📰 Кіраўнік Epic назваў каманду Valve засранцамі перад запускам сваёй крамы

У ходзе судовага, антыманапольнага разбору паміж Valve і студыяй Wolfire (стваральнікі Overgrowth) у агульным доступе апынулася частка ўнутраных пераісак карпарацыі. У прыватнасьці, усплыло даволі эмацыйнае абмеркаваньне камісійных выплат зь Цімам Суіні, кіраўніком кампаніі Epic.

Пачатак перапіскі датуецца 2017 годам, і ў ёй удзельнічаюць Цім Суіні, Ґейб Ньюэл і іншыя супрацоўнікі Valve. Галоўнай тэмай стала камісія ў 30%, якую бярэ Steam. На думку Суіні, у першыя гады існаваньня крамы ў такіх высокіх збораў былі важкія прычыны, але зараз маштабы продажаў высокія, апэрацыйныя выдаткі зьніжаюцца, і плата выглядае несувымернай.
Кіраўнік Epic спрабаваў прыцягнуць на свой бок Valve у судовым разглядзе з Apple, але дыпляматыі ў зносінах яму відавочна бракавала:

Цяпер вы, засранцы, расказваеце сьвету, што моцныя й магутныя атрымліваюць асаблівыя ўмовы, а 30% — гэта для маленькіх людзей. Нас усіх чакае доўгая барацьба, калі Apple паспрабуе захаваць сваю манаполію й 30%, складаючы закулісныя ўгоды з буйнымі выдаўцамі, каб прымусіць іх маўчаць. Чаму б ня даць УСІМ распрацоўнікам больш выгадныя ўмовы? Як яшчэ можна хутка пераканаць Apple у тым, што іх мадэль зараз абсалютна незаможная?

На наступны дзень Скот Лінч з Valve пацікавіўся ў Суіні, ці не сышоў той з розуму.

📢 Рытм-экшэн Hi-Fi Rush выйшаў на PS5

Будучы рок-зоркай (у агляднай будучыні) па імю Чай, вам трэба даць адпор злавеснаму кангламерату паляпшэньня робататэхнікі, выкарыстоўваючы бой з узмоцненым рытмам, дзе ўсё — ад руху навакольнага асяродзьдзя да баявых удараў — сынхранізуецца з музыкай. Высока падніміце гітару й адчуйце рытм у гэтай абсалютна новай гульні ад Tango Gameworks!

Нагадаем, Hi-Fi Rush — гэта былы кансольны эксклюзіў Xbox Series, які выйшаў на плятформе Microsoft (уключаючы Xbox Game Pass) і PC у студзені 2023-а. Гульня стала нечаканым, але вельмі прыемным сюрпрызам (да тагож і вельмі пасьпяховым). Яе стваральнікам выступіла Tango Gameworks, вядомая па The Evil Within і Ghostwire: Tokyo.

📢 Атмасфэрная й крыху жудасная мэтроідванія Animal Well атрымала дату рэлізa

Распрацоўнік атмасфэрнай мэтроидвании Animal Well Білі Бас прадставіў сьвежы трэйлер навінкі з датай рэлізу — гульня выходзіць 9 траўня для PC, Nintendo Switch і PS5.

Animal Well распрацоўвае адзін чалавек (у свае выходныя) ужо на працягу сямі гадоў!
У гульні трэба будзе дасьледаваць складаны лябірынт і расьсьледаваць вялізнае мноства яго сакрэтаў.
Знойдзеныя прадметы дапамогуць карыстальнікам маніпуляваць асяродзьдзем, каб адкрываць новыя асаблівасьці й шматлікае іншае.
Гэтак жа падчас прыгод, ґеймераў чакаюць сустрэчы зь мясцовымі насельнікамі, прыгожымі й жудаснымі адначасова!

Канал заўзятага калекцыянера 🧐

На ім вы знойдзеце інфармацыю пра разнастайныя паштовыя маркі, банкноты і манеты, як сучасныя, так і нашых продкаў🪙

Цікавы кошт манеты, знойдзенай на агародзе тваёй бабулі, і колькі куфаляў піва за яе мог купіць твой прапрапрадзед? Тады далучайся!

Vialikaje Kniastva Numizmatyki

📢 Да Stardew Valley выйшла доўгачаканае абнаўленьне 1.6.

Папулярны сімулятар жыцьця на фэрме Stardew Valley атрымаў доўгачаканае абнаўленьне 1.6 зь вялікай колькасьцю новага кантэнту (праўда пакуль толькі для PC).

