📢 Распрацоўнікі The Legend of Zelda: Echoes of Wisdom расказалі пра рэгіёны Хайрула

Nintendo выпусьціла новы трэйлер The Legend of Zelda: Echoes of Wisdom — ён прысьвечаны розным рэгіёнам Хайрула, а таксама адной важнай асаблівасьці падарожжа па іх.

Да прыкладу ў гульні будуць рэгіён з вадаспадамі (Jabul Waters), дзе ў сваёй вёсцы жывуць яркія пэрсанажы, што паходзяць на рыб, суровая пустыня Ґеруда зь пяшчанымі штармамі, аазісамі й таямнічымі руінамі, небясьпечныя вулканы, джунглі й істоты-ласуны!

Дасьледаваць гэты сьвет прынцэса Зельда (нагадаем, што менавіта яна, а ня Лінк будзе новым гульнявым пэрсанажам) зможа на сваім верным скакуне! З дапамогай каня можна зьбіваць слабых ворагаў і пераскокваць праз барʼеры.
Пазьней Зельда яшчэ навучыцца лётаць і перамяшчаць вялікія абʼекты з дапамогай спэцыяльнага ўменьня.

Рэліз The Legend of Zelda: Echoes of Wisdom намечаны на 26 верасьня для Nintendo Switch.

📢 Новы трэйлер Life is Strange: Double Exposure знаёміць ґеймераў з Унівэрсытэтам Каледон

«Забойныя таямніцы? Крыптыды? Звышнатуральныя зьявы? Не! Толькі не ў Каледоне!»

Студыя Deck Nine Games апублікавала новы трэйлер Life is Strange: Double Exposure. Відэа ўяўляе сабой рэклямны ролік каледжа навук і мастацтваў Вермонта, дзе разгортваецца дзеяньне гульні, ён закліканы пазнаёміць нас з асноўнымі лякацыямі й славутасьцямі.

Згодна зь сюжэтам, пад кантроль гульцоў зноў вернецца гераіня першай гульні серыі Макс Колфілд, якая зараз працуе ў дадзеным унівэрсытэце й якая вымушана зноў зьвярнуцца да сваіх звышнатуральных здольнасьцяў!

Рэліз гульні заплянаваны на 29 кастрычніка для PS5, Xbox Series і PC.

​​📰 У Dragon Age: The Veilguard ня будзе клясычнай тактычнай камэры

Пра гэта расказаў творчы дырэктар Dragon Age: The Veilguard Джон Эплер.

Паводле яго словаў, у пэрыяд працы над Dragon Age: Inquisition распрацоўнікі імкнуліся пазьбягаць сытуацыяў зь бітвамі ўнутры нейкіх памяшканьняў — бо ім патрабавалася шмат намаганьняў, каб тактычная камэра працавала ў гэтых сытуацыях "як трэба".
У Veilguard неабходнасьці ў гэтай камэры няма зусім, бо гулец не кіруе сваімі кампаньёнамі, а ўпор у баях зроблены на экшэн складнік.

Па словах ґеймдырэктара Корын Бушэ, стваральнікі хацелі, каб кампаньёны самі адказвалі за свае дзеяньні, а гулец — за свае. Карыстальнік у ролі лідэра атрада можа паўплываць на сваіх спадарожнікаў, але ў іх будзе й уласнае меркаваньне наконт розных сытуацыяў.
Распрацоўнікі чакаюць, што зьмены яшчэ мацней дапамогуць захапіць гульца, бо яму давядзецца ўважліва сачыць толькі за сваім пэрсанажам на полі бою.

Са звыклай "тактыкі" у гульні (незразумела для чаго) пакінулі кнопку паўзы.

Дакладная дата рэлізу Dragon Age: The Veilguard невядомая, гульню ствараюць для PC, PlayStation 5 і Xbox Series.

📰 «Катастрафічны правал» — крытыкі "разьнесьлі" экранізацыю Borderlands

У сеціве зьявіліся першыя ўражаньні гледачоў і крытыкаў, якія пасьпелі ацаніць экранізацыю Borderlands — вынік назвалі «катастрофай».

Па словах наведвальнікаў прэмʼеры стужкі, навінка сабрала ўсе магчымыя клішэ, а ў яе аўтараў адсутнічае "ўяўленьне", гумар жа ў карціне папросту кашмарны. Паміж асноўнымі ўдзельнікамі гісторыі адсутнічае якая-небудзь "хімія", ды й візуальна карціна не ўражвае.
Гледачы адзначаюць, што фільм нібыта створаны прадзюсарамі, у якіх існуе сваё ўяўленьне аб тым, што падабаецца "дзеткам" сёньня.

Крытыкі шмат у чым салідарныя з гледачамі. Яны адзначаюць, што фільм выглядае адначасова дорага й танна. Па словах аўтарам партала Slashfilm, у стваральнікаў атрымаўся фільм "для ўсіх і ні для каго"

У плюсы стужкі запісалі мастацкае афармленьне й працу Кейт Бланшэт, якая, аднак, глядзіцца даволі дзіўна ў сваёй ролі.

Прэмʼера Borderlands намечана на сёньня, 8 жніўня.

