​​📰 Assassinʼs Creed: Shadows працягвае быць у цэнтры скандалаў

Скандал вакол "гістарычнай дакладнасьці" будучай Assassin Creed Shadows набірае ўсё большыя абароты. Японскі палітык Сатосі Хамада паведаміў, што атрымаў шэраг вестак аб тым, як Ubisoft спрабуе фальсыфікаваць гісторыю і культуру Японіі, і папрасіў пракамэнтаваць высновы кансультанта наконт гістарычных недакладнасьцяў.

У прыведзеным палітыкам водгуку паказана, што ў Shadows японцы паказаны "барбарамі, якія рэгулярна выкарыстоўваюць абезгалоўліваньне ў якасьці забавы". Сам Ясукэ намаляваны як асоба больш важная для японскай гісторыі, чым ёсьць насамрэч, што «празь дзесяцігодзьдзі можа ўзьнікнуць адчуваньне, што цемнаскурыя стварылі японскую гісторыю».

Цікавым фактам стала й тое, што Ubisoft шмат у чым абапіралася на кнігі Томаса Локлі, які жыве ў Японіі і працуе ва Ўнівэрсытэце Ніхан. Аднак працы Локлі цяжка лічыць дакладнымb, бо на гэта іх ніхто не правяраў, а сам аўтар ня раз быў абвінавачаны ў рэдагаваньні старонкі Ясукэ ў Вікіпэдыі, дзе ён зьмяняў рэальныя гістарычныя факты на факты са сваёй кнігі (дарэчы, рэальных гістарычных дакумэнтаў, дзе згадваецца Ясукэ ня так і шмат, усяго тры).

Ну і "вішанка" — як аказалася катану й шлем Ясукэ Ubisoft скрала ў героя анімэ «Ван-Піс» — Рараноа Зора. Рэплікі прадметаў кампанія паказала на стэндзе Assassin Creed: Shadows.

Студыя ніяк не камэнтуе тое, што адбываецца, а ў гэты час шматлікія японскія палітыкі сурʼёзна плянуюць унесьці ў парламэнт краіны прапанову аб забароне гульні!

Жадаеце быць у курсе самых свежых навін і цікавых фактаў аб штучным інтэлекце? 🧐⁣⁣⠀⁣⁣⠀
⁣⁣⠀⁣⁣⠀
Далучайцеся да Telegram-каналу BELAI, дзе вы даведаецеся пра сучасныя тэхналогіі AI іх уплыў на наша жыццё і будучыню. ⁣⁣⠀⁣⁣⠀
⁣⁣⠀⁣⁣⠀
Будзьце ў курсе сучасных інавацый і перспектыў, якія адкрываюцца перад намі дзякуючы развіццю штучнага інтэлекту. ⁣⁣⠀⁣⁣⠀
⁣⁣⠀⁣⁣⠀
Далучайцеся да BELAI ужо сёння і станьце часткай захапляльнага свету тэхналогій!⁣⁣⠀
⁣⁣⠀
https://t.me/+SxP8Cza0520yODEy

#партнэрская_рэкляма

💸 У Steam стартаваў фэстываль файтынгаў

«Ваюйце ў ролі супэргероя ці сьмешнай жывёлы, а ў якасьці поля бою выбірайце фантастычныя сцэны, арэны ці… звычайную паркоўку. Галоўнае, будзьце гатовыя БІЦЦА!»

Вось некаторыя цікавыя прапановы:

🔸DRAGON BALL Z: KAKAROT — $9.99 (-75%);
🔸TEKKEN 8 — $26.21 (-43%);
🔸DRAGON BALL FighterZ — $7.99 (-84%);
🔸ONE PUNCH MAN: A HERO NOBODY KNOWS — $2.99 (-90%);
🔸Sclash — $2.89 (-50%);
🔸GUILTY GEAR -STRIVE- — $19.99 (-50%).

Дадаткова, у перыяд мерапрыемства, у магазіне ачкоў, можна забраць бясплатныя ўзнагароды!

Імпрэза скончыцца 22 ліпеня.

📢 Анансавана Planet Coaster 2

Будуйце і пэрсаналізуе цудоўныя амэрыканскія горкі і неверагодныя аквагоркі, кіруйце ідэальным паркам забаў і дзяліцеся сваімі фантастычнымі творамі. Вы гатовыя злавіць хвалю?

Распрацоўнікі заяўляюць, што ў Planet Coaster 2 атрымаецца стварыць парк забаў сваёй мары, выкарыстоўваючы простыя і зручныя прылады для будаўніцтва. Абяцаны і некаторыя раней недаступныя сродкі, дзякуючы якім стане магчымым старанна прапрацоўваць і дэталёва наладжваць элемэнты свайго парка.

Адной з ключавых навінак гульні стане мноства водных атракцыёнаў. У аквапарках можна будзе разьмясьціць як зьвілістыя павольныя рэкі, так і басэйны з хвалямі.