Нагадаем, у ім гульцоў чакае:

🔸новы вялікі фэстываль і два міні-фэстывалю;
🔸новы кантэнт для гульні на позьняй стадыі са зьменамі ў сыстэме навыкаў;
🔸новыя прадметы й рэцэпты для крафта;
🔸альтэрнатывы з Джоджа для некаторых фінальных квэстаў;
🔸больш за 100 новых радкоў дыялёгу;
🔸зімовыя ўборы для жыхароў вёскі;
🔸новы тып узнагароджаньня за выкананьне заданьняў з дошкі абʼяваў;
🔸падтрымка мультыплэернай гульні да 8 чалавек на PC;
🔸новы тып фэрмы;
🔸мноства дробных выпраўленьняў і кантэнту (напрыклад зараз можна піць маянэз і рухаць дрэвы);
🔸новыя сакрэты й іншае.

📰 Overwatch 2 можа так і не атрымаць новыя сюжэтныя місіі

Партал Kotaku паразмаўляў з былымі распрацоўнікамі Overwatch 2, якія баяцца, што шутэр ужо можа не атрымаць абяцаныя сюжэтныя місіі.

Аб зьяўленьні падобных заданьняў згадвалі яшчэ на Blizzcon у 2019 годзе, яны павінны былі быць адной з унікальных асаблівасьцяў сіквела — аднак з тых часоў гульня атрымала толькі адзін набор падобных місіяў, які выйшаў у жніўні 2023 году.
З тых часоў, інфармацыі аб новых набораў заданьняў так і не зьяўлялася, а нядаўна Microsoft звольніла частку каманды, якая якраз імі й займалася!

Па словах аднаго з распрацоўнікаў, Blizzard плянавала разьбіць кампанію Overwatch 2 на некалькі гадоў і выпускаць кантэнт па частках. Меркавалася, што гульня будзе атрымліваць па тры місіі кожныя 18 месяцаў, і многія з гэтых місіяў ужо гатовыя (або цалкам, або ў выглядзе канцэпта), аднак іх выхад заўсёды адкладалі як з-за праблем унутры студыі так і з-за таго, што гульня першапачаткова не была падрыхтавана для PvE кантэнту.

Многія супрацоўнікі адзначаюць, што хацелі б прадэманстраваць якасны вынік зь сюжэтным кантэнтам — але, мяркуючы па ўсім, кіраўніцтва ў яго ўжо не верыць. Афіцыйна рэліз новых місіяў не адмянялі, але бягучая сытуацыя наводзіць шмат каго на думкі, што ў будучыні не варта чакаць разьвіцьця гэтага кірунку.

​​📰 Valve абвясьціла аб удасканаленьні сыстэмы сямейнага доступу ў Steam

Згодна з новай абʼявай, хутка ў Steam можна будзе не проста даваць доступ да сваіх гульняў пэўным людзям, а ствараць групы з шасьці чалавек і кіраваць імі як у кліенце Steam, так і праз браўзэр або з мабільнай прылады.

Сямейная група дазваляе атрымліваць доступ да гульняў астатніх удзельнікаў, нават калі яны самі гуляюць у нешта. Але праходзіць адну й тую ж гульню адначасова можна будзе толькі калі ў бібліятэцы ёсьць больш за адну яе копію.

Сямейная бібліятэка будзе вынесена ў асобны падразьдзел у сьпісе гульняў. Пры гэтым усе ўдзельнікі змогуць ствараць уласныя захаваньні, атрымліваць дасягненьні ў Steam і карыстацца працамі з майстэрні. Таксама тут можна падлучыць функцыю бацькоўскага кантролю, каб абмежаваць пэўным удзельнікам доступ да некаторых гульняў або ўсталяваць час знаходжаньня ў іх.

На дадзены момант ня ўсе гульні падтрымліваюць функцыю сямейных груп, аднак па меры завяршэньня тэставаньня функцыі іх колькасьць будзе павялічвацца.

