📰Стваральнікі Cities Skylines 2 вернуць грошы за DLC Beach Properties

Студыя Colossal Order паведаміла, што верне грошы ўсім пакупнікам адона Beach Properties для Cities Skylines 2, які (нагадаем) стаў найгоршым ва ўсім Steam!

Распрацоўнікі "шчыра шкадуюць" аб выпуску DLC у непрыстойным выглядзе. Таксама ўладальнікам Ultimate-выданьні дадуць тры наборы Creator Packs і тры радыёстанцыі ў знак выбачэньня за Beach Properties. А буйны адон Bridges and Ports перанясуць на 2025 год — цяпер аўтары хочуць засяродзіцца на паляпшэньнях базавай гульні й інструмэнтаў для модынгу, а таксама на бясплатных патчах.

📢 Prison Architect 2 зноў перанесьлі

Студыя Double Eleven сумесна з выдавецтвам Paradox Interactive прыняла рашэньне ізноў перанесьці эканамічны сімулятар будаўніцтва турмы Prison Architect 2.
Цяпер рэліз адбудзецца не ў траўні, а ў верасьні (6-га чысла калі канкрэтна).

Праведзеныя тэсты выявілі тэхнічныя праблемы, якія аказаліся асабліва прыкметныя на сыстэмах зь нізкай канфігурацыяй. У Double Eleven пачалі працаваць над аптымізацыяй выкарыстаньня апэратыўнай памяці й ужо дасягнула "пэўных посьпехаў". Цяпер каманда засяродзіла рэсурсы на выпраўленьні памылак.

Па словах распрацоўнікаў гульня гатова да рэлізу, але яны нясуць адказнасьць перад гульцамі й не хочуць выпускаць неаптымізаваны прадукт.

📰 Стратэгія Manor Lords ня будзе канкураваць з Total War

Сярэднявечная горадабудаўнічая стратэгія Manor Lords напярэдадні свайго рэлізу (які адбудзецца 26 красавіка) пачала набываць усё большую папулярнасьць, нядаўна падняўшыся на першае месца ў сьпісе самых чаканых гульняў Steam (у сьпіс жаданага яе дадалі 2,5 мільёна разоў).

Стваральнік гульні Гжэгаж «Slavic Magic» Стычэнь вырашыў крыху пагутарыць з фанатамі, тым самым зьнізіўшы колькасьць завышаных чаканьняў.
На старонцы гульні ў Steam ён нагадаў, што Manor Lords не варта разглядаць як канкурэнта серыі Total War. Большая частка ґеймплэя будзе засяроджана на будаўніцтве й кіраваньні горадам, а бітвы будуць не такімі частымі й маштабнымі. У дадатак мы ня зможам заваяваць усю Эўропу, гульня разьлічана на значна меншы маштаб.

Manor Lords — не ролевая гульня ў духу Kingdom Come: Deliverance або Mount & Blade, у ёй ня будзе гульнявога працэсу ад першай асобы. Адзін з рэжымаў дазволіць прагуляцца па горадзе, але гэта эксьперыментальная, касмэтычная бонусная функцыя.
Акрамя таго Manor Lords гэта не спаборніцкая RTS, як Age of Empires або Starcraft. Яна больш спакойная й менш дынамічная, бо на транспарціроўку рэсурсаў па мапе патрабуецца час, а мэханікі зьвязаны ў тым ліку з эстэтыкай горада.

​​📰 IGN прадаставіў новыя падрабязнасьці Kingdom Come Deliverance 2

Партал IGN выпусьціў інтэрвію з распрацоўнікамі Kingdom Come Deliverance 2, у якім абмеркавалі некаторыя навінкі гульні, а гэтак жа, сумесна з PR-мэнэджарам Warhorse Studios — Тобі Штольц-Цьвілінгам разабралі некаторыя моманты першага трэйлера:

🔸Распрацоўнікі пацьвердзілі, што бітвы стануць яшчэ больш брутальнымі. Таксама, стваральнікі пацьвердзілі зьяўленьне агнястрэльнай зброі, якая пры няправільным выкарыстаньні можа падарваць самога гульца!
🔸Распрацоўнікі імкнуліся максымальна праўдзіва перадаць абраны пэрыяд мінулага, кансультуючыся для гэтага са сваімі гісторыкамі. Але аўтары разумелі, што ім трэба захоўваць балянс паміж рэалізмам і захапляльнасьцю самой гульні.
🔸У роліку паказалі кадры з горада Кутна-Гара, які толькі згадвалі ў першай гульні — у сіквеле яго можна будзе свабодна дасьледаваць і гэта будзе сапраўды вялікае паселішча.
🔸Генры трапляе ў новы горад выпадкова (маленькі спойлер да пачатку новай гісторыі) — першапачаткова ён імкнецца наведаць іншае месца, але лёс заводзіць яго ў горад, дзе яго рабуюць, а жыцьцё пераварочваецца дагары дном. Сам горад знаходзіцца пад аблогай караля Жыгімонта, таму галоўнаму гэрою трэба будзе хавацца й шукаць хаўрусьнікаў, каб не загінуць.
🔸Падзеі першай гульні будуць раскрывацца новым гульцам па сродках сноў (у выглядзе флэшбэкаў);
🔸Цяпер у гульні можна будзе гладзіць ня толькі сабак але й коней.