Гульня выйдзе ўвосень 2024 году на PC, PlayStation 5 і Xbox Series.

📢 Адбыўся рэліз нуарнага трылера Nobody Wants to Die

Сардэчна запрашаем у змрочны Нью-Ёрк 2329 году, дзе людзі здабылі вялікі дар — неўміручасьць, за які трэба плаціць. У гэтай інтэрактыўнай нуарнай гісторыі вам трэба будзе стаць дэтэктывам Джэймзам Карра, які ідзе на буйную рызыку, каб злавіць серыйнага забойцу!

У Nobody Wants to Die "вельмі станоўчы" рэйтынг у Steam! Гульню хваляць за атмасфэру, ґрафіку, сюжэт і музыку. Асобныя карыстачы жаляцца на прадукцыйнасьць і кароткае мінаньне, раячы браць праект на распродажах.

Кошт гульні $25.
Акрамя PC, гульня даступна на PS5 і Xbox Series.

📢 Анансаваны мышыны горадабуд Whiskerwood

У гэтай горадабудаўнічай стратэгіі вам трэба будзе наладзіць жыцьцё працавітых мышэй пад пятай, дакладней, лапай пухнатых сюзэрэнаў. Вас чакае комплекснае мадэляваньне, складаныя вытворчыя ланцужкі і старая як сьвет грызьня паміж коткамі і мышамі!

Дата рэлізу гульні не называецца.
Распрацоўкай займаецца японская студыя Minakata Dynamics.

​​📢 Ubisoft адказала японскім гульцам незадаволеным Assassin's Creed Shadows

Ubisoft перапыніла маўчаньне, вырашыўшы зьвярнуцца да японскіх ґеймераў, якія вельмі незадаволеныя мноствам спрэчных момантаў Assassinʼs Creed Shadows.

Карпарацыя выказала падзяку за падтрымку серыі Assassinʼs Creed, якая за амаль 20 гадоў дасьледавала шмат гістарычных пэрыядаў. Як расказала кампанія, Shadows атрымала мноства дадатных водгукаў са боку японскіх гульцоў, але знайшлася і некаторая крытыка.

Ubisoft прызналася, што прыклала "значныя намаганьні" па стварэньні "паважлівай" дэманстрацыі фэадальнай Японіі. Аднак у пляны распрацоўникащ ніколі не ўваходзіла стварэньне "фактычнага" прадстаўленьня абранага пэрыяду. Замест гэтага яны жадаюць натхніць гульцоў на самастойнае дасьледаваньне гістарычнага антуражу.

Сама Assassinʼs Creed Shadows у першую чаргу выступае забаўляльнай гульнёй у фармаце гістарычнай фантастыкі . Пры гэтым гульня стваралася разам з кансультантамі, гісторыкамі і дасьледнікамі.

Нягледзячы на ​​ўсе прыкладзеныя намаганьні, у Ubisoft прызналі, што некаторыя рэклямныя матэрыялы Shadows выклікалі "непакой" з боку японскіх гульцоў. Пры гэтым прадстаўленыя кадры не адносяцца да поўнай вэрсіі гульні — яна працягвае знаходзіцца ў актыўнай распрацоўцы, таму аўтары прыслухаюцца да "канструктыўнай крытыкі".

📢 Завяршылася апошняя гульня Эўрапейскіх адборачных па Dota 2 перамогай зборнай Беларусі

«Завяршылася апошняя гульня Эўрапейскіх адборачных па Dota 2 перамогай зборнай Беларусі супраць Украіны зь лікам 1:0, і Беларусь займае першае месца!

Другое месца заняла Ўкраіна;
На трэцім месцы Грэцыя;
На чацьвёртым — Швэцыя;
І пятае месца забірае Турэччына.

Яшчэ раз нагадаем пра нашых герояў:
Аляксандар «Pio65 ♥️♠️» Залівака
Мікіта «ряф^^» Кашкан
Уладзімір «Miyaoo» Аўсянскі
Іван «OneJey» Жывіцкі
Віталій «so bad» Ашманкевіч

Гэта былі неверагодныя гульні, поўныя яскравых момантаў і перажываньняў!

Дзякуй усім гледачам і балельшчыкам за веру ў камандзе, і да сустрэчы ў Эр-Рыядзе!»
— піша Беларуская Фэдэрацыя Кібэрспорту

📢 Адбыўся рэліз хорару Conscript пра Першую сусьветную вайну

Падчас Першай сусьветнай вайны самотны францускі салдат павінен перамяшчацца па зьвілістых траншэях, зьбіраць абмежаваныя запасы й вырашаць складаныя галаваломкі — і ўвесь гэты час змагаючыся за выжываньне ў разгар самага жорсткага й жахлівага канфлікту чалавецтва. CONSCRIPT — гэта новы погляд на клясычны Survival Horror!

