📢 Казаская студыя Echo Games Lab анансавала біяпанк-шутэр — Reverb

Reverb — онлайн шутэр дзеяньне якога разгортваецца ў змрочным біяпанкавым сусьвеце, дзе ідзе барацьба за выжываньне й эвалюцыю!

Асноўны рэсурс у гульні — РНК, зь яго дапамогай можна будзе паляпшаць жывую зброю, пэрсанажа й свой прытулак.
Баі таксама абяцаюць быць незвычайнымі — усе гульцы ў пачатку бітвы будуць нябачнымі, пакуль не атрымаюць першыя пашкоджаньні, арыентавацца прыйдзецца на гук (у тым ліку й ворагам з гульнявога асяродьдзя).

Распрацоўкай займаецца незалежная казаская студыя Echo Games Lab.
Выпусьціць гульню плянуюць да канца 2024 году!

📰 Шок, сум і злосьць — як індустрыя адрэагавала на закрыцьцё стваральнікаў The Evil Within і Prey

Нядаўняя інфармацыя аб закрыцьці студыяў Tango Gameworks (Hi-Fi Rush, The Evil Within, Ghostwire: Tokyo), Arkane Austin (Prey (2017), Redfall) і Alpha Dog Studios (Mighty Doom) выклікала буру эмоцыяў у сеціве, як з боку ґеймераў, так і з боку прадстаўнікоў індустрыі.

Сабралі некаторыя выказваньні:

Вельмі, вельмі дрэнны званочак. Думкавая падтрымка нашым братам і сёстрам у Тэхасе, Канадзе й Японіі, якія перажываюць цяжкія часы, — арт-дырэктар Arkane Lyon Себасьцьян Мітан.

Закрыцьцё Arkane Austin і Tango — самае вялікае расчараваньне пасьля зьліцьця з Microsoft. Яны [студыі] стваралі захапляльныя новыя IP, нават калі яны былі неідэальнымі. Я цалкам прайшоў Redfall і Ghostwire: Tokyo і ўспамінаю пра іх зь цеплынёй, — кіраўнік каманды дызайну ўзроўняў рэмэйку Splinter Cell Энтані Панекасіа.

Усім, хто гадамі прыставаў да мяне наконт таго, чаму мы не дазволілі буйным выдаўцам купіць Moon Studios… — вось чаму. Я перажыў 90-я й бачыў, што адбывалася пасьля таго, калі EA набывала невялікія студыі. Ніколі больш, — генэральны дырэктар Moon Studios Томас Малер (сэрыя Ori)

Знайшліся праўда й тыя, хто выказалі падтрымку кіраўніцтву Microsoft (у прыватнасьці Філу Спэнсэру), да прыкладу былы прэзыдэнт Blizzard Entertainment Майк Ібара:

Я бачу шмат крытыкі ў адрас Філа пасьля сёньняшніх навін Xbox. Я разумею. Але я ведаю Філа й магу сказаць, што тое, што адбылося, параніць яго ня менш, чым каго-небудзь яшчэ. Я не магу казаць ад імя ўсяго кіраўніцтва, але ведаю, праз што Філ, верагодна, зараз праходзіць.

​​📰 Мэнэджара супольнасьці Helldivers 2 звольнілі пасьля падтрымкі рэўю-бомбінга

Супольнасьць Helldivers 2 яшчэ не пасьпела адысьці ад рашэньня Sony прымусіць PC-ґеймераў прывязваць свае акаўнты да PSN (рашэньне, нагадаем, было скасавана), як за ім рушыла ўсьлед новая не прыемнасьць — кампанія звольніла мэнэджара па працы з супольнасьцю вядомага як Spitz, які падтрымаў абураных гульцоў і заклікаў прыніжаць адзнакі гульні, з мэтай прыцягнуць увагу карпарацыі.

На афіцыйным форуме Helldivers 2 на Reddit было сказана, што Spitz больш не займае сваю пасаду. Ніякіх падрабязнасьцяў дадзена не было, а задаваць пытаньні датычна мэнэджэра стала забаронена (пост ужо выдалілі).

