🎁 Цяпер у Epic Games Store можна бясплатна забраць: Rugrats: Adventures in Gameland

Rugrats: Adventures in Gameland — калі Томі, Чакі, Філ і Ліл бачаць рэкламу новай відэагульні Reptar, яны робяць выгляд, што знаходзяцца ў сваёй уласнай відэагульні! Пераключайцеся паміж выдатным 8-бітным і HD-артам, выбірайце любімага героя й гуляйце ў адзіночку ці ў кааператыве!
Распрацоўнік — The MIX Games. Wallride (ЗША)

❗️Дадаткова, ґеймерам аддаюць Super Crazy Rhythm Castle, але яна недаступна на тэрыторыі Беларусі.

Забраць гульні можна да 19 верасьня.

📰 Steam 21 год! Што прынёс ґеймерам дзень нараджэньня крамы

12 верасьня сэрвісу Steam спаўняецца 21 год!
У гэты ж дзень, у краме адбылося даволі значнае зьмяненьне (пра пляны яго ўводу мы пісалі раней)!
У стабільнай вэрсіі кліента Steam сталі даступныя сямейныя групы.

Яны замяняюць Steam Family Sharing і функцыю сямейнага прагляду, падаючы адзіную прастору для чальцоў сямʼі. Цяпер у такіх групах можа быць ня больш за шэсьць удзельнікаў.
Удзельнікі сямейных груп могуць гуляць у гульні іншых чальцоў групы (з асабістымі захаваньнямі, дасягненьнямі, працам у майстэрні й інш.) і карыстацца новымі функцыямі бацькоўскага кантролю.

Больш падрабязна, можна пачытаць у афіцыйнай навіне.
Калі раней вы выкарыстоўвалі функцыю сямейнага прагляду, то зараз вам неабходна стварыць групу, каб зноў дазволіць іншым акаўнтам карыстацца вашай бібліятэкай.

📢 Адбыўся рэліз рэмайстра Lollipop Chainsaw

Lollipop Chainsaw, якая была прададзена тыражом 1,24 мільёна копіяў па ўсім сьвеце, вярнуўся з найноўшай ґрафікай!
Джульета, якая нарадзілася ў сямʼі паляўнічых на зомбі, зноў выкарыстоўвае сваю надзейную бензапілу, каб разьдзіраць нежыць!

Гульня даступна на PC, PS5, Xbox Series і Nintendo Switch (пазьней рэліз чакаецца на PS4 і Xbox One).

Кошт гульні ў Steam — $44,99.

Асобна варта згадаць, што распрацоўшчыкі з Dragami Games запэўнілі гульцоў, што ў рэмайстру, як і ў арыґінальнай гульні няма цэнзуры!

📰 Арыґінальны DOOM атрымаў новае абнаўленьне

З-за недаступнасьці гульні ў Сьціме вы маглі й не заўважыць, што ў жніўні арыґінальны DOOM атрымаў новае абнаўленьне, якое, ня толькі робіць гульню больш сучаснай але яшчэ й абʼядноўвае дзьве гульні (першы DOOM дзевяноста трэцяга году й DOOM 2)!
Усе карыстальнікі, якія мелі на акаўнце адну зь дзьвух гульняў бясплатна атрымалі абʼяднаную копію.

З найгалоўнешага, што было дададзена ў Steam-вэрсію гульні:

🔸 Дасягненьні праз Steam, каб пахваліцца перад сябрамі;
🔸Падтрымка афіцыйных дадаткаў, напрыклад TNT Evilution або Master levels;
🔸Новы дадатак “Legacy of Rust”, які даде новую зброю й ворагаў
🔸Лёгка зразумелы мультыплеер, які працуе праз bethesda.net;
🔸Перапрацаваныя вэрсіі саўндтрэку, адна больш мэталічная й адна больш падобная да клясычнага гучаньня гульні (магчымасьць паставіць старыя трэкі ўсё яшчэ засталася);
🔸Шмат новых наладаў, каб гульню на новым рухавіку (зараз гульня ідзе на арыґінальным KEX engine, да гэтага выкарыстоўваўся Unity) атрымалася камфортна запусьціць на амаль любым больш-меньш сучасным кампутары;

📢 Ubisoft прадставіла новы трэйлер Assassin's Creed Shadows

Станьце сьмяротным шынобі-асасінам і магутным леґендарным самураем, дасьледуючы выдатны адкрыты сьвет у часы хаосу.
Лёгка пераключайцеся паміж двума нечаканымі хаўрусьнікамі, адкрываючы для сябе іх агульны лёс.
Асвойвайце ўзаемадапаўняльныя стылі гульні, стварайце сваю лігу шынобі, наладжвайце свой прытулак і адкрыйце новую эру для Японіі!

