🎁 Цяпер у Epic Games Store можна бясплатна забраць: Ghostrunner

Ghostrunner — кіберпанк-слэшер, які сабраў 81 бал на Metacritic.
Падзеі гульні адбываюцца вакол футурыстычнай канструкцыі — вежы Дхарма, апошняе сховішча людзей пасьля сусьветнай катастрофы.
Вам трэба будзе расьсякаць ворагаў монамалекулярнай катанай, ухіляцца ад куль і шмат паркурыць!
Распрацоўник — One More Level (Польшча)

Забраць гульню можна да 18 красавіка.

📢 Анансаваны сіквел картачнай Slay the Spire

Знакаміты рагалік вяртаецца. Стварыце ўнікальную калоду, сутыкніцеся з мудраґелістымі істотамі й знайдзіце рэліквіі вялізнай сілы ў Slay the Spire 2!

Распрацоўнікі абяцаюць незьлічонае мноства розных стратэгіяў праходжаньня й новыя спосабы гульні, пра якія раскажуць у будучыні. Акрамя гэтага варта чакаць зьяўленьне новых герояў з унікальнымі калодамі, мэханікамі, характарыстыкамі, а гэтак жа новых супернікаў босаў і шматлікае іншае!

Гульня выйдзе ў раньні доступ у Steam у 2025 годзе.

📰 Крытыкі засталіся задаволены сэрыялам па Fallout

Крытыкам і журналістам спадабаўся першы сэзон сэрыяла Fallout, яго хваляць за маштаб і атмасфэру з чорным гумарам!

На Metacritic у шоў на дадзены момант 73 балы. Журналістам спадабалася тое, як перададзена атмасфэра гульні й той факт, што гісторыя цалкам новая й не зьяўляецца прамой адаптацыяй гульні.
Навінка цудоўна выглядае, а маштаб яе ўражвае — гледачам расказваюць пра ўладкаваньне сьвету й дэманструюць шматлікія яркія дэталі розных куткоў гэтага сусьвету.

А яшчэ аўтары выдатна перадалі гумар з арыґінальных твораў, які тут спалучаецца зь неверагодна жорсткімі сцэнамі й саркастычным тонам.
З пэрсанажаў некаторыя рэцэнзенты асобна вылучылі пэрсанажа Гуля, ролю якога выконвае Ўолтан Гогінс, адзначаючы яго цікавае мінулае й ня менш цікавую сучаснасьць.

❓ Вы ўжо пасьпелі азнаёміцца з навінкай?

📰 Сіквел Kingdom Come Deliverance могуць анансаваць ужо 18 красавіка

Выдавецтва Deed Silver і распрацоўнікі са студыі Warhorse абвясьцілі дату й час анонсу новай гульні. Праз тыдзень,18 красавіка а 21:00 па Менску.

Улічваючы паслужны сьпіс кампаніі й арт-анонс мерапрыемствы, зь вялікай верагоднасьцю можна меркаваць, што гэта будзе працяг Kingdom Come: Deliverance, рэліз якой адбыўся ў 2018 годзе!

❓ Чакаем?

📰 У Bethesda пацьвердзілі кананічнасьць Fallout New Vegas пасьля выхаду сэрыяла

Нядаўна адбылася прэмʼера сэрыяла Fallout для сэрвісу Amazon Prime, які расказвае зусім новую гісторыю ў знакамітай франшызе, аднак частка фанатаў засталася незадаволеная несастыкоўкамі сэрыяла й Fallout: New Vegas, якія многія сьпісалі, на непавагу стваральнікаў сэрыяла й самой Bethesda да гульні Obsidian, але распрацоўнікі запэўніваюць, што гэта ня так (далей спойлер):

Распрацоўнікі пацьвердзілі, што падзеі сэрыяла Fallout разгортваюцца ў 2296 годзе — праз 15 гадоў пасьля сюжэту New Vegas. Аднак у шостай серыі шоў паказваюць схему, якая можа намякаць на тое, што мястэчка Шэйдзі Сэндс было разбурана ў 2277 годзе (за 4 гады да падзеяў New Vegas).
У сэрыяле паказана, што Новая Каліфарнійская Рэспубліка (асноўнай базай быў горад Шэйдзі Сэндс) стала разрозьненай групай, што не стукаецца з гульнёй.

Дызайнэр Bethesda Game Studios Эміль Пальярула расказаў, што ў студыі ніколі не хацелі ставіць пад сумнеў кананічнасьць Fallout: New Vegas, а таксама прадставіў храналёгію постапакаліптычнага сусьвету:

Скід ядзерных бомбаў — 2077 год;
Fallout 76 — 2102 год;
Fallout 1 — 2161 год;
Fallout Tactics – 2197 год;
Fallout 2 — 2241 год;
Fallout 3 — 2277;
Fallout: New Vegas — 2281 год;
Fallout 4 — 2287 год;
Fallout TV show — 2296 год.

