📰 Гульцы PlayStation змогуць атрымаць лічбавага Джыма Раяна — былога кіраўніка Sony

У гонар адстаўкі дырэктара Sony Interactive Entertainment Джыма Раяна, каманда PlayStation выпусьціла лічбавую фігурку былога кіраўніка!
Атрымаць фігурку з «дрыготкай галавой» можна праз праґраму PlayStation Stars — для гэтага трэба зарэгістравацца на сэрвісе й згуляць у адну з гульняў прадстаўленага сьпісу — гэтыя праекты ў мінулым нібы актыўна падтрымліваў кіраўнік, сярод іх:

🔹Gran Turismo 7;
🔹Marvelʼs Spider-Man 2;
🔹God of War: Ragnarok;
🔹The Last of Us: Part II;
🔹Ratchet & Clank: Rift Apart;
🔹Destiny 2.

Сам Раян павінен пакінуць сваю пасаду ў бягучым сакавіку, часовым дырэктарам кампаніі з 1 красавіка стане Хірокі Татокі.
Гульцы, дарэчы апынуліся не рады такому падарунку, успомніўшы начальніку нядаўнія масавыя звальненьні ў Sony і зачыненьне студыі PlayStation у Лёндане.

📢 Адбыўся рэліз стратэгіі Millennia

Стварыце сваю краіну ў Millennia, гістарычнай пакрокавай гульні жанру 4X, якая выпрабуе ваша стратэгічнае мысьленьне. У вас будзе 10 000 гадоў, каб правесьці свой народ ад зары чалавецтва ў далёкую будучыню. Накіроўвайце гісторыю ў патрэбнае вам рэчышча й пражывайце новыя варыянты разьвіцьця падзеяў у кожным праходжаньні!

Журналістам гульня не вельмі спадабалася.
На Metacritic стратэгія атрымала 60 балаў. Гульню лаюць за кароткую працягласьць разьвіцьця сваёй цывілізацыі й абмежаваньні ў ґенэрацыі мап (усё гэта зрабілі зь відавочным задзелам на будучыя DLC). Прадстаўленым нацыям не хапае ўласнага калярыту, хаця сытуацыю могуць выратаваць мэханікі сацыяльнай структуры й ідэалёгіі. Цалкам атрымаць асалоду ад навінкай перашкодзіла й дрэнная аптымізацыя. Меркаваньне гульцоў шмат у чым сыходзіцца зь меркаваньнем СМІ.

Кошт гульні ў Steam — $39,99.

📢 У Cities Skylines 2 дадалі прылады для модынгу

Горадабудаўнічы сімулятар Cities Skylines 2 атрымаў сьвежае абнаўленьне.
Як і было абяцана, у гульню дадалі прылады для стварэньня мадыфікацыяў, новую радыёстанцыю, а таксама першае DLC пад назовам Beach Properties, якое ўключае ў сябе новыя будынкі й варыянт занаваньня ў выглядзе набярэжнай, а таксама іншы кантэнт. Што да прыладаў для модынгу яны дазваляюць ня толькі ствараць уласныя тварэньні, але й дзяліцца імі на плятформе Paradox Mods!

Рэдактар дазваляе ствараць свае мапы й тэмы для іх, гэтак жа ўмелыя карыстачы могуць маніпуляваць гульнявым кодам.

📢 Marvel анансавала шутэр у духу Overwatch — Marvel Rivals

Marvel анансавала шматкарыстальніцкі супэрґеройскі шутэр у духу Overwatch — Marvel Rivals.

Ґеймеры змогуць змагацца ў ролі культавых пэрсанажаў коміксаў з выглядам ад трэцяй асобы. Пры гэтым будзе магчымасьць выкарыстоўваць унікальныя здольнасьці, накшталт магутнага лазера Жалезнага чалавека ці тэпепартацыі Локі й таму падобнага.

Закрытае альфа-тэставаньне Marvel Rivals стартуе ў траўні. Старонка шутэра ўжо даступная ў Steam, дзе яго можна дадаць у сьпіс жаданага.

📰 Першы ўладальнік чыпа Neuralink выкарыстоўвае яго для гульні ў Civilization VI

Нолан Арбро — першы чалавек-пацыент з ужыўленым чыпам Neuralink, расказаў, што зь яго дапамогай згуляў у Sid Meierʼs Civilization VI.

