📢 Electronic Arts выпусьціла ў Steam калекцыю сваіх клясычных гульняў

Electronic Arts абвясьціла аб выпуску ў Steam дзевяці сваіх клясычных гульняў, якія ў дадзены момант прадаюцца са зьнижкай у 60% і ўключаны ў падпіску EA Play.

Зараз карыстачы Steam могуць пазнаёміцца з калекцыяй Command & Conquer The Ultimate Collection, у якую ўключаны The Covert Operations, Red Alert, The Aftermath, Generals, Renegade, і іншыя часткі.
Таксама ў краме даступная трылёгія Populous, Sid Meierʼs Alpha, Centauri Planetary Pack, Sim City 3000 Unlimited, Dungeon Keepe, Gold, Dungeon Keeper 2, The Saboteur.

📰 Watch Dogs атрымае кінаадаптацыю

Папулярная франшыза Watch Dogs ад Ubisoft атрымае сваю адаптацыю!

У працы над праектам прызнаўся францускі рэжысэр Мацьё Туры (стваральнік фільмаў "Спуск у бездань" і "Выжылыя"), яму ж, дарэчы, даручана стварэньне адаптацыі іншай гульні — A Plague Tale: Innocence.
Аб сюжэце пакуль што нічога не вядома, але над сцэнарам ужо працуе Крысьці Леблан, вядомая па навукова-фантастычным трылеру "Кісларод".

Акторскі склад таксама яшчэ невядомы. Паводле дадзеных выданьня Deadline, перамовы аб удзеле ў фільме вядуцца з акторкай Сафі Ўайлд, вядомай па камэдыі "Бюро магічных паслуг".

Адаптацыяй Watch Dogs займаецца кінакампанія New Regency.

📰 Стваральнікі The Outlast Trials расказалі аб сваіх плянах і падвялі вынікі раньняга доступу

Студыя Red Barrels выпусьціла з раньняга доступу каапэратыўны хорар The Outlast Trials, а таксама падзялілася плянамі на разьвіцьцё праекта.

Улетку ў гульні стартуе першы сэзон з буйным абнаўленьнем. Яно дадасьць у гульню новае выпрабаваньне, і розны дадатковы кантэнт. Гэтак жа ў гульні пачнуць праводзіць часовыя падзеі, першым стане Toxic Shock, падчас якога можна будзе зарабіць унікальныя ўзнагароды.

Што да вынікаў раньняга доступу, то ў агульнай складанасьці гульцы правялі з «выпрабаваньнямі» звыш 441 тысячы дзён, пры гэтым у рэжыме «начнога бачаньня» яны прабылі больш за 150 тысяч дзён. На "хаваньне" ад монстраў сышло больш за 45 тысяч дзён.

📰 Бобі Коцік плянуе набыць TikTok

Падобна на тое, што былы кіраўнік Activision Blizzard Бобі Коцік вызначыўся з тым, чым хоча займацца на пэнсіі.
Па дадзеных The Wall Street Journal, былы кіраўнік Activision зацікаўлены ў набыцьці TikTok. Але не адзін, а разам з партнэрамі, пошукам якіх ён зараз і займаецца.

Паведамляецца, што прапанова ўжо паступіла групе людзей, куды ўваходзіць заснавальнік OpenAI Сэм Альтман. Іншых падрабязнасьцяў пакуль няма, але патэнцыйная зьдзелка можа абысьці ў сотні мільярдаў даляраў!

TikTok працягвае зьяўляецца гарачай тэмай абмеркаваньня для ўладаў ЗША (яго ўладальнікам, дарэчы, зьяўляецца кітайская ByteDance). Цяпер прасоўваецца закон, які дасьць магчымасьць забараніць папулярную сацыяльную сетку на тэрыторыі краіны. Альтэрнатывай зьяўляецца — продаж сэрвісу.

📰 Акторы агучкі гульняў рыхтуюцца баставаць з-за ШІ

Выканаўчы дырэктар гільдыі кінаактораў Дункан Крабтры-Айэлэнд абвясьціў, што высокая верагоднасьць пачатку забастоўкі актораў, якія працуюць у гульнявой індустрыі. І падставай да яе стануць пытаньні выкарыстаньня штучнага інтэлекту ў вытворчым працэсе:

Зь верагоднасьцю 50 на 50, ці нават большай, мы абʼявім забастоўку ў бліжэйшыя чатыры-шэсьць тыдняў з-за нашай няздольнасьці пераадолець гэтыя праблемы.

