📰 CD Projekt стварае ААААА-гульні ў якіх няма месца мікратранзакцыям

CD Projekt апублікавала фінансавую справаздачу за 2023 год, у якой паведаміла аб ходзе працы над новымі праектамі. Пасьля гэтага фінансавы дырэктар кампаніі Пётар Нелюбовіч і віцэ-прэзыдэнтка па сувязях з фундатарамі Караліна Гнаш правялі гутарку з фундатарамі, дзе адказалі на яшчэ шэраг пытаньняў.

Выбралі самае цікавае:

▫️Кіраўніцтва задаволена тэмпамі распрацоўкі чацьвёртай гульні серыі The Witcher і праекта Sirius, але рабіць якія-небудзь анонсы зараз рана;
▫️CD Projekt не разглядае мадэль, пры якой гульні выходзяць на кансолях і толькі пасьля дапрацоўкі пападаюць на РС;
▫️Кампанія таксама ня бачыць месцы для мікратранзакцый у аднакарыстальніцкіх гульнях, хоць і не выключаем іх выкарыстаньня ў будучыні для шматкарыстальніцкіх праектаў;
▫️Элемэнты мультыплэера й каапэратыва могуць зьявіцца, у прыватнасьці, у Sirius (нагадаем, гэтая гульня гэтак жа злучана з сусьветам The Witcher);
▫️Кампанія не шкадуе аб скасаваньні другога дадатку да Cyberpunk 2077 і лічыць, што "Прывідная свабода" стала цудоўным завяршэньнем гісторыі;
▫️Жартам над Ubisoft, CD Projekt абвясьціла, што калі францускія калеґі ствараюць гульні катэгорыі "АААА", то яны будуць ствараць гульні катэгорыі "ААААА".

📰 Джэйсан Шраер ня бачыць прычын для пераносу рэлізу GTA 6

Журналіст і інсайдэр Джэйсан Шрайер, у інтэрвію выданьню Bloomberg пракамэнтаваў нядаўні артыкул Kotaku аб магчымай затрымцы рэлізу Grand Theft Auto VI. Паводле яго крыніц, турбавацца няма пра што.

Па словах журналіста ў працэсе распрацоўкі гульняў заўсёды прысутнічае рызыка затрымак, але нават калі б вытворчасьць GTA 6 прасовалася ідэальна, прадказаць дакладную сытуацыю зь яе рэлізам у 2025-м на дадзены момант практычна нерэальна.

Шраер адзначыў, што зараз над гульнёй працуюць некалькі «тысяч» чалавек, некаторыя зь якіх займаюцца фізыкай надворʼя, тады як іншыя адсочваюць багі ці працуюць з акторамі. Ён заўважыў, што ўсе гэтыя задачы зьвязаныя й паміж сабой — і любая праблема можа рэхам адгукнуцца для мноства супрацоўнікаў.

Аднак на дадзены момант журналіст са свайго боку ня бачыць істотных зьмен у працэсе распрацоўкі гульні.

📢 Дарожная мапа рэлізаў на красавік 2024 ад Беларускага геймера

Вітаю спадарства!
Наша стала-нясталая мапа рэлізаў вяртаецца са сьпісам цікавых гульняў, якія выйдуць у красавіку гэтага году!
Чакаць чагосьці гучнага не варта, але дастойныя праеты тут ёсьць (і амаль усе яны даступныя на тэрыторыі Беларусі)!

Асобнай згадкі заслугоўваюць: Sons of Valhalla — баявая стратэгія, якая шмат бярэ з гульні Kingdom; Children of the Sun — тактычны шутэр-галаваломка аб культыстах; Manor Lords — амбіцыйная горадабудаўнічая стратэгія з маштабнымі бітвамі, эканомікай і сыстэмай грамадзказкага жыцьця!

Заставайцеся з намі, каб анічога не прапусьціць!

#мапа_рэлізаў
#mapa_relizaŭ

📰 Larian пакінуў адзін зь вядучых сцэнарыстаў

Старэйшы сцэнарыст Стывен Руні вырашыў пакінуць Larian Studios пасьля амаль дзевяці гадоў працы. Аб гэтым рашэньні ён абвясьціў у Х. Свой сыход ён тлумачыць жаданьнем разабрацца ў сабе й пазаймацца "сваімі дурнымі праектамі".

Былы сцэнарыст назваў сваю працу ў Larian Studios "падарожжам, якое зьмянілі жыцьцё". Ён дзякуе лёсу за сяброў, якіх ён там сустрэў.