📰 У Star Wars Outlaws ня будзе тыповых для Ubisoft вышак

Пра гэта ў крэатыўнага дырэктара Star Wars Outlaws Джуліяна Ґерыці спытаў журналіст выданьня Game Informer.

Як аказалася, у гульні ня будзе дадзенага тыповага для кампаніі элемэнта. Часткі мапы ў Star Wars Outlaws адкрываюцца па меры дасьледаваньня. Журналіст прывёў у прыклад "туман", які расьсейваецца пры разблякаваньні той ці іншай зоны. Узьбірацца для гэтага на вышкі не давядзецца.

Акрамя гэтага, Ґерыці расказаў, што ў гульні зьявяцца некаторыя знаёмыя пэрсанажы, да прыкладу Кіра з «Хан Сола: Зорныя Войны. Гісторыі», дзе яе згуляла зорка «Гульні тронаў» Эмілія Кларк (праўда ў гульні гэтая роля дастанецца іншай акторцы).

Нагадаем, Star Wars Outlaws выходзіць 30 жніўня на PC, PlayStation 5 і Xbox Series.

📰 Тод Говард не зацікаўлены ў экранізацыі іншых гульняў Bethesda

Кіраўнік Bethesda Тод Говард у рамках прэмʼеры сэрыяла Fallout пагутарыў з журналістамі, і расказаў, што не занадта зацікаўлены ў экранізацыя іншых гульняў кампаніі.

Цяпер нічога падобнага ў працы няма. Усе пытаюцца мяне аб Elder Scrolls, і я даю такі ж адказ.

Говард адзначыў, што вынік падобных экранізацыяў заўсёды непрадказальны, паколькі паміж аўтарамі можа ўзьнікнуць недастатковае разуменьне — чаго якраз не здарылася пры працы над Fallout:

Сэрыял па Fallout зьявіўся таму, што для гэтага сышліся ўсе зоркі. Ніхто не прымушаў нас гэтага рабіць. Нашы адносіны [з аўтарамі сэрыяла] разьвіваліся натуральна, ад адчуваньня «гэй, а гэта гучыць крута!». Не было таго, што нехта сказаў: «Нам трэба зрабіць сэрыял». У такім выпадку нічога б не выйшла.

Говард дадаў, што ня можа "прадказаць будучыню", але плянаў на іншыя экранізацыі ў яго ўсё роўна пакуль няма.

📰 World Of Warcraft цяпер даступна ў VR

Стваральнікі мадыфікацыяў Streetrat і Marulu на працягу дзесяці гадоў працавалі над модам віртуальнай рэальнасьці для World of Warcraft і вось зараз ён гатовы для публікацыі!

VR Mod дадае ў World of Warcraft паўнавартасны кіраваньне рухам з шасьцю ступенямі свабоды. Гульцам даступныя накіраваны гук, сынхранізаваны рэндэрынг вачэй, магчымасьцю перамыкацца паміж першай і трэцяй асобай, спэцыяльны карыстацкі інтэрфейс і поўная аклюзія!

📰 Першая Blasphemous зьявілася на сьвет ня без удзелу Larian

Такім цікавым фактам падзяліліся вядучы дызайнэр узроўняў The Game Kitchen Энрыке Калінет. Па яго словах, Larian (стваральнікі Baldur's Gate 3) бязвыплатна ўклала ў распрацоўку Blasphemous "чатырохзначную суму", у той час калі гэта было вельмі трэба камандзе распрацоўнікаў (гаворка ідзе аб Kickstarter-кампаніі).
Ніякіх узнагарод, якія належалі за ахвяраваньне, яны так і не папрасіла.

Змрочнай мэтроідваніі Blasphemous, якая выйшла ў 2019 годзе, ў выніку ўдалося стаць сапраўдным хітом у сваім жанры. У 2023 годзе яна атрымала сіквел.

📢 Адроджаная Life Is Feudal MMO вернецца 18 красавіка

Long Tale Games абвясьцілі аб перазагрузцы Life Is Feudal MMO, папулярнай гульні 2017-га году, сэрвэры якой былі зачыненыя ў 2021-м з-за кафлікту зь нейкім выдаўцом.

Гульня некаторы час была ў эксклюзіўнай бэце на плятформе распрацоўшчыкаў LGT, але 18 красавіка яе чакае вяртаньне ў Steam!
Паводле заявы Long Tale Games, абноўленая гульня пазбавілася мэханікі pay-to-win (у першую чаргу дзякуючы зьяўленьню падпіскі), а таксама атрымала шэраг абнаўленьняў, да прыкладу ў ёй выправілі балянс і ліквідавалі розныя памылкі. Акрамя таго, у MMO дадалі новыя прафэсіі, заданьні, мэханікі, прадметы й гэтак далей.