Гульня выходзіць 15 лістапада на ПК, PS5, Xbox Series X/S, а таксама macOS.

Вітаю спадарства!
Вырашылі зноў паўдзельнічаць у падборцы беларускіх тг-каналаў. Спадзяемся знойдзеце нешта цікавае для сябе!

💌 @poshtabel — Беларусь на старых паштоўках. Сучасныя ракурсы старых здымкаў, артыкулы, гісторыя нашай фатаграфіі ды розныя цікавінкі па тэме.

🚶🏻‍♂️@belarus_sacral — адвечнае блуканне па закутках і цэнтрах Беларусі ў пошуках старога, забытага, закінутага і не зусім.

📖 @verbarium_by — беларускія словы кожны дзень!

🧣@tradycyjny_stroj — энцыклапедыя народнага адзення Беларусі.

📡 @cblnq — самыя важныя навіны і гісторыі з розных сфераў навукі.

🪶 @lihtaratura — аўтарская літаратурная творчасць.

#пашыраймасваё

📰 Electronic Arts перагледзела свае пляны на The Sims 5

Кампанія Electronic Arts паведаміла аб ґлябальным пераглядзе плянаў разьвіцьця культавай серыі The Sims. Паводле іх The Sims 5, вядомая як Project Rene, больш не разглядаецца як замена The Sims 4. Распрацоўнікі не жадаюць адмаўляцца ад старой гульні:

Мы працягнем разьвіваць сімулятар і ўносіць тое, што людзі хацелі б атрымаць ад пятай часткі. Але гэта не значыць, што мы пачнем усё спачатку, скінем увесь ваш прагрэс, і вы страціце ўсю тую цудоўную гульню, якую вы стварылі ў The Sims 4. Думаючы пра будучыню, мы хочам, каб вы захавалі й працягнулі ўсе свае семʼі й пакаленьні. Мы не жадаем абнуляць ваш прагрэс.

Што чакае сам Project Rene да канца не зразумела.

Такое рэзкае рашэньне ЕА выклікала бурнае абмеркаваньне сярод ґеймераў, большасьць зь якіх упэўнена, што кампанія проста пабаялася супернічаць з будучым карэйскім хітом InZOI.

💬 Capcom верагодна працуе над рэмэйкамі Resident Evil 0 і Code Veronica

Вядомы інсайдэр Dusk Golem абвясьціў, што Capcom працуе над рэмэйкамі клясычных хорараў Resident Evil Zero і Resident Evil Code: Veronica (ускосна, гэтую інфармацыю пацьвердзілі шэраг гульнявых выданьняў).

Абноўленыя вэрсіі Resident Evil Zero і Code: Veronica, як паведамляе інсайдэр, ня будуць такімі маштабнымі й амбіцыйнымі, як рэмэйк Resident Evil 4 (2023). Пераасэнсаваньне, якога выйшла ў 2023 годзе, і пакуль застаецца "дыямантам кароны" Capcom з пункту гледжаньня маштабу, абʼёму й чаканьняў.

Таксама, раней гэты інсайдэр заяўляў аб тым, што кампанія актыўна працуе над Resident Evil 9, падзеі якой будуць адбываюцца на востраве ў Паўднёва-Усходняй Азіі. Гэты праект таксама афіцыйна не анансаваны й можа выйсьці не раней за 2025 год.

📢 Сёньня 19-га верасьня выходзіць God of War: Ragnarök на ПК.

God of War: Ragnarök — працяг стаўшай культавай God of War (2018), у якім вам давядзецца гуляць за бога вайны Кратаса, які разам са сваім сынам Атрэем адпраўляецца на пошукі адказаў на пытаньні, датычных яго сямʼі, пакуль не настаў Рагнарок. Дзеяньні абодвух частак прыгодніцкага экшэна адбываецца ў сусьвеце скандынаўскай міталёгіі.