У выніку няшчаснага выпадку Арбро некалькі гадоў быў паралізаваны, з дапамогай жа Neuralink яго жыцьцё пачала мяняцца ў лепшы бок. Апэрацыю правялі яшчэ ў студзені (пра што расказваў Ілон Маск) і ўжо тады Нолан змог кіраваць PC, смартфонам і іншымі падобнымі прыладамі сілай думкі!

Падчас нядаўняга стрыму Арбро расказаў аб працэсе апэрацыі й паралельна выкарыстоўваў магчымасьці чыпа для таго, каб гуляць у шахматы на PC.
Там жа ён расказаў, што з дапамогай тэхналёгіі "зьнік" у шостай "Цывілізацыі":

Калі мне ўдалося атрымаць поўны кантроль [над чыпам], я на самой справе ня клаўся спаць, ня ведаю, раніцы да шасьці, бо гуляў у Sid Meierʼs Civilization VI. Гэта таго было варта, можна сказаць, што гэта было неверагодна. Я на самой справе ўжо й адмовіўся ад думкі, што магу запусьціць гэтую гульню.

🎁 Цяпер у Epic Games Store можна бясплатна забраць: Islets

Islets — узмывайце ў неба й абʼяднайце падзелены на фрагмэнты сьвет у гэтай на зьдзіўленьне суцэльнай мэтроідваніі! Суправадзіце Айко ў вандраваньні па выдатным, намаляваным ад рукі сьвеце, атрымаеце лісты ад эксцэнтрычных пэрсанажаў і пазмагаецеся з магутнымі ворагамі!
Распрацоўнік — Kyle Thompson (ЗША).

❗️Забраць гульню можна да 4 красавіка.

📰 Embracer прадала стваральнікаў Borderlands кампаніі Take-Two

Embracer Group абвясьціла аб продажы Gearbox Entertainment кампаніі Take-Two Interactive. Кошт угоды — 460 млн. даляраў!
У склад актываў, якія атрымае Take-Two, увайшлі:

▫️Gearbox Software;
▫️Gearbox Montreal;
▫️Gearbox Studio Quebec;
▫️франшызы Borderlands і Tiny Tinaʼs Wonderlands, а гэтак жа Homeworld, Risk of Rain, Brothers in Arms і Duke Nukem.

Зь мінулых актыў Gearbox, Embracer пакіне ў сябе Gearbox Publishing San Francisco (у будучыні назоў будзе зьменена) разам з выдавецкімі правамі на франшызы Remnant, Hyper Light Breaker і іншыя неанансаваныя праекты.

Нагадаем, што нядаўна Embracer паведаміла аб частковым продажы Saber Interactive.

📰 Першае дапаўненьне для Cities Skylines 2 стала найгоршым ва ўсім Steam

Нядаўна Cities Skylines 2 атрымала інструмэнты для стварэньня модаў і першае дапаўненьне — Beach Properties, якое было сустрэта гульцамі вельмі нэґатыўна! У новага DLC усё дрэнна настолькі, што яно стала таварам з горшым рэйтынгам на плятформе сярод амаль 70 тысяч гульняў і дадаткаў у дадзены момант.

Гульцы паскардзіліся, што дэкарацыі ў наборы не адпавядаюць тэматыцы набярэжнай, а ніякіх ґеймплэйных мэханік ці навінак Beach Properties не прыўносіць. У якасьці параўнаньня фанаты прыводзяць DLC зь першай часткі Cities: Skylines, у якіх распрацоўнікі спрабавалі разьвіваць ідэі стандартнай гульні.

📰 Студыя творчага кіраўніка Dragon Age хутка прадставіць сваю дэбютную гульню

Студыя Yellow Brick Games, заснаваная зараз ужо былым творчым кіраўніком серыі Dragon Age Майкам Лейдлоў, паказала невялікі тызер сваёй дэбютнай гульні.

Студыя працуе над ролевым экшэнам "са сьвежым падыходам" на Unreal Engine 5, дзеяньне якога разгортваецца ў зусім новым фэнтэзійным сусьвеце.
Сярод супрацоўнікаў пераважна лічацца вэтэраны BioWare, Electronic Arts і Ubisoft.