Нагадваем, рэліз Kingdom Come Deliverance 2 адбудзецца да канца 2024 году на PS5, Xbox Series і PC.

📰 Hasbro сурʼёзна заняліся абмеркаваньнем працягу Baldurʼs Gate 3

Уладальнікі Wizards of the Coast і правоў на Dungeons & Dragons з Hasbro пацьвердзілі, што сурʼёзна абмяркоўваюць ідэі працягу Baldurʼs Gate 3 без Larian (якія, нагадаем, у дадзены момант сканцэнтраваны на двух праектах па ўласных IP).

У цяперашні час Hasbro вывучае ідэі для новага праекту й варыянты патэнцыйных распрацоўшчыкаў. Кампанія не жадае сьпяшацца ў пошуку, бо ставіцца да свайго партфоліё вельмі сурʼёзна. Пры гэтым яна спадзяецца, што ў гэты раз прамежак паміж гульнямі серыі не расьцягнецца на 25 гадоў, як гэта было з Baldurʼs Gate 2 і Baldurʼs Gate 3.

Акрамя таго, у Hasbro адзначылі, што "ўсе любімыя пэрсанажы з BG3 патэнцыйна могуць зьявіцца ў будучых праектах". Але казаць пра нешта канкрэтнае, зноў жа, пакуль рана. На наступныя пяць гадоў Hasbro заплянавала рэлізы іншых гульняў у сусьвеце DnD і ня толькі, якія "ахопяць усе жанры й усе плятформы".

📢7 Days to Die выйдзе з раньняга доступу (праз 12 гадоў распрацоўкі)

Распрацоўнікі з The Fun Pimps, абвясьцілі, што знакамітая выжывалка-пясочніца пра зомбі 7 Days to Die, амаль праз 12 гадоў распрацоўкі (гульню выпусьцілі ў сьнежні 2013-га) выйдзе ў рэліз!

Рэліз гульні заплянаваны на чэрвень гэтага году, да гэтага пэрыяду (як і ўсе 12 гадоў) распрацоўнікi будуць выпускаць для гульні новы кантэнт і выпраўляць памылкі. Падтрымліваць праект плянуюць як мінімум да канца 2026-га году.
Кошт 7 Days to Die на рэлізе складзе $45 (цяпер гульню можна набыць за $24,99).

📢 Студыя былога мастака Blizzard прадставіла шутэр Astropulse Reincarnation

Imagendary Studios, якую ўзначальвае былы мастак Blizzard Вэй Ван, анансавала ролевы шутэр Astropulse: Reincarnation.

Дзеяньне гульні разгарнуцца на Зямлі будучыні, якая ахоплена вайной. Гульня павінна стаць часткай шырокай сусьвету Astropulse, якая зьявіцца ў розных формах мэдыя. Яе гісторыя ахопіць "мільярды" гадоў, а ў цэнтры апавяданьня апынецца таямнічая касьмічная энэрґія, якая патрапіла на нашу плянэту разам з мэтэарытам.

Даты рэліза ў праекта пакуль няма.

📢 Tales of the Shire па «Уладару пярсьцёнкаў» атрымала першы трэйлер

Сардэчна запрашаем дадому, хобіт! Жывіце ўтульным жыцьцём хобіта ў цудоўна ціхамірным ляндшафце Шыра. Адкрыйце для сябе, упрыгожце й падзяліцеся сваімі ўражаньнямі ў гэтым ідылічным кутку Міжземʼя. Далучайцеся да прыязных хобітаў і знаёмых асоб, якія чакаюць вашага прыбыцьця ў Tales of the Shire.

Гульня выходзіць у гэтым годзе на РС, Nintendo Switch, PlayStation 5 і Xbox Series.