🤡Варта адзначыць, каб пагуляць у Ragnarök на ПК, спатрэбіцца ўліковы запіс PlayStation Network.

⚡️Netflix прадставіў адразу некалькі анонсаў і трэйлераў па адаптацыям відэагульняў

Tomb Raider: The Legend of Lara Croft - працяг знакамітай трылёгіі прыгод пра Лару Крофт Tomb Raider Definitive Survivor (куды ўключаны Tomb Raider (2013), Rise of the Tomb Raider, Shadow of the Tomb Raider). Мультсэрыял выходзіць на Netflix ужо 10 кастрычніка гэтага году.

Кампанія Capcom пад кіраўніцтвам Адзі Шанкара і Studio Mir выпускае Devil May Cry на Netflix - мультсэрыял, заснаваны на франшызе папулярных відэагульняў. Галоўным гэроем большасьці зь іх зьяўляецца Данте — паляўнічы на дэманаў, які прысьвяіціў сваё жыцьцё зьнішчэньню звышнатуральных істот. Прэмʼера мультсэрыялу чакаецца ў красавіку 2025г.

Таксама анансаваны Splinter Cell: Deathwatch. Новы мультсэрыял ад Netflix і Ubisoft Film & Television заснаваны на папулярнай серыі відэагульняў пра Сэма Фішэра — спэцагента выдуманага падразьдзяленьня АНБ «Трэці эшалон», што спэцыялізуецца на скрытым пранікненьні. Даты выхаду пакуль няма.

Netflix разам з CDPR анансавалі новае анімэ ў сусьвеце Cyberpunk 2077. Ці стане мультсэрыял сыквэлям аднайменнай гульні, ці раскажа гісторыю, якая адбылася да падзей асноўнага сюжэту, пакуль не вядома. Пры гэтым, наўрад ці дадзенае анімэ стане працягам Cyberpunk: Edgerunners, што выйшла пасьля выпуску гульні і была прыквэлям да Cyberpunk 2077, паколькі Edgerunners першапачаткова задумвалася як самастойная гісторыя. Калі выйдзе новы мультсэрыял па Cyberpunk 2077 таксама невядома.

Даражэнькія, сёння хочам вам распавесьці пра самыя цікавыя коміксы па-беларуску!

Публікацыі новага якаснага кантэнту адбываюцца штодня.

Далучайцеся да свету сучасных беларускамоўных коміксаў на штодзённыя тэмы ❤️

📰 BioWare абапіралася на досьвед The ​​Sims пры распрацоўцы Dragon Age: The Veilguard

Ґеймдырэктарка Dragon Age: The Veilguard Корын Бушэ (раней працавала ў Maxis над сэрыяй The Sims), прызналася, што мінулы досьвед над сімулятарам жыцьця апынуўся «бясцэнным» пры дапрацоўцы розных элемэнтаў новай DA.

Па словах Бушы, унікальнасьць The Sims заключаецца ў шырокай аўтаноміі, і гэта менавіта тое, што хочуць бачыць ґеймеры у RPG — тое самае "пачуцьцё незалежнасьці, прыняцьце рашэньняў, уплыў на пэрсанажаў" і гэтак далей.

Таксама распрацоўнікі шмат чаго падкрэсьлілі з The Sims пры стварэньні свайго рэдактара пэрсанажаў.
Як адзначае Бушэ, Maxis і The Sims захоўваюць вялізную базу ведаў на тэмы ґендэрнай рэпрэзентацыі й ідэнтычнасьці, якія BioWare вельмі хацелі бачыць у новай Dragon Age.

Рэліз Dragon Age: The Veilguard чакаецца 31 кастрычніка на PC, PS5 і Xbox Series.

❓Ці чакаеце Вы новую Dragon Age?

📢 Адбыўся рэліз мэдытатыўнай Tiny Glade

Tiny Glade — мілая мэдытатыўная гульня пра будаўніцтва замкаў. Каменьчык да каменьчыка, дошчачка да дошчачкі – ніякіх бітваў, ніякай валтузьні з рэсурсамі ці боязі памыліцца. Проста ўладкуйцеся ямчэй і будуйце выдатныя замкі на зарослых лугах.