Меркаваньне карыстальнікаў аб сытуацыі падзялілася. Многія адзначаюць відавочны не прафэсіяналізм Spitz, які да таго ж зьяўляецца дастаткова канфліктным чалавекам, аднак усе сыходзяцца ў меркаваньні, што яму трэба аддаць належнае, бо ён не пабаяўся выказаць крытычнае меркаваньне супраць Sony у цяжкай сытуацыі.

Сам Spitz заявіў, што сёньняшні дзень стаў "цёмным" для яго, а любая вайна патрабуе ахвяр.

📢 З раньняга доступу выйшла вампірская выжывалка V Rising

Абудзіцеся вампірам. Палюйце за крывёй у найблізкіх селішчах, каб аднавіць сілы й ухіліцца ад пякучага сонца. Узьвядзіце свой замак і квітнейце ў гэтым змрочным адкрытым сьвеце, поўным таямніц. Знаходзьце хаўрусьнікаў онлайн і пакарайце зямлю жывых!

Гульня яшчэ з часоў раньняга доступу заслужыла захопленыя водгукі ґеймераў і крытыкаў, якія адзначаюць цікавыя вампірскія сыстэмы й дызайн ворагаў.
Мінусам гульні заўсёды лічылася адсутнасьць рэальна цікавага кантэнту на позьніх этапах, з-за чаго моцна падаў пікавы онлайн (згодна з заявай распрацоўшчыкаў яны прыклалі масу намаганьняў для вырашэньня гэтай праблемы на рэлізе).

Кошт гульні ў Steam — $16.49 (да 22 траўня яе можна набыць за $14.84 (-10%)).
Рэліз на PlayStation 5 адбудзецца пазьней.

🎁 Цяпер у Epic Games Store можна бясплатна забраць: Circus Electricique

Circus Electricique — гэта збольшага сюжэтная ролевая гульня, збольшага баявая тактыка, збольшага сімулятар кіраваньня цыркам. Але, самае галоўнае, гэта гульня, ад якой немагчыма адарвацца. Калі лёнданскія абывацелі ні з таго, ні з гэтага раптам пачынаюць ператварацца ў бязьлітасных забойцаў, лёс горада аказваецца ва ўмелых руках таленавітых цыркавых артыстаў.
Распрацоўник — Zen Studios (Вугоршчына)

Гэтак жа, гульцы Firestone, могуць бясплатна забраць Firestone Free Offer — пакет зь вялікай колькасьцю нутрагульнявых узнагарод (коштам у $100).

Забраць гульню й бонусы можна да 16 траўня.

⚡️ Ghost of Tsushima зьнялі з продажу ў Steam у 180 рэгіёнах

Гісторыя з выняткам Helldivers 2 паўтарылася. Sony зьняла з продажу Ghost of Tsushima ў Steam у рэгіёнах, дзе не падтрымліваецца PlayStation Network — гаворка ідзе пра больш чым 180 краін!

Паводле наяўнай інфармацыі, для праходжаньня гульні не трэба прывязваць рахунак PSN, аднак зьнікненьне гульні відавочна не тэхнічная памылка, бо сьпіс краін дзе нельга набыць Ghost of Tsushima павялічваўся некалькі разоў (у вапошні раз туды былі дададзеныя Эстонія Летува й Латвія).

Sony пакуль што не пракамэнтавала афіцыйна тое, што адбываецца зь яе рэлізамі, аднак "пацярпелым" гульцам ужо пачалі вяртаць грошы.
Рэліз самога порта Ghost of Tsushima адбудзецца на PC ужо 16 траўня.

