​​📰 Афіцыйна — Days Gone 2 ня будзе

Папулярны постапакаліптычны баявік Days Gone (рэліз якога адбыўся ў 2019-м годзе) у апошні час ня раз аказваўся ў цэнтры ўвагі з-за зьяўленьня інфармацыі аб нібыта плянах распрацоўнікаў з SIE Bend Studio заняцца працягам праекта.
Апошняя падобная інфармацыя зыходзіла ад Джона Гарвіна — былога творчага дырэктара кампаніі, які заявіў, што гульня павінна была стаць паўнавартаснай трылёгіяй!

Усё гэта абверг камʼюніці-мэнэджар студыі Bend Кевін Макалістэр. Ён назваў гэтыя чуткі "ілжывымі надзеямі", спароджанымі беднасьцю інфармацыі. А людзей, якія распаўсюджваюць іх, ахарактарызаваў як паляўнічых за "лайкамі".

У дадзены момант Bend Studio працуе над неанансаваным праектам (верагодна гэта гульня-сэрвіс). Па словах ґеймдырэктара Days Gone Джэфа Роса, у новай гульні студыі «варʼяцкі» бюджэт — сама меней 250 мільёнаў даляраў!

Нагадаем, Days Gone — экшэн ад трэцяй асобы, дзеяньне якога адбываецца ў адкрытым постапакаліптычным сьвеце. Гульцы бяруць на сябе ролю Дыкон Сейнт-Джон, байкера, які ў новым сьвеце вядзе вандроўны лад жыцьця.

Канал заўзятага калекцыянера 🧐

На ім вы знойдзеце інфармацыю пра разнастайныя паштовыя маркі, банкноты і манеты, як сучасныя, так і нашых продкаў🪙

Цікавы кошт манеты, знойдзенай на агародзе тваёй бабулі, і колькі куфаляў піва за яе мог купіць твой прапрапрадзед? Тады далучайся!

Vialikaje Kniastva Numizmatyki

🎁 Цяпер у GOG можна бясплатна забраць: The First Templar

The First Templar — гэта гісторыя пра францускага Тампліера й яго спадарожніцу, высакародную даму, якая была абвешчана ерэтычкай. Узяўшы кіраваньне над героямі вы павінны раскрыць таямніцы Ордэна Тампліераў і іх ґрандыёзную змову, а таксама знайсьці Сьвяты Грааль!
Распрацоўнік — Haemimont Games (Баўгарыя).

❗️Забраць гульню можна да 5 ліпеня.

📢 Стваральнікі S.T.A.L.K.E.R. 2: Heart of Chornobyl прадставілі тры кампазыцыі з музыкай “зь вялікай зямлі”

Распрацоўнікі з GCS Game World падзяліліся сьвежым ролікам, прысьвечаным S.T.A.L.K.E.R. 2: Heart of Chornobyl. У ім паказалі тры кампазыцыі "зь вялікай зямлі", якія можна будзе пачуць у самой гульні (усе трэкі ад рэальных украінскіх музыкаў):

▫️anastymoza — Хризантеми;
▫️ДК Енергетик — Вулиця Схід;
▫️The Unsleeping — Жити.

Гэтую музыку можна будзе пачуць у розных месцах гульні, як мінімум гэта бар і арэна якія належаць групоўцы «Свабода».

Нагадаем, што рэліз S.T.A.L.K.E.R. 2: Heart of Chornobyl адбудзецца 5 верасьня на PC і Xbox Series.

​​⚡️ "Японцы" патрабуюць адмяніць Assassinʼs Creed Shadows

Некалькі тыдняў таму японскія (як меркавалася) ґеймеры апублікавалі петыцыю з патрабаваньнем адмены Assassin Creed Shadows. У ёй Ubisoft абвінавачваюць у абразе японскай культуры й гісторыі й няправильным разуменьні прыроды й ролі самураяў.

Адным з гульнявых пэрсанажаў стане Ясукэ, першы пратаганіст серыі, заснаваны на рэальнай гістарычнай асобе. І ў малюнку дадзенага самурая кампанія дапусьціла цэлы шэраг гістарычных недакладнасьцяў:

«Гульня заснавана на японскіх самураях і іґнаруе той факт, што самураі — гэта больш высокі ранг воінскага саслоўя, і яны павінны быць «гокэнінамі» або слугамі шляхты. Насамрэч, першы эўрапеец, які атрымаў тытул самурая, гэта Ўільям Адамс (Міура Андзін), і ён служыў сьцяганосцам у Такугавы Іэясу».