Спадарства! Мы (група аўтараў беларускага кантэнту ў ТГ) рады прадаставіць вам распрацаваную намі папку «Кантэнт 1.0».
Мы сабралі для вас шмат цікавых каналаў, на самыя розныя тэмы ад класічных мемаў да сэкс-асветы. Мы спадзяёмся, што гэта прапанова вас зацікавіць. (Не хвалюйцеся "экстрыму" сярод прапанаванага няма!!!)

https://t.me/addlist/mYJofajf5HFmM2Vi
https://t.me/addlist/mYJofajf5HFmM2Vi
https://t.me/addlist/mYJofajf5HFmM2Vi

Калі нехта жадае далучыцца да падборкі (незалежна ад колькасьці падпісантаў) зьвяртайцеся сюды: @pryshpilny_bot

📢 Адбыўся рэліз перазапуску Alone in the Dark

Дзядзька Эмілі Хартвуд прапаў без вестак. Разам з прыватным дэтэктывам Эдвардам Карнбі яна адпраўляецца ў падарожжа ў сядзібу Дэрсета, дом для псыхічна хворых, дзе адбываецца нешта не звычайнае. Вы сутыкнецеся зь дзіўнымі жыхарамі, кашмарных царстваў, небясьпечнымі монстрамі й, у рэшце рэшт, раскрыеце змову сіл зла!

Гульня не змагла ўразіць крытыкаў (66 балаў для PC; 59 балаў для PlayStation 5; 58 балаў для Xbox Series на Metacritic) журналісты лічаць, што навінка засталася ў цені іншых сучасных хорараў і не выклікае такой жа цікавасьці, але яны з павагай адносяцца да арыґіналу 1992 году. Галоўны мінус гэта багі й тэхнічны стан у цэлым.

Гульня аказалася куды бліжэй да арыґіналу чым рэмэйкі тых жа Resident Evil (куды ў свой час увайшло шмат ідэяў Alone in the Dark) і гэта не заўсёды добра. Да прыкладу праходжаньне за двух пэрсанажаў называюць не раўназначным, адзначаючы, што эпізадычнасьць гульні б падышла больш, хоць сюжэт па-ранейшаму здольна ўтрымліваць увагу гульца!

Кошт гульні — $26.99 (да 27 сакавіка гульню можна набыць са зьніжкай у 10%).

💾 «Я нарадзіўся восемдзесят сем гадоў таму. Шэсьцьдзесят пяць гадоў я панаваў над Тамрыэлем, але сны мае так і засталіся непадуладнымі мне... Я бачыў Брамы Аблівіёна — Брамы, за якія адмаўляецца зазірнуць сьвядомасьць. Ведай жа: у цемры стаіўся Вораг — Ён рыхтуецца зьнішчыць гэтую зямлю!.. [...] набліжаюцца апошнія дні Трэцяй эры… і апошнія гадзіны майго жыцьця…»

Роўна 18 гадоў таму безназоўны палоньнік уцёк з падзямельля Імпэрскага горада й выратаваў Тамрыэль ад уварваньня даэдра!

Нагадаем, у 2025 годзе фанатаў гульні чакае рэліз доўгачаканага мода Skyblivion, які перанясе гульню на рухавік Skyrim, а ў будучыні (па чутках) ґеймераў можа чакаць афіцыйны рэмэйк / рэмайстар гульні!

❓Ці памятаеце вы сваё праходжаньне The Elder Scrolls IV: Oblivion?

📢 Экшэн Marvel 1943 Rise of Hydra атрымаў сюжэтны трэйлер

Marvel правяла паўнавартасны паказ экшэна пра Капітана Амэрыку й Чорную пантэру, які анансавалі яшчэ ў 2022 годзе. Гульня будзе насіць назоў Marvel 1943 Rise of Hydra.

Дзеяньне гульні будзе разгортвацца ў часы Другой сусьветнай вайны. Акрамя Чорнай пантэры й Капітана Амэрыкі ў гульні будзе яшчэ два пэрсанажа, якія разам са знакамітымі героямі створаць "няпросты саюз".

Распрацоўкай Marvel 1943 займаецца студыя Skydance New Media на чале са стваральніцай Uncharted Эмі Хэніг.
Рэліз адбудзецца ў 2025 годзе.

📰 Франшыза The Sims атрымае экранізацыю

Выданьне The Hollywood Reporter заявіла, што знакамітая франшыза сімулятараў жыцьця The Sims атрымае кінаадаптацыю!

Сцэнарыстам будучай карціны стане Кейт Хэрон (першы сэзон сэрыяла «Локі») і Брыёні Рэдман (некалькі эпізодаў сэрыяла «Доктара Хто»).
У сьпісе прадусараў кінаадаптацыі The Sims значыцца кампанія актрысы Марго Робі LuckyChap, адным з апошнім праектаў якой быў фільм «Барбі». У працы над праектам таксама прымае ўдзел сама Electronic Arts.