​​📰 Экс-супрацоўнік Xbox назваў прычыны закрыцьця студыяў Bethesda

Былы PR-мэнэджар Xbox Брэд Хілдэрбранд, падзяліўся меркаваньнем аб тым, чаму кампанія закрыла студыі Arkane Austin і Tango Gameworks. Паводле яго словаў, гэта адбылося па дзьвюх прычынах:

▫️Першая — зьніжэньне росту Game Pass. Практычна кожная гульня Xbox, якая выходзіць у падпісачным сэрвісе з дня рэлізу, не дасягае сваіх мэт па продажах, што не дзіўна, бо гульцам прасьцей прайсьці яе ў складзе падпіскі чым купляць асобна.
Нягледзячы на недабор продажаў, гэтая сыстэма добра працавала на працягу некалькіх гадоў, пакуль Game Pass працягваў разьвівацца. Аднак зараз рост паказчыкаў сэрвісу моцна замарудзіўся. У сувязі з гэтым Game Pass не прыносіць неабходнага даходу, каб пакрываць выдаткі на распрацоўку.
▫️Другая прычына — эканомія пасьля пакупкі Activision Blizzard. Яшчэ 3-4 гады таму Microsoft не закрыла б студыі з-за спаду даходаў, зьвязанага з запаволеньнем росту Game Pass, заявіў Хілдэрбранд. Аднак пасьля пакупкі Activision Blizzard стаўленьне кіраўніцтва карпарацыі да Xbox зьмянілася. Кіраўнікі Microsoft чакаюць, што падразьдзяленьне Філа Спэнсэра пачне адпрацоўваць 69 мільярдаў даляраў ці, прынамсі, скароціць выдаткі да мінімуму, пакуль ня стануць выходзіць у "плюс".

Дарэчы аб закрытых студыях. Інсайдэр Джэйсан Шраер выпусьціў сьвежы матэрыял на Bloomberg, дзе расказаў, што закрыцьцё кампаніяў стала сапраўдным шокам для іх супрацоўнікаў, бо ніякіх перадумоў для гэтага не было! Усе займаліся сваімі праектамі Tango Gameworks працавала над сіквэлям вельмі пасьпяховай Hi-Fi Rush, а Arkane Austin імкнулася вярнуцца да сваіх "каранёў" і працавала над новым Dishonored.

📰 EA расказала аб сваіх будучых рэлізах

Electronic Arts прадставіла сьвежую фінансавую справаздачу й традыцыйна пагутарыла з інвэстарамі.

З размовы стала вядома: да 31 сакавіка 2025 году EA плянуе выпусьціць у ліку іншага дзьве неанансаваныя гульні. Першая гульня — гэта партнэрскі праект, які можа выйсьці пад лэйблам EA Originals. Яго рэліз чакаецца ў першым квартале 2025 году.
Другая гульня — гэта ўласная IP, аб рэлізе якой раскажуць пазьней. Інсайдэр Джэф Грабб упэўнены, што гаворка ідзе пра Dragon Age: Dreadwolf, якую абяцаюць прадставіць летам!

Акрамя таго, EA расказала, што ў цяперашні час над Battlefield працуе найбуйнейшая каманда ў гісторыі франшызы! У дадзены момант над новай гульнёй серыі працуюць аўтары рэмэйку Dead Space з Motive Studio, якія абʼядналі намаганьні з Criterion, DICE і Ripple Effect.

📰 На кіраўніка Xbox Філа Спэнсэра абвясьцілі паляваньне

9 траўня ў сеціве заўважылі, што на лаґер Філа Спэнсэра ў Fallout 76 скінулі атамную бомбу. Адказнасьць за гэты ўчынак узяў на сябе карыстач зь нікам Real1090jake — ён прыклаў скрыншот і відэа шпацыру па зьнішчаным лаґеры.

Гульцы выказалі здагадку, што такім чынам карыстальнік выказаў сваю незадаволенасьць закрыцьцём студыяў Arkane Austin і Tango Gameworks, але ўсё аказалася ня так. Real1090jake абвясьціў паляваньне на Спэнсэра, вырашыўшы, што ён самы галоўны й апошні бос у Fallout 76 і іх бітва "Будзе леґендарнай"!

Па словах ґеймера, ён ужо некалькі тыдняў паляваў на кіраўніка Xbox жадаючы зладзіць бой сам-насам але мэнэджар не атакаваў яго й каб завяршыць сваю місію, ён вырашыў зьнішчыць яго лаґер.