Гульцы-вэтэраны таксама ня будуць забытыя. Карыстальнікі, якія зьдзейсьнілі пакупкі ў папярэдняй вэрсіі гульні, атрымаюць манэты LiF Coins — іх можна выкарыстоўваць для набыцьця падпіскі на гульню.

📰 Стартавала бэта-тэставаньне Frostpunk 2 для ўладальнікаў вэрсіі Deluxe

11 bit адкрыла доступ да бэта-вэрсіі стратэгіі Frostpunk 2 для тых гульцоў, хто аформіў папярэдніх заказ Deluxe-вэрсіі будучай гульні.
Бэта-вэрсія Frostpunk 2 дае ўяўленьне прыкладна аб 40% усіх магчымасьцяў, якія чакаюць пасьля рэлізу 25 ліпеня 2024 году. Пазьней гульня таксама стане даступная на кансолях і патрапіць у Xbox Game Pass.

Гульцы й журналісты ўжо пачалі паказваць ґеймплэй бэты, у якім ґеймерам адведзена 300 тыдняў на будаўніцтва горада й пошук нафты.

Нагадаем, што тэставаньне гульні скончыцца 22 красавіка.

📰 Paradox анансавала DLC Winds of Change для Europa Universalis 4

У гэтым наборы пашырэньняў для Europa Universalis IV асноўная ўвага нададзена тром рэгіёнам, якія асабліва імкліва й рэзка зьмяніліся ў раньні Новы час. У Амэрыцы рэгіянальныя імпэрыі ўмацоўваюць свае пазыцыі, баючыся новай пагрозы. У Эўропе пачынаецца Рэфармацыя, зьяўляюцца новыя гандлёвыя шляхі, а протанацыяналістычныя рухі штурхаюць Стары сьвет на шлях рэформаў. Таленавітыя фінансісты атрымліваюць мноства новых магчымасьцяў. У Цэнтральнай Азіі слабее ўплыў манґолаў, і вось ужо некалькі краін змагаюцца за ўладу ў рэгіёне.

Winds of Change уносіць зьмены ў гісторыю дваццаці краін, якія распасьціраюцца ад Андзкага нагорʼя да стэпаў Манґоліі. Вас чакае мноства новых разгалінаваных місіяў, урадавых рэформаў, падзеяў, саслоўных прывілеяў і ня толькі. Магчыма, імпэрыя Цімурыдаў зноў стане качавым грамадзтвам, Слаўная рэвалюцыя абʼяднае Вялікабрытанію з Галяндыяй, а карэнныя амэрыканцы ўторгнуцца ў Эўропу!

Рэліз заплянаваны на 8 траўня.

📰 У Steam пачнецца тэставаньне рэдактара модаў для The Witcher 3

CD Projekt RED абвясьціла, што зь сёньняшняга дня можна запісацца на тэставаньне рэдактара мадыфікацыяў для "Вядзьмар 3: Дзікае Паляваньне". Інструмэнт пад назовам The Witcher 3 REDkit даступны ў якасьці асобнай старонкі ў Steam і патрабуе наяўнасьці асноўнай гульні.

У CD Projekt RED папярэдзілі, што пакуль REDkit даступны ў бэта-вэрсіі, таму магчымыя збоі ў працы. У далейшым створаныя мадыфікацыі можна будзе публікаваць у майстэрні Steam.

Згодна з заявай распрацоўнікаў, у аснову REDkit леглі тыя ж інструмэнты, што выкарыстоўваліся пры стварэньні самой гульні, што дазволіць дасьведчаным і не вельмі гульцам ня толькі мяняць існуючы сьвет але й ствараць зусім новыя прыгоды!

📰 Былы сцэнарыст BioWare не хацеў бы бачыць экранізацыю Dragon Age

На фоне абмеркаваньня посьпеху экранізацыі Fallout для Amazon і The Last of Us для HBO, многія ґеймеры сталі аддавацца марам аб экранізацыі іншых любімых гульняў, у адной з такіх дыскусіяў прыняў удзел былы вядучы сцэнарыст BioWare Дэвід Ґейдэр.

Ґейдэр лічыць, што сюжэты гульняў накшталт Dragon Age і Mass Effect наўрад ці можна пасьпяхова перанесьці на экран. Бо асноўныя сюжэты ў іх даволі пасрэдныя, хоць кожная зь іх і мае свае ўнікальныя элемэнты, але гэта робіць гульню цікавай менавіта ў фармаце гульні.