Рэальны Ясукэ прыбыў у Японію ў 1579 годзе, і ў пэрыяд, паказаны ў будучай гульні, ён быў слугой езуіцкага місіянера Алесандра Валіньяна. Толькі ў 1581 годзе ён быў прадстаўлены Одзе Набунаґе й паступіў да яго на службу збраяносцам.

Тое, як распрацоўнікі малююць самураяў у Assassinʼs Creed Shadows, гульцы лічаць праявай азіяцкага расізму. Петыцыю ўжо падпісала амаль 30 тысяч чалавек.

Аднак, стаў вядомы цікавы факт, дзякуючы аналізу петыцыі, можна сказаць, што 95% подпісаў за адмену Assassinʼs Creed Shadows пакінулі заходнія "ультраправыя" ґеймеры, а аўтарамі яе верагодна зьяўляліся іх "калеґі" японскія ґеймеры-нацыяналісты якія не змаглі прыцягнуць да дадзенай тэмы дастатковай увагі на радзіме.
Ускосна пра гэта сьведчыць рост колькасьці (ужо выдаленых) відэа з заклікам "прыбраць чарнаскурых людзей з гульняў Ubisoft".

Нагадаем, негледзячы на петыцыю Assassinʼs Creed Shadows выходзіць ужо 15 лістапада на PC, Xbox Series і PlayStation 5.

📰 Roll20 — найбольш вядомая плятформа для онлайн-настольных RPG была ўзламаная

Калі вы зьяўляецеся чальцом Roll20, мы хацелі б прапанаваць вам прыняць любыя магчымыя меры засьцярогі, паколькі ўцечка даволі моцная.
Мы цэнім бясьпеку ўсіх нашых удзельнікаў. Я таксама хацеў бы папрасіць усіх жадаючых дапамагчы падзяліцца навінамі, каб забясьпечыць як мага больш людзей.Дзякуй!
— Паведаміў мадэратар Дыскорд-сэрвэру DEI Detected — Corrosion

Roll20 — вэб-сайт, які складаецца з набору інструмэнтаў для настольных ролевых гульняў, таксама званых «віртуальнымі сталамі», якія можна выкарыстоўваць у якасьці дапаможных сродкаў для асабістай або выдаленай онлайн-гульні.
Сайт быў запушчаны ў 2012 годзе пасьля пасьпяховай кампаніі на Kickstarter.

🎁 Цяпер у Epic Games Store можна бясплатна забраць: The Falconeer

The Falconeer — гэтая намінаваная на прэмію BAFTA гульня аб паветраных бітвах створана незалежным распрацоўнікам Томасам Салай. Станьце Вершнікам і ляціце да нябёсаў на сьпіне магутнай баявой птушкі, дасьледуйце маштабны акіянічны сьвет і ўступайце ў ґрандыёзныя бітвы!
Распрацоўнік — Tomas Sala (ЗША)

Забраць гульню можна да 11 ліпеня.

📢 Аўтары Genshin Impact выпусьцілі новую гульню — Zenless Zone Zero

Сучасная цывілізацыя была практычна цалкам зьнішчана звышнатуральным бедзтвам, вядомым як «Пустоты», і монстрамі, якія рынуліся ў наш сьвет з паралельных вымярэньняў. Апошнім сховішчам цывілізацыі стаў Новы Эрыд, чые таямніцы й трэба разгадаць атраду герояў.

Zenless Zone Zero — гэта ўмоўна-бясплатны праект, які будзе пастаянна абнаўляцца. Ужо зараз гульцоў чакаюць тры сюжэтныя главы, некалькі місіяў аґентаў, некалькі адкрытых гарадзкіх лякацый і многае іншае.

Гульня даступна на PC, PlayStation 5 і мабільныя прылады.