🎉 Беларускаму геймеру 2 гады! 🎉

Прайшло ўжо два гады з моманту калі я стварыў гэты канал.
У першы дзень, быў упэўнены, што ў лепшым выпадку назьбіраю чалавек 20, зь які чытаць мяне будзе максымум 5 і я хутка закіну ўсё гэта. Майму зьдзіўленьню не было мяжы, калі ў першы дзень прыйшло 25 чалавек і гэта быў толькі пачатак (больш за тое, у мяне нават не прыляцела ніводнага гнілога памідора😅).

Шчыра дзякую вам за ўсё, нас ужо больш за 1000-у й не гледзячы на тое, што я досе не знаходжу, з-за ўласных праблемаў, часу на запіс відэа (якія абяцаю ўсе два гады) і як на маю думку якасьць кантэнту крыху "прасела" , вы па ранейшаму далучаецеся да суполкі, чытаце й камэнтуеце допісы, адпраўляеце навіны й словы падтрымкі, выпраўляеце памылкі, ДЗЯКУЙ ВАМ ЗА ЎСЁ ГЭТА ❤️

Асобна дзякую ўсім, хто добраахвотна сочыць за парадкам у дыскорд і пэрыядычна дапамагае мне рабіць допісы! 💗

​​📰 Embracer Group распалася (але не развалілася)

Савет дырэктараў Embracer Group абʼявіў аб падзеле швэдзкага кангламерату на тры публічна зарэгістраваныя кампаніі:

1. Asmodee Group. Вядучы сусьветны выдавец і дыстрыбʼютар настольных гульняў зь вялікім наборам студыяў (23 студыі) і каталёгам інтэлектуальнай уласнасьці (больш за 300 IP);

2. Coffee Stain & Friends. Гульнявая кампанія, якая спэцыялізуецца на інды-гульнях, гульнях кляса A/AA і ўмоўна-бясплатных гульнях для PC
(сюды ўвайшлі больш за 200 IP, сярод якіх: Deep Rock Galactic, Goat Simulator, Satisfactory, Wreckfest, Teardown, Valheim і іншыя);

3. Middle-earth Enterprises & Friends. Творчы цэнтар распрацоўкі й выдавецтва гульняў ААА-гульняў для PC і кансоляў, якая адказвае ў ліку іншага за IP па «Уладары пярсьцёнкаў»
(У ліку IP: Dead Island, Killing Floor, Kingdom Come Deliverance, The Lord of the Rings, Metro і Tomb Raider).

Паводле афіцыйнай заявы, асноўныя акцыі Embracer Group на біржы Nasdaq Stockholm перайменуюць у Middle-earth Enterprises & Friends, акцыі Asmodee Group і Coffee Stain & Friends разьмяркуюць у якасьці дывідэндаў паміж акцыянэрамі Embracer Group. Уладальнікам усіх трох кампаніяў застанецца сузаснавальнік і цяперашні CEO Embracer Ларс Вінґефорс.

⚡️ Valve абнавіла палітыку вяртаньня сродкаў за гульні з пашыраным доступам у Steam

Valve абнавіла палітыку, якая тычыцца сыстэмы вяртаньня сродкаў у Steam.

Абнаўленьне закранае гульні ў статусе папярэдняга заказу, якія прапануюць «Пашыраны доступ», як правіла гаворка ідзе аб Deluxe і Premium выданьнях гульняў. Цяпер трэба ўлічваць, што калі вы набываеце гульню ў раньнім доступе або з пашыраным доступам, увесь час у гульні будзе залічвацца ў двухгадзінны ліміт для вяртаньня сродкаў.

📰 СМІ: 2K рыхтуе магутную лінейку гульняў у 2025 фінансавым годзе

Па дадзеных журналіста Итана Гача, кампанія 2K рыхтуе магутную лінейку гульняў на 2025 фінансавы год і плянуе ўкладвацца ў франшызы, на разьвіцьцё якіх могуць сысьці гады!

Канкрэтныя назвы інсайдэр даць ня можа, але можна сьмела выказаць здагадку, што гаворка ідзе як мінімум пра BioShock 4, Mafia IV, Civilization VII і Borderlands 4.
Акрамя гэтага, вядома аб існаваньні нейкага загадкавага праекта ад студыі 31st Union (якую заснаваў стваральнік Sledgehammer Games).

Акрамя гэтага інсайдэр згадаў, аб плянах працягваць звальняць супрацоўнікаў да канца 2024-га году — усё гэта нібыта трэба для павышэньня эфэктыўнасьці працы кампаніі й скарачэньня выдаткаў па розных напрамках.