Больш падрабязнасьцяў аб гульні абяцаюць даць у бліжэйшы час!

📰 Gearbox расказала аб актыўнай распрацоўцы новай Borderlands і звальненьнях

У сувязі зь нядаўнім продажам Gearbox у рукі Take-Two, кампанія выйшла на сувязь, абвясьціўшы, што ў дадзены момант актыўна працуе над новай гульнёй серыі Borderlands, акрамя таго, у будучыні фанатаў чакае новая частка Homeworld і іншыя неназваныя навінкі.

Зь непрыемных вестак — звальненьні. Па заяве прадстаўніка кампаніі, скарачэньні закранулі тых супрацоўнікаў, якія не зьвязаныя з распрацоўкай гульняў, гэта ў першую чаргу прадстаўнікі аддзела піяру, дасьледаваньняў і іншыя падобныя супрацоўнікі.

Продаж Gearbox стала кульмінацыяй нашумелай рэструктурызацыі Embracer Group, у выніку якой велізарнае мноства распрацоўнікаў пазбавілася сваіх працоўных месцаў, а некаторыя студыі былі й зусім зачыненыя.

​​📰 EGS і Xbox Game Pass перасталі змагацца за незалежных распрацоўнікаў

Незалежныя распрацоўнікі больш ня могуць спадзявацца на буйное фінансаваньне ў рамках эксклюзіўных угод з пляцоўкамі накшталт Epic Games Store і Xbox Game Pass.
Пра гэта расказалі аўтары Slay the Spire з Mega Crit і Darkest Dungeon 2 з Red Hook Studios. Іх меркаваньне падзяляюць і іншыя каманды:

«Я размаўляў як мінімум зь пяцьцю невялікімі камандамі, прыкладна на 35 чалавек і менш, і яны такія: скарачэньні, скарачэньні, скарачэньні, фінансаваньне скасавана, перамовы, якія працягваліся на працягу году, скасаваныя. Гучыць як лайно. Добра, што мы маем магчыма фінансаваць сябе самастойна, інакш я быў бы вельмі-вельмі напалоханы».

У апошнія гады многія незалежныя студыі сурʼёзна пачалі залежыць ад фінансаваньня з боку EGS, Game Pass і іншых. За эксклюзіўнае разьмяшчэньне індзі-гульняў на гэтых пляцоўках прапаноўваліся сапраўды добрыя грошы. Аднак зараз карпарацыі больш не цікавяць маленькія праекты й спадзявацца ім трэба будзе на свае сілы.

Дарэчы, 10 красавіка адбудзецца прэзентацыя The Triple-i Initiative, якая цалкам прысьвечана (і арґанізавана) незалежнымі распрацоўнікамі!

📰 CD Projekt стварае ААААА-гульні ў якіх няма месца мікратранзакцыям

CD Projekt апублікавала фінансавую справаздачу за 2023 год, у якой паведаміла аб ходзе працы над новымі праектамі. Пасьля гэтага фінансавы дырэктар кампаніі Пётар Нелюбовіч і віцэ-прэзыдэнтка па сувязях з фундатарамі Караліна Гнаш правялі гутарку з фундатарамі, дзе адказалі на яшчэ шэраг пытаньняў.

Выбралі самае цікавае:

▫️Кіраўніцтва задаволена тэмпамі распрацоўкі чацьвёртай гульні серыі The Witcher і праекта Sirius, але рабіць якія-небудзь анонсы зараз рана;
▫️CD Projekt не разглядае мадэль, пры якой гульні выходзяць на кансолях і толькі пасьля дапрацоўкі пападаюць на РС;
▫️Кампанія таксама ня бачыць месцы для мікратранзакцый у аднакарыстальніцкіх гульнях, хоць і не выключаем іх выкарыстаньня ў будучыні для шматкарыстальніцкіх праектаў;
▫️Элемэнты мультыплэера й каапэратыва могуць зьявіцца, у прыватнасьці, у Sirius (нагадаем, гэтая гульня гэтак жа злучана з сусьветам The Witcher);
▫️Кампанія не шкадуе аб скасаваньні другога дадатку да Cyberpunk 2077 і лічыць, што "Прывідная свабода" стала цудоўным завяршэньнем гісторыі;
▫️Жартам над Ubisoft, CD Projekt абвясьціла, што калі францускія калеґі ствараюць гульні катэгорыі "АААА", то яны будуць ствараць гульні катэгорыі "ААААА".