У студзені SAG-AFTRA, сумесна з прадстаўнікамі буйных кампаніяў распрацавала плян ліцэнзаваньня галасоў (паводле якога, акторы могуць падаваць ліцэнзіі на сваі галасы для ўсіх этапаў вытворчасьці праектка), але ён быў прыняты неадназначна.
Тады акторы агучкі раскрытыкавалі гэтае пагадненьне й прадказалі, што будзе новая забастоўка з-за пагрозы, якая ствараецца інструмэнтамі штучнага інтэлекту й ґенэратыўнага ШІ.

Хаця многія сябры прафзьвяза настойваюць на поўнай забароне выкарыстаньня штучнага інтэлекту, лідэры ж разумеюць, што гэта немагчыма.

Сочым за разьвіцьцём падзеяў.

📢 Стваральнік сімулятара калёніі RimWorld паказаў малюнак-тызер новага DLC

Ludeon Studios апублікавала арт-тызер новага дапаўненьня для RimWorld.
Ролік суправадзілі подпісам "It will awaken…" (Яно абудзіцца).
Фанаты ўжо на ўсю моц абмяркоўваюць магчымую тэматыку новага DLC і прапануюць самыя розныя варыянты: ад магіі да археалёгіі.

Іншых падрабязнасьцяў будучага дапаўненьня для RimWorld пакуль няма.
Абапіраючыся на анонсы мінулых DLC, можна выказаць здагадку, што навіны зьявяцца на працягу наступных некалькіх тыдняў.

📢 Falling Frontier атрымала вялікі ґеймплэйны трэйлер

Студыя Stutter Fox апублікавала сьвежы трэйлер да касьмічнай стратэгіі Falling Frontier, у якім гульцам паказалі зорныя бітвы, кіраваньне рэсурсамі й палепшаную сыстэму будаўніцтва юнітаў.

Нагадаем, у Falling Frontier гульцоў чакае працэдурна зґенераваная зорная сыстэма, у якой можна ствараць свае караблі, заводы й разьведвальныя станцыі, а гэтак жа займацца калянізацыяй прыдатных для гэтага плянэт!

Falling Frontier выходзіць толькі на PC у 2025 годзе.

📢 У сеціва зьлілі трэйлер мультыплэернай гульні па «Чалавеку-павуку» Insomniac

На прасторах інтэрнэту апынуўся трэйлер скасаванай мультыплэернай гульні па «Чалавеку-павуку» студыі Insomniac.

Праект насіў назоў Marvelʼs Spider-Man: The Great Web і задумваўся як патэнцыйны аналяг Grand Theft Auto Online. Гульцам хацелі прапанаваць мультыплэер для 5 чалавек з рэйдамі, бітвамі з босамі й спаборніцтвамі ў розных выпрабаваньнях.

📢 Аркадны шутэр Children of the Sun выйдзе ў красавіку

У гэтым тактычным шутэры-галаваломцы вам трэба будзе адправіцца ў сьмяротную вандроўку ў цемру, знайсьці шлях для адзінай кулі й люта адпомсьціць злавеснаму культу, які разбурыў ваша жыцьцё!

Рэліз гульні адбудзецца 9 красавіка на PC.

Нагадаем, тактычны шутэр са снайпэрскімі галаваломкамі, у якім мы кіруем адзінай куляй, быў анансаваны ў пачатку лютага. І менш чым за два тыдні зь яго дэмавэрсіяй пасьпела пазнаёміцца больш за 60 тысяч гульцоў!

📰 Былы дырэктар ID@Xbox будзе адказваць за рэліз S.T.A.L.K.E.R. 2

GSC Game World абʼявіла аб папаўненьні шэрагаў. Да каманды ў якасьці галоўнага камэрцыйнага дырэктара далучыўся вэтэран гульнявой індустрыі Агастына Сіманэці. Ён будзе курыраваць выдавецкую дзейнасьць і разьвіцьцё бізнэсу. Першым праектам прасоўваньнем якога Сіманэці будзе займацца гэта S.T.A.L.K.E.R. 2: Heart of Chornobyl.

Агастына Сіманэці займаў шэраг ключавых пасад у розных кампаніях, уключаючы Sega, THQ і Thunderful. Ён выступаў дырэктарам па кіраваньні ґлябальным партнэрствам у ID @ Xbox, а таксама старэйшым мэнэджэрам па працы з кліентамі ў PlayStation Europe.

📰 Аўтары Vampire Survivors і Risk of Rain намякаюць на сумесны праект

Шэраг інды-студыяў стварыў сайт зь незвычайным тызерам "the triple-i initiative". Што гэта азначае, не зразумела, паўнавартасны анонс чагосьці (верагодна новай гульні) адбудзецца праз 15 дзён, а пры жаданьні ўжо можна падпісацца на рассылку апавяшчэньняў.
У праекта так сама ёсьць акаўнты амаль ва ўсіх сац.сетках, але цяпер там пуста.