У Larian Руні выступаў у ролі "спэцыяліста па вампірах і шкілетах" і менавіта дзякуючы яму ў Baldurʼs Gate III зьявіўся ўпадабаны шматлікім вампір Астарыён, які валодае ўнікальнымі манерамі й харызмай!

📢 Для Stronghold Definitive Edition анансавана DLC Valley of the Wolf

Рэмайстар леґендарнай Stronghold атрымае дапаўненьне Valley of the Wolf, рэліз якога адбудзецца 30 красавіка (кошт DLC складзе $3).

«Даліна Ваўка» дадасьць у базавую гульню новыя заданьні й дадатковыя дасягненьні. Сем унікальных заданьняў разгорнуцца на арыґінальных мапах, а гульцы павінны будуць вызваліць «Жамчужыну Поўначы». Як можна здагадацца з назова, галоўным ворагам стане Воўк.

Нагадаем, Stronghold: Definitive Edition выйшла ў лістападзе 2023 году на PC. Тыраж перавыданьня неўзабаве пасьля рэлізу перавысіў 100 тысяч копіяў, а сама гульня заслужыла вельмі станоўчыя карыстацкія водгукі!

📢 Анансаваны качыны DayZ — Duckside

Уявіце сабе DayZ або Rust, але вы качка. Пастаянная гульня на выжываньне ў сьвеце з PVP, PVE, крафтам, будаўніцтвам баз і качкамі ў капелюшах і зброяй!

За гульню адказвае tinyBuild, вядомая як выдавец Hello Neighbor.
Акрамя варʼяцкіх бітваў гульцам абяцаюць сыстэму крафта, дзякуючы якой качкі й вырашылі не "боўтацца ў сажалках увесь дзень". А сыстэму палётаў называюць сапраўды наватарскай: сьлізгаць, завісаць у паветры, паскарацца й ныраць атрымаецца нават падчас бітвы!

Дата рэлізу не называецца.

📢 Стваральнікі рэмэйку System Shock анансавалі рэмайстар касьмічнага шутэра POʼed

Твой карабель захапілі іншаплянэцяне. Твае баявыя таварышы зьніклі, а суфле прыгарэла! Што ж рабіць? Хапай рэактыўны ранец і ракетамет і падсмажы гэтых сысункоў! У POʼed цябе сустрэнуць 16 самых зласьлівых, варʼяцкіх і непрывабных монстраў у галяктыцы. Аґры якія кідаюць камяні, страляючыя плазмай робаты, гіганцкія кажаны... і хадзячыя азадкі!

Не хочам цябе палохаць, але ўсе яны шукаюць, каго б зжэрці. Можа, цябе?

Абноўленая гульня (арыґінал якой выйшаў у 1995 годзе на 3DO) выйдзе на PC, PlayStation, Xbox і Nintendo Switch, пакуль без дакладнай даты.

📢 Студыя аўтара Dragon Age паўнавартасна анансавала экшэн Eternal Strands

Змагайцеся зь велізарнымі эпічнымі істотамі, ужываючы магічныя здольнасьці й арсэнал магутнага зброі, каб ня даць сьвеце абрынуцца ў гэтай прыгодніцкай гульні ад трэцяй асобы!

За гульню адказвае студыя Yellow Brick Games аўтара Dragon Age Майка Лэйдлоў.
Сярод крыніц натхненьня называюцца сэрыя Monster Hunter і The Legend of Zelda: Tears of the Kingdom. Ад апошняй, дарэчы, узялі розныя магічныя здольнасьці галоўнага героя, які можа ўзаемадзейнічаць са сьветам вакол!

Eternal Strand выйдзе на PC, PlayStation 5 і Xbox Series (пакуль без даты рэліза).

​​📰 Папярэдні прагляд Stellar Blade ад IGN France выклікаў скандал у сеціве

Нядаўна ў сеціве зьявіліся папярэднія ўражаньні журналістаў аб будучым экшэне Stellar Blade. Сярод агульнай масы артыкулаў вылучыўся аўтар францускага выданьня IGN France, які заявіў, што дызайн галоўнай гераіні Евы падкрэсьлівае "відавочную прадузятасьць". На яго думку, барацьба з супернікамі ў вобразе чароўнай дзяўчыны — "бонус", каб "цешыць вочы мужчын". На думку журналіста гераіня Stellar Blade падобная да «ляльку, сэксуалізаванай тым, хто ніколі ня бачыў жанчын».