А вось якія гульні па меркаваньні сцэнарыста заслугоўваюць экранізацыю, дык гэта Disco Elysium у стылі Дэвіда Лінча (мудраґелістыя й непрадказальна) або Banishers.

❓Экранізацыю якой гульні асабіста вы лічыць проста неабходнай?

📢 У сеціве раней часу апынуўся тызер сіквела Kingdom Come Deliverance

Сёньня павінна адбыцца паўнавартасная прэзентацыя новай гульні студыі Warhorse, якой (як і меркавалася) аказалася Kingdom Come Deliverance 2.

Партал IGN раней часу паказаў вышэйзгаданы тызер, у якім акрамя ґеймплейных элемэнтаў пазначана прыкладная дата рэлізу й сьпіс плятформаў.
Так зараз вядома, што рэліз заплянаваны на гэты год на PC, PS5 і Xbox Series.

Сам тызер.

📰 Выстава PC Gaming Show вернецца ў чэрвені й адсьвяткуе дзесяцігодзьдзе

У гэтым годзе выстава PC Gaming Show вернецца й адсьвяткуе дзесяцігадовы юбілей. Мерапрыемства адбудзецца 9 чэрвеня а 23:00 па Менску.

У рамках шоў нам абяцаюць паказаць больш за 50 кампутарных гульняў. Гледачоў чакаюць анонсы, інтэрвію з распрацоўшчыкамі. Акрамя таго, арґанізатары раскажуць аб пазытыўных зьменах, якія адбыліся ў індустрыі з моманту правядзеньня першай PC Gaming Show.

Таксама нагадаем пра іншыя важныя падзеі гэтага лета:
▫️IGN Live – 7-9 чэрвеня;
▫️Summer Game Fest — 8 чэрвеня;
▫️Ubisoft Forward – 10 чэрвеня;
▫️Xbox Showcase – 9 чэрвеня.

📰 Беларускія распрацоўнікі гульні LOSTED падзяліліся першымі відэа й дэталямі аб праекце

Беларуская студыя Sector 13 апублікавала пост, у якім аўтары расказалі аб некаторых рэчах, над якімі ішла праца на працягу апошняга часу, паказала адну зь лякацый, ґеймплэйную мэханіку, і рэндэры пратаганіста.

Па інфармацыі ад стваральнікаў, тэма прасторы-часу й узаемадзеяньне зь ёй зьяўляецца адной з асноўных і важных дэталяў гісторыі, якая спалучае ў сябе элемэнты гістарычнага экшэну, міталягічных матываў, навуковай фантастыкі й дыстапічнай будучыні.

📢 Kingdom Come Deliverance 2 афіцыйна атрымала трэйлер і першыя падрабязнасьці

Студыя Warhorse паўнавартасна прадставіла Kingdom Come: Deliverance 2. Сіквел сярэднявечнай ролевай гульні працягне падзеі арыґінала, распавёўшы аб прыгодах Генры са Скаліцы.

Аб гульні вядома наступнае:

🔸У гульні будзе дзьве гульнявыя мапы, кожная прыкладна роўная сьвету першай гульні (само сабой на іх будзе шмат сакрэтаў, квэстаў і выпадковых падзеяў);
🔸некаторыя вядомыя функцыі з KCD 1 былі абноўлены;
🔸распрацоўнікі дадалі ў сіквел і "некалькі цікавых новых рэчаў", уключаючы арбалеты й кавальскую міні-гульню;
🔸баявую сыстэму крыху зьмянілі, зрабіўшы яе «больш даступнай, але пры гэтым захаваўшы адчуваньне рэалістычнасьці». Распрацоўнікі жадалі, каб самі баі былі цяжкімі, але пры гэтым лёгкім у засваеньні. З булавой гулец зможа прарвацца праз натоўп ворагаў, "не задумваючыся аб труках і комба". А калі захочацца паглыбіцца ў сыстэму, вывучыўшы ўсе яе тонкасьці, то тады лепш выбіраць доўгі меч;
🔸дзеяньне KCD 2 адбываецца адразу пасьля падзеяў KCD 1. Пры гэтым зусім не абавязкова гуляць у першую частку;
🔸большая частка галоўнай квэставай лініі KCD 2 праходзіць у горадзе Кутэнбэрґ, які вядомы здабычай срэбра;
🔸узлом замкоў застанецца ранейшым;
🔸NPC у KCD 2 не проста так зьяўляюцца з паветра – у кожнага ёсьць дом;
🔸у гульні зьявіцца нейкая сыстэма хуткіх адказаў, без акрыцьця дыялогавага мэню;
🔸гульнявы рухавік усё яшчэ CryEngine.

Рэліз Kingdom Come Deliverance 2 адбудзецца да канца 2024 гады на PS5, Xbox Series і PC.