📢 Адбыўся рэліз шутэра Phantom Fury

Шэлі Харысан па мянушцы Бомба вяртаецца ў спалучэньні экшэна ад першай асобы й прыгоды ў жанры роўд-муві. Адпраўляйцеся ў новае адрэналінавы падарожжа па ЗША! Выкарыстоўвайце шырокі арсэнал зброі й навыкаў, змагаючыся са здраднікамі й мярзотнымі мутантамі, каб выратаваць чалавецтва.

Навінку пахвалілі за цікавыя загадкі, мір і складанасьць — многія аматары рэтра-шутэраў напэўна будуць задаволены падобным вынікам, аднак частка крытыкаў адзначыла сурʼёзныя праблемы з дызайнам і тэхнічнай складнікам.
На Metacritic гульня мае 68 балаў.

Кошт гульні — $22,49.
Пакуль гульня даступна толькі на PC, рэліз на кансолях плянуецца ў 2025-м годзе.

📢 Карэйская Stellar Blade эксклюзіўна выйшла на PS5

Будучыня чалавецтва вырашаецца ў Stellar Blade, новым прыгодніцкім баявіку для PlayStation 5.

Амаль усіх ранейшых насельнікаў Зямлі вынішчылі магутныя й таямнічыя істоты. Пакінутыя ў жывых знайшлі выратаваньне ў Калёніі — прытулак у далёкім космасе. Баец 7-га дэсантнага атрада Ева пакідае Калёнію й прыбывае на спустошаную родную плянэту з выразнай задачай: адваяваць Зямлю ў варожых біятываў і выратаваць чалавецтва!

Журналісты пахвалілі навінку за бітвы й ґрафіку, але палаялі за сюжэт і пэрсанажаў (Metacritic — 82 балы).

⚡️ Blizzcon у гэтым годзе не адбудзецца

Blizzard паведаміла, што пасьля стараннага абдумваньня прыняла рашэньне не праводзіць BlizzCon у 2024 годзе. Гэтае рашэньне было нялёгкім, аднак кампанія плянуе ў гэтым годзе выпрабаваць іншыя фарматы мерапрыемстваў, а з часам вярнуць BlizzCon.

У бліжэйшыя некалькі месяцаў Blizzard абяцае расказаць больш падрабязнасьцяў аб будучых гульнях і DLC, у тым ліку World of Warcraft: The War Within і Diablo IV Vessel of Hatred. Таксама кампанія зьбіраецца наведаць шэраг іншых гульнявых выставак і канвэнцыяў, такіх як Gamescom.

📢 У раньні доступ выйшла Rotwood — ад стваральнікаў Donʼt Starve

Сьвет пагрузіўся ў хаос, і вам і вашым сябрам давядзецца змагацца з сапсаванымі стварэньнямі Гнілага лесу. Паляпшайце свой рыштунак і выбірайце ўпадабаную зброю й, каб абараніць свой прытулак!

Гульцы сустрэлі Rotwood вельмі станоўчымі водгукамі: на дадзены момант 83% пакупнікоў рэкамэндуюць гульню. У водгуках хваляць яркі карыкатурны дызайн, шырокую баявую сыстэму, цікавую мэханіку рагаліка й адпаліраваны мультыплэер.

Гульню можна набыць у Steam за $6.69 (да 8 траўня будзе дзейнічаць зьніжка ў 10% — $6.02).
Пакуль Rotwood даступна толькі на PC.

📢 У раньні доступ выйшла стратэгія Manor Lords

Сярэднявечная горадабудаўнічая стратэгія з маштабнымі бітвамі й разьвітымі сыстэмамі эканомікі й грамадзкага жыцьця. Кіруйце землямі як сярэднявечны лорд у сьвеце, дзе зьмяняюцца поры году й надворʼе, а гарады растуць і прыходзяць у заняпад.

Ґеймеры й журналісты засталіся ў захапленьні ад гульні! Карыстальнікі хваляць рэалістычную сымуляцыю сярэднявечнага побыту, прыгожую ґрафіку й цікавыя мэханікі.
Але бяз мінусаў таксама ніяк, зараз да іх можна аднесьці слабую ґеймплейную разнастайнасьць і не самы разумны ШІ.

Кошт гульні $19.99.

📢 GSC Game World апублікавала сьвежы трэйлер S.T.A.L.K.E.R. 2: Heart of Chornobyl

Новы трэйлер прысьвечаны Зоне адчужэньня, адзначаючы, што гэта небясьпечнае й загадкавае месца. Паказаныя кадры дэманструюць аднаго з пэрсанажаў шутэра й пэйзажы зь відам на Чарнобыль і Прыпяць.

Нагадаем, рэліз гульні адбудзецца 5 верасьня гэтага году на PC і Xbox Series.