🎁 Цяпер у Epic Games Store можна бясплатна забраць: Dragon Age: Inquisition – Game of the Year Edition

Dragon Age: Inquisition – Game of the Year Edition — кожны выбар мае значэньне, калі на коне стаіць лёс усяго Тэдаса. Стварыце свайго героя, абярыце навыкі й сфармуйце каманду, каб ачысьціць гэты сьвет ад зла!
Распрацоўник — BioWare (Канада)

Забраць гульню можна да 23 траўня.
❗️Недаступна на тэрыторыі Беларусі.

📰 Minecraft Bedrock Edition можа афіцыйна выйсьці ў Steam

Карыстальнік Reddit пад нікам NikNikYT апублікаваў скрыншот старонкі, дзе згадваецца вэрсія Minecraft: Bedrock Edition для Steam!

Паводле яго словаў, ён набываў валюту для гульні й пры атрыманьні манэт заўважыў, што ў апісаньні адзначана вэрсія Bedrock Edition для Steam якой зараз няма на плятформе Valve. Іншыя карыстачы ў камэнтарах дадалі, што таксама бачылі на падобных старонках згадка Steam.

Зыходзячы з апошніх навін, такое цалкам магчыма! У сувязі з запаволеньнем росту Game Pass і набыцьцём Blizzard, Microsoft жадае павялічыць свой кароткатэрміновы прыбытак. Фірма ўжо пачала выпускаць гульні з Xbox на PlayStation, таму рэліз Minecraft у Steam у тэорыі таксама можа ўваходзіць у пляны карпарацыі.

📢 Беларуская студыя Weappy назвала дату выхаду дэма-вэрсіі Hollywood Animal

Увасоб свае мары — або разбуры чужыя!
Узначальце галівудзкую студыю на пачатку эры гукавога кіно й правядзіце яе празь дзесяцігодзьдзі творчых дасягненьняў, гламура, распусты, паламаных лёсаў і ўгодаў з сумленьнем!

Weappy, вядомая па дылогіі This is the Police і Rebel Cops, вярнулася з навінамі па сваёй новай гульні Hollywood Animal!
30 траўня на PC выйдзе дэма-вэрсія гульні, у якой нам будзе неабходна кіраваць галівудзкай студыяй на працягу двух гадоў, у пэрыяд з 1929 па 1930 год. Вялікая дэпрэсія, сухі закон і мафіёзныя войны — на фоне ўсяго гэтага ствараецца прыгодніцкі фільм пра няшчаснага рыцара, каханая якога прыцягнула ўвагу старажытнага дэмана.

Рэліз гульні заплянаваны на гэты год.
✅Заяўлены афіцыйны пераклад на беларускую мову!

📰 Аўтары Elden Ring паказалі магчымага боса з DLC Shadow of the Erdtree

У сацыяльных сетках Elden Ring зьявіўся сьвежы допіс, які спрабуе запалохаць шукальнікаў прыгод небясьпекамі з дадатку Shadow of the Erdtree:

«У Царстве Ценяў вас чакаюць грозныя ворагі неспасьціжнай сілы»

Разам з запісам распрацоўшчыкі апублікавалі канцэпт невядомай істоты ў залатой масцы з мудраґелістай зброяй.

Нагадаем, што рэліз Shadow of the Erdtree адбудзецца 21 чэрвеня.
Дадатак абяцае быць найбуйным у гісторыі FromSoftware і адзіным для Elden Ring.

📰 Інсайдэры заявілі аб хуткім павышэньні тарыфаў Game Pass

Некалькі інсайдэраў заявіла, што зьяўленьне новай Call Of Duty у сэрвісе Game Pass (пра што раней паведамілі журналісты The Wall Street Journal) прывядзе да істотных зьмен. Яны выкажуцца ў павышэньні кошту падпіскі й, магчыма, у пераглядзе сыстэмы тарыфаў.