🎁 Цяпер у Epic Games Store можна бясплатна забраць: Invincible Presents: Atom Eve

Invincible Presents: Atom Eve — станьце Атамнай Евай і вазьміце пад кантроль свой шлях у ролі аднаго з самых магутных супэргерояў у сусьвеце Непераможнага! Разгадайце таямніцу й збалянсуйце небясьпекі й абавязкі супэргероя з актуальнымі праблемамі паўсядзённага жыцьця.
Распрацоўнік — Terrible Posture Games (ЗША).

❗️Забраць гульню можна да 28 сакавіка.

📢 Адбыўся рэліз Dragon's Dogma 2

Dragonʼs Dogma 2 — гэта аднакарыстальніцкая ролевая гульня, дзе гулец можа выбраць практычна ўсё: зьнешнасьць свайго Паўсталяга, прафэсію, партыю, рашэньні ў розных сытуацыях і многае іншае. Акуніцеся ў захапляльны фэнтэзійны сьвет!

Крытыкі сустрэлі гульню вельмі станоўча (89 балаў — Opencritic). Праект хваляць за якасны ролевы складнік і выдатны адкрыты сьвет. Зь мінусаў — дрэнная аптымізацыя на PC, гэта ж і стала прычынай вельмі нэґатыўных карыстацкіх адзнак у Steam. Акрамя прасадак FPS і праблем з тэкстурамі, шматлікія гульцы сутыкнуліся з паломкай захаваньняў з-за чаго губляўся ўвесь гульнявы прагрэс!

А яшчэ ў Dragonʼs Dogma 2 ёсьць мікратранзакцыі — і гэта, на думку многіх, недапушчальна ў гульні за 70 даляраў.

💾 Роўна 23 гады таму ґеймеры разам з Сурʼёзным Сэмам адправіліся ратаваць Зямлю ад іншаплянэтных захопнікаў на чале зь Менталам!

❓Дзядкі на месцы? Шчэ памятаеце свае першыя прыгоды сярод пірамід?

📢 На мабільных плятформах выйшла Call of Duty Warzone Mobile

Новая частка зь неверагодна папулярнай серыі гульняў Call of Duty на Android і iOS, у якой вас чакаюць незабыўныя прыгоды, эпічныя бітвы й відовішчныя перастрэлкі, новыя транспартныя сродкі, яшчэ больш зброі й унікальных мап. Для вас падрыхтавана відовішчная каралеўская бітва, дзе да 120 рэальных гульцоў з усяго сьвету прымуць удзел у спаборніцтве на выжываньне. Таксама вы сустрэнеце паглыбленыя наладкі для пэрсаналізацыі гульні, камфортнае кіраваньне й тоны займальнага кантэнту!

На дадзены момант Call of Duty: Warzone Mobile ня можа пахваліцца высокай ацэнкай у крамах. У водгуках гульцы паскрдзіліся на падзеньне частаты кадраў і хуткую разрадку акумулятара. Вага навінкі на прыладзе пакуль яшчэ не перавышае 10 ГБ.

❗️Недаступна на тэрыторыі Беларусі.

📰 Larian скасавала DLC для Baldurʼs Gate 3 і ня будзе працаваць над новай часткай франшызы

Дырэктар Larian Studios Свэн Вінке выказаўся пра будучыню Baldurʼs Gate 3 і карпаратыўную прагнасьць.
Вінке заявіў, што ў першыя месяцы пасьля пасьпяховага рэлізу, пад уплывам фанатаў студыя пачала працу над DLC для гульні, а таксама сурʼёзна задумалася аб распрацоўцы працяга, але пазьней, ён раптам усьвядоміў, што ствараў студыю з зваротнай мэтай — не заганяць сябе ў рамкі й што праца над новым кантэнтам ідзе "ня ад сэрца":

Гэта супярэчыць чаканьням, але я ніколі ня быў так упэўнены ў зьмене стратэгіі. Гэта правільны ход для Larian. Разумею, што нехта расчаруецца, бо людзі палюбилі наш праект, аднак гэта гісторыя са сваім пачаткам, сярэдзінай і фіналам, і яна ня мае патрэбы ў большым.