​​📰 BioWare расказалі аб рыштунку герояў Dragon Age The Veilguard

Game Informer апублікавлі сьвежы матэрыял па Dragon Age: The Veilguard, у якім расказваецца аб брані й рыштунку.
Сабралі для вас самае цікавае:

▫️у гульні даступныя наступныя слоты: браня, шлем, пояс, амулет, зброя (2 слота) і кольцы (2 слота);
▫️рамяні паляпшаюць эфэктыўнасьць лячэбных зельляў і нават могуць забясьпечыць часавую непаражальнасьць;
▫️кампаньёнам даступныя слоты для брані, кольцаў, аксэсуараў і зброі;
▫️большая частка брані падыходзіць толькі пэўнай клясам і спадарожнікам. Напрыклад, у куфры чараўніка ня знойдзецца дасьпехаў для ваяра, а ў браню Белары нельга будзе надзець Гардынг і гэтак далей;
▫️у гульні ёсьць "надзейная" сыстэма трансмагрыфікацыі, якая дазваляе перанесьці жаданыя характарыстыкі з аднаго прадмета на іншы. Гэтую ж сыстэму можна прымяняць падчас кастамізацыі спадарожнікаў;
▫️у гульні ёсьць баявое й штодзённае адзеньне.

Нагадаем, рэліз Dragon Age: The Veilguard адбудзецца гэтай восеньню на PC, PlayStation 5 і Xbox Series.

📢 Хорар па матывах фільма «Ціхае месца» — A Road Ahead атрымаў сюжэтны трэйлер

Гулец возьме на сябе ролю дзяўчыны Алекс, якая спрабуе застацца ў жывых пасьля нападу на зямлю жудасных пачвар. Тыя рэагуюць на гук і гатовы разарваць на кавалкі любую яго крыніцу. Таму людзі змушаныя захоўваць абсалютную цішыню.
Для Алекс гэта, становіцца пэўнай праблемай, бо яна хварэе на астму — і ёй патрэбныя адпаведныя лекі накшталт інгалятара, які выдае шум.

Рэліз A Quiet Place: Road Ahead заплянаваны на гэты год для PS5, Xbox Series і PC.

📰 Студыя стваральнікаў Gothic верагодна усё ж закрыта

Польскае выданьне CD-Action, спасылаючыся на ананімнага супрацоўніка Piranha Bytes, расказала пра закрыцьцё студыі. Нібыта гэта адбылося яшчэ напрыканцы чэрвеня пасьля працяглага крызісу.
Пошук патэнцыйных інвэстараў ня даў жаданых вынікаў.

Паводле інфармацыі крыніцы, справы ў студыі былі такія сумныя, што ў ёй амаль не засталося супрацоўнікаў (людзі аддалі перавагу знайсьці больш стабільную працу).

Ґенэральны дырэктар Майкл Рув не рабіў афіцыйных заяў, але Piranha Bytes можа адмовіцца ад якіх-небудзь афіцыйных заяў, моўчкі сышоўшы на спакой. Пры гэтым інфармацыя аб тым, што Embracer Group вырашыла закрыць аўтараў Gothic, Risen і ELEX, зьявілася яшчэ ў пачатку гэтага году.

Дадаткова стала вядома, што Бʼёрн і Джэні Панкратц (адны са стваральнікаў Gothic, Risen і Elex) адкрылі ўласную студыю Pithead Studio, у якой абяцаюць захоўваць вернасьць жанру ролевых гульняў і рабіць упор на глыбокія сюжэты.

📢 Беларуская Tales Of Meadows атрымала сьвежы трэйлер

Tales Of Meadows прывядзе вас у Тураў, адзін з найстаражытнейшых і найважнейшых гарадоў Беларусі, дзе вы будзеце адчуваць змрочную й захапляльную атмасфэру, бачыць рэалістычную баявую сыстэму, знаёміцца з героямі й падзеямі з гісторыі Беларусі, а таксама насоладжвацца прыгожым і дэталёвым ґрафічным афармленьнем!

✅Заяўлены афіцыйны пераклад на беларускую мову.

🎁 Цяпер у Epic Games Store можна бясплатна забраць: Floppy Knights

Floppy Knights — сустракайце дыскетных рыцараў! Тактыка і мэханікі картачнай гульні дапамагаюць Фібі, бліскучай юнай вынаходніцы, і яе лепшаму сябру-рабаруцэ Карлтану рашуча ўступаць у пакрокавыя бітвы!
Распрацоўнік — Rose City Games (ЗША)

Забраць гульню можна да 18 ліпеня.