Дадзенае грубае выказваньне выклікала буру абуранасьці ў супольнасьці ґеймераў, якія палічылі такія выказваньні непрафэсійнымі, асобна адзначыўшы, што ґенэральны дырэктар студыі Shift Up і стваральнік дызайну гераіні жанаты на мастачцы па канцэптах з той жа кампаніі. А саму Еву пры гэтым стваралі на аснове рэальнай мадэлі Шын Чжэ Ын, зьмяніўшы толькі твар пэрсанажа.

У IGN France спачатку заявілі, што чытачы няправільна вытлумачылі словы аўтара тэксту, выправіўшы яго для «франкамоўных людзей», аднак абурэньне чытачоў было такім вялікім, што ў выніку IGN прыйшлося прасіць прабачэньня, прызнаўшы, што фармулёўкі ў тэксьце былі сапраўды недарэчнымі.

Іншыя журналісты, дарэчы прынялі гульню цяплей, параўнаўшы яе з NieR: Automata.

Рэліз Stellar Blade адбудзецца 26 красавіка на PS5.

📢 Рагаліка Windblown ад аўтараў Dead Cells атрымаў ґеймплэйны трэйлер

Кіньце выклік Віхру й пракладвайце свой шлях да велічы ў гэтым вокамгненным экшне-«рагаліку» ад стваральнікаў Dead Cells. Гуляйце ў адзіночку ці зь сябрамі, адточвайце навыкі й асвойвайце зброю, паступова ператвараючыся ў ідэальную машыну для забойства!

Рэліз Windblown у раньнім доступе адбудзецца ў гэтым годзе на PC.

📰 Аўтары The Elder Scrolls VI і The Elder Scrolls Online сумесна працуюць над лорам серыі

Пра гэта расказаў ґеймдырэктар The Elder Scrolls Online. У студыяў ZeniMax Online Studios і Bethesda Game Studios "партнэрскія адносіны", паколькі абедзьве працуюць над адной інтэлектуальнай уласнасьцю.

Для распрацоўшчыкаў вельмі важна выконваць адпаведнасьць канонам сьвету The Elder Scrolls і не дапускаць несастыкоўкі, якія могуць зьявіцца пры працы дзьвюх паралельных каманд. Для гэтага ў Bethesda ёсьць спэцыяльная пасада. Супрацоўнік на ёй сочыць за правільнасьцю перадачы інфармацыі паміж студыямі: ад гульнёвых ґеаґрафічных назваў да правапісу тэрмінаў.

Нагадаем, нядаўна The Elder Scrolls адсьвяткавала трыццацігодзьдзе. Фанатаў павіншавалі з круглай датай, нагадаўшы, што гісторыя сьвету працягнецца ў The Elder Scrolls 6, якая зараз актыўна распрацоўваецца (і па чутках выйдзе ў 2026 годзе).

📢 «Sea of Thieves у космасе» — анансаваны шутэр Jump Ship

Гэта каапэратыўны шутэр ад першай асобы, які падтрымлівае да 4 гульцоў. Уступіце ў экіпаж касьмічнага карабля й выконвайце заданьні. Арганічна пераключайцеся паміж кіраваньнем караблём, пешымі паходамі й выхадам у адкрыты космас!

Распрацоўкай "Sea of Thieves у космасе" (так стваральнікі апісваюць сваю гульню) займаецца невялікая швэдзкая тудыя Keepsake Games, у якой працуюць стваральнікі A Way Out, It Takes Two і Wolfenstein: The New Order.

Дата рэлізу не называецца.

📢 Адбыўся рэліз (у раньнім доступе) хорару Withering Rooms

Withering Rooms – гэта складаная 2.5D-ролевая гульня жахаў, дзеянне якой адбываецца ў працэдурна згенераваным віктарыянскім асабняку, які мяняецца кожную ноч. Даследуйце Дом Масціна, каб сабраць ідэальныя прадметы для вашай пабудовы, і паваюйце з вялікай колькасцю разрослай нежыці, нябачных зданяў, падступных ведзьмаў і многіх іншых.

Ґеймеры аказаліся вельмі задаволеныя гульнёй! Нягледзячы на тое што яна зараз знаходзіцца ў раньнім доступе ў ёй ужо дастаткова кантэнту!
Гульцы хваляць неверагодную атмасфэру й прапрацаваны лор поўны цікавых стварэньняў. Асобнай увагі заслугоўвае сыстэма паляпшэньня пэрсанажа й дзіўная ўвага да дэталяў з боку распрацоўнікаў!
Зь мінусаў адзначаюць каравую баявую сыстэму й элемэнты грынду.

Гульня даступная на PC, Xbox Series, PlayStation 5.
Кошт у Steam — $8.49.