📰 Джэйсан Шраер ня бачыць прычын для пераносу рэлізу GTA 6

Журналіст і інсайдэр Джэйсан Шрайер, у інтэрвію выданьню Bloomberg пракамэнтаваў нядаўні артыкул Kotaku аб магчымай затрымцы рэлізу Grand Theft Auto VI. Паводле яго крыніц, турбавацца няма пра што.

Па словах журналіста ў працэсе распрацоўкі гульняў заўсёды прысутнічае рызыка затрымак, але нават калі б вытворчасьць GTA 6 прасовалася ідэальна, прадказаць дакладную сытуацыю зь яе рэлізам у 2025-м на дадзены момант практычна нерэальна.

Шраер адзначыў, што зараз над гульнёй працуюць некалькі «тысяч» чалавек, некаторыя зь якіх займаюцца фізыкай надворʼя, тады як іншыя адсочваюць багі ці працуюць з акторамі. Ён заўважыў, што ўсе гэтыя задачы зьвязаныя й паміж сабой — і любая праблема можа рэхам адгукнуцца для мноства супрацоўнікаў.

Аднак на дадзены момант журналіст са свайго боку ня бачыць істотных зьмен у працэсе распрацоўкі гульні.

📢 Дарожная мапа рэлізаў на красавік 2024 ад Беларускага геймера

Вітаю спадарства!
Наша стала-нясталая мапа рэлізаў вяртаецца са сьпісам цікавых гульняў, якія выйдуць у красавіку гэтага году!
Чакаць чагосьці гучнага не варта, але дастойныя праеты тут ёсьць (і амаль усе яны даступныя на тэрыторыі Беларусі)!

Асобнай згадкі заслугоўваюць: Sons of Valhalla — баявая стратэгія, якая шмат бярэ з гульні Kingdom; Children of the Sun — тактычны шутэр-галаваломка аб культыстах; Manor Lords — амбіцыйная горадабудаўнічая стратэгія з маштабнымі бітвамі, эканомікай і сыстэмай грамадзказкага жыцьця!

Заставайцеся з намі, каб анічога не прапусьціць!

#мапа_рэлізаў
#mapa_relizaŭ

📰 Larian пакінуў адзін зь вядучых сцэнарыстаў

Старэйшы сцэнарыст Стывен Руні вырашыў пакінуць Larian Studios пасьля амаль дзевяці гадоў працы. Аб гэтым рашэньні ён абвясьціў у Х. Свой сыход ён тлумачыць жаданьнем разабрацца ў сабе й пазаймацца "сваімі дурнымі праектамі".

Былы сцэнарыст назваў сваю працу ў Larian Studios "падарожжам, якое зьмянілі жыцьцё". Ён дзякуе лёсу за сяброў, якіх ён там сустрэў.

У Larian Руні выступаў у ролі "спэцыяліста па вампірах і шкілетах" і менавіта дзякуючы яму ў Baldurʼs Gate III зьявіўся ўпадабаны шматлікім вампір Астарыён, які валодае ўнікальнымі манерамі й харызмай!

📢 Для Stronghold Definitive Edition анансавана DLC Valley of the Wolf

Рэмайстар леґендарнай Stronghold атрымае дапаўненьне Valley of the Wolf, рэліз якога адбудзецца 30 красавіка (кошт DLC складзе $3).

«Даліна Ваўка» дадасьць у базавую гульню новыя заданьні й дадатковыя дасягненьні. Сем унікальных заданьняў разгорнуцца на арыґінальных мапах, а гульцы павінны будуць вызваліць «Жамчужыну Поўначы». Як можна здагадацца з назова, галоўным ворагам стане Воўк.

Нагадаем, Stronghold: Definitive Edition выйшла ў лістападзе 2023 году на PC. Тыраж перавыданьня неўзабаве пасьля рэлізу перавысіў 100 тысяч копіяў, а сама гульня заслужыла вельмі станоўчыя карыстацкія водгукі!