Кошт гульні — $8.49 (да 3 кастрычніка дзейнічае зьніжка ў 15% — $7.21).
Гульня даступна толькі на PC.

📰 Banishers: Ghosts of New Eden і Jusant не апраўдалі чаканьняў распрацоўнікаў

Француская студыя Donʼt Nod прадставіла сваю справаздачу за першую палову 2024 году, далей сьцісла пра галоўнае:

▫️Ролевы экшэн Banishers: Ghosts of New Eden і прыгода Jusant аказаліся правалам.
Не гледзячы на ​​цёплы прыём СМІ, праекты не набылі папулярнасьці ў гульнявой супольнасьці, у сувязі з чым, распрацоўнікам прыйшлося карэктаваць свае пляны на будучыню.

▫️Студыя замарозіла два неанансаваныя праекты, вырашыўшы засяродзіцца на "больш амбіцыйных гульнях", адной з такіх будзе прыгода Lost Records: Bloom & Rage — яе пачнуць выпускаць па эпізодах 18 лютага 2025 году.

▫️У цэлым даход каманды з пачатку студзеня па канец чэрвеня зьнізіўся на 11% і склаў 14,6 мільёна эўра. Продажы пры гэтым павялічыліся на 1,2 мільёна — у асноўным за кошт каталёга, у які ўваходзяць Life is Strange і Vampyr.

📰 Ubisoft баіцца паказваць Assassin's Creed Shadows

У перадпачатку выставы Tokyo Game Show 2024, Ubisoft абвясьціла, што не прывязе свае гульні (у тым ліку скандальную Assassinʼs Creed Shadows) на шоў.
Прычынай назвалі "розныя абставіны". Выданьне Insider Gaming зьвязалася з Ubisoft для высьвятленьня сытуацыі, аднак у кампаніі адмовіліся даваць якія-небудзь камэнтары.

Цікавы факт, гэтыя "розныя абставіны" апынуліся настолькі моцнымі, што акрамя скасаваньня свайго ўдзелу ў шоў, па дадзеных інсайдэра Тома Хендэрсана, кампанія скасавала паказ Assassinʼs Creed Shadows для прэсы.
Прадставіць гульню журналістам Ubisoft зьбіралася на наступным тыдні. Цяпер гэтыя пляны былі адмененыя без тлумачэньня прычын.

Ubisoft ніяк не пракамэнтавала шматлікія запыты гульнявых выданьняў, але ў даце рэлізу Assassinʼs Creed Shadows пакуль што зьмен няма: гульня павінна выйсьці 15 лістапада на РС і кансолях. Аднак не выключана, што неўзабаве мы пачуем аб яе пераносе.

📢 У раньні доступ выйшаў фэнтэзійны шутэр Witchfire

Witchfire — гэта RPG-шутэр ад першай асобы ў жанры цёмнага фэнтэзі, у якім вы гуляеце за злога грэшніка, які стаў паляўнічым на ведзьмаў, выконваючы апошнюю місію па выратаваньні.

Ґеймеры сустрэлі гульню вельмі станоўча! Адзначаючы аптымізацыю, дынамічныя баі й цікавы, захапляльны ґеймплэй.

Кошт гульні — $20.00 (да 7 кастрычника яе можна набыць за $18.00).

Распрацоўкай гульні займаецца польская студыя The Astronauts (стваральнікі The Vanishing of Ethan Carter).

📢 Blizzard выпусьціла рэлізны трэйлер маштабнага DLC Vessel of Hatred для Diablo IV

Blizzard выпусьціла рэлізны ґеймплейны трэйлер першага сюжэтнага дадатку для Diablo IV пад назовам Vessel of Hatred.

У новым DLC дададуць кляс спадчыньніка духаў, які ўпершыню зьявіцца ў серыі гульняў.
Дзеяньні будуць разгортвацца ў старажытных джунглях рэгіёна Наханту, куды гульцы адправяцца ў пошуках Нейрэлы з мэтай выкрыць плян Мефіста.

Сярод іншага, гульцоў чакае цёмная цытадэль — падзямельле са складанымі выпрабаваньнямі, прызначанае для групавога праходжаньня.

Рэліз Vessel of Hatred адбудзецца 8 кастрычніка.
Кошт стандартнага выданьня складзе $40.