Падрабязнасьцяў аб зьменах пакуль няма. Верагодна пра іх мы даведаемся афіцыйна ўжо 9 чэрвеня пасьля Xbox Games Showcase 2024.

Нагадаем, што зараз гульцам даступныя тры тарыфы Game Pass: Xbox Game Pass Core і PC Game Pass за $10 у месяц і Xbox Game Pass Ultimate за $17 у месяц.

Рэліз новай Call of Duty заплянаваны на восень гэтага году.

❓Ці даводзілася вам карыстацца Xbox Game Pass? Якое ваша ўражанне?

📰 Larian адкрыла новую студыю ў Варшаве

Кампанія Larian абʼявіла аб адкрыцьці новай студыі ў Польшчы, якая атрымала назоў Larian Studios Warsaw.
Гэта ўжо сёмае падразьдзяленьне кампаніі, якое будзе задзейнічана ў распрацоўцы двух новых амбіцыйных праектаў:

Цяпер, калі пачынаецца распрацоўка двух вельмі амбіцыйных ролевых гульняў, выдатным спосабам для рэалізацыі нашых задум будзе пашырэньне каманды й адкрыцьцё сёмай студыі ў самым сэрцы ажыўленай гульнявой сцэны Польшчы!

Сардэчна запрашаем, Larian Studios Warsaw!!

Кампанія ўжо пачала пошук супрацоўнікаў, у прыватнасьці патрэбныя праґрамісты, сцэнарыст і дызайнэр RPG.

📢 Адбыўся рэліз Senuaʼs Saga: Hellblade II

Працяг адзначанай узнагародамі гульні Hellblade: Senuaʼs Sacrifice, Сенуа вяртаецца ў жорсткае падарожжа-выжываньне празь міты й пакуты Ісьляндыі часоў вікінгаў. Намерваючыся выратаваць тых, хто стаў ахвярай жахаў тыраніі, Сенуа чакае бітва за пераадоленьне цемры ўнутры й звонку!

Кошт гульні — $22.99

📢 Elden Ring Shadow of the Erdtree атрымала атмасфэрны трэйлер

Адкрывайце нязьведаныя месцы, ваюйце з грознымі супернікамі й атрымлівайце асалоду ад густам перамогі. Сачыце за займальнымі ўзаемаадносінамі герояў. Акунуцца ў гісторыю, поўную драм і інтрыг, якая нікога не пакіне абыякавым!

Shadow of the Erdtree (першае й адзінае DLC для Elden Ring) выйдзе 21 чэрвеня.

📰 Microsoft дадасьць ШІ-памочніка Copilot у Minecraft і іншыя гульні

Microsoft паведаміла, што плянуе ўкараніць ШІ-памочніка Copilot у свае гульнявыя праекты, першым зь якіх стане Minecraft! Чакаецца, што функцыі памагатага палегчаць ґеймерам пошук інфармацыі.

У Minecraft, да прыкладу, гульцы змогуць задаваць ШІ-памочніку розныя пытаньні, напрыклад, "Як стварыць каменную сякеру?". Атрымаўшы запыт, Copilot знойдзе ў інвэнтары неабходныя для крафта матэрыялы або дапаможа зь іх пошукам у адкрытым сьвеце.

Нагадаем, Microsoft Copilot — гэта кампаньён са штучным інтэлектам, які ўяўляе сабой набор інструмэнтаў на базе моўных мадэляў ChatGPT і Dalle-3.

📢 Анансавана прыгодніцкая гульня The Last Alchemist

Авалодайце цудамі альхіміі! Вырашайце альхімічныя галаваломкі, трансфармуючы й камбінуючы эсэнцыі, рамесныя прадметы, інструмэнты й машыны. Дасьледуйце чароўны сьвет, зьбірайце незвычайныя рэсурсы й пасябруйце з Агары, чароўным грыбным народам, які дапаможа вам знайсьці лекі ад вашай загадкавай хваробы!

The Last Alchemist выйдзе ў Steam 12 ліпеня. Распрацоўкай займаецца польская студыя Vile Monarch (стваральнікі Weedcraft Inc).