За час працы над Baldurʼs Gate 3 наша каманда вырасла, і я думаю, што вас можа парадаваць тое, што гэта значыць для нашай наступнай гульні. Што да пэрсанажаў Baldurʼs Gate 3, зараз яны належаць Wizards of the Coast, і я думаю, што людзі адтуль разумеюць, наколькі гэтыя героі важныя фанатам. Я веру, што яны паставяцца да іх з павагай.

Гэтак жа дырэктар Larian выказаўся пра чараду звальненьняў у індустрыі, абвінаваціўшы ва ўсём карпаратыўную прагнасьць:

Прагнасьць псуе ўсё ўжо вельмі даўно, з таго часу, як я пачаў працаваць. Я ўсё жыцьцё змагаюся з выдаўцамі й бачу адны й тыя ж памылкі зноў і зноў. Гэта заўсёды квартальны прыбытак, адзінае, што мае значэньне, — гэта лічбы, а потым вы ўсіх звальняеце, а ў наступным годзе кажаце: «Чорт, у мяне скончыліся распрацоўшчыкі», — і зноў пачынаеце наймаць людзей, купляеце студыі, а потым зноў заганяеце іх у тую ж пятлю, і ўсё гэта проста зламана…

📢 На PlayStation адбыўся рэліз самурайскага экшэна Rise of the Ronin

Выпраўцеся ў займальнае вандраваньне па ахопленай вайной Японіі XIX стагодзьдзя ў ролевым баявіку з адкрытым сьветам ад найдасьведчаных распрацоўнікаў з Team NINJA, стваральнікаў Nioh і NINJA GAIDEN.

Японія, 1863 год. Вось ужо тры стагодзьдзі японцы жывуць пры сёгунаце Такугава. Але калі ў берагоў Японіі зьяўляюцца заходнія "чорныя караблі", краіну імкліва ахопліваюць беспарадкі. Сярод хаосу вайны, халеры й палітычных хваляваньняў ледзь не згубіўся невядомы ваяр. Ён пракладае ўласны шлях, вызначаючы будучыню ўсёй Японіі!

Крытыкі ацанілі Rise of the Ronin ніжэй за Ghost of Tsushima. Гульня спадабалася журналістам, але знайшліся й некаторыя недапрацоўкі, у аснощным рэцэнзенты паскардзіліся на тое, што з часам гульня надакучвае. У адкрытым сьвеце зьяўляецца занадта шмат аднатыпных заданьняў, а некаторыя з гульнявых сыстэм апынуліся "разадзьмутымі". Высокай пахвалы ўдастоілася баявая сыстэма, якая не дазволіць зь лёгкасьцю адолець ворагаў.

🎁 Цяпер у GOG можна бясплатна забраць: Book of Demons

Book of Demons — гэта гібрыд Hack & slash і картачнай гульні, у якім ТЫ вызначаеш працягласьць гульні. Вазьмі ў рукі магічныя карты замест звычайнай зброі й зьнішчай войска цемры ў падзямельлях пад Старым Саборам. Выратуй ахоплены жахам Папяровы Сусьвет!
Распрацоўнік — Thing Trunk (Польшча).

❗️Забраць гульню можна да 26 сакавіка.
‼️Калі не адчыняецца старонка гульні, аўтарызуйцеся на сайце GOG, клікніце на спасылку, а затым правярайце гульню ў бібліятэцы.

✅ Перакладзена на беларускую мову!

📰 Рэліз GTA VI могуць адкласьці да 2026 году

Выданне Kotaku са спасылкай на свае крыніцы паведамляе, што кіраўніцтва Rockstar асцерагаецца магчымай неабходнасці перанесці рэліз адной з самых чаканых навінак індутрыі — Grand Theft Auto VI.

На бягучы момант Rockstar плянуе рэліз GTA VI вясной 2025 года. Аднак магчымасць пераносу становіцца ўсё больш рэальнай, паколькі вытворчасць адстае ад графіка.
Кіраўнікі Rockstar не выключаюць, што рэліз GTA VI давядзецца перанесці на канец 2025 года або зусім на 2026-ы!

Каб пазьбегнуць пераносу гульні, кіраўніцтва настойвае на вяртаньне супрацоўнікаў у офісы да стандартнага пяцідзённага працоўнага тыдня. Самі супрацоўнікі незадаволеныя такім рашэньнем і асьцерагаюцца, што на заключных этапах распрацоўкі могуць пачацца кранчы, зь якімі так доўга змагаліся ў кампаніі.