📢 Анансаваны ўнікальны рэаліці-шутэр The Crush House

Здыміце й спрадзюсуйце самае папулярнае рэаліці-шоў 1999 гады: The Crush House! Абярыце годны акторскі склад, задаволіце ненаедную публіку й працягвайце шоў у этэры, каб раскрыць злавесныя таямніцы гэтага змрочнага камічнага шутэра!

Гульню стварае кампанія Nerial, вядомая па серыі Reigns і сюжэтным сімулятары шулера Card Shark. Выдаўцом выступае Devolver Digital.

Рэлз праводзіцца ў гэтым годзе на РС.

📰 У гэтым месяцы адбудзецца бэта-тэст Frostpunk 2

11 bit studios абвясьціла, што ўладальнікі папярэдняй замовы Deluxe-выданьні Frostpunk 2 змогуць прыняць удзел у бэта-тэставаньні стратэгіі. Яно працягнецца тыдзень — з 15 па 22 красавіка. У тэст будзе ўключаны рэжым пясочніцы.

Аформіць папярэдні заказ гульні можна ўжо цяпер, прычым на Deluxe-выданьне распаўсюджваецца зьніжка ў 10% аж да рэлізу ($ 35.09).
Рэліз гульні адбудзецца 5 ліпеня на PC, на кансолях рэліз будзе пазьней.

📰 Senua's Saga Hellblade 2 — новы стандарт індустрыі ў 30 FPS

У сеціве зьявіліся прэвʼю СМІ па Senuaʼs Saga Hellblade 2, у якіх журналісты называюць гульню неверагодным вопытам як з ґеймплэйнага так і візуальнага боку! Распрацоўнікі прарабілі фэнамэнальную працу ў пляне прапрацоўкі атмасфэр і стварэньня фотарэалістычнай ґрафікі, а анімацыі зноў перасягнулі ўсе самыя сьмелыя чаканьні.

З гульнёй розныя выданьні правялі 45 хвілін — па сюжэце, галоўная гераіня Сенуа цяпер шукае вікінгаў, якія зьнішчылі яе дом (гэта ўсё што вядома на дадзены момант аб сюжэце).

Не абышлося праўда й без крытыкі, журналісты палаялі гульню за нудныя й простыя галаваломкі, а вось ґеймеры засталіся незадаволеныя інфармацыяй аб тым, што гульня працуе ў абмежаваных 30 FPS на Xbox Series.
Ґеймеры лічаць, што над аптымізацыяй эксклюзіўнай і кароткай гульні, якая распрацоўваецца ўжо шмат гадоў, можна было б папрацаваць у разы лепш.

Рэліз Senuaʼs Saga: Hellblade II адбудзецца на Xbox Series і PC ужо 21 траўня.

📢 Анансавана тактычная сага пра піратаў Flint Treasure of Oblivion

Капітан Флінт адпраўляецца на пошукі загадкавага скарба разам са сваёй камандай і сябрам Білі Бонсам. І хоць капітана вабіць нязьведанае, ён яшчэ не падазрае, што пасьля гэтай прыгоды стане па-сапраўднаму вольным!

Адпраўляйцеся ў фантастычны пірацкі сьвет у Flint: Treasure of Oblivion. Вас чакаюць захапляльны сусьвет, заснаваны на рэальных і добра апісаных падзеях, аформленае ў выглядзе коміксу апавяданьне й тактычныя пакрокавыя баі!

Flint: Treasure of Oblivion выйдзе сёлета на РС, PlayStation 5 і Xbox Series.

📰 Эмулятары рэтра-гульняў змогуць зьяўляцца ў App Store

Apple вырашыла прыслабіць абмежаваньні App Store, абвясьціўшы, што зараз у краме могуць зьявіцца эмулятары рэтра-гульняў і загружаныя гульні для іх. Пры гэтым усе яны павінны адпавядаць законам, гэта значыць прыкладаньні зь пірацкімі гульнямі будуць па-ранейшаму блакавацца.

Эмулятары гульняў доўгі час былі забароненыя на iOS, з-за чаго ўладальнікам iPhone даводзілася шукаць абыходныя шляхі, зараз гэта ўсё сыдзе ў мінулае!

Можна меркаваць, што зьмены ў палітыцы Apple выкліканыя апошнімі антыманапольнымі пазовамі. Да прыкладу нядаўна кампанія дала "зялёнае сьвятло" воблачным стрымінгавым сэрвісам, такім як Xbox Cloud Gaming і GeForce Now.