуку, а таксама Horizon Zero Dawn Remastered будзе падтрымліваць усе функцыі кантролера DualSense.

📢 «Арол ізноў уздымецца» — адбыўся рэліз DLC Roads to Power для Crusader Kings III

Вядзіце Бізантыю да велічы ў буйным DLC для Crusader Kings III. Асаблівасьці палітыкі й культуры Бізантыі выявяцца ў новай сыстэме кіраваньня, сацыяльнай герархіі й занятках пэрсанажаў.
Якую будучыню чакае асколак Рымскай Імпэрыі? Вырашаць Вам!
Або станьце авантурыстам без усяго, які прагне прызнаньня й улады!

Кошт DLC — $19.99.

🎁 Цяпер у Epic Games Store можна бясплатна забраць: The Spirit and the Mouse

The Spirit and the Mouse — прынясіце дабрыню й сьвятло жыхарам Сэнт-э-Клер у ролі Лілы — маленькай мышкі зь вялікім сэрцам! Дасьледуйце мудраґелістую францускую вёску, заводзіце новых сяброў і тварыце добрыя справы, у гэтай насычанай апавядальнай прыгодніцкай гульні.
Распрацоўнік — Alblune (Канада)

❗️Забраць гульню можна да 3 кастрычніка.

⚡️ Выйшаў трэйлер другога сезону The Last of Us

Працяг кінаадаптацыі знакамітай, аднайменнай гульні выйдзе ў 2025 годзе!

Па словах кіраўніка Naughty Dog і ґеймдырэктара серыі The Last of Us Ніла Дракмана, у гэтым сэзоне фанатаў чакае больш глыбокае раскрыцьце перадгісторыі аднаго «важнага» гульнявога пэрсанажа:

«У гэтым сэзоне ёсьць шмат таго, што мне сапраўды вельмі падабаецца — тое, на што мы ўжо намякалі — мне на розум прыходзіцца адна сцэна, і я думаю, што фанаты гульні яе прымуць з радасьцю, таму што яна як бы расказвае шмат перадгісторыі аднаго важнага пэрсанажа, якую мы самі не маглі расказаць ў гульні»

⚡️Сёння 8 кастрычніка адбыўся рэліз Silent Hill 2 Remake

Рэмэйк незабыўнай клясыкі ўжо атрымаў вельмі станоўчыя водгукі ад крытыкаў (на дадзены момант ацэнка на Metacritic — 87 балаў), а таксама ад гульцоў-уладальнікаў Delux-вэрсіі, што пасьпелі ацаніць гульну ў раньнім доступе. Гульню хваляць за выдатнае захаваньне атмасфэры арыгіналу, дадаваньне новага ня менш цікавага кантэнту, палепшаныя дыялёгі і лякацыі. Некаторыя з гульцоў ужо называюць Silent Hill 2 Remake адной зь лепшых гульняў у жанру хорар за апошнія некалькі гадоў. Нэгатыўныя водгукі тычацца пераважна тэхнічных праблем, багаў, і не вельмі ўдалай аптымізацыі на старце гульні.

Сюжэт Silent Hill 2 разгортваецца вакол галоўнага гэроя Джэймса, які атрымлівае ліст ад сваёй даўно памерлай жонкі і адпраўляецца на яе пошукі ў таямнічы горад Сайлент Хіл, што ахутаны густым туманам, поўны бруду, страху, і містыкі.

🔥Анансаваны выхад Red Dead Redemption і дапаўненьня Undead Nightmare на ПК

Уладальнікі ПК змогуць ацаніць даўгачаканую легенду ўжо 29 кастрычніка.

☢️S.T.A.L.K.E.R.: Legends of the Zone выйдзе на Nintendo Switch 31 кастрычніка.

GSC Game World падзяліліся рэлізным трэйлерам на сваім Youtube-канале.

Нагадаем, S.T.A.L.K.E.R.: Legends of the Zone уяўляе сабой зборнік клясычных гульняў S.T.A.L.K.E.R., а менавіта - Shadow of Chernobyl, Clear Sky, і Call of Pripyat.

⚖️На Ubisoft падалі калектыўны іск праз раскрыцьцё канфідэнцыяльных зьвестак гульцоў

У іскавых патрабаваньнях сьцьвярджаецца, што Ubisoft нібыта незаконна зьбірала асабістыя зьвесткі гульцоў і адпраўляла іх кампаніі Meta. Па словах істцоў, Ubisoft выкарыстоўвала аналітычны сэрвіс Meta Pixel, які прызначаны ацэньваць эфэктыўнасьць рэклямы. Зьбірая і перадавая зьвесткі а карыстальніках бяз іх згоды праз сэрвіс Pixel, Ubisoft такім чынам дзялілася імі з шырокай рэклямнай сеткай Meta. Сьцяврджаецца, што доступ да такіх зьвестак можа атрымаць ня толькі Meta, але пры жаданьні і любы чалавек, які мае адпаведныя тэхнічныя навыкі.

Таксама былі заяўлены прэтэнзіі а нарушэньні фэдэральных законаў, а менавіта Закона аб абароне канфідэнцыйнасьці відэа і Закона а праслухоўваньні тэлефонных размоў.

⚡️На Netflix выйшаў мультсерыял Tomb Raider: The Legend of Lara Croft

Tomb Raider: The Legend of Lara Croft - працяг легендарнай трылёгіі гульняў пра Лару Крофт (Tomb Raider (2013), Rise of the Tomb Raider, Shadow of the Tomb Raider).

Апынуўшыся ў цэнтры вялікага кругасьветнага паляваньня, бясстрашная авантурыстка Лара Крофт разгадвае старажытную таямніцу і пераадольвае траўмы мінулага.