⚡️ Афіцыйна: алімпійскім кібэрспартыўным спаборніцтвам быць

Міжнародны алімпійскі камітэт заключыў дванаццацігадовую дамову з Нацыянальным алімпійскім камітэтам Саудаўскай Арабіі, паводле якога, у 2025 годзе там правядуць першую Алімпіяду па кібэрспартыўных гульнях!
Кіраўнік МАК Томас Бах упэўнены, што такія спаборніцтвы стануць рэгулярнымі:

«Супрацоўнічаючы з НАК Саудаўскай Арабіі, мы таксама забясьпечылі захаваньне алімпійскіх каштоўнасьцяў, у прыватнасьці, у адносінах да падбору гульняў, уключаных у праґраму, прасоўваньня ґендэрнай роўнасьці і ўзаемадзеяньня з маладой аўдыторыяй, якая захапляецца кібэрспортам».

Каля месяца таму Міжнародны алімпійскі камітэт абʼявіў, што падчас Алімпійскіх гульняў у Парыжы 2024 году разгледзіць прапанову аб стварэньні Алімпійскіх кібэрспартыўных гульняў, з улікам, што летнія Алімпійскія гульні ў Парыжы пачнуцца толькі 26 ліпеня, а дадзеную інфармацыю апублікавалі ўжо зараз, у станоўчым рашэньні МАК аніхто не сумняваецца!

​​📰 Замест Baldurʼs Gate Larian магла ўзяцца за Fallout ці Ultima

Кіраўнік Larian Свэн Вінке прызнаўся, што разглядаў магчымасьць працы над буйным праектам ня толькі ў сусьвеце Baldurʼs Gate.
Паводле яго словаў, пасьля посьпеху двух частак Divinity: Original Sin Вінке адчуў, што магчымасьці студыі нашмат пераўзыходзяць тое, што яны рабілі да гэтага часу. І ён вырашыў, што Larian для выхаду ў «вышэйшую лігу» патрэбен гучны і вядомы брэнд:

«Я адчуваў, што існуе нейкая шкляная столь, і мы ня зможам яе пераадолець, калі ў нас ня будзе вытворчых каштоўнасьцяў, бюджэту, маркетынгу, усіх гэтых AAA-атрыбутаў. І толькі некалькі вядомых гульнявых франшызы маглі даць нам гэта. Гэта магло б быць Ultima, Fallout ці Baldurʼs Gate. У нас не было асабліва шырокага выбару».

Вaldurʼs Gate была першым і відавочным выбарам Larian. Па словах Вінке, самы першы і пасьля адменены праект студыі, The Lady, The Mage, і The Knight, распрацоўваўся прыкладна ў той жа час, што і арыґінальная Baldurʼs Gate.
Была нават спроба наладзіць адносіны паміж распрацоўнікамі, але тагачасны выдавец Larian спыніў усе спробы, сапсаваўшы тым самым адносіны з BioWare.

Вінке дадаткова расказаў, што Larian магла не атрымаць ліцэнзію на Baldurʼs Gate. Дызайн-дакумэнт для будучай гульні распрацоўнікам прыйшлося рыхтаваць у разгар працы над Divinity: Original Sin 2, і атрымалася вельмі дрэнна, але ўладальнікі правоў на франшызу далі студыі яшчэ адзін шанец і не пралічыліся!

У верасьні да Baldurʼs Gate III выпусьцяць фінальнае буйное абнаўленьне, пасьля чаго студыя цалкам пераключыцца на два новыя праекты. Адзін зь іх пакуль завецца Excalibur, і абодва не заснаваны на сусьвеце D&D.

​​📰 Assassinʼs Creed: Shadows працягвае быць у цэнтры скандалаў

Скандал вакол "гістарычнай дакладнасьці" будучай Assassin Creed Shadows набірае ўсё большыя абароты. Японскі палітык Сатосі Хамада паведаміў, што атрымаў шэраг вестак аб тым, як Ubisoft спрабуе фальсыфікаваць гісторыю і культуру Японіі, і папрасіў пракамэнтаваць высновы кансультанта наконт гістарычных недакладнасьцяў.