​​📰 Warner Bros. Discovery разглядае магчымасьць продажу часткі сваіх гульнявых падразьдзяленьняў

Як паведамляе Financial Times са спасылкай на свае крыніцы, мэдыя-гігант Warner Bros. Discovery імкнецца пазбавіцца часткі сваіх гульнявых актываў. Кампанія такім чынам жадае нагнаць амаль 70-адсоткавае падзеньне кошту сваіх акцыяў пасьля зьліцьця WarnerMedia і Discovery у 2022 году й правалу Suicide Squad: Kill The Justice League.

Па чутках, Warner Bros. разглядае прапановы аб продажы польскага вяшчальніка TVN або долі ў сваім гульнявым падразьдзяленьні. У яго ўваходзяць, у прыватнасьці, студыі Avalanche Software (Hogwarts Legacy), Rocksteady (Suicide Squad), TT Games (Lego), NetherRealm (Mortal Kombat), Monolith Productions (Middle-earth: Shadow of War) і Warner Bros. Games Montreal (Gotham Knights).

У той жа час, кіраўніцтва самой Warner Bros. Discovery заяўляе аб плянах разьвіцьця свайго гульнявога сегмент.
Кіраўнікі падкрэсьліваюць, што кампанія ня толькі хоча працягваць задзейнічаць уласныя гульнявыя студыі (а гэта 11 кампаніяў), але й падумвае аб ліцэнзаваньні сваіх IP іншым камандам.
Warner Bros. валодае правамі на "Гары Потэра", "Бэтмэна", "Гульню тронаў", Looney Tunes і многія іншыя інтэлектуальныя ўласнасьці.

📢 У гульнявым сусьвеце Five Nights at Freddyʼs будзе папаўненьне — FNaF: Secret of the Mimic

Студыя Steel Wool Studios анансавала новы хорар у сусьвеце Five Nights at Freddyʼs — Five Nights at Freddyʼs: Secret of the Mimic!

Праект атрымаў кароткі тызер, які падпісаны фразай — «Каб убачыць будучыню, часам трэба зразумець мінулае».
Больш аб праекце анічога невядома. Рэліз, верагодна, адбудзецца ў 2025 годзе.

Дарэчы, аб FNaF, сёньня франшызе спаўняецца роўна 10 гадоў!
У гонар гэтага стваральнік серыі Скот Коўтан падрыхтаваў для гульцоў піксельны прыгодніцкі 2D-хорар, у аснову якога легла гісторыя Into the Pit зь серыі кніг "Жахі Фазьбера", рэліз якога павінен адбыцца сёньня!

🎁 Цяпер у GOG можна бясплатна забраць: Intravenous

Intravenous — увайдзіце ў сусьвет Intravenous у ролі Стыва Роббінса — адпомсьціце за сьмерць вашага брата, сьмерць якога на руках наркаманаў. Укараніцеся ў кругі крыміналу пад прычыненьнем цемры, або ўварвіцеся з аўтаматам у руках і бронекамізэлькай на грудзях.
Распрацоўнік — Explosive Squat Games (Летува)

❗️Прпанова скончыцца праз 3 гадзіны.

📢 Чарговы трэйлер Harry Potter: Quidditch Champions ад Warner Bros. Games

У трэйлеры былі прадстаўлены тры новыя арэны школ Басбатонс, Дурмстранг і Хогвартс!
Арэны для квідычу выглядаюць досыць прыгожа, а вось да ґеймплэю ў шматлікіх ґеймераў ўсё яшчэ ёсьць пэўныя пытаньні.

Нагадаем, што гульня павінна выйсьці 3-га верасьня на PC, PlayStation 4/5, Xbox One/Series, та Nintendo Switch.

❓А ці чакаеце вы спартыўны сімулятар па квідычу?

⚡️GSC Game World расказалі падрабязнасьці S.T.A.L.K.E.R. 2: Heart of Chornobyl у новай прэзентацыі

Супрацоўнікі кампаніі прадэманстравалі больш дэталей пра распрацоўку гульні, паказалі як ствараліся сюжэтныя кат-сцэны, а таксама праходжаньне аднаго з квэстаў на балотах!

У новам відэа з камэнтарамі распрацоўнікаў было прадстаўлена шмат розных мэханік, нарэшце, можна было пабачыць інтэрфейс, мапу, мутантаў і анамаліі, а таксама прыгожыя краявіды лякацый, пераважна, вышэй згаданых балот.

Графіка й атмасфэра зашкальвае, аднак рэальна новага пра сюжэт і пэрсанажаў нам амаль нічога не расказалі.

Нагадаем, пасьля нядаўняга пераноса гульня павінна выйсьці 20 лістапада 2024 году на Xbox Serіes X/S і PC.

❓Ці чакаеце вы S.T.A.L.K.E.R. 2? Зьбіраецеся гуляць?

☣️GSC Game World працягваюць нас радаваць матэрыяламі па S.T.A.L.K.E.R. 2: Heart of Chornobyl

Новы трэйлер прысьвечаны адкрытаму сьвету і лякацыям.

📢 Чарговы перанос

Ультра "рэалістычная" RPG у сеттынгу Сярэднявечча Kingdom Come: Deliverance II перанесена на 11 лютага 2025 году.

Пра гэта распрацоўнікі з Warhorse Studios паведамілі ў сваім Ціўтары (сац. сетцы X). Першапачаткова гульня мусіла выйсьці напрыканцы гэтага году.

⚡️Прадстаўлены новы сюжэтны трэйлер Silent Hill 2 Remake

Гульня выходзіць 8 кастрычніка 2024 году на ПК і PS5.