Цікава, што за тызерам стаяць стваральніки, Darkest Dungeon, Risk of Rain, Slay the Spire, Vampire Survivors, V Rising і іншых гульняў. Можна зрабіць здагадку (ґрунтуючыся як мінімум на назьве сайта), што распрацоўнікі абʼядналіся для стварэньня незалежнага буйнога праекта!

📢 Польская студыя Critical Hit Games анансавала свой дэбютны праект Nobody Wants to Die

Сардэчна запрашаем у змрочны Нью-Ёрк 2329 году, дзе людзі здабылі вялікі дар — неўміручасьць, за які трэба плаціць. У гэтай інтэрактыўнай нуарнай гісторыі вам трэба будзе стаць дэтэктывам Джэймзам Карра, які ідзе на буйную рызыку, каб злавіць серыйнага забойцу!

Рэліз заплянаваны на гэты год для PlayStation 5, Xbox Series і PC.

📰 Summer Game Fest 2024 адбудзецца ў чэрвені

Сёлета шоў пройдзе 8 чэрвеня а 00:00 паводле Менскага часу. Нязьменным вядучым застаецца Джэф Кілі, а на працягу дзьвюх гадзін будуць паказваць як анансаваныя, так і абсалютна новыя гульні!

Традыцыйна, найбуйнейшае мерапрыемства ў індустрыі будзе праходзіць як у онлайн так і афлайн фармаце. Summer Game Fest 2024 можна будзе наведаць у Лос-Анджэлесе на сцэне YouTube Theater.

У 2023 годзе трансьляцыя Summer Game Fest паставіла новы рэкорд — агульны абʼём праглядаў амаль дасягнуў 4,4 мільёна гадзін. Аднак прыцягнуць рэкордную колькасьць гледачоў не ўдалося. Магчыма, што гэтым летам рэкорд атрымаецца пабіць, бо нельга выключаць, што нас чакаюць новыя трэйлеры Grand Theft Auto VI ці Monster Hunter Wilds.

​​📢 Ludeon Studios афіцыйна прадставіла новае DLC для RimWorld

Распрацоўнікі сімулятара калёніі RimWorld прадставілі новы дадатак Anomaly, які ґрунтуецца на тэме "жахі".

Разам з Anomaly у RimWorld зьявяцца розныя жахлівыя пачвары й пагрозы, якія даводзяць да варʼяцтва, лябараторыі для ўтрымліваньня й вывучэньня цёмных сутнасьцяў і новы варʼяцкі фінал.

Распрацоўнікі гэтак жа апісалі некалькі магчымых сцэнараў у гульні:

▫️уначы чуецца крык нябачнага паляўнічага, які сілкуецца чалавечымі душамі. Гулец можа стварыць прыладу якая рэагуе на рухі, падрываць суперніка й зьбіраць кавалкі плоці для вывучэньня;
▫️паразіт кіруе розумам каляністаў, прыкідваючыся звычайным чалавекам і спрабуючы заразіць як мага больш ахвяр. Гулец можа зьбіраць доказы, саджаць падазраваных у турму, весьці допыт і праводзіць мэдыцынскае абсьледаваньне, каб адшукаць заражаных;
▫️каляністы становяцца апантаныя залатым кубам. Яны будуюць яму статуі й пакланяюцца яму;
▫️на базе зьяўляецца труп, які зьяўляецца копіяй аднаго з каляністаў — ён ідзе за ім па пятах і вяртаецца пры любой спробе пазбавіцца ад яго і іншыя.

Рэліз Anomaly чакаецца празь месяц — дакладную дату не называлі. Разам зь ім базавая вэрсія RimWorld атрымае абнаўленьне 1.5, са мноствам новаўвядзеньняў (падрабязьней па спасылцы вышэй).

📢 Адбыўся рэліз зборніка Star Wars Battlefront Classic Collection

Знакамітая сэрыя Star Wars Battlefront атрымала абноўленую зборку, куды ўвайшлі клясычныя Star Wars: Battlefront і Star Wars: Battlefront II, з рознымі лічбавымі бонусамі.

Гульцы засталіся вельмі незадаволеныя абноўленымі гульнямі (водгукі на дадзены момант «вельмі адмоўныя») — карыстальнікі скардзяцца на малы лік зьменаў у параўнаньні з арыґіналам, вылеты, тэхнічныя праблемы, абноўлены інтэрфейс і іншыя недахопы.

Асобнай згадкі заслугоўвае вага навінкі (60 ГБ) і ўсяго тры сэрвэры для 64 гульцоў!

Кошт зборніка складае $16.19.