У прыведзеным палітыкам водгуку паказана, што ў Shadows японцы паказаны "барбарамі, якія рэгулярна выкарыстоўваюць абезгалоўліваньне ў якасьці забавы". Сам Ясукэ намаляваны як асоба больш важная для японскай гісторыі, чым ёсьць насамрэч, што «празь дзесяцігодзьдзі можа ўзьнікнуць адчуваньне, што цемнаскурыя стварылі японскую гісторыю».

Цікавым фактам стала й тое, што Ubisoft шмат у чым абапіралася на кнігі Томаса Локлі, які жыве ў Японіі і працуе ва Ўнівэрсытэце Ніхан. Аднак працы Локлі цяжка лічыць дакладнымb, бо на гэта іх ніхто не правяраў, а сам аўтар ня раз быў абвінавачаны ў рэдагаваньні старонкі Ясукэ ў Вікіпэдыі, дзе ён зьмяняў рэальныя гістарычныя факты на факты са сваёй кнігі (дарэчы, рэальных гістарычных дакумэнтаў, дзе згадваецца Ясукэ ня так і шмат, усяго тры).

Ну і "вішанка" — як аказалася катану й шлем Ясукэ Ubisoft скрала ў героя анімэ «Ван-Піс» — Рараноа Зора. Рэплікі прадметаў кампанія паказала на стэндзе Assassin Creed: Shadows.

Студыя ніяк не камэнтуе тое, што адбываецца, а ў гэты час шматлікія японскія палітыкі сурʼёзна плянуюць унесьці ў парламэнт краіны прапанову аб забароне гульні!

Жадаеце быць у курсе самых свежых навін і цікавых фактаў аб штучным інтэлекце? 🧐⁣⁣⠀⁣⁣⠀
⁣⁣⠀⁣⁣⠀
Далучайцеся да Telegram-каналу BELAI, дзе вы даведаецеся пра сучасныя тэхналогіі AI іх уплыў на наша жыццё і будучыню. ⁣⁣⠀⁣⁣⠀
⁣⁣⠀⁣⁣⠀
Будзьце ў курсе сучасных інавацый і перспектыў, якія адкрываюцца перад намі дзякуючы развіццю штучнага інтэлекту. ⁣⁣⠀⁣⁣⠀
⁣⁣⠀⁣⁣⠀
Далучайцеся да BELAI ужо сёння і станьце часткай захапляльнага свету тэхналогій!⁣⁣⠀
⁣⁣⠀
https://t.me/+SxP8Cza0520yODEy

#партнэрская_рэкляма

💸 У Steam стартаваў фэстываль файтынгаў

«Ваюйце ў ролі супэргероя ці сьмешнай жывёлы, а ў якасьці поля бою выбірайце фантастычныя сцэны, арэны ці… звычайную паркоўку. Галоўнае, будзьце гатовыя БІЦЦА!»

Вось некаторыя цікавыя прапановы:

🔸DRAGON BALL Z: KAKAROT — $9.99 (-75%);
🔸TEKKEN 8 — $26.21 (-43%);
🔸DRAGON BALL FighterZ — $7.99 (-84%);
🔸ONE PUNCH MAN: A HERO NOBODY KNOWS — $2.99 (-90%);
🔸Sclash — $2.89 (-50%);
🔸GUILTY GEAR -STRIVE- — $19.99 (-50%).

Дадаткова, у перыяд мерапрыемства, у магазіне ачкоў, можна забраць бясплатныя ўзнагароды!

Імпрэза скончыцца 22 ліпеня.

📢 Анансавана Planet Coaster 2

Будуйце і пэрсаналізуе цудоўныя амэрыканскія горкі і неверагодныя аквагоркі, кіруйце ідэальным паркам забаў і дзяліцеся сваімі фантастычнымі творамі. Вы гатовыя злавіць хвалю?

Распрацоўнікі заяўляюць, што ў Planet Coaster 2 атрымаецца стварыць парк забаў сваёй мары, выкарыстоўваючы простыя і зручныя прылады для будаўніцтва. Абяцаны і некаторыя раней недаступныя сродкі, дзякуючы якім стане магчымым старанна прапрацоўваць і дэталёва наладжваць элемэнты свайго парка.

Адной з ключавых навінак гульні стане мноства водных атракцыёнаў. У аквапарках можна будзе разьмясьціць як зьвілістыя павольныя рэкі, так і басэйны з хвалямі.

Гульня выйдзе ўвосень 2024 году на PC, PlayStation 5 і Xbox Series.