На Opencritic хорар Conscript сабраў 79 балаў. Журналісты адзначылі, што наўрад ці навінка зможа выклікаць пачуцьцё жаху, аднак яна павінна спадабацца ўсім прыхільнікам жанру. Таксама гульню пахвалілі за рэалістычны малюнак жахаў вайны.

Кошт гульні — $19,99.

📢 S.T.A.L.K.E.R. 2: Heart of Chornobyl ізноў перанесены!

Распрацоўнікі з GSC GAME WORLD паведамілі пра гэта арыґінальным трэйлерам Really, Again?
Цяпер гульня павінна выйсьці 20 лістапада 2024 году.
Пры гэтым GSC Game World паабяцалі нам новую прэзентацыю S.T.A.L.K.E.R. 2: Heart of Chornobyl зь відэапраходжаннем аднога з квэстаў! Прэзентацыя павінна адбыцца ўжо 12 жніўня.

​​📰 Выдавецтва Paradox Interactive прызнала свае памылкі

Paradox Interactive апублікавалі сваю фінансавую справаздачу зь якой стала вядома, пра сурʼёзнае падзеньне прыбытку (апэрацыйны прыбытак упаў на 90%), свае памылкі кампанія ўсьведамляе й прызнае, пра гэта расказаў ґенэральны дырэктар кампаніі Фрэдрык Вэстэр, у прыватнасьці ён закрануў тэму адмены сімулятара Life by You.

Адмена гульні была цяжкім рашэньнем, але праект ня мог апраўдаць чаканьні Paradox Interactive. Аднак у кампаніі былі й "няправільныя рашэньні ў некалькіх праектах". Вэстэр жадае, каб у далейшым выдавецтва не паўтарала сваіх памылак, у тым ліку ў сфэры распрацоўкі гульняў і адзнакі патэнцыйных рызык.

За апошнія гады ў Paradox Interactive было адразу некалькі праблем. Гэта як няўдалы рэліз Cities Skylines 2 зь вялікай колькасьцю тэхнічных праблем, так і фінансавы правал The Lamplighters League. Таксама кампанія пацярпела ад пераносу Prison Architect 2 і «даўгабуда» у асобе Vampire: The Masquerade – Bloodlines 2. Нягледзячы на ​​ўсе нягоды, дырэктар кампаніі верыць у сьветлую будучыню.

⚡️ Song of Slavs — новая беларуская гульня пра славянскую міталёгію

Стань Царом! Ствары сваё пасяленьне, ператвары яго ў крэпасьць і абарані свой народ у прыгожым сайд-скролеры стратэгіі. Табе трэба пабудаваць свой горад, зьбіраць рэсурсы, змагацца з ворагамі, адным словам рабіць тое, што належыць сапраўднаму цару.

Гульню ствараюць незалежныя беларускія распрацоўнікі, якія заяўляюць аб наяўнасьці ў Song of Slav тэкставага пераклада на беларускую мову (у будучыні плянуецца поўная беларуская агучка гульні).
Таксама заяўлена, што гульцы змогуць наведаць старажытны Тураў!

Дата рэлізу не называецца.
Спасылка на гульню.

📢 Warner Bros. Games паказалі новы трэйлер з элемэнтамі ґеймплэю Harry Potter: Quidditch Champions

Harry Potter: Quidditch Champions гэта дынамічная, шматкарыстальніцкая гульня аб квідычу. Гульцам прапануюць удзельнічаць у онлайн-матчах або спаборнічаць у іншых шматкарыстальніцкіх рэжымах.
Асобна стваральнікі падкрэсьліваюць, што ў гульні будзе аднакарыстальніцкі кантэнт.

Гульня мусіць выйсьці 3-га верасьня сёлета на PC, Xbox Series, PS5 і Nintendo Switch.

📢 Warhammer 40000 Space Marine 2 атрымала ґеймплэйную дэманстрацыю гульнявой зброі

Чалавецтва ў небяспэцы. Імпэрыюму патрэбны ВЫ. Адчуйце ў сабе звышнатуральныя здольнасьці й жорсткасьць касмадэсантніка, аднаго з найвялікшых ваяроў Імпэратара!

Focus Entertainment і Saber Interactive падзяліліся сьвежым ґеймплэйным відэа Warhammer 40,000: Space Marine II. Яго прысьвяцілі дэманстрацыі арсэнала Касмадэсанту!

Гульцы змогуць лёгка пераключацца паміж зброяй блізкага і далёкага бою прама ў разгары бітваў, пашыраць арсэнал з дапамогай спэцыяльных стоек, зьбіраць боепрыпасы і карыстацца скачковым ранцам.

Warhammer 40,000: Space Marine 2 выходзіць 9 верасьня на РС, Xbox Series і PlayStation 5.